شينجياڭداعى استىق كاسىپورىندارىنىڭ «اۋياماتكاسىن» قالىپتاستىردى

ىلە استىق - ماي توبى قۇرىلدى

ٴتىلشىمىز دۋ لەي حابارلايدى. 12 - ايدىڭ 7 - كۇنى ىلە استىق - ماي توبى شەكتى سەرىكتەستىگى رەسمي ماڭدايشالىق اسىپ قۇرىلدى، بۇل 1 ـ، 2 ـ، 3 - كاسىپتەردىڭ توعىسپالى دامۋىن ونان ارى جەبەپ، مەملەكەت مەنشىگىندەگى استىق ساتىپ الۋ - ساتۋ كاسىپورىندارىنىڭ نەگىزگى ارنالىق رولىن اناعۇرلىم ويداعىداي ساۋلەلەندىرىپ، ىلە وبلىسىنىڭ استىق حاۋىپسىزدىگىن قامتاماسىز ەتۋگە اناعۇرلىم بەرىك نەگىز قالايدى.

وبلىستىق پارتكومنىڭ تۇراقتى مۇشەسى رازبەك قامزا ۇلى ماڭدايشالىق اسۋ سالتىنا قاتىناستى ٴارى ٴسوز سويلەدى، ورىنباسار وبلىس باستىعى دالەلبەك كەنجەقان ۇلى ماڭدايشالىق اسۋ سالتىن باسقاردى.

ۇعىسۋعا قاراعاندا، ىلە وبلىسى بۇكىل شينجياڭنىڭ نەگىزگى استىق وندىرەتىن رايونى سانالىپ، تاياۋ جىلداردان بەرى استىق ەگىلەتىن جەر كولەمى ورتا ەسەپپەن جىلىنا 5 ميلليون 800 مىڭ مۋعا جەتىپ، استىق ٴونىمى 3 ميلليون 150 مىڭ توننادان اسىپ، ٴۇرتىس كوپ جىل بۇكىل شينجياڭ بويىنشا ٴبىرىنشى ورىندى يەلەپ، وبلىستى استىقپەن ٴونىمدى قامداۋ مەن اۆتونوميالى رايوننىڭ استىق حاۋىپسىزدىگىن قامتاماسىز ەتۋگە ماڭىزدى ۇلەس قوسقان.

ىلە استىق - ماي توبى شەكتى سەرىكتەستىگىن قۇرۋ    مەملەكەت مەنشىگىندەگى كاسىپورىندار رەفورماسىن تەرەڭدەتۋدىڭ، وسى زامانعى كاسىپورىن ٴتۇزىمىن ورناتۋدىڭ، استىق كاسىبى شوعىرىن قالىپتاستىرۋدىڭ، استىق كاسىبىنىڭ جوعارى ساپالى دامۋىن ىلگەرىلەتۋدىڭ كوكەي تەستى قاجەتى.

ىلە استىق - ماي توبى شەكتى سەرىكتەستىگى مەملەكەت مەنشىگىندەگى استىق - ماي كاسىپورىندارىنىڭ ماكرولىق رەتتەۋ - مەڭگەرۋ، استىق حاۋىپسىزدىگىن قامتاماسىز ەتۋ، اۋىل شارۋاشىلىعىنىڭ كاسىپ سالالانۋىن ىلگەرىلەتۋ، اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋ بارىسىنداعى نەگىزگى قوسىندىق رولىن شىنايى ويداعىداي ساۋلەلەندىرىپ، «استىقتى ازىق - تۇلىكتىڭ الدىنا قويۋ؛ اۋىل شارۋاشىلىعىن ونەركاسىپتىڭ الدىنا قويۋدى» مىقتاپ ارقاۋ ەتىپ، ورنالاسۋ قۇرىلىمىن رەتتەۋدى جەدەلدەتىپ، «ٴوندىرۋ، ساتىپ الۋ، ساقتاۋ، مانەرلەۋ، ساتۋدى» كولەمدەندىرىپ، كاسىپ سالالاندىرىپ تيجارات جۇرگىزۋدى كۇش سالا جۇزەگە اسىرىپ، بۇكىل شينجياڭداعى استىق كاسىپورىندارىنىڭ «اۋياماتكاسىن» قۇلشىنا قالىپتاستىرىپ، استىق ەكونوميكاسىنا پارمەندى دەم بەرىپ، ىلە ەكونوميكاسىنىڭ جوعارى ساپالى دامۋىن جەبەيدى.