تىلشىلەرىمىز حۋاڭ جيڭ، ما چىڭلۋ حابارلايدى. ىلە وبلىستىق عىلىم - تەحنيكا قوعامىنىڭ 4 - رەتكى قۇرىلتايى 12 - ايدىڭ 22 - كۇنى اشىلدى. وبلىستىق پارتكومنىڭ شۋجيى پۋ شۋەمەي ٴماجىلىستىڭ اشىلۋ سالتىنا قاتىناستى ٴارى ٴسوز سويلەدى، اۆتونوميالى رايوندىق عىلىم - تەحنيكا قوعامىنىڭ ورىنباسار ٴتوراعاسى باي شياۋحۇڭ ارناۋ ٴسوز سويلەدى، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ٴماجىلىستى باسقاردى.

پۋ شۋەمەي ىلە وبلىستىق پارتكوم مەن ۇكىمەت اتىنان قۇرىلتايدىڭ اشىلعاندىعىن قىزۋ قۇتتىقتاپ، قۇرىلتاي ۋاكىلدەرىنەن جانە بۇكىل وبلىستاعى بارشا عىلىم - تەحنيكا قىزمەتكەرلەرىنەن شىنايى حال سۇرادى. ول بىلاي دەپ باسا دارىپتەدى: بۇكىل وبلىستاعى ٴار دارەجەلى عىلىم - تەحنيكا قوعامى ۇيىمدارى ساياسي جاقتان جەتەكشىلىك ەتۋدەگى سەركەلىك رولىن ويداعىداي ساۋلەلەندىرىپ، بارشا عىلىم - تەحنيكا قىزمەتكەرلەرىن باستاپ، پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ماڭىزدى بايىمداۋىنىڭ رۋحىن ۇيرەنىپ، دايەكتىلەندىرىپ، «ەكىنى تۇراقتاندىرۋدىڭ» شەشۋشى ٴمانىن ىشكەرىلەي ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى باستان - اياق ساقتاۋ كەرەك. دامۋعا قىزمەت وتەۋدەگى «دەمەۋشىلىك» رولدى ويداعىداي ساۋلەلەندىرىپ، نازاردى «التى ستراتەگيالىق تۇراقتىلىققا» اۋدارىپ، «سەگىز ٴىرى كاسىپ سالاسى شوعىرىن» قاداعالاپ، وبلىستى عىلىم - تەحنيكا ارقىلى گۇلدەندىرۋ ستراتەگياسىن، دارىندىلار جاعىندا قۋاتتى وبلىس قۇرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، وزەكتى عىلىم - تەحنيكادان قامال الۋدى كۇشەيتىپ، عىلىم - تەحنيكا جەتىستىكتەرىن جەتىلدىرۋدى، كادەگە جاراتۋدى، كاسىپ سالالاندىرۋدى ىلگەرىلەتۋ كەرەك. شەشىم جاساۋعا قىزمەت وتەۋدە «پاراساتتىلار توبىنىڭ» رولىن ويداعىداي ساۋلەلەندىرىپ، عىلمي قوعامدى، جوعارى مەكتەپتەردىڭ، كاسىپورىنداردىڭ عىلىم - تەحنيكا قوعامىن نەگىزگى تۇلعا ەتكەن عىلىم - تەحنيكا قوعامىنىڭ ەرەكشەلىككە يە يكەمدى اقىل - پاراسات قامباسى تورابىن قۇرىپ، ارناۋلى تاقىرىپتا تەكسەرۋ - زەرتتەۋ جۇرگىزۋ، اقىل - كەڭەس بەرۋ جانە عىلمي دالەلدەۋ جۇرگىزۋ سياقتى قيمىلداردى كەڭىنەن ورىستەتىپ، پارتيا مەن ۇكىمەتتىڭ عىلمي شەشىم جاساۋىن نەگىزبەن قامداۋ كەرەك. عىلىم - تەحنيكا جالپىلاستىرۋعا قىزمەت وتەۋدەگى «نەگىزگى قوسىندىق» رولدى ويداعىداي ساۋلەلەندىرىپ، عىلىم - تەحنيكا جالپىلاستىرۋ قىزمەت مەحانيزمىن كەمەلدەندىرىپ، عىلىم - تەحنيكا جالپىلاستىرۋ قىزمەتىن شينجياڭدى مادەنيەتپەن نارلەندىرۋ قىزمەتىمەن توعىستىرۋدى ناقتى، جاندى، ٴونىمدى ىلگەرىلەتىپ، عىلمي ساپانى جوعارىلاتۋ قيمىلىن ىشكەرىلەي جەبەپ، عىلىم - تەحنيكا جالپىلاستىرۋ قۇرىلعىلارى مەن عىلىم - تەحنيكا جالپىلاستىرۋ بازا قۇرىلىسىن كۇشەيتىپ، تۇتاس وڭىرلىك عىلىم - تەحنيكا جالپىلاستىرۋ قىزمەت جۇيەسىن ورناتۋ كەرەك. دارىندىلارعا قىزمەت وتەۋدەگى «جۇرەكتەستىك كوپىرى» رولىن ويداعىداي ساۋلەلەندىرىپ، پارتكوم مەن ۇكىمەتتىڭ زيالىلار ساياساتىن ويداعىداي تياناقتاندىرۋىنا كومەكتەسىپ، عىلىم - تەحنيكا قىزمەتكەرلەرىمەن بايلانىس ورناتۋ، ولارعا قىزمەت وتەۋ مەحانيزمىن كەمەلدەندىرىپ، عىلىم - تەحنيكا قىزمەتكەرلەرىنە جان - جاقتى قىزمەت وتەۋ كەرەك.

ٴار دارەجەلى پارتكومدار عىلىم - تەحنيكا قوعامى قىزمەتىنە باسشىلىقتى كۇشەيتىپ، عىلىم - تەحنيكا قوعامىنىڭ دامۋىنا قولداۋ كورسەتىپ، ۇگىت تەبىنىن ارتتىرىپ، عىلىم - تەحنيكا قوعامى ۇيىمىنىڭ وزىندىك قۇرىلىسىن كۇشەيتىپ، ىلەنىڭ عىلىم - تەحنيكا ىستەرىنىڭ دامۋىندا جاڭا جاعداي اشۋعا ۇيىمدىق كەپىل ازىرلەۋ كەرەك. 

باي شياۋحۇڭ اۆتونوميالى رايوندىق عىلىم - تەحنيكا قوعامى اتىنان قۇرىلتايدىڭ اشىلعاندىعىن قىزۋ قۇتتىقتادى، قۇرىلتايعا قاتىناسقان ۋاكىلدەر مەن ىلەدەگى بارشا عىلىم - تەحنيكا قىزمەتكەرلەرىنە شىن ىقىلاسپەن سالەم جولدادى. ول بىلاي دەپ اتاپ كورسەتتى: ىلە وبلىستىق پارتكومنىڭ باسشىلىعىندا ىلە وبلىستىق عىلىم - تەحنيكا قوعامى عىلىم - تەحنيكادا جاڭالىق اشۋ مەن ەكونوميكالىق قۇرىلىس نەگىزگى شايقاس مايدانىنا بەلسەنە ات سالىسىپ، ٴتۇرلى قىزمەتتە سۇبەلى ناتيجەگە قول جەتكىزىپ، شينجياڭ بويىنشا الدىڭعى قاتاردا ٴجۇردى. ىلە وبلىستىق عىلىم - تەحنيكا قوعامىنىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم ٴۇشىنشى، بەسىنشى، التىنشى جالپى ماجىلىستەرىنىڭ ورنالاستىرۋلارىنا ساي عىلىم - تەحنيكا، وقۋ - اعارتۋ ارقىلى شينجياڭدى گۇلدەندىرۋ، دارىندىلار جاعىندا قۋاتتى رايون قۇرۋ، جاڭالىق اشۋ ارقىلى دامۋعا دەم بەرۋ سىندى «ٴۇش ٴىرى ستراتەگيانى» ىشكەرىلەي اتقارىپ، بارشا عىلىم - تەحنيكا قىزمەتكەرلەرىن ىنتىماقتاستىرىپ جانە باستاپ، جاڭالىق اشۋ ارقىلى دامۋعا دەم بەرۋ جولىمەن بۇلجىماي ٴجۇرۋىن ۇمىت ەتەمىن. پارتكوم مەن ۇكىمەتتىڭ عىلىم - تەحنيكا قىزمەتكەرلەرىمەن بايلانىس ورناتۋداعى كوپىرلىك، دانەكەرلىك رولىن تولىق ساۋلەلەندىرىپ، قىزمەت وتەۋ تانىمىن اناعۇرلىم كۇشەيتۋ، قىزمەت وتەۋ قابىلەتىن جوعارىلاتۋ كەرەك. جاڭا داۋىردەگى عىلىم - تەحنيكا قوعامىنىڭ قىزمەت زاڭدىلىعى جونىندەگى تانىمدى جوعارىلاتىپ، قىزمەت جاۋاپكەرشىلىگىن اناعۇرلىم ايقىنداپ، ورنىن ٴداپ باسىپ تاۋىپ، جاسامپازدىقپەن مىندەت اتقارىپ، جاڭا جورىقتا تىڭ ىسكەرلىك كورسەتۋ كەرەك.

قۇرىلتايدا وبلىستىق ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى حالىقتىق ۇيىمدار اتىنان قۇتتىقتاۋ ٴسوز سويلەدى، ىلە كاسىپتىك تەحنيكالىق شۋەيۋانىنىڭ پروفەسسورى ياڭ جۇيچيڭ بۇكىل وبلىستاعى عىلىم - تەحنيكا سالاسىنداعىلار اتىنان عىلىم - تەحنيكا قىزمەتكەرلەرىنە ۇندەۋ حات جولدادى.

قۇرىلتايدا «ىلە وبلىستىق عىلىم - تەحنيكا قوعامى 4 - قۇرىلتايىنىڭ 3 - كەزەكتى كوميتەتىنىڭ قىزمەت بايانداماسى جونىندەگى قارارى»، «ىلە وبلىستىق عىلىم - تەحنيكا قوعامى 4 - قۇرىلتايىنىڭ <ىلە وبلىستىق عىلىم - تەحنيكا قوعامىنىڭ «جۇڭگو عىلىم - تەحنيكا قوعامى ۋستاۆىن» ناقتى ەرەجەسى جونىندەگى قارارى>» قارالىپ ماقۇلداندى. اۆتونوميالى وبلىستىق عىلىم - تەحنيكا قوعامىنىڭ 4 - كەزەكتى كوميتەتى سايلاندى، ٴانۋار ايدار ۇلى اۆتونوميالى وبلىستىق عىلىم - تەحنيكا قوعامى 4 - كەزەكتى كوميتەتىنىڭ ٴتوراعاسى بولىپ سايلاندى.