ٴتىلشىمىز ياڭ لين چۇڭچيڭنەن حابارلايدى. 9 ـ ايدىڭ 13 ـ كۇنى چۇڭچيڭدە اشىلعان جۇڭگو گازەت كاسىبىنىڭ 2023 ـ جىلعى تەحنيكالىق جىلدىق ماجىلىسىندە ىلە گازەتى مەكەمەسى 2023 ـ جىلى مەملەكەتتىك ورىنباسار ولكە دارەجەلى جانە ايماق، قالا دارەجەلى 100 پارتيا گازەتىنىڭ باسىلىم ساپاسىن باعالاۋدا 10 ـ بولدى.

بۇل رەتكى ٴماجىلىستىڭ باستى تاقىرىبى: ”تەحنيكادا جاڭالىق اشىپ، ’اقپارات + قىزمەت وتەۋدى‘ تەرەڭدەتۋ“. ۇعىسۋعا قاراعاندا، 2021 - جىلدان باستاپ جۇڭگو گازەت كاسىبى قوعامى مەملەكەت بويىنشا نەگىزگى گازەتتەردىڭ باسىلىم ساپاسىن باعالاۋ قيمىلىن ۇيىمداستىرىپ وتكىزىپ، ورتالىق دارەجەلى گازەتتەر، ولكە دارەجەلى گازەتتەر، بۇكىل ەل كولەمىندەگى كاسىپ سالاسىندىق گازەتتەر سياقتى مەملەكەت كولەمىندەگى 100 گە جۋىق نەگىزگى گازەتتەردىڭ باسىلىم ساپاسىنا تاريحتان بەرگى ەڭ كولەمدى، اياسى ەڭ كەڭ، ٴتاسىلى وزىق، عىلمي ۇلگى الىپ باعالاۋ جۇرگىزىپ، جاقسى باعاعا يە بولىپ، جوعارى دارەجەلى تاراۋلاردىڭ تولىق تۇراقتاندىرۋى مەن ٴارقايسى گازەتحانا باس رەداكتورلارىنىڭ جوعارى دارەجەدە مويىنداۋىنا يە بولىپ، گازەتتىڭ باسىلىم ساپاسىنا جەتەكشىلىك ەتۋدىڭ جانە ونى جوعارىلاتۋدىڭ ماڭىزدى نەگىزىنە اينالعان.

وسى نەگىزدە، جۇڭگو گازەت كاسىبى قوعامى تاجىريبەلەردى اناعۇرلىم قورىتىندىلاپ، جوبانى ساپالىلاندىرىپ، 2023 - جىلعى مەملەكەتتىك ورىنباسار ولكە دارەجەلى جانە ايماق، قالا دارەجەلى 100 پارتيا گازەتىنىڭ باسىلىم ساپاسىن باعالاۋ قيمىلىن ورىستەتىپ، 100 پارتيا گازەتىنىڭ ٴبىر ۋاقىتتا باسپادان شىققان گازەتتەرىن نەگىز ەتىپ ساپا باعالاۋىن جۇرگىزدى،  مۇنىڭ ىشىندە 15 ورىنباسار ولكە دارەجەلى، 85 ايماق، قالا دارەجەلى پارتيا گازەتى بار. وسى رەتكى باعالاۋدا جاساندى زەردە جانە ٴىرى ساندىق مالىمەت سياقتى جاڭا تەحنيكالىق تاسىلدەر تولىق پايدالانىلىپ، ادام كۇشىمەن سارالاۋ تولىق ۇشتاستىرىلىپ، قاتەلىكتى پارىقتاۋ مولشەرى ونان ارى جوعارىلاتىلىپ، ساناق مالىمەتىنىڭ اعاتتىعى ازايتىلىپ، باعالاۋ قيمىلىنىڭ دۇرىس ناتيجەگە قول جەتكىزۋىنە ٴونىمدى كەپىلدىك ەتىلىپ، باعالانعان گازەتتەردىڭ تەڭ، ٴادىل ساپا باعالاۋىنا يە بولۋىنا مۇمكىندىكتەر جاسالعان. 

جالپى جاقتان العاندا، باعالانعان 100 گازەتتىڭ 40 ىندا اعاتتىق مولشەرى 10000/ 3 تەن تومەن بولىپ، باسىلىم ساپاسى تولىمدى بولعان. مۇنىڭ ىشىندە، ۋشي گازەتى گازەتشىلىك توبى، جۇڭشان گازەتى مەكەمەسى، چاڭدى گازەتى مەكەمەسى، چاڭچۇن گازەتى مەكەمەسى، چيڭداۋ گازەتى گازەتشىلىك توبى، ىلە گازەتى مەكەمەسى سياقتى 12 ورىن مەملەكەت بويىنشا نەگىزگى گازەتتەردىڭ  باسىلىم ساپاسىن باعالاۋدا الدىڭعى ون ورىنعا يە بولدى ٴارى وسى رەتكى ماجىلىستەگى جۇرت نازارىن اۋدارعان جارقىن تۇيىنگە جانە ماداق وبيەكتىلەرىنە اينالدى.