جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ءۇشىن دارىندىلار تىرەگىن كۇشەيتەيىك

　　− اۆتونوميالى رايوننىڭ ۇيىمداستىرۋ قىزمەتى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە

　　گازەتىمىزدىڭ شولۋشىسى

ءمورالدى دا قابىلەتتى جوعارى ساپالى دارىندىلاردى مولىنان باۋلۋ، سومداۋ − مەملەكەت پەن ۇلتتىڭ باياندى دامۋىنداعى ۇلى جوسپار. اۆتونوميالى رايوننىڭ ۇيىمداستىرۋ قىزمەتى ءماجىلىسى شينجياڭنىڭ ۇيىمداستىرۋ قىزمەتىنىڭ جاعدايىنا، مىندەتىنە ىشكەرىلەي تالداۋ جاساپ، كەلەسى قادامداعى قىزمەتتەردى اقىلداسىپ، ورنالاستىرىپ، دارىندىلاردا قۋاتتى رايون ستراتەگياسىن ىشكەرىلەي اتقارۋدى، وسىزامانداندىرۋ قۇرىلىسىنداعى دارىندىلار تىرەگىن كۇشەيتۋدى باسا دارىپتەپ، اۆتونوميالى رايوندىق پارتكومنىڭ دارىندىلار قىزمەتىنە وسكەلەڭ ءمان بەرگەندىگىن جانە ۇزاق ۋاقىتتىق جوسپار جاساعاندىعىن تولىق ايگىلەدى.

”شار تاراپتىڭ دارىندىلارىن جيناپ، پايدالانۋعا تاباندى بولۋ“ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ مازمۇندارىنىڭ ءبىرى. ەجەلدەن بەرى دارىندى − مەملەكەتتى بايىتۋدىڭ نەگىزى، ەلدى كوركەيتۋدىڭ ۇتىمدى شاراسى. جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى ويداعىداي قۇرۋ، ءتۇرلى ىستەردى ويداعىداي دامىتۋ ءۇشىن، ءسوز جوق، ءمورالدى دا قابىلەتتى جوعارى ساپالى دارىندىلاردى مولىنان باۋلىپ، سومداپ، شار تاراپتىڭ دارىندىلارىن توپتاۋ كەرەك. سوڭعى جىلدارى اۆتونوميالى رايوندىق پارتكوم باس شۋجي شي جينپيڭنىڭ جاڭا داۋىردەگى دارىندىلار قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، دارىندىلار قىزمەتىن بۇرىن بولىپ كورىلمەگەن ستراتەگيالىق بيىككە قويىپ، دارىندىلاردا قۋاتتى رايون ستراتەگياسىن ىشكەرىلەي اتقارىپ، دارىندىلار ارقىلى جوعارى ساپالى دامۋدى جەبەۋگە جەتەكشىلىك ەتۋگە تاباندى بولىپ، 10 ميلليارد يۋان دارىندىلاردى دامىتۋ قورىن تاعايىنداپ، ”5 ＋ 2“ ءتۇيىندى دارىندىلار جوسپارىن، ت. ب اتقارىپ، دارىندىلاردى دامىتۋ ءتۇزىلىس، مەحانيزم رەفورماسىن تەرەڭدەتىپ، دارىندىلارعا ساياتىن ءبىر قىدىرۋ كەلەلى جاڭا ساياساتتاردى جاريالاپ اتقارىپ، شينجياڭ دارىندىلار قىزمەتىنىڭ جۇيەلى سيپاتتى، تەرەڭ قاتپارلى وزگەرىسكە قول جەتكىزۋىن ىلگەرىلەتىپ، اۆتونوميالى رايوندىق پارتكوم مەن ۇكىمەتتىڭ دارىندىلارعا ءزارۋ، شار تاراپتىڭ دارىندىلارىن توپتاۋدى تىلەيتىن كەڭ پەيىلى مەن ادال نيەتىن تولىق ايگىلەدى.

كەزەكتە شينجياڭ جوعارى ساپالى دامۋدىڭ شەشۋشى مەزگىلىندە تۇر، ىلگەرىلەمەسەك شەگىنەمىز، باياۋ ىلگەرىلەسەك تە شەگىنەمىز. ءبىز شينجياڭنىڭ مەملەكەتتىڭ جالپى جاعدايىنداعى ستراتەگيالىق ورنىن كوزدەپ، كورىكتى شينجياڭ قۇرىلىسىنىڭ جاڭا جاعدايلارىن، جاڭا مىندەتتەرىن، جاڭا تالاپتارىن ارقاۋ ەتىپ، شينجياڭنىڭ جوعارى ساپالى دامۋ ارناسىنا ءتۇسۋىن ىلگەرىلەتۋىمىز كەرەك. مەيلى جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋدە، الدە نازاردى ”8 ءىرى كاسىپ سالاسى شوعىرى“ قۇرىلىسىنىڭ وسىزاماندانعان كاسىپ سالاسى جۇيەسىنە شوعىرلاندىرۋدا بولسىن؛ مەيلى اۋىل - قىستاقتى گۇلدەندىرۋدى جاپپاي ىلگەرىلەتۋدە، الدە شينجياڭدى مادەنيەتپەن نارلەندىرۋدى ىشكەرىلەي ورىستەتۋدە بولسىن، ءبىز ءارقانداي كەزدەگىدەن دە دارىندىلارعا ءتىپتى دە قاجەت، دارىندىلارعا ءتىپتى دە ءزارۋ بولىپ وتىرمىز. تۇتاس رايون جوعارىدان تومەنگە دەيىن، اسىرەسە، ءار دارەجەلى پارتيا ۇيىمدارى كۇشتى دارىندىلار تانىمىن ورناتىپ، دارىندىلار ىزدەۋدى كوكسەپ، دارىندىلاردى بايقاعاندا كوكتەن تىلەگەنىن جەردەن تاپقانداي قۋانىپ، دارىندىلاردى كورسەتكەندە ءبىرسارىندىلىققا بوي ۇرماي، دارىندىلاردى جان - جاقتى باۋلىپ، ەنگىزىپ، ويداعىداي پايدالانىپ، جان - جاقتىڭ تاڭداۋلى دارىندىلارىن شينجياڭنىڭ رەفورما، دامۋ، ورنىقتىلىق ىستەرىنە شوعىرلاندىرۋ كەرەك.

جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ ءۇشىن دارىندىلار تىرەگىن كۇشەيتۋدە دارىندىلاردى توپتاۋ، شوعىرلاندىرۋ تەبىنىن ونان ارى كۇشەيتىپ، دارىندىلاردى باۋلۋ ساياساتىن جانە مەحانيزمىن اقاۋسىزداندىرىپ، كەمەلدەندىرىپ، كەلەلى ستراتەگيانى، ءتۇيىندى نىساندى، ەرەكشە كاسىپ سالاسىن ارقاۋ ەتىپ ستراتەگيالىق دارىندىلاردى جەدەل باۋلۋ، ەنگىزۋ؛ دارىندىلاردى دامىتۋ ستراتەگيالىق ورنالاسىمىن ۇزدىكسىز ساپالىلاندىرىپ، جىبەك جولى ەكونوميكالىق بەلدەۋىندەگى وڭىرلىك جاڭالىق اشۋ بيىگىن تۇلعالاۋدى، جوعارى دەڭگەيدەگى عىلىم - تەحنيكادا جاڭالىق اشۋ تۇعىرىن ورناتۋدى ارقاۋ ەتىپ، كۇش - قۋاتتى شوعىرلاندىرا وتىرىپ دارىندىلاردىڭ دەربەس جاڭالىق اشۋىنان ۇلگى كورسەتۋ اۋماعىنان بىرنەشەۋىن قۇرىپ، دارىندىلاردىڭ وڭىرلىك ۇيلەسىمدى ورنالاسۋى مەن سايكەستى دامۋىن جەبەۋ؛ دارىندىلار ءتۇزىلىس، مەحانيزم رەفورماسىن تەرەڭدەتىپ، شينجياڭ ەرەكشەلىگىن ايگىلەيتىن، باسەكەلىك قۋاتقا يە دارىندىلار ءتۇزىم جۇيەسىن ورناتۋ، كەمەلدەندىرۋ؛ كادر - دارىندىلار جاعىنان شينجياڭعا كومەكتەسۋدە جاڭالىق اشۋدى ىلگەرىلەتىپ، 2 توپتاعى شينجياڭعا كومەككە كەلگەن كادرلاردىڭ، دارىندىلاردىڭ رولىن تولىق ساۋلەلەندىرەتىن ءتۇزىمدى، مەحانيزمدى اقاۋسىزداندىرىپ، ”ۇيىرمە قۇراۋ ۇلگىسىندەگى“ شينجياڭعا كومەكتەسۋ قىزمەتىن كەڭەيتۋدى، ۇزارتۋدى ىلگەرىلەتۋ؛ پارتيانىڭ دارىندىلار قىزمەتىنە جاپپاي باسشىلىعىنا تاباندى بولىپ، ساياسي جاقتان جەتەكتەۋدى جانە ساياسي جاقتان قابىلداۋدى كۇشەيتىپ، عالىم رۋحىن بارىنشا اسقاقتاتىپ، وتانشىلدىق تاربيەنى ۇدايى ورىستەتىپ، دارىندىلارعا قىزمەت وتەۋ قىزمەتىن ويداعىداي ىستەپ، ءار ۇلت دارىندىلارىن پارتيانىڭ سوزىنە قۇلاق اسۋعا، پارتياعا ىلەسۋگە جەتەكتەۋ كەرەك.

ۇلى ءىس دارىندىلاردى شاقىرادى، ۇلى ءداۋىر دارىندىلاردى تۇلعالايدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعاندا، تۇتاس رايون جوعارىدان تومەنگە دەيىن باس شۋجي شي جينپيڭنىڭ جاڭا داۋىردەگى دارىندىلار قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، دارىندىلار ارقىلى جەتەكتەۋگە، دەم بەرۋگە تاباندى بولىپ، دارىندىلار دا قۋاتتى رايون ستراتەگياسىن ىشكەرىلەي اتقارىپ، ءمورالدى دا قابىلەتتى جوعارى ساپالى دارىندىلاردى كۇش سالا مولىنان باۋلىپ، سومداپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋعا پارمەندى اقىل - پاراسات قولداۋىن جانە دارىندىلار تىرەگىن ازىرلەۋ كەرەك.