شينحۋا اگەنتتىگىنىڭ 9 - ايدىڭ 14 - كۇنى بەيجيڭنەن بەرگەن حابارى. 9 - ايدىڭ 14 - كۇنى مەملەكەت ٴتوراعاسى شي جينپيڭ شاڭدامانعا تەلەگرامما جولداپ، ونىڭ سينگاپۋردىڭ زۇڭتۇڭى بولىپ تاعايىندالعانىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن سينگاپۋر ٴوزارا دوس كورشى جانە ماڭىزدى سەلبەستىك سەرىكتەر. ەكى جاقتىڭ ورتاق قۇلشىنۋىندا جۇڭگو مەن سينگاپۋر قول ۇستاسا وتىرىپ، ٴوزارا ۇيرەنەتىن، ٴوزارا ۇلگى الاتىن، سەلبەسىپ تەڭ يگىلىككە كەنەلەتىن تابىسقا جەتۋ جولىن سالىپ، وزدەرىنىڭ دامۋىن، گۇلدەنۋىن پارمەندى ىلگەرىلەتۋمەن بىرگە، وڭىردەگى مەملەكەتتەردىڭ سەلبەستىگى ٴۇشىن دە ۇلگىلىك رول ساۋلەلەندىردى. بيىل جۇڭگو مەن سينگاپۋر قارىم - قاتىناسى جان - جاقتى، جوعارى ساپالى، كورەگەندىككە يە سەرىكتەستىك قارىم - قاتىناس دەڭگەيىنە كوتەرىلىپ، جاڭا داۋىردەگى ەكى ەل قارىم - قاتىناسىنىڭ جوعارى دەڭگەيدە دامۋىنا ايقىن بەتالىس كورسەتتى. مەن جۇڭگو - سينگاپۋر قارىم - قاتىناسىنىڭ دامۋىنا ايرىقشا ٴمان بەرەمىن، شاڭدامان زۇڭتۇڭمەن بىرگە تاماشا قىزمەت قارىم - قاتىناسىن ورناتىپ، جۇڭگو - سينگاپۋر قارىم - قاتىناسىنىڭ ۇزدىكسىز تىڭ ساتىعا كوتەرىلۋىنە باستاماشى بولىپ، ەكى ەلدىڭ وسىزاماندانۋ بارىسىنىڭ اناعۇرلىم ويداعىداي توعىسۋىن، ٴوزارا جەبەۋىن ىلگەرىلەتىپ، ەكى ەل حالقىنا اناعۇرلىم كوپ قۇت - ىرىس اكەلۋدى، ٴوڭىردىڭ بەيبىتشىلىگىنە، گۇلدەنىپ - كوركەيۋىنە، ورنىقتىلىعىنا اناعۇرلىم زور ۇلەس قوسۋدى قالايمىن.