ىقىلاستى ءۇمىتتى كورىكتى شينجياڭ قۇرۋ قىزمەتىنىڭ ونىمدىلىگىنە اينالدىرامىز

　　− باس شۋجي شي جينپيڭنىڭ حونچيراپ كەدەنىندەگى بارلىق كەدەن قىزمەتكەرلەرىنە قايتارعان ماڭىزدى جاۋاپ حاتى رايونىمىزدا قىزۋ اڭىس قوزعادى

　　□ انار بۇلت \ شينجياڭ گازەتىنىڭ تىلشىلەرى

باس شۋجي شي جينپيڭنىڭ حونچيراپ كەدەنىندەگى بارلىق كەدەن قىزمەتكەرلەرىنە قايتارعان ماڭىزدى جاۋاپ حاتى تاياۋ كۇندەردەن بەرى رايونىمىزدا قىزۋ اڭىس قوزعادى، تۇتاس رايونداعى كەدەن جۇيەسىندەگى كادرلاردى، جۇمىسشى - قىزمەتكەرلەردى قامتىعان ءار ۇلت كادر - بۇقاراسى ايرىقشا جىلى مەيىر سەزىنىپ، توتەنشە جىگەرلەندى. كوپشىلىك باس شۋجيدىڭ ىقىلاستى ءۇمىتىن، ءسوزسىز، اقتاپ، ”مەملەكەتتىڭ ءىرى ءىسىن“ كوكەيدە ساقتاپ، قىزمەت ورنىن تياناق ەتىپ مىندەت وتەپ، جاۋاپكەرشىلىكتى ادا ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە بەلسەندىلىكپەن ۇلەس قوساتىندىقتارىن ءبىلدىردى.

9 - ايدىڭ 12 - كۇنى حونچيراپ شەكارا وتكەلىندە كولىكتەر ارلى - بەرلى قايشالىسىپ، زات تولتىرا تيەلگەن كونتينەرلى جۇك كولىكتەرى تارتىپپەن قاتارعا تۇرىپ تەكسەرۋدى كۇتۋدە، شينجياڭ شەكارادان كىرۋ - شىعۋ شەكارا قورعانىسى تەكسەرۋ باس پۋنكتى حونچيراپ شەكارادان كىرۋ - شىعۋ شەكارا قورعانىسى تەكسەرۋ پۋنكتىنىڭ مىندەت وتەپ جاتقان حالىق ساقشىلارى شەكارادان كىرىپ - شىققان جۇك كولىكتەرى مەن جولاۋشىلارعا شەكارالىق تەكسەرۋ، كەدەننەن ءوتۋ راسمياتىن تارتىپپەن ءبىتىرىپ بەرۋدە.

”باس شۋجيدىڭ ىقىلاستى تاپسىرماسى ءبىزدى قيىندىقتان تايسالماي العا باسۋعا جىگەرلەندىردى“. وسى پۋنكتتىڭ مىندەت اتقارۋ 2 - اترەتىنىڭ ورىنباسار باستىعى حۋاڭ فۋتۇڭ قىزمەتتەستەرىمەن بىرگە باستان - اياق پارتيا مەن حالىق جۇكتەگەن مىندەت، بورىشتى ادالدىقپەن اتقارىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، شەكارا وتكەلىنىڭ شەكارادان كىرۋ - شىعۋ شەكارا قورعانىسى تەكسەرۋ نەگىزگى جاۋاپكەرشىلىگىن، نەگىزگى كاسىپتى تياناق ەتىپ، شەكارا وتكەلى تەكسەرۋىن، باسقارۋ - مەڭگەرۋدى قاتايتىپ، شەكارالىق زاڭعا قايشى قىلمىستارعا قاتاڭ سوققى بەرىپ، كەدەننەن ءوتۋ قىزمەت وتەۋىن ۇزدىكسىز ساپالىلاندىرىپ، مەملەكەت قاقپاسى شەكارا وتكەلى شەكارا حاۋىپسىزدىگىنىڭ قۇرىش قورعانىس شەبىن بەكەمدەيتىندىگىن ايتتى.

9 - ايدىڭ 13 - كۇنى شيحۋ قالاسىنداعى ءبىر پاميدور ونىمدەرى سەرىكتەستىگىنىڭ پاميدور ەگۋ بازاسىندا، شىحىزى كەدەنىنىڭ كەدەن قىزمەتكەرى ياڭ چاڭحاي مەن ۋاڭ زىپىڭ اتىز باسىندا پىسقان پاميدوردى تەكسەرىپ، قاتىستى ساندى مالىمەتتەردى ەستەلىككە الۋدا. ەگۋ بازاسىندا ەستەلىككە الىپ، تەكسەرۋدەن جاس مايساداعى دەرت - دەربەزدى باقىلاۋ - تەكسەرۋگە دەيىن، ودان ءوندىرىس جاعدايىن باقىلاۋ - باسقارۋ جانە ءونىمدى ەكسپورت ەتۋگە دەيىن، ازىق - تۇلىكتەردى مانەرلەيتىن كاسىپورىنداردىڭ وسى ەكسپورت ەتۋ بۋىندارىنا شىحىزى كەدەنىنىڭ كەدەن قىزمەتكەرلەرى تولىق قاتىناسادى.

”باس شۋجيدىڭ قايتارعان ماڭىزدى جاۋاپ حاتىن مەن نەشە قايتارا وقىپ شىقتىم، ىقىلاستى ءسوز شىنايى ءۇمىتتى جەتكىزدى“. ياڭ چاڭحاي بىلاي دەدى: ءبىز باس شۋجيدىڭ تاپسىرماسىن ەستە بەرىك ساقتاپ، يمپورت - ەكسپورت كاسىپورىندارىنىڭ ءتۇرلى ساياساتتىق پايدادان تولىق، ويداعىداي پايدالانۋىنا كومەكتەسىپ، شۇعىل، قيىن، ۋايىمداعان، ءزارۋ ماسەلەلەرىن شەشىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونىن قۇرۋىنا كەدەن كۇش - قۋاتىن قوسامىز.

”باس شۋجيدىڭ قايتارعان جاۋاپ حاتىن مۇقيات ۇيرەنىپ، كەۋدەمدى كەدەن قىزمەتكەرى بولۋدىڭ ماقتانىش سەزىمى كەرنەدى“. ەركەشتام كەدەنى كەڭسەسىنىڭ مەڭگەرۋشىسى جاڭ شياۋجيڭ تەبىرەنىستى كوڭىل كۇيىن سوزبەن وسىلاي جەتكىزدى. 12 جىلدىڭ الدىندا ول مەكتەپ بىتىرگەننەن كەيىن وتاننىڭ ەڭ باتىسىنا كەلىپ كەدەن قىزمەتىمەن شۇعىلدانادى، ءۇستىرت اسەرى، ايرىقشا تومەن اۋا تەمپەراتۋراسى سياقتى كوپ ءتۇرلى قيىنشىلىقتار سىناعىن باستان وتكىزسە دە، مەملەكەت قاقپاسى الدىنان تاپجىلمادى. جاڭ شياۋجيڭ باس شۋجيدىڭ قامقورلىعىن، ءۇمىتىن كۇشتى قوزعاۋشى كۇشكە اينالدىرىپ، كەدەن قوسىنىنىڭ تاماشا ستيلىن اسقاقتاتىپ، جاۋاپكەرشىلىك ارقالاپ، ۇلەس قوسۋ بارىسىندا جاستىق كوكتەمنىڭ ايبىندى تاراۋىن جازاتىندىقتارىن ايتتى.

ءجۇز جىلدىق ساۋدا - ساتتىق تاريحى بار جەمەنەي شەكارا وتكەلى جىبەك جولى ەكونوميكالىق بەلدەۋىنىڭ سولتۇستىك ارناسىنداعى ماڭىزدى قاقپا. باس شۋجي شي جينپيڭنىڭ قايتارعان ماڭىزدى جاۋاپ حاتى شەكارا وتكەلدىڭ ءبىرىنشى شەبىندەگى قىزمەتكەرلەردى ءوز مىندەتتەرىن، جاۋاپكەرشىلىكتەرىن اناعۇرلىم ويداعىداي ادا ەتۋگە شابىتتاندىردى، جىگەرلەندىردى.

”باس شۋجيدىڭ قايتارعان ماڭىزدى جاۋاپ حاتى ءبىز سياقتى شەكارا وتكەلدىڭ ءبىرىنشى شەبىندەگى قىزمەتكەرلەر جونىنەن شابىتتاندىرۋ ءارى تۇراقتاندىرۋ بولدى“. شينجياڭ شەكارادان كىرۋ - شىعۋ شەكارالىق قورعانىس تەكسەرۋ باس پۋنكتى جەمەنەي شەكارادان كىرۋ - شىعۋ شەكارالىق قورعانىسى تەكسەرۋ پۋنكتى پارتكومىنىڭ شۋجيى، پۋنكت باستىعى شۇي جاڭيۇڭ بىلاي دەدى: كوشپەندىلەردى باسقارۋ ساقشىسى رەتىندە، جاۋاپكەرشىلىك اۋىر، بورىش داڭقتى. باس شۋجيدىڭ تاپسىرماسىن، ءسوزسىز، ەستە بەرىك ساقتاپ، مەملەكەت قاقپاسىنىڭ حاۋىپسىزدىك قالتقىسىن بەكەمدەپ، مەملەكەتتىڭ باتىسقا ەسىك اشۋ كەلەلى جاعدايىنا قىزمەت وتەپ، پارتيانى الاڭسىز، حالىقتى ريزا ەتەتىن مەملەكەت قاقپاسىنىڭ جاقسى كۇزەتشىسى بولامىن.

شينجياڭ حوتان بولىمشە اسكەري رايونى شىنشيانۋان شەكارا قورعانىس ليانى وتانىمىزدىڭ باتىس سولتۇستىگىندەگى شەكارا وڭىرگە ورنالاسقان، تەڭىز دەڭگەيىنەن بيىكتىگى 5000 مەتردەن اساتىن قارا قۇرىم تاۋىنىڭ قويناۋىندا، كليماتى، قورشاعان ورتاسى ناشار. شەكارانى قورعاپ كەلگەن ءاربىر ۇرپاق وفيتسەر - اسكەرلەر قارلى بورانمەن ايقاسىپ، قاقاعان ايازبەن ارپالىسىپ، جاستىق ورالدارىمەن جانە ىستىق قاندارىمەن وسى ارانى تاپجىلماي قورعاپ كەلدى.

باس شۋجي شي جينپيڭنىڭ قايتارعان ماڭىزدى جاۋاپ حاتىن توپتىق ۇيرەنگەننەن كەيىن، شەكارا قورعانىس ليانىندەگى بارلىق وفيتسەر - اسكەرلەر ايرىقشا تەبىرەنىپ، شەكارانى قورعاۋ، قورعانىستى نىعايتۋ سەنىمدەرىن، بەكىمدەرىن ءتىپتى دە بەكەمدەي ءتۇستى. ەكىنشى دارەجەلى شاڭشى ما جۋاڭ باتىل تۇردە بىلاي دەدى: ”شەكارا قورعانىس اسكەرى رەتىندە، بورىشتى قاي - قاشان دا ەستە بەرىك ساقتاپ، شەكارانى قورعاۋ قىزمەت ورنىمىزدان تاپجىلماي، قارا قۇرىم رۋحىن اسقاقتاتىپ، شەكارا وتكەلدە مىقتاپ تامىر تارتىپ، ءۇستىرتتى تاپجىلماي قورعاپ، ’كورىكتى وتاننىڭ سۇيەمدەي جەرىن دە بەرمەۋدى‘ شىنايى ورىندايمىن“.

ۇلىقشات اۋدانى جىعىن اۋىلىنىڭ باتىس سولتۇستىك جاعىندا ۋكىشۋ دەيتىن مىندەت وتەۋ ءتۇيىنى بار، تاۋ قويناۋىنا ورنالاسقان. 12 جىل شەكارا قورعاۋشىسى بولعان ابدۇسايت روزىمامەت بىلاي دەدى: كىشكەنتايىمنان اكەمە ىلەسىپ ۋكىشۋ مىندەت وتەۋ تۇيىنىندە شارلاۋ جۇرگىزەتىنمىن، سول كەزدە مىندەت وتەۋ ءتۇيىنىنىڭ شارت - جاعدايى جاقسى ەمەس، اۋەلى، دەمالاتىن ورنى دا جوق بولاتىن. قازىر شارت - جاعداي جاقساردى، سۋ، ەلەكتر جەتكىزىلدى، تاقتايشا ءۇي سالىندى، اسحاناسى دا بار.

”باس شۋجيدىڭ شەكارا كۇزەتىن ەسىنەن شىعارماۋى، كوڭىلىمىزدى ەرەكشە جىلىتتى“. ابدۇسايت بىلاي دەدى: مەن جانە قىزمەتتەستەرىم تەك وتان قۇدىرەتتەنگەندە عانا، حالىق بۇقاراسى ءتىپتى دە باقىتتى تۇرمىسقا كەنەلە الاتىندىعىن ابدەن بىلەمىز، ”بۇدان بىلاي، ءسوزسىز، قاراۋىلدا ۇزدىكسىز جاقسى تۇرىپ، شارلاۋدى جاقسى جۇرگىزىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە ءوز كۇش - قۋاتىمدى ارنايمىن“.

(ءتىلشى جاڭ يانفاڭ، قاتىناسقان تىلشىلەر سۇڭ ۋيگو، جاڭ تيڭ، ياڭ شۋحان، چىن چياڭۋي، ۋاڭ نا، ەرىكتى تىلشىلەر جاۋ جينلۇڭ، ۋاڭ يۇيسى، جىڭ شياۋلين، يە سىسۇڭ، گو شۋاي)