انار بۇلت \ شينجياڭ گازەتىنىڭ ءتىلشىسى چىن چياڭۋي 9 - ايدىڭ 16 - كۇنى ۇرىمجىدەن حابارلايدى. مەملەكەتتىك ەلەكتر تورى شينجياڭ ەلەكتر شەكتى سەرىكتەستىگىنەن ۇعىسۋعا قاراعاندا، جۋىقتا فىڭحۋاڭ − شيحۋⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى رەسمي ىسكە قوسىلعان، بۇل شينجياڭداعى ءتۇيىندى نىسان ىلە − بۇراتالا وبلىسى − شيحۋ − فىڭحۋاڭⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ ءبىر بولىگى.

بۇل ينجەنەريا جەلىسىنىڭ ۇزىندىعى شامامەن 097. 166 كيلومەتر، 362 نەگىزدىك تەمىر مۇنارا جاڭادان سالىنعان، مايتاۋ ۇلكەن اڭعارىن، ماناس وزەنىن، لانجوۋ - شينجياڭ تەمىر جولىن جانە كوپتەگەن تاس جولداردان ەندەي وتەدى، حاۋىپسىزدىك حاۋىپ - قاتەرى جوعارى، قۇرىلىس جۇرگىزۋ قيىندىعى زور. اسىرەسە، مايتاۋ ۇلكەن اڭعارىنىڭ ىشىندەگى ەندەي وتەتىن بولىكتەگى اڭعاردىڭ تەرەڭدىگى 192 مەترگە جەتىپ، ەندەي ءوتۋ ارالىعى 1346 مەتر كەلەدى. ەلەكتر جەتكىزۋ جەلىسى سالىنىپ بولعاننان كەيىنگى جەردەن حاۋىپسىز ارالىققا جانە ەلەكتر جەلىسىنىڭ تومەنگى جاعىنداعى ەلەكتر جەلىسىنىڭ حاۋىپسىز اينالىمىنا كەپىلدىك ەتۋ ءۇشىن، ينجەنەريا اڭعاردىڭ ەكى جاعىنان بيىكتىگى 4. 92 مەتر، سالماعى 07. 127 توننا كەلەتىن ”اسا جوعارى“، ”اسا اۋىر“ ەلەكتر جەتكىزۋ تەمىر مۇناراسى پايدالانىلدى. بۇل 2 مۇنارانىڭ بيىكتىگى مەن سالماعى باسقا تەمىر مۇنارالاردىڭ 2 ەسەسىندەي.

”اڭعاردىڭ استىنداعى ەلەكتر جەلىسىنىڭ، تاس جولدىڭ ەلەكتر جەتكىزۋ جەلىسى قۇرىلىسىنىڭ ىقپالىنا ۇشىراماۋىنا كەپىلدىك ەتۋ ءۇشىن، ينجەنەريا اڭعاردىڭ توبەسىنەن اڭعاردىڭ استىنداعى جەرگە دەيىن جابىق تور فورماسىن قولدانىپ، ’جىڭىشكە سىم اسەرى‘ تۋدىراتىن جەل كۇشىنىڭ ىقپالىن ازايتىپ، جابىق توردىڭ ورنىقتىلىعىن كۇشەيتتى“، - دەدى وسى ينجەنەريانىڭ قۇرىلىس سالعىزۋشى نىسانىنىڭ ورىنباسار ديرەكتورى ۋاڭ جيا.

ىلە − بۇراتالا − شيحۋ − فىڭحۋاڭⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى 3 بولىككە ءبولىنىپ ىسكە قوسىلدى، ىلە − بۇراتالا، بۇراتالا − شيحۋⅡقايتىمدى جەلىسىنىڭ 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى تەكسەرىپ وتكىزىپ الۋ، كەم - كەتىگىن جويۋ سياقتى قىزمەتتەردى ىستەۋدە، مەجەمەن 9 - ايدىڭ سوڭىندا ىسكە قوسىلادى. مەملەكەتتىك ەلەكتر تورى شينجياڭ ەلەكتر شەكتى سەرىكتەستىگى قۇرىلىس بولىمشە سەرىكتەستىگىنىڭ قاتىستى جاۋاپتىسى شۇي يۇيبو بىلاي دەپ تانىستىردى: ينجەنەريا ىسكە قوسىلعاننان كەيىن، ىلەدەن ءۇرىمجى − سانجىعا دەيىنگى ەلەكتر كوتەرىمدىلىگى ورتالىعىنىڭ ەلەكتر جەتكىزۋ قابىلەتىن ءونىمدى جوعارىلاتادى، مەجەمەن 3 ميلليون كيلوۆات ساعات جوعارىلاتىپ، ايماق، وبلىس اتتاعان ەنەرگيا بايلىعىن ساپالى سەپتەۋدى جۇزەگە اسىرادى.