اۆتونوميالى رايوندىق گەولوگيا مەكەمەسى ماڭدايشالىعى اشىلىپ قۇرىلدى

ما شيڭرۇي، ەركىن تۇنياز ماڭدايشالىقتى اشتى، حى جۇڭيوۋ سالتقا قاتىناستى

شينجياڭ گازەتىنىڭ حابارى (تىلشىلەر ۋاڭ شيڭرۇي، جاڭ لەي). اۆتونوميالى رايوندىق گەولوگيا مەكەمەسى 9 - ايدىڭ 15 - كۇنى تۇستەن بۇرىن ماڭدايشالىعى اشىلىپ قۇرىلدى، اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماڭدايشالىق اشۋ سالتىنا قاتىناستى ٴارى بىرگە ماڭدايشالىق اشىپ، اۆتونوميالى رايوندىق گەولوگيا مەكەمەسىنىڭ قۇرىلعاندىعىن قىزۋ قۇتتىقتادى. ما شيڭرۇي قاتىستى جاۋاپتى جولداستارعا گەولوگيا مەكەمەسىنىڭ قۇرىلعاندىعىن جاڭا باستاما ەتىپ، شينجياڭنىڭ مەملەكەتتىڭ جالپى جاعدايىنداعى ستراتەگيالىق ورىن تۇراقتاندىرۋىن كوزدەپ، نازاردى شينجياڭنىڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرۋعا شوعىرلاندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، كەن ونىمدەرى بايلىعىن بارلاۋعا قاتىستى سالالاردا تىڭ تابىستارعا قول جەتكىزۋگە، تىڭ ىسكەرلىك كورسەتۋگە قۇلشىنىپ، شينجياڭنىڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋى، مەملەكەتتىڭ ستراتەگيالىق جالپى جاعدايىنا ويداعىداي قىزمەت وتەۋى بارىسىندا رولىن شىنايى ساۋلەلەندىرىپ،  اناعۇرلىم زور ۇلەس قوسۋدى قاداعالاي تاپسىردى.

اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماڭدايشالىق اشۋ سالتىنا قاتىناستى.

ماڭدايشالىق اشۋ سالتىندا قاتىستى جولداستار اۆتونوميالى رايوندىق گەولوگيا مەكەمەسى پارتيا باسشىلىق گرۋپپاسىن قۇرۋ جونىندەگى قاۋلىنى وقىدى، اۆتونوميالى رايوندىق گەولوگيا مەكەمەسىندەگى نەگىزگى جاۋاپتى جولداستار لەبىز ٴبىلدىردى.

  اۆتونوميالى رايوندىق گەولوگيا مەكەمەسى بۇرىنعى اۆتونوميالى رايوندىق گەولوگيا كەن ىستەرى مەكەمەسىنەن، ٴتۇستى مەتال گەولوگيا بارلاۋ مەكەمەسىنەن، كومىر كەن گەولوگيا مەكەمەسىنەن بىرىكتىرىلىپ ۇيىمداستىرىلىپ، اۆتونوميالى رايوننىڭ گەولوگيا كەن ونىمدەرىن اشۋ ستراتەگياسىن جانە جوباسىن زەرتتەۋ، ستراتەگيالىق كەن ونىمدەرىن بارلاۋ - تەكسەرۋ مىندەتىن ارقالاپ، كەن بايلىعىن جاسىل اشىپ پايدالانۋعا تەحنيكالىق تىرەك ازىرلەۋ سياقتى فۋنكتسيالاردى مىندەتىنە الادى، شينجياڭنىڭ باسىمدىققا يە ەنەرگيا بايلىعىن كادەگە جاراتىپ پايدالانۋدى جەدەلدەتىپ، ”8 ٴىرى كاسىپ سالاسى شوعىرىن“ بار كۇشپەن دامىتىپ، مەملەكەتتىڭ ەنەرگيا جانە شەشۋشى كەن ونىمدەرى بايلىعى حاۋىپسىزدىگىن قامتاماسىزداندىرىپ، پارتيا مەن مەملەكەت قىزمەتىنىڭ جالپى جاعدايىنا ويداعىداي قىزمەت وتەۋدە ماڭىزدى مانگە يە.

چىن ۋيجۇن ماڭدايشالىق اشۋ سالتىن باسقاردى، ٴيۇسۇپجان مامەت، قادەن كابەن ۇلى، جۇڭگو عىلىم اكادەمياسىنىڭ اكادەميگى شياۋ ۋىنجياۋ، اۆتونوميالى رايوننىڭ قاتىستى ورىندارىنداعى جاۋاپتى جولداستار جانە كاسىپورىن ۋاكىلدەرى قيمىلعا قاتىناستى.