انار بۇلت \ شينجياڭ گازەتىنىڭ ءتىلشىسى لۋ فىڭباۋ 12 - ايدىڭ 9 - كۇنى ۇرىمجىدەن حابارلايدى. قورعاس شەكارا وتكەلى حالىقارالىق تاس جول تاسىمالىن باسقارۋ مەكەمەسىنەن ۇعىسۋىمىزشا، 1 - ايدان 11 - ايعا دەيىن قورعاس تاس جول شەكارا وتكەلىنەن شەكارادان كىرىپ - شىققان حالىقارالىق جولاۋشى تاسىمال اۆتوكولىگى 12 مىڭ 537 رەت بولىپ، 307 مىڭ جولاۋشى (رەت) تاسىمال مولشەرىن ورىنداپ، 2019 - جىلعى سول تۇستاعىدان جەكە - جەكە ％2. 160، ％8. 219 ارتقان؛ شەكارادان كىرىپ - شىققان حالىقارالىق جۇك اۆتوموبيلدەرى 108 مىڭ 603 رەت، ورىندالعان جۇك تاسىمال مولشەرى ءبىر ميلليون 292 مىڭ توننا بولىپ، 2019 - جىلعى سول تۇستاعىدان جەكە - جەكە ％9. 129، ％9. 166 ارتقان.

”ءبىر بەلدەۋ، ءبىر جول“ قۇرىلىسىنىڭ ۇزدىكسىز ىلگەرىلەۋىنە ىلەسە، قورعاستىڭ وڭىرلىك باسىمدىعى تولىق ساۋلەلەندىرىلىپ، شەكارادان كىرىپ - شىعاتىن جولاۋشى، جۇك اۆتوكولىكتەرى كۇن سايىن كوبەيدى.

”كەدەننەن ءوتۋ ونىمدىلىگىن ۇزدىكسىز جوعارىلاتىپ، حالىقارالىق جولاۋشى، جۇك تاسىمال اۆتوكولىكتەرىنىڭ كەدەننەن جوعارى ونىمدىلىكپەن ءوتۋىن قامتاماسىز ەتەمىز“. قورعاس شەكارا وتكەلى حالىقارالىق تاس جول تاسىمالىن باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ليۋ گۋاڭيۇي بىلاي دەپ تانىستىردى: بيىل جىل باسىنان بەرى قورعاس شەكارا وتكەلى حالىقارالىق تاس جول تاسىمال قۇرىلىمى جۇمىستى ءبىتىرۋ جۇيەسىن بەلسەنە ساپالىلاندىرىپ، كاسىپورىندارعا جۇمىس ءبىتىرۋ تەرەزەسىن اشىپ، كاسىپورىندار مەن كولىك يەلەرىنىڭ شەكارادان كىرىپ - شىعۋ جۇمىسىن جەلىدە ءوتىنىش ەتۋىنە قولايلىلىق جاساپ، كەدەننەن ءوتۋ ونىمدىلىگىن جوعارىلاتتى. قازىر شەكارادان كىرگەن اۆتوكولىكتەردىڭ ينفورماتسياسىن ەنگىزۋ، شەكارادان شىعۋ تالونىن تەكسەرۋ ءبىر مينۋت ىشىندە ورىندالادى. سونىمەن بىرگە جۇمس ءبىتىرۋ تەرەزەسىندە حالىققا قولايلى قىزمەت وتەۋ تۇعىرى قۇرىلىپ، حالىقارالىق تاس جول تاسىمالى كاسىبىمەن شۇعىلدانۋشىلار مەن كەدەنگە مالىمدەۋ ۋاكىلدەرىنە اۆتوماتتى ءوتىنىش بەرۋ كاسىبى مەن تالون باسۋ جاعىنان قىزمەت كورسەتىپ، كەدەننەن ءوتۋدىڭ قولايلىلانۋىن جەبەدى.

بيىل 8 - ايدىڭ 15 - كۇنىنەن باستاپ، قورعاس تاس جول شەكارا وتكەلى 7 كۇن 24 ساعات جۇك تاسىمالىن كەدەننەن وتكىزۋدى سىناق رەتىندە اتقارىپ، شينجياڭداعى تۇڭعىش 24 ساعات جۇك تاسىمالىن كەدەننەن وتكىزەتىن تاس جول شەكارا وتكەلىنە اينالدى. قورعاس شەكارا وتكەلى حالىقارالىق تاس جول تاسىمالىن باسقارۋ مەكەمەسى ”ەكى كەزەك، ەكى اينالىم“ ءتاسىلىن قولدانىپ، زاڭ اتقارۋدى تەكسەرۋ جۇمىسىن ءبىتىرىپ، تەكسەرۋ قىزمەتىنىڭ جوعارى ونىمدىلىكپەن جۇرگىزىلۋىن قامتاماسىز ەتتى.

بيىل قورعاس شەكارا وتكەلى حالىقارالىق تاس جول تاسىمالىندا شەكارادان كىرىپ - شىعاتىن جولاۋشى، جۇك اۆتوموبيلدەرىنىڭ (تاۋار اۆتوموبيلدەرىن قامتىمايدى) سانى تاريحي رەكوردتى ۇزدىكسىز جاڭالادى، قورعاس شەكارا وتكەلى حالىقارالىق تاس جول تاسىمالىن باسقارۋ مەكەمەسى قاتىناۋ رۇقسات كۋالىگىن، شەتەل قاراستىلىعىنداعى اۆتوكولىكتەردى، حالىقارالىق جول زات تاسىمال تالونى ينفورماتسياسىن ەنگىزۋ قىزمەتىن ارناعا ءتۇسىرىپ، اۆتوكولىكتەردىڭ شەكارادان كىرىپ - شىعۋىن كۇتۋ ۋاقىتىن ونان ارى قىسقارتىپ، حالىقارالىق تاس جول تاسىمالىنىڭ شەكارادان كىرىپ - شىعۋىن تەكسەرۋ ونىمدىلىگىن جوعارىلاتتى.