جۇڭگو بانكەسىنىڭ شينجياڭ بولىمشە بانكەسى

80 ميلليارد يۋان ارناۋلى امانات - قارىز ارقىلى ەركىن ساۋدا سىناق رايونى قۇرىلىسىنا قولداۋ كورسەتتى

انار بۇلت \ شينجياڭ گازەتىنىڭ ءتىلشىسى ۋاڭ يۇڭفەي 12 - ايدىڭ 9 - كۇنى ۇرىمجىدەن حابارلايدى. جۇڭگو بانكەسىنىڭ شينجياڭ بولىمشە بانكەسىنەن ۇعىسۋىمىزشا، تاياۋدا جۇڭگو بانكەسىنىڭ شينجياڭ بولىمشە بانكەسى «جۇڭگو بانكەسىنىڭ جۇڭگو (شينجياڭ) ەركىن ساۋدا سىناق رايونى قۇرىلىسىن قولداۋ فينانستىق قىزمەت وتەۋ جوباسىن» شىعارعان، جوبادا مىنالار ايقىندالدى: 80 ميلليارد يۋاندىق ارناۋلى امانات - قارىز قارجىسى بەلگىلەنىپ، بۇل شينجياڭ ەركىن ساۋدا سىناق رايونىنىڭ ءۇرىمجى، قاشقار، قورعاس سىندى 3 اۋماق قۇرىلىسىن جانە رايون ىشىندەگى كاسىپورىنداردىڭ دامۋىن قولداۋعا جۇمسالادى.

شاڭحاي سياقتى ەل ىشىندەگى باسقا دا ەركىن ساۋدا سىناق رايوندارىنىڭ فينانس رەفورماسىندا جاڭالىق اشۋ تاجىريبەلەرىنەن تولىق ۇلگى الۋ نەگىزىندە، جۇڭگو بانكەسىنىڭ شينجياڭ بولىمشە بانكەسى «جۇڭگو (شينجياڭ) ەركىن ساۋدا سىناق رايونىنىڭ جالپى تۇلعالىق جوباسىن» ءتۇيىندى تۇردە ارقاۋ ەتىپ، جاڭالىق اشۋ ارقىلى دەم بەرۋدى، عىلىم - تەحنيكا ارقىلى جەتەكشىلىك ەتۋدى، اقىل - پاراسات جاعىنان قىزمەت وتەۋدى، جالپىلىق قولداۋدى پرينسيپ ەتىپ، وسى جوبانى جاسادى.

شينجياڭ ەركىن ساۋدا سىناق رايونى ماڭدايشالىق اشقاننان كەيىن، جۇڭگو بانكەسىنىڭ شينجياڭ بولىمشە بانكەسى ”فينانستىق قىزمەت وتەۋ يقۋاتىن كۇشەيتۋدىڭ“ ءتۇرلى تالاپتارىن بەلسەنە تياناقتاندىرىپ، ءۇرىمجى، قاشقار، قورعاس اۋماقتارىنىڭ تاڭداۋلى ەرەكشە تور تۇيىندەرى قۇرىلىسى قىزمەتىن جەدەل باستادى.

سونىمەن بىرگە باس بولىمشە بانكەنىڭ، شەكارا ءىشى - سىرتىنداعى قۇرىلىمداردىڭ جانە كوپ نەگىزدەنگەن تۇعىرلاردىڭ بىرلەسىپ قيمىلداۋ باسىمدىعىنان تولىق پايدالانىپ، وزىق الەمدىك قارجى اداقتاۋعا قىزمەت وتەۋ جۇيەسىنەن، ساۋداعا فينانستىق قىزمەت وتەۋ جۇيەسىنەن، سىندىرىلىم حاۋىپ - قاتەرىنەن ساقتانۋدىڭ كەمەلدى ءونىم جۇيەسىنەن پايدالانىپ، جۇڭگو بانكەسىنىڭ شينجياڭ بولىمشە بانكەسى ساۋدانى قولايلىلاندىرۋ جانە حالىق اقشاسىن حالىقارالاندىرۋ جاعىندا ءونىم مەن قىزمەت وتەۋدە بەلسەنە جاڭالىق اشتى.

بۇدان سىرت، جۇڭگو بانكەسىنىڭ شينجياڭ بولىمشە بانكەسى شەكارا اتتاعان فينانس بلوكچەيىندىك قىزمەت وتەۋ تۇعىرىنىڭ قارجى قۇراۋىن بەلسەنە جالپىلاستىرىپ، كوپ قولدى تاۋار ساۋداسى، شەكارا سىرتىندا كوتەرمەگە الۋ ينجەنەرياسى، شەكارا تۇرعىندارىنىڭ ءوزارا بازارشىلاۋى سياقتى سالالاردا حالىق اقشاسىنىڭ شەكارا اتتاپ ەسەپ جابۋىن تىڭعىلىقتى ىلگەرىلەتىپ، جۇڭگو مەن قازاقستاننىڭ ەكى جاقتى ناق اقشانى شەكارا اتتاپ جەتكىزۋ قىزمەتىن ىلگەرىلەتتى.