_ ماجىلىسكە قاتىناسقان جولداستار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندە ٴسوز قوزعادى
□ شينحۋا اگەنتتىگىنىڭ تىلشىلەرى جۋ جيچاي، گاۋ لەي، جاڭ يان
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى 7 ـ ايدىڭ 15 ـ كۇنىنەن 18 ـ كۇنىنە دەيىن بەيجيڭدە وتكىزىلدى. ٴماجىلىس «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلدادى.
ٴماجىلىس كەزىندە ماجىلىسكە قاتىناسقان ٴىشىنارا جولداستار شينحۋا اگەنتتىگى تىلشىلەرىنىڭ تىلشىلىگىن قابىلداپ، جالپى ٴماجىلىستىڭ رۋحى توڭىرەگىندە ٴوز تۇسىنىكتەرىن، اسەرلەرىن اقتارىلا اڭگىمەلەدى.
كوپشىلىك ٴبىر اۋىزدان مىنانى ٴبىلدىردى: جالپى ٴماجىلىس جۇڭگو ۇلگىسىندەگى وسىزامانداندىرۋدى ىلگەرىلەتۋ نەگىزگى تاقىرىبىن مىقتاپ ارقاۋ ەتە وتىرىپ رەفورمانى جوسپارلاپ جانە ورنالاستىرىپ، رەفورمانى ۇزدىكسىز العا ىلگەرىلەتۋدىڭ ٴداۋىر جاڭا تاراۋىن جازدى، بۇل ”ەكى ٴىرى كەرەمەتتى“ بەكەمدەۋدەگى، دامىتۋداعى ىرىقتى تاڭداۋ جانە ستراتەگيالىق شارا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جالپى ٴماجىلىس رۋحىن ىشكەرىلەي ۇيرەنىپ، دايەكتىلەندىرىپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، قايراتتانا العا ۇمتىلىپ، رەفورمانى اناعۇرلىم جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋ كەرەك.
رەفورما جاساۋ، ەسىك اشۋ _ پارتيا مەن حالىق ىستەرىنىڭ ارشىندى قاداممەن داۋىرگە ىلەسۋدەگى ماڭىزدى اسىلى، زامانىمىزداعى جۇڭگونىڭ ەڭ كورنەكتى ەرەكشەلىگى، ەڭ ايبىندى بەينەسى.
ورتالىق كوميتەتتىڭ مۇشەسى، جىجياڭ ولكەلىك پارتكومنىڭ شۋجيى ي ليانحۇڭ مىنانى ٴبىلدىردى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇرىن بولماعان بەكىممەن جانە اسا زور ساياسي باتىلدىقپەن رەفورمانى جاپپاي تەرەڭدەتۋدى ىلگەرىلەتتى، كوپتەگەن سالالاردا تاريحي سيپاتتى وزگەرىستى، جۇيەلى سيپاتتى قايتا سومداۋدى، تۇلعالىق سيپاتتى قايتا قۇراۋدى جۇزەگە اسىردى. تاريحي سيپاتتى ٴبىر قىدىرۋ زور جەتىستىكتەرگە قول جەتكىزۋ، تۇپتەپ كەلگەندە، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى. جاڭا جورىققا اياق باسقاندا، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى اناعۇرلىم جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ”تۇلعالىق تىرەگىن“ ورناتىپ، اسقاق تا ايبىندى، ايقىن دا ناقتى رەفورما كارتيناسىن كەسكىندەدى.
ي ليانحۇڭ بىلاي دەدى: پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ەلىمىزدىڭ قۇلاشىن كەڭ جايعان رەفورما جاساۋ، ەسىك اشۋىنىڭ شىمىلدىعىن اشتى؛ پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ٴبىزدى رەفورمانى جاپپاي تەرەڭدەتۋدىڭ جاڭا داۋىرىنە باستاپ ەنگىزدى؛ پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى كەلەلى دە تەرەڭ ساياسي ٴمان، نازاريالىق ٴمان، ستراتەگيالىق ٴمان، الەمدىك ٴمان جانە رەال ٴمان العان پارتيامىز تاريحىنداعى جاڭا بەلەس.
تاريحتىڭ ۇلكەن اۋقىمىنا ىلەسىپ، ٴومىردىڭ دۇرىس جولىمەن الىسقا بەت الدى. جۇڭگو ۇلگىسىندەگى وسىزامانداندىرۋ رەفورما جاساپ، ەسىك اشۋ بارىسىندا ۇزدىكسىز ىلگەرىلەدى، سونداي ـ اق رەفورما جاساپ، ەسىك اشۋ بارىسىندا، ٴسوز جوق، كەڭ بولاشاق اشادى.
ورتالىق كوميتەتتىڭ مۇشەسى، ورتالىق قازىنا كەڭسەسىنىڭ كۇندەلىكتى قىزمەتكە جاۋاپتى ورىنباسار مەڭگەرۋشىسى حان ۋىنشيۋ مىنانى ٴبىلدىردى: ٴبىز رەفورمانى ىلگەرىلەتۋدى پارتيا مەن مەملەكەتتىڭ وزەكتى قىزمەتىن ارقاۋ ەتىپ ورىستەتتىك. جاڭا جورىقتا رەفورمانى اناعۇرلىم جاپپاي تەرەڭدەتۋدە رەفورما ادىسىمەن جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىنداعى ماسەلەلەردى شەشۋ، اسىرەسە، ٴتۇزىلىس ـ مەحانيزم جاقتارداعى بوگەتتەردى باتىل جەڭۋ كەرەك.
”رەفورمانى اناعۇرلىم جاپپاي تەرەڭدەتۋ جان ـ جاقتى شارپيدى، رەفورما شىتىرمان، كۇردەلى بولعان سايىن، ەكونوميكالىق ٴتۇزىلىس رەفورماسىنىڭ جەتەكتەۋ رولىن ونان ارى ويداعىداي ساۋلەلەندىرىپ، ەكونوميكالىق ٴتۇزىلىس رەفورماسى سىندى ’تەتىكتى‘ مىقتاپ ۇستاپ، باسقا سالاداعى رەفورمانى ىلگەرىلەتۋ كەرەك“. حان ۋىنشيۋ بىلاي دەدى: جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن جەدەل ورناتىپ، ميكرولىق نەگىزگى تۇلعانىڭ ومىرشەڭدىك كۇشىن تولىق تاسقىنداتىپ، ”ەكىدەن استە اۋىتقىماۋعا“ تاباندى بولىپ جانە ونى تياناقتاندىرىپ، ٴتۇرلى مەنشىكتەگى شارۋاشىلىقتىڭ باسىمدىقتار ارقىلى ٴبىرىن ـ ٴبىرى تولىقتاۋىن، بىرگە دامۋىن ىلگەرىلەتىپ، جۇڭگوشا وسى زامانعى كاسىپورىن ٴتۇزىمىن كەمەلدەندىرىپ، دۇنيە ٴجۇزى بويىنشا ٴتىپتى دە كوپ ماڭداي الدى كاسىپورىنداردى جەدەل قۇرۋ كەرەك. بازار ورتاسىن ساپالىلاندىرىپ، بازاردىڭ باسەكە قاعيداسىن بىرلىككە كەلتىرىپ، ولشەمدەستىرىپ، ٴادىل باسەكەنى جەبەپ، بۇكىل ەلدىڭ بىرلىككە كەلگەن ۇلكەن بازارىن جەدەل قۇرىپ، بازار شارۋاشىلىعىنىڭ نەگىزگى ٴتۇزىمىن كەمەلدەندىرىپ، ٴارى ”ەركىنە جىبەرۋ“، ٴارى ”باسقارا الۋ“ كەرەك.
رەفورما _ دامۋدىڭ قوزعاۋشى كۇشى، جوعارى ساپالى دامۋ _ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى.
ورتالىق كوميتەتتىڭ مۇشەسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە بىلاي دەدى: ”جالپى ٴماجىلىس ەكونوميكالىق ٴتۇزىلىس رەفورماسىنا جان ـ جاقتى ورنالاستىرۋ جاسادى. ٴبىز ناقتى قىزمەتتى دايەكتىلەندىرۋدى، تياناقتاندىرۋدى باتىل تۇردە ويداعىداي يگەرىپ، ماكرولىق تۇرعىدان كوز جىبەرىپ، ميكرولىق تۇرعىدان كىرىسۋگە تاباندى بولىپ، شىن مانىندە جالپى ٴماجىلىستىڭ كەلەلى رەفورما ورنالاستىرۋلارىن جوعارى ساپالى دامۋدى ىلگەرىلەتەتىن ٴىس جۇزىندىك ونىمدىلىككە اينالدىرۋىمىز كەرەك“.
جىڭ شانجيە مىنانى ٴبىلدىردى: جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتۋدا بازاردىڭ بايلىقتى ىڭعايلاۋ بارىسىندا تولىق كۇش سالۋىنا، ۇكىمەتتىڭ بازار كەمىستىگىن تولىقتاۋ جاعىندا دالمە ـ ٴدال كۇش سالۋىنا مۇمكىندىك جاساۋ كەرەك؛ ەكونوميكانىڭ جوعارى ساپالى دامۋىن ىلگەرىلەتۋدەگى ٴتۇزىلىس ـ مەحانيزمدى اقاۋسىزداندىرىپ، جاڭاشا وندىرگىش كۇشتەردى جەدەل جەتىلدىرۋ، دامىتۋ، سونداي ـ اق رەفورما ارقىلى وسىعان ساي كەلەتىن وندىرىستىك قاتىناستى جەدەل قالىپتاستىرۋ كەرەك؛ ماكرولىق ەكونوميكانى باسقارۋ جۇيەسىن اقاۋسىزداندىرىپ، مەملەكەتتىڭ دامۋ جوسپارىنىڭ ستراتەگيالىق جەتەكتەۋ رولىن تولىق ساۋلەلەندىرىپ، مەجەلى باسقارۋ مەحانيزمى مەن ماكرولىق ساياسات بەتالىسىنىڭ بىركەلكى باعالاۋ مەحانيزمىن اقاۋسىزداندىرىپ، قازىنا، اقشا، كاسىپ سالاسى، باعا، جۇمىستانۋ سياقتى ماكرولىق ساياساتتىڭ سايكەستى كۇش سالۋىن ىلگەرىلەتۋ كەرەك؛ اناعۇرلىم جوعارى دەڭگەيلى اشىق ەكونوميكانىڭ جاڭا ٴتۇزىلىسىن ورناتىپ، تۇزىمدىك ەسىك اشۋدى ورنىقتى كەڭەيتىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن ونان ارى كەمەلدەندىرۋ كەرەك.
تەك رەفورمالاۋشى عانا العا باسادى، تەك جاڭالىق اشۋشى عانا كۇشەيەدى، تەك رەفورما جاساپ، جاڭالىق اشۋشى عانا جەڭىسكە جەتەدى.
ورتالىق كوميتەتتىڭ مۇشەسى، عىلىم ـ تەحنيكا مينيسترلىگىنىڭ مينيستىرى يىن حىجۇن بىلاي دەپ قارادى: وسى رەتكى جالپى ٴماجىلىس دۇنيە ٴجۇزىنىڭ وزگەرىسىن، ٴداۋىر وزگەرىسىن، تاريح وزگەرىسىن تەرەڭ اڭعارىپ، وقۋ ـ اعارتۋدىڭ، عىلىم ـ تەحنيكانىڭ، دارىندىلاردىڭ جۇڭگو ۇلگىسىندەگى وسىزامانداندىرۋدىڭ نەگىزدىك سيپاتتى، ستراتەگيالىق سيپاتتى تىرەگى ەكەندىگىن ايقىنداپ، جاپپاي جاڭالىق اشۋدى قولدايتىن ٴتۇزىلىستى، مەحانيزمدى قۇرۋدى العا قويدى، بۇل جاڭا كەزەڭدىك عىلىم ـ تەحنيكا توڭكەرىسى مەن كاسىپ سالا وزگەرىسىن قارسى الۋدىڭ، عىلىم ـ تەحنيكادا قۋاتتى ەل قۇرۋدى جەدەلدەتۋدىڭ تابيعي تاڭداۋى، جاڭاشا وندىرگىش كۇشتەردى دامىتۋدىڭ، جوعارى ساپالى دامۋدى جۇزەگە اسىرۋدىڭ تابيعي تاڭداۋى، مەملەكەتتىڭ باسەكەلىك قۋاتىن جوعارىلاتۋدىڭ، سىرتقى حاۋىپ ـ قاتەرلەرگە، سىن ـ سايىستارعا توتەپ بەرۋدىڭ تابيعي تاڭداۋى.
”ٴبىز عىلىم ـ تەحنيكادا جاڭالىق اشۋدىڭ ۇيىمدىق ٴتاسىلى مەن باسقارۋ جۇيەسىن ۇزدىكسىز كەمەلدەندىرىپ، جاڭا تيپتەگى بۇكىل مەملەكەت جۇمىلاتىن جاڭاشا ٴتۇزىلىستى جەدەل اقاۋسىزداندىرىپ، وقۋ ـ اعارتۋ، عىلىم ـ تەحنيكا دارىندىلارى ٴتۇزىلىس ـ مەحانيزمىن ٴبىر تۇلعالاندىرۋ رەفورماسىن ٴبىر تۇتاس جوسپارلاپ ىلگەرىلەتىپ، عىلىم ـ تەحنيكادا جاڭالىق اشۋدىڭ تولىق تىزبەكتى ورنالاسىمىن، جالپى سالالىق ورنالاسىمىن كۇشەيتىپ، ٴتول جاسامپازدىق قۋاتىنىڭ سالىستىرمالى ٴالسىز بولۋ، ٴىشىنارا شەشۋشى، وزەكتى تەحنيكادا وزگەلەردىڭ شەكتەۋىنە ۇشىراۋ سياقتى كورنەكتى ماسەلەلەردى شەشىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋگە پارمەندى تىرەك ازىرلەۋ كەرەك“، ـ دەدى يىن حىجۇن.
ورتالىق كوميتەتتىڭ مۇشەسى، گۇاڭدۇڭ ولكەسىنىڭ باستىعى ۋاڭ ۋيجۇڭ بىلاي دەدى: ”بىلتىر 4 ـ ايدا باس شۋجي شي جينپيڭ گۋاڭدۇڭدا قىزمەت تەكسەرگەندە، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندى تىزبەگىنىڭ تەرەڭدەي توعىسۋىن ىلگەرىلەتىپ، عىلىم ـ تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن ۇزدىكسىز جوعارىلاتۋ جونىندە ايقىن تالاپ قويدى. وسى رەتكى جالپى ٴماجىلىس جاپپاي جاڭالىق اشۋدى قولدايتىن ٴتۇزىلىس ـ مەحانيزمدى قۇرۋدى ماڭىزدى ورىنعا قويدى. باس شۋجيدىڭ ىقىلاستى تاپسىرماسى مەن جالپى ٴماجىلىستىڭ رۋحىن تياناقتاندىرۋ _ گۋاڭدۇڭنىڭ بۇلتارعىسىز مىندەتى“.
ۋاڭ ۋيجۇڭ مىنانى ٴبىلدىردى: گۋاڭدۇڭ جالپى بارىستىق جاڭالىق اشۋ تىزبەگىن قۇرۋدى جاپپاي جاڭالىق اشۋدى قولدايتىن ٴتۇزىلىس ـ مەحانيزمدى قۇرۋدىڭ كەلەلى تۇتقاسى ەتىپ، ”نولدەن بىرگە دەيىنگى“ ٴتول جاسامپازدىقتى ارقاۋ ەتىپ نەگىزدىك زەرتتەۋگە قوسىلاتىن ۇسىنىلىمدى ۇزدىكسىز ارتتىرىپ، ”بىردەن 10عا دەيىنگى“ جاسامپازدىق جەتىستىكتەرىن كادەگە جاراتۋدى جانە ”10نان 100گە دەيىنگى“ كاسىپ سالالاندىرۋدى ىلگەرىلەتۋگە زور كۇش سالىپ، ٴبىر قىدىرۋ ۇعىمدى دالەلدەۋ ورتالىعى مەن ارالىق سىناق تۇعىرىن ورنالاستىرىپ، اناعۇرلىم زور تەبىنمەن جاڭالىق اشۋ يقۋاتىن جوعارىلاتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، گۋاڭدۇڭنىڭ عىلىم ـ تەحنيكاداعى جانە كاسىپ سالاسىنداعى جاڭالىق اشۋ باسىمدىعىن جاڭا بيىكتە تۇلعالاۋدى، كۇشەيتۋدى ىلگەرىلەتەدى.
ەسىك اشۋ مەن رەفورما قاشاندا ٴبىر ـ بىرىنە سەرىك بولىپ دۇنيەگە كەلىپ، ٴبىرىن ـ ٴبىرى جەبەپ كەلەدى. ەسىك اشۋ _ جۇڭگو ۇلگىسىندەگى وسىزامانداندىرۋدىڭ ايقىن بەلگىسى.
ورتالىق كوميتەتتىڭ مۇشەسى، ساۋدا ىستەرى مينيسترلىگىنىڭ مينيسترى ۋاڭ ۋىنتاۋ بىلاي دەدى: وسى رەتكى جالپى ٴماجىلىس سىرتقا ەسىك اشۋ نەگىزگى مەملەكەت ساياساتىنا، ٴسوزسىز، تاباندى بولۋ، جوعارى دەڭگەيدەگى سىرتقا ەسىك اشۋ ٴتۇزىلىس ـ مەحانيزمىن كەمەلدەندىرۋ كەرەكتىگىن اناعۇرلىم باسا دارىپتەدى، بۇل پارتيا ورتالىق كوميتەتىنىڭ سىرتقا ەسىك اشۋ قىزمەتىنە وسكەلەڭ ٴمان بەرەتىندىگىن بەينەلەپ، ەلىمىزدىڭ سىرتقا ەسىكتى ايقارا اشۋدان بۇلجىمايتىن سەنىمىن ايگىلەدى.
ۋاڭ ۋىنتاۋ مىنانى ٴبىلدىردى: ەسىك اشۋ ارقىلى رەفورمانى جەبەۋگە تاباندى بولىپ، نازاردى تۇزىمدىك ەسىك اشۋعا شوعىرلاندىرىپ، حالىقارانىڭ جوعارى ولشەمدى ەكونوميكا ـ ساۋدا قاعيداسىمەن ٴتۇيىلىسىپ، ەركىن ساۋدا سىناق رايونى سياقتىلاردا الدا ٴجۇرىپ، الدىمەن سىناق جۇرگىزىپ، قاعيدانىڭ، بەلگىلەمەنىڭ، باسقارۋدىڭ، ولشەمنىڭ ۇلاسۋىن، توعىسۋىن جۇزەگە اسىرىپ، جاڭا ەسىك اشۋدىڭ پايداسىن جارىققا شىعارۋ كەرەك.
”ٴبىز ’جۇڭگو قارجىلاندىرعان‘ ماركانى اناعۇرلىم جارقىراتىپ، ۇنامسىز تىزىمدىكتى ’ازايتۋدى‘، شارۋاشىلىق ـ ساۋدا ورتاسىن جاقسارتۋدى ويداعىداي ىستەپ، جۇڭگونىڭ ۇلكەن بازارىن بۇكىل جەر شارىنداعى جاڭالىق اشۋ قيمىلىنىڭ ’كۇشتى ماگنيت ورىسىنە‘ اينالدىرۋىمىز كەرەك. كاسىپ سالاسى تىزبەگىندەگى، قامداۋ تىزبەگىندەگى حالىقارالىق سەلبەستىكتى تەرەڭدەتىپ، اشىق دۇنيە ٴجۇزى ەكونوميكاسىن قۇرۋدى ىلگەرىلەتۋىمىز كەرەك، ـ دەدى ۋاڭ ۋىنتاۋ.
حاۋىپسىزدىك پەن دامۋ ٴبىر دەنەدەگى قوس قانات، قوزعالتاتىن قوس دوڭگەلەك. مەملەكەت حاۋىپسىزدىگى _ جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىنىڭ ماڭىزدى نەگىزى.
ورتالىق كوميتەتتىڭ مۇشەسى، شىعىس بولىك سوعىس رايونىنىڭ جىڭۋيى ليۋ چيڭسۇڭ مىنانى ٴبىلدىردى: حالىق ارمياسى _ مەملەكەت حاۋىپسىزدىگىنىڭ مىعىم تىرەگى، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا، اسكەري ىستەر كۇش ـ قۋاتىنىڭ اۋقىم جاساۋ، داعدارىستى باسقارۋ ـ مەڭگەرۋ، سوعىستى تەجەۋ، سوعىستا جەڭىسكە جەتۋ جاقتارىنداعى ستراتەگيالىق رولىن تولىق ساۋلەلەندىرىپ، اناعۇرلىم كۇشتى قۋات، اناعۇرلىم سەنىمدى ٴتاسىل ارقىلى رەفورمانى اناعۇرلىم جاپپاي تەرەڭدەتۋگە حاۋىپسىزدىك قامتاماسىزدىعىن جانە ستراتەگيالىق تىرەك ازىرلەيدى.
وسى رەتكى جالپى ٴماجىلىس مەملەكەت قورعانىسى مەن ارميا رەفورماسىن ۇزدىكسىز تەرەڭدەتۋدى رەفورمانىڭ تۇتاس تۇلعالىق ورنالاسىمىنا ەنگىزدى.
”شىعىس بولىك ەكونوميكالىق، قوعامدىق رەفورمانىڭ ەڭ الدىڭعى شەبى ٴارى رەفورما ارقىلى ارميانى قۇدىرەتتەندىرۋدىڭ ماڭىزدى سىناق الاڭى، ٴبىز پارتيا مەن مەملەكەت رەفورماسىنىڭ اياق الىسىمەن بەلسەنە توعىسىپ، مەملەكەت قورعانىسى مەن ارميا رەفورماسىنىڭ جوسپارى بويىنشا، بىرلەسىپ سوعىس جۇرگىزۋ جۇيەسىنىڭ رەفورماسى مەن جاۋىنگەرلىك كۇشتى تۋىنداتۋ ۇلگىسىندە جاڭالىق اشۋدى ۇزدىكسىز تەرەڭدەتىپ، پارمەندى شارالارمەن رەفورما ارقىلى ارميانى قۇدىرەتتەندىرۋ ستراتەگياسىنىڭ ٴتۇرلى قىزمەتتەرىن تياناقتاندىرىپ، ناقتىلاندىرىپ، ارميا قۇرىلعاندىعىنىڭ 100 جىلدىق كۇرەس نىساناسىن، دۇنيە جۇزىندەگى بىرەگەي ارميا قۇرۋدى جۇزەگە اسىرۋعا قۇدىرەتتى قوزعالىس قۋات ۇستەيمىز“، ـ دەدى ليۋ چيڭسۇڭ.
جۇڭگو ۇلگىسىندەگى وسىزامانداندىرۋدا حالىق تۇرمىسى ەڭ ماڭىزدى. رەفورمانى جاپپاي تەرەڭدەتۋدە حالىق بارىنەن جوعارى تۇرادى.
سىرتتاي قاتىناسقان ۋاكىل، شينجياڭ ٴۇرىمجى قالاسى كەلپىن جولى سولتۇستىك الەۋمەتتىك اۋماعى پارتكومىنىڭ شۋجيى رىزۋانگۇل ساۋىت جالپى ٴماجىلىس قاۋلىسىن ۇقىپتىلىقپەن زەرتتەپ، وقىپ، جالپى ٴماجىلىس رۋحىن ىشكەرىلەي ۇيرەنىپ، رەفورمانى اناعۇرلىم جاپپاي تەرەڭدەتۋدىڭ حالىق تۇرمىسى جاعىنداعى جىلۋىن شىنايى سەزىندى.
”بەرتىنگى جىلدارى ٴبىر قىدىرۋ رەفورما شارالارى ٴبىزدىڭ اۋرۋ كورسەتۋىمىزگە اناعۇرلىم قولايلىلىق جاراتتى، زەينەتكەرلىك كۇتىمدەلۋدە اناعۇرلىم الاڭسىز بولدىق، حالىق بۇقاراسىنىڭ ’باقىت تىزىمدىكتەرى‘ دە رەفورمانىڭ ’ونىمدىلىك تىزىمدىگى‘ “بولدى. رىزۋانگۇل ساۋىت بىلاي دەدى: قىزمەت ورنىما قايتقاننان كەيىن، تىزگىن ۇشىمەن الەۋمەتتىك اۋماقتاعى پارتيا مۇشەلەرىن، كادرلاردى جالپى ٴماجىلىس رۋحىن ۇيرەنۋگە ۇيىمداستىرىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ىستەرىنەن نەگىزگى ساتى رەفورما قىزمەتىنىڭ كۇش سالۋ ٴتۇيىنىن، شىعار ٴتۇيىنىن تاۋىپ، حالىققا قولايلى قىزمەت وتەۋدەگى كىشى ـ گىرىم ىستەردەن باستاپ يگەرىپ، تۇرعىندارىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتامىن.
(شينحۋا اگەنتتىگىنىڭ 7 ـ ايدىڭ 18 ـ كۇنى بەيجيڭنەن بەرگەن حابارى)