ما شيڭرۇي بۇراتالا موڭعۇل اۆتونوميالى وبلىسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، جوعارى دەڭگەيدە ەسىك اشۋدى كەڭەيتۋ، جوعارى ساپالى دامۋدى ىلگەرىلەتۋ كەرەك

7 ـ ايدىڭ 20 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي بۇراتالا موڭعۇل اۆتونوميالى وبلىسىندا تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي الاتاۋ ساعاسى مەملەكەت قاقپاسىنا كەلىپ، شەكارا وتكەلىنىڭ جۇمىس جۇرگىزۋى جانە سىرتقى ساۋدا اياق الىسى جونىندەگى تانىستىرۋدى تىڭداپ، سول جەردىڭ وزىندە شەكارا وتكەلى تاس جولىنىڭ دارەجەسىن جوعارىلاتىپ جاڭالاۋ جاعدايىن تەكسەردى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 20 ـ كۇنى بۇراتالادان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 ـ ايدىڭ 20 ـ كۇنى بۇراتالا موڭعۇل اۆتونوميالى وبلىسىنا كەلىپ تەكسەرۋ ـ زەرتتەۋ جۇرگىزىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن ۇشتاستىرىپ، شەكارا وتكەلىندەگى مەملەكەت قاقپاسىن، باقشا رايونىنداعى كاسىپورىنداردى، ٴتۇيىندى نىسان قۇرىلىس الاڭدارىن ىشكەرىلەي ارالاپ، ەسىك اشۋعا، دامۋعا قاتىستى احۋالداردى تەكسەرىپ، ٴتۇيىندى قىزمەتتەردى ىلگەرىلەتۋدى اقىلداسىپ، جالپى ٴماجىلىس رۋحنىڭ تياناقتانۋىن، ناقتىلانۋىن ىلگەرىلەتتى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن تىعىز ۇشتاستىرىپ، جالپى ٴماجىلىستىڭ ستراتەگيالىق ورنالاستىرۋلارى مەن شينجياڭنىڭ كوز الداعى قىزمەتىنىڭ ۇشتاسۋ ٴتۇيىنىن، كۇش سالۋ ٴتۇيىنىن ٴدال تاۋىپ، مەملەكەتتىڭ جالپى جاعدايىنداعى ستراتەگيالىق ورىندى تىعىز ارقاۋ ەتىپ، ەسىك اشۋ ارقىلى رەفورمانى جەبەۋگە، دامۋدى جەبەۋگە تاباندى بولىپ، سەنىمدى بەكەمدەپ، كۇش ـ قۋات ۇيىستىرىپ، جاۋاپكەرشىلىك ارقالاپ، ناقتى ىستەپ، جوعارى دەڭگەيدە سىرتقا ەسىك اشۋدى تاباندىلىقپەن كەڭەيتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ كەرەك.

ما شيڭرۇي الاتاۋ ساعاسى مەملەكەت قاقپاسىنا كەلىپ، شەكارا وتكەلىنىڭ اينالىمى جانە سىرتقى ساۋدانىڭ اياق الىسى جونىندەگى تانىستىرۋدى تىڭداپ، شەكارا وتكەلى تاس جولىنىڭ دەڭگەيىن كوتەرىپ جاڭالاۋ، جۇك تاسىمالى پويەزدەرىنىڭ اينالىمى احۋالىن ناقتى ورىندا تەكسەرىپ، تەمىر جول، شەكارالىق تەكسەرۋ سياقتىلارعا جاۋاپتى جولداستارمەن پىكىر اۋىستىردى. ول بىلاي دەپ اتاپ كورسەتتى: ەسىك اشۋ _ جۇڭگو ۇلگىسىندەگى وسىزامانداندىرۋدىڭ ايقىن بەلگىسى، شينجياڭنىڭ جوعارى ساپالى دامۋدا دا، ٴسوزسىز، باسىپ وتەتىن جولى. شينجياڭنىڭ ازيا _ ەۆروپا التىن ارناسىن جانە باتىسقا ەسىك اشۋ قاقپاسىن تۇلعالاۋ ورنالاستىرۋىنا بەلسەندى تۇردە ىرىقتىلىقپەن قىزمەت كورسەتىپ، شەكارا وتكەلى قۇرىلعىلارىنىڭ فۋنكتسياسىن كەمەلدەندىرۋدى، دەڭگەيىن كوتەرۋدى جانە ساۋدانى قولايلىلاستىرۋدا جاڭالىق اشۋدى، رەفورمانى ۇزدىكسىز ىلگەرىلەتىپ، زاتتاردى كەدەننەن وتكىزۋ قابىلەتىن، ونىمدىلىگىن جەدەل جوعارىلاتىپ، جەتكەن جەرىندە وڭدەۋدى زور كۇشپەن دامىتىپ، شەكارا وتكەلى ەكونوميكاسىنىڭ مولشەرىن ارتتىرىپ، ساپاسىن جوعارىلاتۋدى جەبەپ، حالىقارالىق سەلبەستىكتى كەڭەيتۋ بارىسىندا ەسىك اشۋدىڭ بيىگىن تۇلعالاۋ كەرەك.

الاتاۋ ساعاسى كەشەندى قورعامالى باجى اۋماعىنا كەلگەندە، ما شيڭرۇي شەكارا اتتاعان ەلەكتروندى ساۋدا كاسىپ سالاسى باقشاسىنا كىرىپ، شەكارا وتكەلىندەگى كوپشىلىك قولدى زاتتاردىڭ يمپورت ـ ەكسپورت احۋالىن تانىستىرۋدى تىڭداپ، زاتتى قويمادا ساقتاۋ احۋالىن تەكسەرىپ، بىلاي دەپ اتاپ كورسەتتى: الاتاۋ ساعاسىنىڭ ەكى بازاردى، ەكى ٴتۇرلى بايلىقتى تۇتاستىرۋ سىندى ابزال شارت ـ جاعدايىنان تولىق پايدالانىپ، باقشا رايونىنىڭ فۋنكتسياسىن بەلسەنە كەڭەيتىپ، ساۋدا اينالىمىنىڭ جاڭا كاسىپ كۇيىن، جاڭا ۇلگىسىن جەتىلدىرىپ، سىرتقا ەسىك اشۋ دەڭگەيىن ۇزدىكسىز جوعارىلاتۋ ٴۇشىن جاڭا قوزعالىس كۇشىن قوسۋ كەرەك. كەشەندى قورعامالى باجى اۋماعىندا ما شيڭرۇي تاعى الاتاۋ ساعاسى شينبو مۇناي ـ تابيعي گاز قۇبىرىن جاساۋ شەكتى جاۋاپكەرشىلىك سەرىكتەستىگىندە تەكسەرۋ ـ زەرتتەۋ جۇرگىزىپ، كاسىپورىندى نىسان قۇرىلىسىن جانە ٴوندىرىس قۋاتىن جوعارىلاتۋدى جەدەلدەتىپ، ىشكى، سىرتقى ەكى بازاردى كوزدەي وتىرىپ دامۋعا ۇمتىلىپ، ونىمدىلىك قاراستىرىپ، قۋاتتى ۇزدىكسىز زورايتىپ، تاڭداۋلى، كۇشتى بولۋعا جىگەرلەندىردى؛ شينجياڭ جۇڭۋايفۋ ازيا _ ەۆروپا حالىقارالىق اۆتوكولىك بازارى نىسانىنىڭ سالىنۋ، جۇمىس جۇرگىزۋ احۋالىن ناقتى ورىندا ۇعىسىپ، كاسىپورىننىڭ ورتا ازياداعى مەملەكەتتەردىڭ اۆتوكولىك سۇرانىسىن يگەرىپ، حالىقارالىق بازاردى بەلسەنە اشىپ، كوپ نەگىزدى كاسىپ ورىستەتۋگە ىزدەنىس جاساپ، سىرتقى ساۋدانىڭ تىڭ ٴورىسىن ۇزدىكسىز كەڭەيتۋىن ٴۇمىت ەتتى.

ما شيڭرۇي تاعى بۇراتالا قالاسى 660×2 مىڭ كيلوۆاتتىق كومىر ەلەكتر نىسانى قۇرىلىسى جۇمىس باسىنا كەلىپ، نىساننىڭ اياق الىسىن ەگجەي ـ تەگجەيلى ۇعىسىپ، بۇرتالا وبلىستىق جاڭا ەنەرگيانى جوسپارلاۋ، دامىتۋ جانە بايلانىستى كاسىپ سالاسى نىسانىنىڭ تياناقتانۋ احۋالىن تانىستىرۋدى تىڭدادى. ول بىلاي دەپ باسا دارىپتەدى: ٴداستۇرلى ەنەرگيا مەن جاڭا ەنەرگيانىڭ ٴوزارا تولىقتاپ دامۋىن ىلگەرىلەتۋ بارىسىندا بۇراتالا وبلىسىنىڭ جەل ەنەرگيا بايلىعى باسىمدىعىن كۇش سالا ساۋلەلەندىرىپ، ٴتۇيىندى جەل ەلەكتر نىسانىنىڭ جەدەل اتقارىلۋىن، ەرتەرەك ونىمدىلىك كورسەتۋىن ىلگەرىلەتۋ كەرەك. ٴتۇيىندى نىسان قۇرىلىسىن مىقتى، ناقتى يگەرىپ، ٴونىمدى قارجى قوسۋدى ارتتىرۋعا پارمەندى جەتەكتەپ، وڭىرلىك ەكونوميكانىڭ ورنىقتى، اقاۋسىز ارتۋىن قامتاماسىز ەتۋ كەرەك.

ما شيڭرۇي تەكسەرۋ ـ زەرتتەۋ بارىسىندا بۇراتالا وبلىسىنىڭ الدىڭعى جارتى جىلداعى ەكونوميكالىق دامۋ، نىسان قۇرىلىسى سياقتى احۋالدارىن ىشكەرىلەي ۇعىستى ٴارى شەكارانىڭ الدىڭعى شەبىن ىشكەرىلەي ارالاپ، نەگىزگى ساتىدا كۇزەتتە تۇرعان وفيتسەر ـ اسكەرلەردەن حال سۇرادى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، 3 ـ توقسانداعى ۇتىمدى ورايدى يگەرىپ، كۇشتى شوعىرلاندىرا ارتىقشىلىقتى سومداپ، كەمشىلىكتى تولىقتاپ، جاڭالاردى باۋلىپ، كۇشتىلەردى جەتىلدىرىپ، ەكونوميكانىڭ جوعارى ساپالى دامۋىن جەدەل ىلگەرىلەتۋ كەرەك. ەسىك اشۋدى كەڭەيتۋ جاعىنا ۇزدىكسىز كۇش سالىپ، جوعارى دەڭگەيدە سىرتقا ەسىك اشۋ قاقپاسى تورابىن تۇلعالاۋدى كوزدەپ، سىرتقا ەسىك اشۋدىڭ بەلسەندى كۇيىن ۇزدىكسىز بەكەمدەپ، توڭىرەكتەگى ەلدەرمەن ەكونوميكا ـ ساۋدا، ٴوندىرىس قۋاتى جانە قارجى قوسۋ سەلبەستىگىن كەڭەيتىپ، اناعۇرلىم ناقتى شارالار ارقىلى جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدە تىڭ قادام تاستاۋ كەرەك. كاسىپ سالالارىن دامىتۋ جاعىنا ۇزدىكسىز كۇش سالىپ، باسىمدىققا يە ەنەرگيا، بايلىق كاسىپ سالالارىن جەدەل دامىتىپ، زورايتىپ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، ساياحات كاسىبىنىڭ جوعارى ساپالى دامۋىن ىلگەرىلەتىپ، وڭىرلىك ەرەكشەلىكتى جانە باسىمدىقتى ايگىلەيتىن وسى زامانعى كاسىپ سالاسى جۇيەسىن جەدەل قالىپتاستىرۋ كەرەك. نىساندى مىقتى يگەرۋ جاعىنا ۇزدىكسىز كۇش سالىپ، ٴتۇيىندى نىسانداردى ٴونىمدى قارجى قوسۋدى كەڭەيتۋدىڭ، ناقتى تۇلعالىق ەكونوميكانى زورايتۋدىڭ، دامۋدىڭ قوزعالىس كۇشىن جەتىلدىرۋدىڭ شەشۋشى شاراسى ەتىپ، ارتۋدى جەبەيتىن، ولقىلىقتاردى تولىقتايتىن، حالىق تۇرمىسىنا تيىمدىلىك جەتكىزەتىن نىسان قۇرىلىستارىنىڭ قارقىنىن جوعارىلاتۋدى، ساپاسىن جوعارىلاتۋدى، ونىمدىلىگىن جوعارىلاتۋدى بار كۇشپەن ىلگەرىلەتىپ، تۇتاس جىلداعى ەكونوميكالىق، قوعامدىق دامۋ نىساناسىن، مىندەتىن جۇزەگە اسىرۋ ٴۇشىن پارمەندى تىرەك ازىرلەۋ كەرەك.

ما شيڭرۇي بىلاي دەپ باسا دارىپتەدى: جەر ـ جەر، تاراۋلار بەلسەنە قيمىلداپ، دەن قويا ۇيىمداستىرىپ، ۇقىپتى ورنالاستىرىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىن ناقتى، ويداعىداي يگەرىپ، جەتە ۇيرەنۋدى، جەتە يگەرۋدى، شىنايى تياناقتاندىرۋدى، وي ـ ساناعا ۇيالاتىپ، ارەكەتتە ايگىلەۋدى ورىنداپ، جالپى ٴماجىلىس رۋحىنىڭ جۇرت كوڭىلىنە تەرەڭ ۇيالاۋىن، تياناقتانىپ تامىر تارتۋىن ىلگەرىلەتۋ كەرەك. رەفورما وي جەلىسىنەن جانە ادىسىنەن شەبەرلىكپەن پايدالانا وتىرىپ شينجياڭ قىزمەتىن ىلگەرىلەتىپ، جۇرەكتىلىكپەن يدەيانى، كوزقاراستى ازات ەتىپ، جۇلگەلىك يەك سۇيەۋدەن قۇتىلىپ، نازاردى جوعارى ساپالى دامۋ سىندى باستى مىندەتكە شوعىرلاندىرىپ، جۇيەلى ويلاپ، جوسپارلاپ، تەرەڭدەي تالداۋ جاساپ، تۇجىرىمداپ، ماسەلەنىڭ ٴتۇيىنىن ٴدال تاۋىپ، قىزمەتتىڭ كىرىسۋ ٴتۇيىنىن ناقتاپ تاۋىپ، جالپى جاعدايدى جەتەكتەيتىن ٴتۇيىندى قىزمەتتەردى جانە قازىرگى ۋاقىتتا شۇعىل قاجەت بولعان شەشۋشى ىستەردى مىقتى يگەرىپ، كۇشتى شوعىرلاندىرا سەرپىلىس جاساپ، ەكونوميكانىڭ جوعارى ساپالى دامۋىندا تىڭ ىلگەرىلەۋشىلىككە قول جەتكىزۋدى قولايلى ساتتەن ۇتىمدى پايدالانىپ ىلگەرىلەتۋ كەرەك.