اۆتونوميالى رايوندىق پارتكوم تۇراقتى كوميتەتى ٴماجىلىس اشتى

پارتيا ورتالىق كوميتەتىنىڭ قاتىستى قىزمەت تالاپتارىن دايەكتىلەندىردى، تياناقتاندىردى، اۆتونوميالى رايوننىڭ ەكونوميكا قىزمەتىن اقىلداستى، ورنالاستىردى

ما شيڭرۇي ٴماجىلىستى باسقاردى

 شينجياڭ گازەتىنىڭ حابارى (ٴتىلشى ۋاڭ شيڭرۇي). اۆتونوميالى رايوندىق پارتكوم تۇراقتى كوميتەتى 7 ـ ايدىڭ 19 ـ كۇنى ٴماجىلىس اشىپ، ورتالىقتاعى باسشى جولداستاردىڭ قاتىستى قىزمەت تالاپتارىن جەتكىزدى، تياناقتاندىردى، پارتيا ورتالىق كوميتەتىنىڭ پارتيا، ۇكىمەت باسشىلىق القاسى قۇرىلىسى جونىندەگى ورنالاستىرۋلارىن، تالاپتارىن دايەكتىلەندىرۋدى اقىلداستى، اۆتونوميالى رايوننىڭ بيىل الدىڭعى جارتى جىلداعى ەكونوميكالىق اينالىم جاعدايى جونىندەگى مالىمەتتى تىڭداپ، كەلەسى قادامداعى ەكونوميكا قىزمەتىن اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

ٴماجىلىس ورتالىقتاعى باسشى جولداستاردىڭ حالىق تۇرمىسىنا اناعۇرلىم ويداعىداي تىعىز جاناسىپ، جۇرت تىلەگىن ۇيىستىرىپ شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدى اتقارۋ جوباسىن دايەكتىلەندىرۋ، تياناقتاندىرۋ جونىندەگى قاتىستى تالاپتارىن جەتكىزدى. ٴماجىلىس مىنالاردى باسا دارىپتەدى: باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا ەرەكشە قامقورلىعىن، قويۋ سۇيىسپەنشىلىگىن تەرەڭ ٴتۇسىنىپ، دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جەتە تانىپ، نازاردى مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىنا شوعىرلاندىرىپ، اتقارۋ جوباسىن دايەكتىلەندىرۋدى، تياناقتاندىرۋدى قاز ـ قالپىندا ويداعىداي يگەرۋ كەرەك. جۇيەلى جوسپارلاۋدى جانە جالپى تۇلعالىق ىلگەرىلەتۋدى كۇشەيتىپ، شينجياڭنىڭ ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرىن مىقتاپ ارقاۋ ەتىپ، بىرەۋى ارقىلى ٴبارىن اتتانىسقا كەلتىرەتىن شەشۋشى تۇيىندەردى ٴدال تاۋىپ، دالمە ـ ٴدال كۇش سالىپ، ٴتۇيىندى سەرپىلىس جاساۋ ارقىلى جالپى تۇلعالىق جاقتان جوعارىلاتۋعا جەتەكتەۋ كەرەك. جەر ـ جەر، تاراۋلار ساياسي جاۋاپكەرشىلىكتى باتىل ارقالاپ، اتقارۋ جوباسىنداعى ٴتۇرلى مىندەتتەرگە تۋرالانىپ، ٴبىر تۇتاس جوسپارلاۋ، سايكەستىرۋ، بىرلەسىپ قيمىلداۋ قابىلەتىن جوعارىلاتىپ، قىزمەت ٴبولىسىن اشالاپ، ناقتى شارالاردى كۇشەيتىپ، پارتيا ورتالىق كوميتەتىنىڭ ٴتۇرلى شەشىمدەرىن، ورنالاستىرۋلارىن ناقتى تياناقتاندىرۋدى، ناقتى ونىمدىلىككە قول جەتكىزۋدى بار كۇشپەن ىلگەرىلەتۋى كەرەك.

ٴماجىلىس مىنالاردى باسا دارىپتەدى: «بۇكىل ەلدىڭ پارتيا، ۇكىمەت باسشىلىق القالارى قۇرىلىسى جوبا باعدارلاماسىن (2024 ـ جىلدان 2028 ـ جىلعا دەيىنگى)» جاساۋ، اتقارۋ − پارتيا ورتالىق كوميتەتىنىڭ جاڭا داۋىردەگى جاڭا جورىقتاعى پارتيا مەن مەملەكەت ىستەرىنىڭ دامۋىن كوزدە ۇستاي وتىرىپ جـاساعان مـاڭىزدى ورنالاستىرۋى. بـاس شـۋجي شي جينپيڭنىڭ باسشىلىق القالارى قۇرىلىسىن كۇشەيتۋ جونىندەگى ٴبىر قىدىرۋ جاڭا ۇستانىمدارىن، جاڭا يدەياسىن، جاڭا تۇجىرىمدارىن ىشكەرىلەي ۇيرەنىپ، ٴتۇسىنىپ، جوبا باعدارلاماسىنا جانە ورتالىق كوميتەت ۇيىمداستىرۋ ٴبولىمىنىڭ قىزمەت تالاپتارىنا ساي، جوعارى دەڭگەيدە جوبالاۋدى كۇشەيتىپ، بيڭتۋان مەن جەرگىلىكتى ورىندى ٴبىر تۇلعالاندىرا جوسپارلاۋعا، شينجياڭنىڭ ٴىشى مەن سىرتى بىرلەسىپ ارەكەتتەنۋگە، ٴارقايسى ۇلتتارعا ٴبىر تۇتاس تەڭ ٴمان بەرۋگە تاباندى بولىپ، شينجياڭداعى ٴار دارەجەلى باسشىلىق القالارىن ساپالى ەتىپ دايىنداپ، مىقتى ەتىپ قۇرىپ شىعۋعا كۇش سالۋ كەرەك. ساياسي قۇرىلىستى ماڭداي الدى ورىنعا قويىپ، ٴار دارەجەلى باسشىلىق القالارىنىڭ باستان ـ اياق پارتياعا ادال بولۋىنا شىنايى كەپىلدىك ەتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋعا بۇلجىماي تاباندى بولۋ كەرەك. ادام ىستەتۋدىڭ دۇرىس باعدارىنا تاباندى بولىپ، ادام تاڭداۋ، ادام ىستەتۋ كوز اياسىن كەڭەيتىپ، جوعارى ساپالى دامۋ سىندى ماڭداي الدى مىندەتتى ارقاۋ ەتىپ جارامدىلاردى تاڭداپ مىندەتكە قويىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان ٴار ۇلت كادرلارىن زور كۇشپەن تاڭداپ ٴوسىرىپ، قۇرىلىمدى ۇزدىكسىز ساپالىلاندىرىپ، جالپى تۇلعالىق يقۋاتتى كۇشەيتۋ كەرەك. قابىلەتتى، ونەردى كۇش سالا جوعارىلاتىپ، ٴار دارەجەلى باسشىلىق القالارىنىڭ ساياسي ساپا، كاسىپتىك ورە، قىزمەت قابىلەتى سياقتى جاقتاردا شينجياڭنىڭ وسىزامانداندىرۋ قۇرىلىسى قاجەتىنە اناعۇرلىم ويداعىداي ۇيلەسۋىن ىلگەرىلەتىپ، ستيل جانە ٴتارتىپ قۇرىلىسىن ۇزدىكسىز كۇشەيتىپ، جاڭا جورىقتا كورىكتى شينجياڭ قۇرۋدى ٴونىمدى قامتاماسىز ەتۋ كەرەك.

ٴماجىلىس مىنالاردى اتاپ كورسەتتى: بيىل الدىڭعى جارتى جىلدا تۇتاس رايوننىڭ ەكونوميكالىق اينالىمىندا ورنىقتىلىق بارىسىندا بەكەمدەلۋ، ورنىقتىلىق بارىسىندا جاقسارۋعا بەت الۋ جاعدايى جارىققا شىعىپ، باستى ەكونوميكالىق كورسەتكىشتەر جالپى جاقتان مەجەگە جەتىپ، ٴبىر توپ كەلەلى نىساندار جەدەل ىلگەرىلەتىلىپ، تۇتاس جىلدىق ەكونوميكالىق دامۋدىڭ نىسانا ـ مىندەتتەرىن ورىنداۋعا تاماشا نەگىز قالاندى. جەر ـ جەر، تاراۋلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورايدى، جاعدايدى دالمە ـ ٴدال يگەرىپ، ماسەلەلەرگە، جەتەرسىزدىكتەرگە ىشكەرىلەي تالداۋ جاساپ، اناعۇرلىم پارمەندى شارالار ارقىلى ارتىقشىلىقتاردى ارتتىرىپ، ولقىلىقتاردى تولىقتاپ، نىسانالى ىستەپ، دالمە ـ ٴدال شارا قولدانىپ، ەكونوميكانىڭ ساپا جاعىندا ٴونىمدى جوعارىلاۋى مەن سان جاعىندا ۇيلەسىمدى ارتۋىن ىلگەرىلەتۋى كەرەك. ”سەگىز ٴىرى كاسىپ سالاسى شوعىرىن“ جەدەل قۇرىپ، مۇناي ـ گاز سالاسىندا ورتالىق پەن جەرگىلىكتى ورىننىڭ سەلبەستىگىن كەڭەيتىپ، ٴتۇيىندى اۋماقتاردا مۇناي ـ گاز بارلاپ اشۋدى جەدەل ىلگەرىلەتۋ؛ كومىر ٴوندىرىس قۋاتىن ۇزدىكسىز جارىققا شىعارىپ، ”شينجياڭنىڭ كومىرىن سىرتقا تاسىمالداۋ“ ارنا قۇرىلىسىن بەلسەندى ىلگەرىلەتۋ؛ جاڭا ەنەرگيانى دامىتۋدى بار كۇشپەن ىلگەرىلەتىپ، ٴتۇيىندى جەل ەلەكتر نىساندارىنىڭ جىل ىشىندە قۇرىلۋىن ٴارى جەلىگە جالعانۋىن ىلگەرىلەتىپ، جاڭاشا ەلەكتر قۋاتى جۇيە قۇرىلىسىن جەدەلدەتۋ؛ ستراتەگيالىق كەن بايلىعىن بارلاۋدى، اشۋدى كۇشەيتىپ، كەن شارۋاشىلىعى ۇقىعىن وتكەرمەلەۋدى ٴتارتىپتى ىلگەرىلەتۋ؛ استىق ٴوندىرىس قۋاتىن جوعارىلاتۋ نىساناسىن بەلسەنە تياناقتاندىرۋ كەرەك. كەلەلى نىسان قۇرىلىستارىن كۇش سالا ىلگەرىلەتىپ، نىسان جۇمىستارىن جۇرگىزۋدىڭ التىن مەزگىلىن مىقتى يگەرىپ، ەنەرگيا بايلىعىن اشۋ، پايدالانۋ، نەگىزدىك قۇرىلعى ”ون تورى“ قۇرىلىسى سياقتىلاردى ارقاۋ ەتىپ، كەلەلى ينجەنەريالاردىڭ تياناقتانىپ اتقارىلۋىن، ساپاسىن جوعارىلاتىپ، ونىمدىلىگىن ارتتىرۋدى بەلسەنە ىلگەرىلەتۋ كەرەك. ساياحات كاسىبىنىڭ دامۋ جاعدايىن بەكەمدەپ، دەڭگەيىن جوعارىلاتىپ، تۇتىنۋدى ارتتىرۋ ٴورىسىن ٴونىمدى اشىپ، قىزمەت وتەۋ كاسىبىنىڭ جەدەل دامۋىن ىلگەرىلەتۋ كەرەك. سىرتقا ەسىك اشۋدىڭ تەرەڭدىگىن، كەڭدىگىن كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ٴتۇيىندى مىندەتىن جەدەل ىلگەرىلەتىپ، شينجياڭ ەركىن ساۋدا سىناق رايونىن جوعارى ساپامەن قۇرىپ، ورتا ازيا ەلدەرىمەن ناقتى ىستەر سەلبەستىگىن ونان ارى كەڭەيتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن سەلبەستىكتى تەرەڭدەتىپ، سىرتقى ساۋدانى، شەتەل قارجىسىن ۇزدىكسىز ورنىقتىرۋ كەرەك. حالىق تۇرمىسىن كۇش سالا قامتاماسىزداندىرىپ جانە جاقسارتىپ، ٴتۇيىندى قاۋىمدى جۇمىستاندىرۋ قىزمەتىن ويداعىداي يگەرۋدى كورنەكتىلەندىرىپ، ەگىنشى ـ مالشىلاردىڭ جان باسىندىق كىرىسىن ۇزدىكسىز جوعارىلاتىپ، اۆتونوميالى رايوننىڭ حالىق تۇرمىسىنداعى 10 ٴىرى ناقتى ٴىستى تىڭعىلىقتى ويداعىداي ىستەپ، ٴتۇيىندى حالىق تۇرمىسى ينجەنەريالارىن زور كۇشپەن ىلگەرىلەتۋ كەرەك. حاۋىپ ـ قاتەرلەردەن ٴونىمدى ساقتانىپ جانە ونى جويىپ، قوعام ورنىقتىلىعى، ۇكىمەت قارىزى، فينانس، ٴوندىرىس حاۋىپسىزدىگى سياقتى ٴتۇيىندى سالالاردى ارقاۋ ەتىپ، حاۋىپ ـ قاتەرلەردى، كومەسكى كىناراتتاردى ٴونىمدى تۇردە ٴبىر ـ بىردەن تەكسەرۋدى جانە ونى جويۋدى ۇزدىكسىز كۇشەيتىپ، جوعارى دەڭگەيلى حاۋىپسىزدىك ارقىلى جوعارى ساپالى دامۋدى قامتاماسىزداندىرۋ كەرەك. جەر ـ جەر، تاراۋلار، اسىرەسە، نەگىزگى جاۋاپتى جولداستار يدەيانى ازات ەتىپ، شىندىقتى ٴىس جۇزىنەن ىزدەپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، اناعۇرلىم مىعىم قايرات ـ جىگەرمەن، اناعۇرلىم ناقتى شارامەن شينجياڭ ەكونوميكاسىنىڭ جوعارى ساپالى دامۋىنىڭ ورنىقتى قاداممەن الىسقا جەتۋىن ىلگەرىلەتۋ كەرەك.