جۇڭگو ۇلگىسىندەگى وسىزامانداندىرۋ بارىسىندا كورىكتى ىلەنى اناعۇرلىم ويداعىداي قۇرىپ شىعامىز

پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى ىلەدەگى كادرلار مەن بۇقارا اراسىندا قىزۋ اڭىس قوزعادى

تىلشىلەرىمىز ما چىڭلۋ، حان شاشا، لۋ جۇڭ، ەرىكتى تىلشىلەر لاي شۋەتيڭ، جاڭ تيڭ، چي يۇيۋي، يۇڭ چىڭفان حابارلايدى. 7 - ايدىڭ 15 - كۇنىنەن 18 - كۇنىنە دەيىن  پارتيا 20 - كەزەكتى  ورتالىق كوميتەتىنىڭ ٴۇشىنشى جالپى ٴماجىلىسى بەيجيڭدە تابىسپەن وتكىزىلدى. ىلە وبلىسىنداعى قالىڭ كادرلار مەن بۇقارا پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن دەر كەزىندە ۇيرەنىپ، ٴتۇسىنىپ، ٴبىر اۋىزدان مىنالاردى ٴبىلدىردى: جالپى ٴماجىلىس جۇڭگو ۇلگىسىندەگى وسىزامانداندىرۋدى ىلگەرىلەتۋدە ٴدۇپ كەلگەن جاڭا جاعداي، جاڭا ماسەلەلەرگە ىشكەرىلەي تالداۋ جاساپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى توڭىرەكتەي وتىرىپ، رەفورمانى ونان ارى جاپپاي تەرەڭدەتۋدىڭ جالپى تۇلعالىق ورنالاستىرۋىن عىلمي جوسپارلادى. ٴبىز يدەيا مەن ارەكەتتى جالپى ٴماجىلىستىڭ رۋحىمەن شىن مانىندە بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، رەفورما جاساۋ، ەسىك اشۋ تۋىن بيىك ۇستاپ، زەيىن ـ زەردەنى، كۇش ـ قۋاتتى شوعىرلاندىرىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ بارىسىندا كورىكتى ىلەنى اناعۇرلىم ويداعىداي قۇرىپ شىعامىز. 

ىلە وبلىسىنىڭ ورىنباسار باستىعى، وبلىستىق قوعام حاۋىپسىزدىگى مەكەمەسى پارتكومنىڭ شۋجيى، مەكەمە باستىعى ما تاۋ بىلاي دەدى: ”پارتيا 20  - كەزەكتى ورتالىق كوميتەتىنىڭ ٴۇشىنشى جالپى ٴماجىلىسىنىڭ تابىسپەن وتكىزىلۋى ٴبىزدىڭ قوعام حاۋىپسىزدىگى قىزمەتىمىزگە العا باسۋ بەتالىسىن كورسەتىپ بەردى. 

جالپى ٴماجىلىس مىنانى العا قويدى: زاڭمەن باسقارۋ − جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى. ٴبىز پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن باتىل دايەكتىلەندىرىپ، نازاردى جوعارى ورەدەگى تىنىش ىلە قۇرۋعا شوعىرلاندىرىپ، ىلەنىڭ قوعام حاۋىپسىزدىگى قىزمەتىنىڭ جاڭا جاعدايىن كۇش سالا اشىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن  ىلگەرىلەتۋگە پارمەندى قامتاماسىزدىق ازىرلەيمىز. پارتيانىڭ قوعام حاۋىپسىزدىگى قىزمەتىنە شارتسىز باسشىلىعىنا باستان - اياق تاباندى بولىپ، شي جينپيڭنىڭ زاڭمەن باسقارۋ يدەياسىن ىشكەرلەي ۇيرەنىپ، دايەكتىلەندىرىپ، جالپى حالىق ساقشىلارى مەن كومەكشى ساقشىلاردىڭ ساياسي ساپاسى مەن كاسىپتىك قابىلەتىن ۇزدىكسىز جوعارىلاتىپ، قوعام حاۋىپسىزدىگى قوسىنىنىڭ شارتسىز ادالدىعىنا، شارتسىز كىرشىكسىزدىگىنە، شارتسىز سەنىمدىلىگىنە شىنايى كەپىلدىك ەتەمىز. لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋ، ۇدايىلاندىرۋ قىزمەتى جۇيەسىن ىشكەرىلەي ىلگەرىلەتىپ، جاز ماۋسىمىندا اماندىق باسقارۋ بويىنشا سوققى بەرۋ، جونگە سالۋ ارەكەتىن ىشكەرىلەي ورىستەتىپ، ٴتۇرلى زاڭعا قايشى قىلمىستىق ارەكەتتەرگە قاتاڭ سوققى بەرۋدىڭ تەگەۋرىندى كۇيىن باستان - اياق ساقتاپ، ”ەرتە سوققى بەرۋ، ۇلعايتپاي الدىن الۋدى“ نەگىزگى جەلى ەتىپ، قوعام اماندىعى جاعىنداعى ورنىقسىز تۇيىندەرگە قاداعالاي نازار اۋدارىپ، ساقشى كۇشىن كوبەيتىپ، شوعىرلى نىساناعا الىپ، سىلەيتە سوققى بەرەمىز. سونىمەن بىرگە قاينارىنان جونگە سالۋدى كۇشەيتىپ، قايشىلىقتار مەن داۋ - شارلاردى وركەن كۇيىندە جويۋعا كۇش سالامىز ٴارى رەفورما ارقىلى ساقشى قوسىنىن قۇدىرەتتەندىرۋ، عىلىم ـ تەحنيكا ارقىلى ساقشى قوسىنىن گۇلدەندىرۋدى ۇزدىكسىز تەرەڭدەتىپ، ’كاسىپ + مەحانيزم + ٴىرى ساندى مالىمەت‘ سىندى ساقشى ىستەرىنىڭ جاڭا ۇلگىسىن بەلسەنە ورناتىپ، نازاردى شارۋاشىلىق - ساۋدا ورتاسىن ساپالىلاندىرۋعا شوعىرلاندىرىپ، ’تومەنگە بەرۋ، باسقارۋ، قىزمەت وتەۋ‘ رەفورماسىن ىشكەرىلەي تەرەڭدەتىپ، ساقشى ىستەرى قىزمەت يقۋاتىن جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتامىز. زاڭ اتقارۋ ٴتۇزىم جۇيەسىن ورناتىپ جانە اقاۋسىزداندىرىپ، زاڭ اتقارۋ، دەلو ٴبىتىرۋدى باسقارۋ ورتالىعىنىڭ قىزمەت ساپاسىن جوعارىلاتىپ، ونىمدىلىگىن ارتتىرۋدى جاپپاي ىلگەرىلەتىپ، زاڭ اتقارۋ، دەلو ٴبىتىرۋدىڭ ٴارقايسى بۋىندارىن ناقتىلاندىرىپ جانە جۇيەلىلەندىرىپ، قوعام حاۋىپسىزدىگى ورگانىنىڭ زاڭ اتقارۋ ساپاسى مەن الەۋمەتتىك سەنىمدىلگىن جاپپاي جوعارىلاتامىز.

پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى زاڭمەن باسقارۋ − جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى دەپ اتاپ كورسەتتى. شينجياڭ ۇيعۇر اۆتونوميالى رايوندىق جوعارى حالىق سوتى مەكەمەسىنىڭ ىلە قازاق اۆتونوميالى وبلىستىق بولىمشەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى حاۋ گۇيحۋا بىلاي دەدى: حالىق سوتى مەكەمەسى پارتيانىڭ باسشىلىعىنداعى مەملەكەتتىڭ سوت جۇرگىزۋ ورگانى رەتىندە ”ادىلدىك جانە ونىمدىلىك“ سىندى قىزمەت نەگىزگى تاقىرىبىن مىقتاپ ارقاۋ ەتىپ، شي جينپيڭنىڭ زاڭمەن باسقارۋ يدەياسىن ىشكەرىلەي دايەكتىلەندىرىپ، تياناقتاندىرىپ، ٴادىليا ٴتۇزىلىسى رەفورماسىن تەرەڭدەتىپ، ىرىقتى مىندەت اتقارۋدا تاباندى بولىپ، ادىلدىكتى جەبەۋگە، ونىمدىلىكتى جوعارىلاتۋعا، قوسىندى كۇشەيتۋگە كۇش سالىپ، ساياسي تۇرعىدان قاراۋعا شەبەر، زاڭ بويىنشا بىتىرۋگە جەتىك بولىپ، جالپى جاعدايعا قىزمەت وتەۋ، ٴادىليانى حالىق ٴۇشىن جۇرگىزۋ جاعىندا ناقتى ىستەپ، سوت جۇرگىزۋ ۇستانىمى، سوت جۇرگىزۋ مەحانيزمى، سوت جۇرگىزۋ جۇيەسى، سوت جۇرگىزۋدى باسقارۋ سياقتى جاقتاردى جالپى تۇلعالىق جاقتان ىلگەرىلەتىپ، جۇيەلى تياناقتاندىرامىز. ”ەگەر ارىزدانۋشى مەن بولسام“ دەيتىن تانىم ارقىلى حالىق تۇرمىسىنا قاتىستى دەلولاردى دەن قويا، سۇيىسپەنشىلىكپەن ويداعىداي ىستەپ، حالىق تۇرمىسىنا قاتىستى ناقتى ىستەردى جاقسى ىستەپ، دەلو ٴبىتىرۋدىڭ ساپاسى مەن ونىمدىلىگىن ۇزدىكسىز جوعارىلاتىپ، ٴادىليانى حالىق ٴۇشىن جۇرگىزۋدى اناعۇرلىم سەرپىنگە جانە مەيىرگە يە ەتىپ، حالىق بۇقاراسىنا ادىلدىكتىڭ، تۋراشىلدىقتىڭ جانىمىزدا ەكەنىن شىنايى سەزىندىرەمىز. ”الدىڭعى بولىگىن يگەرۋ، اۋرۋ بايقالماعاندارىن دا ەمدەۋدى“ ناقتى ىستەپ، مەملەكەتتى باسقارۋ مەن قوعامدى باسقارۋدى ىرىقتىلىقپەن توعىستىرىپ، ”فىڭچياۋ تاجىريبەسىنەن“ ويداعىداي، جاندى پايدالانىپ، قاتىستى تاراۋلارمەن سايكەسۋدى، ىقپالداسۋدى كۇشەيتىپ، ارىز - شاعىم قاينارىن جونگە سالۋدى تەرەڭدەتىپ، قايشىلىقتار مەن داۋ - شارلاردىڭ قاينارىنان، كوپ نەگىزدى، ماندىك شەشىلۋىن ىلگەرىلەتەمىز. نازاردى ىلە وبلىسىنىڭ ”1+1+8 كاسىپ سالاسى شوعىرى“ قۇرىلىسى، شينجياڭ ەركىن ساۋدا سىناق رايونى قورعاس اۋماعى قۇرىلىسى، جوعارى دەڭگەيدە سىرتقا ەسىك اشۋ، ەكولوگيالىق ورتانى قورعاۋ سياقتىلارداعى زاڭمەن باسقارۋ سۇرانىستارىنا شوعىرلاندىرىپ، اناعۇرلىم كوپ نەگىزدى، ساپالى، جوعارى ٴونىمدى ٴادىليالىق قىزمەت وتەۋمەن قامداپ، ىزگى نيەتتى، وركەنيەتتى اتقارۋ ۇستانىمىنا تاباندى بولىپ، ”يكەمدى جابۋ، يكەمدى ۇستاپ قالۋدان“ زاڭ بويىنشا پايدالانىپ، ”ٴومىر سۇرۋىنە مۇمكىندىك تۋدىرۋدى“ شىنايى ىستەپ، ەكونوميكانىڭ ومىرشەڭدىك كۇشىن ۇزدىكسىز تاسقىنداتىپ، زاڭمەن باسقارىلاتىن شارۋاشىلىق - ساۋدا ورتاسىن اناعۇرلىم ساپالىلاندىرىپ، جوعارى ورەدەگى زاڭمەن باسقارۋ ارقىلى جوعارى ساپالى دامۋعا قورعان بولىپ، جۇڭگو ۇلگىسىندەگى وسىزامانداندىرۋدىڭ ىلە امالياتىنا پارمەندى ٴادىليالىق قىزمەت وتەيمىز جانە قامتاماسىزدىق ازىرلەيمىز.

جالپى ٴماجىلىس جاڭا داۋىردەن بەرگى رەفورمانى جاپپاي تەرەڭدەتۋدىڭ تابىستى امالياتى مەن ۇلى تابىستارىن جوعارى باعالادى. ىلە وبلىستىق پارتكوم پارتيا مەكتەبى (اكىمشىلىك شۋەيۋانى) ەكونوميكا باسقارۋ كافەدراسىنىڭ مەڭگەرۋشىسى، دوتسەنت شاۋ يۇڭپيڭ بىلاي دەدى: پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاسادى. جالپى ماجىلىستە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» − جاڭا جورىقتا رەفورمانى اناعۇرلىم جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات، ول شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا ەرەكشەلىككە يە سوتسياليستىك ٴتۇزىمدى كەمەلدەندىرىپ جانە دامىتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى تاريحي ىرىقتىلىعىن، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋ جونىندەگى بەرىك بەكىمىن تولىق ايگىلەدى. جاڭا جورىققا قادام تاستاعاندا، ٴبىز اناعۇرلىم جوعارى ساپالى دامۋدى جۇزەگە اسىرامىز دەيدى ەكەنبىز، تۇپتەپ كەلگەندە، رەفورما جاساپ، ەسىك اشۋعا سۇيەنۋىمىز كەرەك. پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋدىڭ اتوي دابىلىن قاعىپ، رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى جالپى ٴماجىلىستىڭ نەگىزگى تاقىرىبى ەتىپ، پارتيانىڭ 20 - قۇرىلتايىندا جاسالعان جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوباسىن قۇرىلىس چەرتوجىنا، ارەكەت قولدانباسىنا، جوسپار كىتابىنا ونان ارى اينالدىردى. «قاۋلىدا» جيىنى 300 تۇردەن استام ماڭىزدى رەفورما شاراسى العا قويىلدى، بارلىعى دا ٴتۇزىلىس، مەحانيزم، ٴتۇزىم سالاسىنا ساياتىن مازمۇندار، مىسالى، جوعارى ورەدەگى سوتسياليستىك بازار شارۋاشىلىعى ٴتۇزىلىسىن قۇرۋ، جوعارى ساپالى دامۋدى ىلگەرىلەتۋدىڭ ٴتۇزىلىس مەحانيزمىن كەمەلدەندىرۋ، جوعارى دەڭگەيدە سىرتقا ەسىك اشۋدى ىلگەرىلەتۋ، ”ٴبىر بەلدەۋ، ٴبىر جولدى“ بىرگە قۇرۋدى جوعارى ساپادا ىلگەرىلەتۋ مەحانيزمىن كەمەلدەندىرۋ سياقتىلار. «قاۋلىداعى» ەكونوميكا، حالىق تۇرمىسى سالالارىنداعى رەفورما ورنالاستىرۋلارىنىڭ سەرپىنى كۇشتى، شاراسى مىعىم، دەڭگەيى جوعارى بولدى. پارتيانىڭ وسى ماڭىزدى شارالارىنىڭ تياناقتانۋىمەن ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايا تۇسەتىندىگى داۋسىز.

مازمۇندامادا مىنالار اتاپ كورسەتىلدى: كىرىس ٴبولىسى ٴتۇزىمىن، جۇمىستاندىرۋدى الدىڭعى ورىنعا قويۋ ساياساتىن كەمەلدەندىرىپ، قوعامدىق قامتاماسىزداندىرۋ جۇيەسىن كەمەلدەندىرۋ كەرەك. ”ٴبىز پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، اناعۇرلىم جوعارى ساياسي دەڭگەي، اناعۇرلىم كۇشتى جاۋاپكەرشىلىك ارقالاۋ، اناعۇرلىم ناقتى قىزمەت شاراسى ارقىلى ىلەنىڭ كاسىپ سالاسىنىڭ دامۋ ٴىس جۇزىندىگىمەن ۇشتاستىرىپ، جوعارى ساپالى، تولىق جۇمىستانۋدى جەبەيتىن قىزمەت جۇيەسىن بەلسەنە ورناتامىز“. ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، وبلىستىق جۇمىستانۋعا قىزمەت وتەۋدى باسقارۋ مەكەمەسىنىڭ باستىعى لي ۋىنيۇڭ بىلاي دەدى: ىلە وبلىسى الەۋمەتتىك جۇمىستاندىرۋعا قىزمەت وتەۋ قابىلەتىن جوعارىلاتۋعا ۇزدىكسىز كۇش سالىپ، تۇتاس جىلداعى 24 ٴتۇرلى الەۋمەتتىك جۇمىستاندىرۋعا قىزمەت وتەۋ قيمىلىن تۇتقا ەتىپ، ادام كۇشى بايلىعى بازارىنىڭ فۋنكتسياسىن ۇزدىكسىز كەمەلدەندىرىپ، ادام كۇشى بايلىعىنىڭ جوعارى ٴونىمدى سايكەسۋىن جوعارىلاتادى؛ كۇندىك جۇمىس بازارى قۇرىلىسىن ۇزدىكسىز ىلگەرىلەتىپ، يكەمدى جۇمىستانۋشىلارعا تۇعىر ازىرلەپ جانە قولايلىلىق جاراتادى؛ ەڭبەككۇش ايگىلى ماركاسى قۇرىلىسىن كۇشەيتىپ، ەڭبەككۇش دەلدالدارى قوسىنىنا قىزمەت وتەۋدى، باسقارۋدى كۇشەيتىپ، ەڭبەككۇشتەردىڭ سىرتقا شىعىپ جۇمىس ىستەۋىنىڭ ماركالانۋ، بازارلانۋ بەتالىسىنا قاراي دامۋىن ۇزدىكسىز جەبەيدى. جوعارى ساپالى، تولىق جۇمىستاندىرۋ ارقىلى ىلەنىڭ ەكونوميكاسى مەن قوعامىنىڭ جوعارى ساپالى دامۋىنا دەم بەرەدى.

پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى بەرىك سەنىم سيلاپ، دامۋ بەتالىسىن ايقىنداپ، حالىقتىق شارۋاشىلىق پەن حالىقتىق كاسىپورىنداردىڭ دامۋىنا پارمەندى قوزعاۋشى كۇش ۇستەدى. قورعاس حۋاميان تازالىق بۇيىمدارى شەكتى سەرىكتەستىگىنىڭ ٴوندىرىس سەحىنا بارعانىمىزدا، بۇكىلدەي اۆتوماتتاندىرىلعان ۇلاسپالى جەلى جوعارى جىلدامدىقپەن جۇمىس جۇرگىزىپ، ٴبىر - بىرلەگەن جۇمىس تارتىبىنەن ٴوتىپ، مينۋتىنا 400 پارشا قاعاز جايالىق ٴوندىرىس جەلىسىنەن توقتاۋسىز شىعىپ جاتتى. سەرىكتەستىكتىڭ بيىلعى ساتىلىم سوماسى 50 ميلليون يۋاننان اسقان. اتالعان سەرىكتەستىكتىڭ جوسپارلاۋ - ساتۋ باس باقىلاۋشىسى چىن ياۋ بىلاي دەدى: ”پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى بىزگە ايقىن بەتالىس كورسەتتى، قورعاستىڭ ەرەكشە جاعراپيالىق ورنى، تاماشا تيجارات - ساۋدا ورتاسى جانە ’بەستى كەشىرىم ەتۋ، بەستى ازايتۋ‘، قوعامدىق قامسىزداندىرۋ قوسىمشا قاراجاتى سياقتى ٴتيىمدى ساياساتتارى كاسىپورىننىڭ دامۋىنا پارمەندى كەپىلدىك ازىرلەدى“. قازىر كاسىپورنىمىز 50 دەن استام ادامدى جۇمىسقا ورنالاستىردى، بيىل 100 ميلليون يۋان ٴونىم قۇنىن جۇزەگە اسىرامىز. بۇدان بىلاي، ٴبىز پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتەكشى ەتىپ، باتىلدىقپەن ۇلكەن تىرەك بولىپ، قورعاستىڭ ەكونوميكالىق دامۋىنا تيەسەلى ۇلەسىمىزدى قوسامىز.