تىلشىلەرىمىز لۋ جۇڭ، ۋاڭ ليلي، جاڭ لياڭ حابارلايدى. باس شۋجي شي جينپيڭنىڭ ”ٴبىر بەلدەۋ، ٴبىر جولدى“ بىرگە قۇرۋ جونىندەگى ماڭىزدى بايىمداۋلارىنىڭ، باس شۋجي شي جينپيڭنىڭ مەملەكەتتىك ايەلدەر بىرلەستىگى جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندەگى ماڭىزدى ٴسوزىنىڭ رۋحىن دايەكتىلەندىرۋ، تياناقتاندىرۋ، ىلە وبلىسى مەن ايەل كاسىپورىنشىلاردىڭ اۋىس - كۇيىس، سەلبەستىك جاساۋ، دامۋدان بىرگە يگىلىكتەنۋ تۇعىرىن بەلسەنە قۇرىپ، ايەل كاسىپورىنشىلاردىڭ اقىل - پاراساتىن، كۇش - قۋاتىن كەڭىنەن ۇيىستىرىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەل ىلگەرىلەتۋ ٴۇشىن، ىلە وبلىستىق حالىق ۇكىمەتى ۇيىمداستىرعان، وبلىستىق ايەلدەر بىرلەستىگى، وبلىستىق ساۋداگەر شاقىرىپ، قارجى ەنگىزۋگە قىزمەت وتەيتىن كاسىپورىندار قىزمەت گرۋپپاسى بىرگە ۇستىنە العان ”ايەل كاسىپورىنشىلار رۋحىن ساۋلەلەندىرىپ، كاسىپورىن مەن جەرگىلىكتى ورىننىڭ سەلبەسىپ تەڭ يگىلىككە كەنەلۋىن جەبەۋ“ تاقىرىبىنداعى ىلە وبلىسىنىڭ ساۋداگەر شاقىرىپ، قارجى ەنگىزۋ تانىستىرۋ ماجىلىسىندە جۇڭگو ايەل كاسىپورىنشىلار قوعامى مەن شىنجىن ايەل كاسىپورىنشىلار قوعامىنان كەلگەن 100 دەن استام ايەل كاسىپورىنشى ٴبىر اراعا باس قوسىپ، دوستىق سۇيىسپەنشىلىكتى بىرگە اڭگىمەلەپ، دامۋدى بىرگە اقىلداسىپ، بولاشاقتى بىرگە تىلگە تيەك ەتتى.

ىلە وبلىستىق پارتكومنىڭ ورىنباسار شۋجيى، ۇگىت ٴبولىمىنىڭ باستىعى، وقۋ - اعارتۋ قىزمەت كوميتەتىنىڭ شۋجيى جاۋ سۇيفاڭ، وبلىستىق ساياسي كەڭەستىڭ ورىنباسار ٴتوراعاسى جوۋ ليشين ماجىلىسكە قاتىناستى، وبلىستىق پارتكومنىڭ تۇراقتى مۇشەسى قايرات اشىك ۇلى ماجىلىسكە قاتىناستى ٴارى ارناۋ ٴسوز سويلەدى. وبلىستىق ۇكىمەتتىڭ ورىنباسار باستىعى ليۋ چيڭحۋا ٴماجىلىستى باسقاردى.

قايرات اشىك ۇلى ارناۋ سوزىندە بىلاي دەدى: ىلەنىڭ قارجى قوسۋ ورتاسى جاقسى، ساياساتى وزگەشە، ەسىك اشۋعا قولايلى، بايلىعى مول. قازىر ىلە جاڭا باستامادا تۇرىپ، جاڭا ساپارعا قادام تاستاعاندا، ايەل كاسىپورىنشىلاردىڭ ىلەگە كەلىپ تەكسەرۋ جۇرگىزۋىن، اۋىس - كۇيىس جاساۋىن، ٴتۇيىلىسۋىن شىن ىقىلاسپەن قارسى الامىز، ايەل كاسىپورىنشىلاردىڭ ىلەمەن كوپ ساتىلى، ٴار سالادا اۋىس - كۇيىس جاساۋ تەبىنىن ارتتىرىپ، جۇڭگو (شينجياڭ) ەركىن ساۋدا سىناق رايونى قورعاس اۋماعىنىڭ دامۋ ورايىن مىقتى يگەرىپ، ”ٴبىر بەلدەۋ، ٴبىر جول“ وزەكتى رايونىنىڭ ماڭىزدى تىرەكتىك قۇرىلىسىمەن بەلسەنە توعىسىپ، ىلەنىڭ ەرەكشە باسىمدىققا يە كاسىپ سالاسى شوعىرى قۇرىلىسىنا ات سالىسىپ، ٴتىپتى دە كوپ قارجى قوسۋ نىساندارىنىڭ تياناقتانۋىن ىلگەرىلەتۋىن شىنايى ٴۇمىت ەتەمىز. ىلە وبلىسى ٴتۇيىلىسۋدى، تەكشە ازىرلەۋدى، ساپالى قىزمەت وتەۋدى بار كۇشپەن ويداعىداي ىستەپ، ەڭ تاماشا ورتا، ەڭ قىزۋ ىنتامەن قىزمەت وتەۋ، ەڭ تىڭعىلىقتى قىزمەت وتەۋ ارقىلى كاسىپورىنشىلارعا قارجى قوسىپ، كاسىپتى گۇلدەندىرۋدىڭ كەڭ ٴورىسىن ازىرلەپ، ىلەدە كاسىپورىنداردى زورايتۋعا، الۋەتتەندىرۋگە بار كۇشپەن قولداۋ كورسەتىپ، كاسىپورىن مەن جەرگىلىكتى ورىننىڭ ەكونوميكالىق دامۋدان تەڭ يگىلىككە كەنەلۋىن جۇزەگە اسىرىپ، جۇڭگو ۇلگىسىندەگى وسىزامانداندىرۋدىڭ ىلە امالياتىن ىلگەرىلەتۋگە تىڭ ۇلەس قوسادى. 

ىلە وبلىسىنىڭ ساۋداگەر شاقىرۋ، قارجى ەنگىزۋ ۇگىت فيلمى مەن ىلە وبلىسىنىڭ، قورعاس قالاسىنىڭ ساۋداگەر شاقىرۋ، قارجى ەنگىزۋ نىساندارى جونىندەگى تانىستىرۋىن كورگەننەن كەيىن، ايەل كاسىپورىنشىلار جابال بىلاي دەدى: ىلەنىڭ ورايى شەكسىز، بولاشاعى نۇرلى، وسى رەتكى تەكسەرۋ ارقىلى سەلبەستىك ورايىن قاراستىرۋدى ٴۇمىت ەتەمىز.

جۇڭگو ايەل كاسىپورىنشىلار قوعامىنىڭ ورىنباسار باستىعى، ىشكى موڭعۇل اۆتونوميالى رايونى ايەل كاسىپورىنشىلار قوعامىنىڭ باستىعى جۋ گۇيليان بىلاي دەدى: ىلە وبلىسى تاماشا وڭىرلىك باسىمدىققا جانە بەرىك كاسىپ سالاسى نەگىزىنە يە، كەلەشەكتەگى دامۋ بولاشاعى زور − كاسىپورىنشىلاردىڭ قارجى قوسىپ، كاسىپتەرىن گۇلدەندىرۋ ٴۇشىن تاڭدايتىن تاماشا جەرى. وسى رەت تەكسەرۋ - زەرتتەۋگە كەلگەن ايەل كاسىپورىنشىلاردىڭ كوبى تۇڭعىش رەت ىلەگە كەلىپ وتىر، ايەل كاسىپورىنشىلاردىڭ وسى رەتكى تەكسەرۋ ورايىنان تولىق پايدالانىپ، جاڭا دامۋ ۇستانىمىن بەلسەنە امالياتتا ايگىلەپ، قوعامدىق مىندەتى مەن بورىشتارىن تولىق اتقارىپ، ٴتىپتى دە كوپ قارجى قوسۋ نىساندارىنىڭ تياناقتانۋىن ىلگەرىلەتۋىن ٴۇمىت ەتەمىن.

ىشكى موڭعۇل سۇيكى اۋىل شارۋاشىلىق عىلىم ـ تەحنيكا شەكتى سەرىكتەستىگىنىڭ باس القاسى اننا بىلاي دەدى: ىلە وبلىسىنىڭ جاراتىلىستىق شارت - جاعدايى جاقسى، بايلىعى مول، سەرىكتەستىگىمىز وسىدان بۇرىن ىلەنىڭ ساپالى اۋىل شارۋاشىلىق ونىمدەرىن ساتىپ العان. وسى رەتكى تەكسەرۋ ارقىلى سەرىكتەستىگىمىز ىلەدە قارجى قوسىپ زاۆود قۇرىپ، ىلەنىڭ ساپالى اۋىل شارۋاشىلىق ونىمدەرىن بۇكىل ەلگە ساتۋدى جوسپارعا الىپ وتىر.

ساۋداگەر شاقىرۋ، قارجى ەنگىزۋ، نىسانداردى تانىستىرۋ بارىسىندا جۇڭگو ايەل كاسىپورىنشىلار قوعامىنىڭ ورىنباسار باستىعى، شىنجىن حۋاگان سيفرلى عىلىم - تەحنيكا شەكتى سەرىكتەستىگىنىڭ جاۋاپتىسى لي شۋيان باستان - اياق مۇقيات تىڭدادى. ”ىلگەرگى ىلە جونىندەگى اسەرىم بويىنشا ىلەنىڭ كوركەم كورىنىسى عانا ’تاماشا‘ دەپ سەزىنەتىنمىن، ٴبىراق وسى رەت ىلەگە كەلگەندە، مەيلى كورگەن - بىلگەندەرىم بولسىن، الدە ساۋداگەر شاقىرىپ، قارجى ەنگىزۋ ۇگىت فيلمدەرىنەن بولسىن، ىلەنىڭ ەسىك اشۋ باسىمدىعى مەن ساياساتتىق باسىمدىعىن تەرەڭ سەزىندىم. تەكسەرۋ اياقتاعاننان كەيىن، ٴبىز كاسىپورنىمىزدىڭ باسىمدىعىن ساۋلەلەندىرىپ، ىلە سىندى وسى ىرىستى مەكەنگە قارجى قوسۋدى سىرتقا ويداعىداي ۇگىتتەيمىز“ دەدى لي شۋيان.

تەكسەرۋ كەزىندە، ايەل كاسىپورىنشىلار قورعاس كەشەندى قورعامالى باجى رايونى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعى، قورعاس ەكونوميكالىق اشۋ رايونىنىڭ قۇلجا باقشا رايونى، سونداي - اق ىلە چۋاننيڭ بيو - تەحنيكا شەكتى جارنا سەرىكتەستىگى سياقتى كاسىپورىندارعا بارىپ، ساۋدا ىستەرىنە تەكسەرۋ - زەرتتەۋ جۇرگىزىپ، ىلەنىڭ كاسىپ سالاسىنىڭ دامۋى، شارۋاشىلىق - ساۋدا ورتاسى، نەگىزدىك قۇرىلعى قۇرىلىسى سياقتىلاردى شىنايى سەزىنىپ جانە ٴتۇسىنىپ، الداعى سەلبەسىپ دامۋ ٴۇشىن وي جەلىسىن بەلگىلەپ، وراي جاراتتى.