تىلشىلەرىمىز حان شاشا، لي تاۋ حابارلايدى. ”جياڭسۋ - ىلە سۇيىسپەنشىلىگى“ اتىنداعى وقۋ - اعارتۋ، دەنساۋلىق ساقتاۋ سالاسىندا ساپانى جوعارىلاتۋ ينجەنەرياسىن ىشكەرىلەي ىلگەرىلەتىپ، ىلەنىڭ كاسىپتىك وقۋ - اعارتۋىنىڭ دامۋ قاجەتىن ارقاۋ ەتىپ، جياڭسۋ مەن ىلەدەگى جوعارى مەكتەپتەر جۇپ قۇراپ بىرگە قۇرىپ، دامۋ شاراسىن بىرگە اقىلداسۋ قيمىلىن ورىستەتىپ، ىلە وبلىسىنىڭ وقۋ - اعارتۋ ىستەرىنىڭ جوعارى ساپالى دامۋىن ىلگەرىلەتۋ ٴۇشىن، 7 - ايدىڭ 22 - كۇنى ىلە وبلىسى ”جياڭسۋ - ىلە سۇيىسپەنشىلىگى“ اتىنداعى جياڭسۋ ولكەسىنىڭ جوعارى مەكتەپ وقۋ - اعارتۋى بويىنشا شينجياڭعا كومەكتەسۋ جوعارى ساپالى دامۋ تالقى مىنبەرىن وتكىزدى.

ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشىسى جاۋ چيڭحۇڭ، جياڭسۋ ولكەلىك وقۋ - اعارتۋ مەڭگەرمەسىنىڭ 1 - دارەجەلى شارلاۋشىسى شۇي زىمين، وبلىستىق ۇكىمەتتىڭ ورىنباسار باستىعى ليۋ چيڭحۋا، وبلىستىق ۇكىمەت پارتيا باسشىلىق گرۋپپاسىنىڭ مۇشەسى، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس قولباسشىسى لي جانچاۋ تالقى مىنبەرىنە قاتىناستى.

قيمىل الاڭىندا نانجيڭ دەنە تاربيە شۋەيۋانى، حۋاييىن ونەركاسىپ شۋەيۋانى، ۋشي كاسىپتىك ـ تەحنيكالىق شۋەيۋانى سياقتى 15 مەكتەپ ىلە وبلىستىق دەنە تاربيە مەكەمەسى، شينجياڭ قولدانىلمالى كاسىپتىك ـ تەحنيكالىق شۋەيۋانى، ىلە وبلىستىق كاسىپتىك ـ تەحنيكالىق شۋەيۋانى سياقتى 5 مەكتەپپەن جۇپ قۇراپ، سەلبەستىك جاساۋ جۇلگەلىك كەلىسىمىنە قول قويىستى. جۇپ قۇراعان ەكى جاق نازاردى ٴپان كاسىبى قۇرىلىسى، وقىتۋشىلار قوسىنى قۇرىلىسى، دارىندىلاردى باۋلۋ، عىلىم - تەحنيكالىق قىزمەت وتەۋ، ٴوندىرىس پەن وقىتۋدى توعىستىرۋ سياقتى ٴتۇيىندى سالالارعا شوعىرلاندىرىپ، جەردىڭ، مەكتەپتىڭ جاعدايىنا قاراي، ٴتۇيىندى سەلبەستىك ىستەرىن جوسپارلاپ، ”مىندەت كارتاسىن“، ”قۇرىلىس چەرتوجىن“ دالمە - ٴدال جاساپ، ٴتۇرلى ٴتۇيىندى قىزمەتتەردىڭ تۇبەگەيلى تياناقتاندىرىپ، ناقتى ناتيجەگە قول جەتكىزۋدى ىلگەرىلەتەدى. 

شۇي زىمين سوزىندە بىلاي دەدى: سوڭعى جىلداردان بەرى جياڭسۋ مەن ىلەنىڭ كاسىپتىك وقۋ - اعارتۋ سەلبەستىگى ۇزدىكسىز ىلگەرىلەتىلدى، مەكتەپ قۇرىلىسىنا دەم بەرۋ جاعىندا، ”مەكتەپ فاكۋلتەتتى كوتەرمەگە الۋ“، ”كوپ جاق ٴبىر جاققا كومەكتەسۋ“ سىندى جۇپ قۇراپ كومەكتەسۋ - سۇيەمەلدەۋ ۇلگىسىن ىلگەرىلەتىپ، ىلە وبلىستىق كاسىپتىك وقۋ - اعارتۋ توبى بىرلەستىگىن بىرگە قۇردىق، جياڭسۋداعى 27 كاسىپتىك مەكتەپ بىرلەستىككە مۇشە بولدى. قازىر جياڭسۋداعى جوعارى دەڭگەيدەگى 38 كاسىپتىك مەكتەپ ىلە وبلىسىنا توتە قاراستى كاسىپتىك مەكتەپتەر مەن اۋدان دارەجەلى كاسىپتىك وقۋ - اعارتۋ ورتالىقتارىنا باعىتتامالى كومەكتەسىپ، وقىتۋشىلار قوسىنى، وقىتۋ، باسقارۋ، ينفورماتسيالاندىرۋ قۇرىلىسى سياقتى جاقتاردى جاپپاي ىلگەرىلەتۋدە. كاسىپتەردىڭ دامۋىنا قۋات ۇستەۋ جاعىندا، شينجياڭنىڭ وڭىرلىك ەكونوميكاسى مەن كاسىپ سالاسىنىڭ دامۋ قاجەتىن كوزدە ۇستاپ، 88 ٴتۇرلى كاسىپتىك سەلبەستىكتى بىرگە ورىستەتىپ، جياڭسۋ ايگىلى وقىتۋشىلار قىزمەت كەڭسەسىن ەنگىزىپ، نازاريا، پراكتيكا، ٴوندىرىس ٴبىر تۇلعالاندىرىلعان وقىتۋ شوعىرىن جۇزەگە اسىردىق، قازىر 13 كاسىپ نىسانى اۆتونوميالى رايوننىڭ قۇرىلىس نىسانى بولىپ بەكىتىلدى. سوڭعى جىلداردان بەرى ىلە وبلىسى مەملەكەتتىك كاسىپتىك شەبەرلىك باسەكەسىندە ۇزدىكسىز تىڭ تابىستارعا قول جەتكىزدى. وقىتۋشىلاردى باۋلۋعا قولداۋ كورسەتۋدە ”جىبەرىپ تاربيەلەۋ“، ”شاقىرىپ اكەلىپ ساباق وتكىزۋ“، ”ۇيىرمە ۇلگىسىندە كومەكتەسۋ“ سياقتى تاسىلدەردى قولدانىپ، وقىتۋشىلارعا كوپ ساتىلى، كوپ ٴتۇرلى، كوپ ارنالى اۋىس - كۇيىس بويىنشا باۋلۋ ورىستەتتىك. دارىندىلاردى يكەمدى باۋراۋ، باتىس بولىك جوسپارى سياقتى تاسىلدەر ارقىلى جياڭسۋ ولكەسى ىلەدەگى قاتىستى كاسىپتىك مەكتەپتەرگە 50 نەشە وقىتۋشىنى ”ەسىك الدىنا بارىپ“ وقۋ وقىتۋعا جىبەردى. باسقا جەردە تاربيەلەۋدى ويداعىداي ىستەۋ جاعىندا جياڭسۋداعى 5 كاسىپتىك مەكتەپ شينجياڭ سىرتىنداعى ورتا دارەجەلى شينجياڭ كاسىپتىك كلاسىن ۇزدىكسىز ويداعىداي اشتى، بۇل دامۋدا شۇعىل قاجەت بولعان كوپتەگەن كاسىپتەردى قامتىدى، سونىمەن بىرگە مەكتەپ بىتىرگەننەن كەيىن جۇمىسقا ورنالاسۋدى جەبەۋ ارەكەتىن كۇش بىرىكتىرە جاقسى ىستەپ، شينجياڭنىڭ قۇرىلىسىنا، دامۋىنا ۇزدىكسىز كۇش ۇستەدىك. جياڭسۋ ولكەلىك وقۋ ـ اعارتۋ مەڭگەرمەسى كاسىپتىك وقۋ ـ اعارتۋدا جۇپ قۇراپ، بىرگە قۇرۋدى وقۋ ـ اعارتۋ جاعىنان شينجياڭعا كومەكتەسۋدىڭ ٴتۇيىندى قىزمەتى ەتىپ، ٴبىر تۇتاس جوسپارلاپ سايكەستىرۋدى كۇشەيتىپ، ساياساتتىق قولداۋ مەن قىزمەت وتەۋ قامتاماسىزدىعىن كۇشەيتىپ، سەلبەستىكتىڭ تەرەڭدىگى مەن كەڭدىگىن جان ـ جاقتى ىلگەرىلەتىپ، ىلە وبلىسى كاسىپتىك وقۋ ـ اعارتۋىنىڭ جاڭا داۋىردە جوعارى ساپالى دامۋىن ىلگەرىلەتۋدىڭ جاڭا جورىعىندا تىڭ ۇلەس قوسىپ، ”ۇلتتار ىنتىماعىنىڭ بەرەكەلى شاڭىراعى“ سىندى جياڭسۋ - ىلە وقۋ ـ اعارتۋىنىڭ تىڭ داستانىن بىرگە جازدىق.

قاتىستى جوعارى مەكتەپ جاۋاپتىلارىنىڭ ٴسوزىن تىڭداعاننان كەيىن جاۋ چيڭحۇڭ بىلاي دەدى: تالقى مىنبەرىنىڭ وتكىزىلۋى وقۋ ـ اعارتۋ جاعىنان شينجياڭعا كومەكتەسۋ قىزمەتىنىڭ ونان ارى تەرەڭدەتىلۋى، ونان ارى جوعارىلاتىلۋى بولىپ تابىلادى. جياڭسۋ ولكەلىك وقۋ ـ اعارتۋ مەڭگەرمەسى ايرىقشا ٴمان بەرىپ، ىلەدەگى كاسىپتىك مەكتەپتەردىڭ ٴىس جۇزىندىك قاجەتىنە مەڭزەس، جياڭسۋ ولكەسىندەگى 15 جوعارى مەكتەپتى ”ۇيىرمە قۇراۋ ۇلگىسىندە“ ىلەگە كەلىپ قىزمەت ورىستەتۋگە ۇيىمداستىردى، مۇندا ”بىرگە ٴبىر“ سەلبەستىك تە، ”كوپ جاق ٴبىر جاققا كومەكتەسىپ“ بىرگە قۇرۋ دا بار، بۇل كومەكتەسۋ فورماسىن ونان ارى بايىتىپ، كومەكتەسۋ مازمۇنىن تەرەڭدەتىپ، وقۋ ـ اعارتۋ ارقىلى شينجياڭعا كومەكتەسۋ قىزمەتىن ۇزدىكسىز ويداعىداي ىستەۋگە جاڭا امالياتتىق جول ازىرلەدى.

 جاۋ چيڭحۇڭ مىنالاردى ٴبىلدىردى: قازىر ىلە وبلىسى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ”1 + 1 + 8“ كاسىپ سالاسى شوعىرى قۇرىلىسىن زور كۇشپەن ىلگەرىلەتىپ، كاسىپ سالاسىنىڭ قوزعاۋشى قۋاتىن ۇزدىكسىز جوعارىلاتۋدا. كاسىپ سالاسىنىڭ دامۋى دارىندىلاردان، اسىرەسە، جوعارى ساپالى ونەرلى دارىندىلاردان قول ۇزە المايدى. ىلە وبلىسى تاماشا كاسىپتىك - تەحنيكا دارىندىلارىن تاربيەلەۋ نەگىزىنە يە. جياڭسۋدىڭ شينجياڭعا باعىتتامالى كومەكتەسۋىندە ”ىلە قاجەتى، جياڭسۋ يقۋاتى“ دەگەندى مىقتى يگەرىپ، ىلەنىڭ قازىرگى دامۋ امالياتىمەن ۇشتاستىرىپ، كاسىپ سالاسىنىڭ دامۋىن ىلگەرىلەتۋ مەن دارىندىلاردى تاربيەلەۋدى كۇشەيتۋدى تىعىز ۇشتاستىرىپ، جياڭسۋدىڭ كاسىپتىك مەكتەپتەرىنىڭ وقىتۋشىلار قوسىنى قۇرىلىسى، وقۋشىلاردىڭ قابىلەتىن جوعارىلاتۋ، ٴوندىرىس پەن وقىتۋدى توعىستىرا دامىتۋ سياقتى جاقتارداعى پىسىپ - جەتىلگەن تاجىريبەلەرىنەن تولىق پايدالانىپ، ونى ىلە وبلىسىنىڭ كاسىپتىك - تەحنيكا دارىندىلارىن تاربيەلەۋ قاجەتىمەن دالمە - ٴدال ۇشتاستىرىپ، باعىتتامالى كومەكتەسۋدىڭ جالپىلىق ونىمدىلىگىن كۇش سالا جوعارىلاتۋ كەرەك.

جاۋ چيڭحۇڭ بىلاي دەدى: كەلەسى قادامدا ”ۇيىرمە قۇراۋ ۇلگىسىندە“ كومەكتەسۋدىڭ اسەرىن ۇزدىكسىز كەڭەيتىپ، الدىڭعى شەپ پەن ارتقى شەپتىڭ سەلبەستىگىن ونان ارى تەرەڭدەتىپ، ارتقى شەپتەگى كاسىپتىك وقىتۋشىلار مەن كاسىپ بايلىعى باسىمدىعىنان پايدالانىپ، ىلەنىڭ كاسىپتىك مەكتەپتەرىنىڭ دامۋ جوباسى، وقىتۋشىلار قوسىنى قۇرىلىسى، كاسىپتىك وقۋ - اعارتۋ دارىندىلارىن باۋلۋ، باسىمدىققا يە ەرەكشە كاسىپ قۇرىلىسى سياقتى جاقتاردا قولداۋ كورسەتىپ، ەكى جاقتىڭ اناعۇرلىم تىعىز قوس باعىتتى سەلبەستىگىن، جالپى وڭىرلىك سەلبەستىگىن ىلگەرىلەتىپ، ”جياڭسۋ - ىلە سۇيىسپەنشىلىگى“ ايگىلى ماركاسىنىڭ جۇيەلىلەنۋىن، ولشەمدەنۋىن جەبەيمىز. كومەك بەرۋ ارناسىن ونان ارى كەڭەيتىپ، ”جياڭسۋ - ىلە سۇيىسپەنشىلىگى“ بويىنشا وقۋ - اعارتۋ، دەنساۋلىق ساقتاۋ جاقتارىندا ساپانى جوعارىلاتۋ ينجەنەرياسىن ۇزدىكسىز ىلگەرىلەتىپ، جياڭسۋ مەن ىلە ەكى جەردەگى كاسىپتىك وقۋ - اعارتۋ قىزمەتكەرلەرىنىڭ ٴوزارا سەلبەسۋىن، عىلمي زەرتتەۋ جاعىنان كومەكتەسۋىن، الىس ارالىقتان جەتەكشىلىك ەتۋىن ىلگەرىلەتىپ، ”كوپ جاق ٴبىر جاققا كومەكتەسۋ“ سەلبەستىك مەحانيزمىن اقاۋسىزداندىرىپ، ىلە وبلىسىنىڭ كاسىپتىك وقۋ - اعارتۋ قىزمەتىنىڭ دەڭگەيىن شىنايى جوعارىلاتامىز. ارالاسۋدى، ىشتەسۋدى، توعىسۋدى ونان ارى تەرەڭدەتىپ، جياڭسۋدىڭ وقۋ ـ اعارتۋداعى ٴىرى ولكە، كاسىپتىك وقۋ ـ اعارتۋداعى قۋاتتى ولكە بولۋ باسىمدىعىن ساۋلەلەندىرىپ، مەكتەپتەردىڭ ٴوزارا ساپاردا بولۋ، اۋىس ـ كۇيىس جاساۋ مەحانيزمىن اقاۋسىزداندىرىپ جانە كەمەلدەندىرىپ، بەلسەنە تۇعىر ورناتىپ، ەكى جەردەگى وقىتۋشى ـ وقۋشىلاردىڭ ارالاسۋ، ىشتەسۋ، توعىسۋ بارىسىندا سۇبەلى تابىستارعا قول جەتكىزۋىن ىلگەرىلەتىپ، ەكى جەردىڭ سەلبەستىك، اۋىس ـ كۇيىس ۇلگىسىن بىرگە جاراتىپ، جياڭسۋ ولكەسىنىڭ ىلەگە كومەك بەرۋ قىزمەتىنىڭ ۇزدىكسىز الدىڭعى لەكتە ٴجۇرۋىن ىلگەرىلەتەمىز.