تىلشىلەرىمىز گۋ رۇڭ، لي يافىڭ، ليۋ چىڭگاڭ حابارلايدى. 7 - ايدىڭ 20 - كۇنى تۇستەن كەيىن ىلە وبلىسىنىڭ 19 - كەزەكتى اقىندار ايتىسى مادەنيەت - ساياحات مەرەكەسى توعىزتاراۋ اۋدانىنىڭ كورىكتى كولدەنەڭ جايلاۋىندا اياقتادى.
ىلە وبلىستىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى مامەتجان داۋىت جابىلۋ سالتىنا قاتىناستى ٴارى ىلە وبلىسىنىڭ 19 - كەزەكتى اقىندار ايتىسى مادەنيەت - ساياحات مەرەكەسىنىڭ اياقتالعانىن جاريالادى. تارباعاتاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ٴۋاليى ايدىن تولەۋقان ۇلى ىلە وبلىسىنىڭ 20 - كەزەكتى اقىندار ايتىسى مادەنيەت - ساياحات مەرەكەسىن ويداعىداي وتكىزەتىندىگى جونىندە پوزيتسيا ٴبىلدىرىپ ٴسوز سويلەدى. وبلىستىڭ ورىنباسار باستىعى راپحات توقتام جابىلۋ سالتىن باسقاردى.
وسى كەزەكتى اقىندار ايتىسى مادەنيەت - ساياحات مەرەكەسىندە ”جاڭا ٴداۋىردى جىرلاپ، جاڭا جورىقتا ەكپىندەي ىلگەرىلەيىك“ دەگەن نەگىزگى تاقىرىپ ەتىلىپ، ىلە وبلىسىنا توتە قاراستى ورىنداردان، تارباعاتاي ايماعىنان جانە التاي ايماعىنان 22 تاڭداۋلى اقىن جانە 9 تەرمەشى جارىسقا قاتىناستى. ەكى كۇن ىشىندە كوپشىلىك تارتىمدى ايتىس ونەرى سىندى جىر دوداسىنا كۋا بولىپ، باي مازمۇندى، الۋان ٴتۇرلى بەيزاتتىق مادەنيەت كورمەلەرى مەن ۇلتتىق سالت - سانا مادەنيەت ويىندارىن بىرگە تاماشالاپ، جۇڭحۋانىڭ تاڭداۋلى ٴداستۇرلى مادەنيەتىنىڭ وزگەشە باۋرامدىلىعىن بىرگە ٴتۇسىندى. زەيىن - زەردەنى، كۇش - قۋاتتى شوعىرلاندىرىپ، تاڭداۋلى كونسەرت نومىرلەرىن ىلەدەگى ٴار ۇلت بۇقاراسىنا جەتكىزدى. بۇل − جۇڭحۋا ۇلتى ورتاق تۇلعا تانىمىن بەكەمدەگەن، ۇلتتاردىڭ ارالاسۋىن، ىشتەسۋىن، توعىسۋىن جەبەگەن سالتاناتتى جينالىس، جۇڭحۋا مادەنيەتىندە بارلىق گۇلدىڭ شەشەك اتۋىن جەبەگەن سالتاناتتى جينالىس بولدى.
مامەتجان داۋىت ارناۋ سوزىندە ىلە وبلىستىق پارتكوم، ۇكىمەت اتىنان الىستان كەلگەن باسشىلارعا، قوناقتارعا، دوستارعا، سونداي - اق ىلە وبلىسىنا توتە قاراستى ورىنداردان، تارباعاتاي ايماعىنان جانە التاي ايماعىنان كەلىپ جارىسقا قاتىناسقان ونەرپازدارعا، بارلىق قىزمەتكەرلەرگە العىسىن ٴبىلدىردى. ول بىلاي دەدى: جاڭا داۋىردەگى جاڭا جورىقتا بۇكىل ەلىمىز بويىنشا جوعارىدان تومەنگە دەيىن پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرىپ جانە اسقاقتاتىپ، ۇلتتار ىنتىماعى نەگىزگى اۋەنىن اسقاقتا شىرقاپ، جۇڭحۋا ۇلتىنىڭ ورتاق رۋحاني مەكەنىن قۇرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، جۇڭحۋا ۇلتىنىڭ ۇيىسقىشتىعى مەن جۇڭحۋا مادەنيەتىنىڭ ىقپال كۇشىن ۇزدىكسىز كۇشەيتىپ، زەيىن ـ زەردەنى، كۇش ـ قۋاتتى ۇيىستىرۋ، كورىكتى ىلە قۇرۋ كەرەك.
ىلە قازاق اۆتونوميالى وبلىسىنىڭ 19 - كەزەكتى اقىندار ايتىسى مادەنيەت - ساياحات مەرەكەسىندە كوپتەگەن سيلىق تۇرلەرى بەلگىلەندى. مۇنىڭ ىشىندە 1 - دارەجەلى سيلىقتان بىرەۋ، 2 - دارەجەلى سيلىقتان ەكەۋ، 3 - دارەجەلى سيلىقتان ۇشەۋ، شابىتتاندىرۋ سيلىعىنان 16؛ تەرمە گرۋپپاسىنان 1 - دارەجەلى سيلىقتان بىرەۋ، 2 - دارەجەلى سيلىقتان ەكەۋ، 3 - دارەجەلى سيلىقتان ۇشەۋ، شابىتتاندىرۋ سيلىعىنان ۇشەۋ دايىندالدى.
ەكى كۇن قيان - كەسكى بەلدەسۋ ارقىلى التاي ايماعىنان كەلگەن ٴجاميعا داۋلەت قىزى ايتىس گرۋپپاسىنىڭ 1 - دارەجەلى سيلىعىنا، تارباعاتاي ايماعىنان كەلگەن جەڭىس توكەن ۇلى تەرمە گرۋپپاسىنىڭ 1 - دارەجەلى سيلىعىنا يە بولدى.
ٴجاميعا داۋلەت قىزى بىلاي دەدى: وسى رەت جارىسقا قاتىناسقان ونەرپازدار وتە ۇزدىك ەكەن، مەن دە كوپتەگەن ٴبىلىم ۇيرەندىم، مەن تاعى دا ۇزدىكسىز قۇلشىنا ۇيرەنىپ، وسى بەيزاتتىق مادەني مۇراعا ويداعىداي مۇراگەرلىك ەتىپ، ىلە حيكاياسىن جاقسى باياندايمىن.
ىلە قازاق اۆتونوميالى وبلىسىنىڭ اقىندار ايتىسى مادەنيەت - ساياحات مەرەكەسىن ىلە وبلىسىنا توتە قاراستى ورىندار، تارباعاتاي ايماعى، التاي ايماعى ٴار ٴۇش جىلدا كەزەكتەسىپ وتكىزىپ تۇرادى. جۇڭحۋانىڭ تاڭداۋلى ٴداستۇرلى مادەنيەتىن ۇزدىكسىز ساۋلەلەندىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ ٴۇشىن ىلە قازاق اۆتونوميالى وبلىستىق حالىق ۇكىمەتى 20 - كەزەكتى اقىندار ايتىسى مادەنيەت - ساياحات مەرەكەسىن 2027 - جىلى جازدا تارباعاتاي ايماعىنىڭ شاعانتوعاي اۋدانىندا وتكىزۋدى ۇيعاردى.
ايدىن تولەۋقان ۇلى بىلاي دەدى: ىلە قازاق اۆتونوميالى وبلىسىنىڭ 20 - كەزەكتى اقىندار ايتىسى مادەنيەت - ساياحات مەرەكەسىنىڭ دايىندىق قىزمەتىن كۇش سالا جاقسى ىستەپ، مادەنيەت - ساياحات مەرەكەسىـن وتكـىـزۋدى وراي ەتـىپ، شي جينپيڭنىڭ مادەنيەت يدەياسىن جەتەكشى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، جۇڭحۋانىڭ تاڭداۋلى ٴداستۇرلى مادەنيەتىن زور كۇشپەن ساۋلەلەندىرىپ، اقىندار ايتىسى سىندى بەيزاتتىق مادەنيەت مۇرالارى نىسانىنىڭ جاڭالىق اشا دامۋىن جۇزەگە اسىرىپ، ىلە وبلىسىنىڭ ەكونوميكاسى مەن قوعامىنىڭ جوعارى ساپالى دامۋىنا تىڭ دا اناعۇرلىم زور ۇلەس قوسامىز.