جۇڭگو ۇلگىسىندەگى وسىزامانداندىرۋدى ىلگەرىلەتۋگە ادەبيەت ـ كوركەمونەر جاعىنان كۇش - قۋاتىمىزدى ارنايمىز
− پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى ىلەنىڭ ادەبيەت - كوركەمونەر سالاسىنداعىلاردىڭ كۇشتى اڭىسىن قوزعادى
ٴتىلشىمىز ۋاڭ جىحۋا حابارلايدى. تۋ بەتالىسقا جەتەكشىلىك ەتەدى، يدەيا كۇش ـ قۋاتتى ۇيىستىرادى. پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى اشىلعاننان بەرى، ىلە وبلىسىنىڭ ادەبيەت - كوركەمونەر سالاسىنداعى بارشا كادرلار مەن بۇقارا جالپى ٴماجىلىستىڭ رۋحىن دەرەۋ ۇيرەنىپ، ٴتۇسىنىپ، قىزۋ اڭىس قوزعاپ، پارتيا ورتالىق كوميتەتى نۇسقاعان دۇرىس بەتالىستى بويلاپ، ٴبىر نيەت، ٴبىر تىلەكتە بولىپ، بىرگە كۇرەس جۇرگىزىپ، رەفورمانى جاپپاي تەرەڭدەتۋدىڭ داۋىرلىك اۋىر جۇگىن ارقالاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە ادەبيەت - كوركەمونەر جاعىنان كۇش - قۋاتتارىن ارنايتىندىقتارىن ٴبىلدىردى.
”ٴبىز پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ مازمۇنداماسىن مۇقيات تىڭداپ، كورىپ قاتتى تەبىرەندىك. ادەبيەت - كوركەمونەر قىزمەتكەرى رەتىندە جازۋشىلار مەن رەداكتورلاردى ۇيىمداستىرىپ، ادەبيەت - كوركەمونەر تۋىندىلارىن كوپتەپ جاراتىپ، جالپى ٴماجىلىس رۋحىن ادەبيەت - كوركەمونەر تۋىندىلارى فورماسىندا دايىنداپ، ونى اۋىل - قىستاق، مال شارۋاشىلىق رايوندارى، الەۋمەتتىك اۋماق، كاسىپورىن، ورگان، مەكتەپ سياقتى ورىندارعا جەتكىزىپ، پارتيانىڭ قامقورلىعىن، پارتيانىڭ مەيىرىن ٴار ۇلت كادر - بۇقاراسىنىڭ جۇرەگىنە ۇيالاتامىز“. ىلە وبلىستىق ٴان - ٴبي تەاترحاناسىنىڭ ورىنباسار باستىعى جوۋ شيۇڭبياۋ بىلاي دەدى: تەاتر ۇيىرمەسى رەفورماسىمەن ۇشتاستىرا وتىرىپ، وبلىستىق ٴان - ٴبي تەاترحاناسى سارا تۋىندىلاردى جاراتۋدى نىسانا ەتىپ، ادەبيەت - كوركەمونەر قىزمەتكەرلەرىن ٴتىپتى دە كوپ تابىس سەزىمىنە بولەپ، زەيىن - زەردەنى، كۇش - قۋاتتى شوعىرلاندىرىپ، تاڭداۋلى كونسەرت نومىرلەرىن ىلەدەگى ٴار ۇلت بۇقاراسىنا جەتكىزەمىز.
رۋحتى جىرلاپ، جاسامپازدىق جاراتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، حالىقتىڭ رۋحاني كۇش - قۋاتىن ارتتىرۋ كەرەك. ىلە وبلىستىق مادەنيەت سارايى پارتيا ياچەيكاسىنىڭ شۋجيى، ورىنباسار باستىعى تاڭ جىچۇن بىلاي دەدى: ”جالپى ماجىلىستە مىنالار العا قويىلدى: جۇڭگو ۇلگىسىندەگى وسىزامانداندىرۋ − زاتتىق وركەنيەت پەن رۋحاني وركەنيەت ٴوزارا سايكەسكەن وسىزامانداندىرۋ. ۇگىت، يدەيا، مادەنيەت شەبىندەگى قىزمەتكەر رەتىندە جالپى ٴماجىلىستىڭ رۋحىن باستاماشىلدىقپەن ويداعىداي ۇيرەنىپ، ويداعىداي ٴتۇسىنىپ، نازاردى جالپى ماجىلىستە العا قويىلعان رەفورما مىندەتتەرىنە شوعىرلاندىرىپ، سوتسياليستىك وزىق مادەنيەتتىڭ العا باسۋ بەتالىسىنا باستان ـ اياق تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، بۇقاراعا جاناسىمدى، بۇقارانىڭ رۋحاني كۇش - قۋاتىن ارتتىراتىن، مادەنيەت ارقىلى حالىققا تيىمدىلىك جاساۋ جاعىنان قىزمەت وتەپ جانە ادەبيەت ـ كوركەمونەر سارا تۋىندىلارىن كوپتەپ جاراتىپ، حالىقتىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرىپ، نازاردى حالىقتىڭ تۇرمىس ساپاسىن جوعارىلاتۋعا شوعىرلاندىرۋ ٴۇشىن قاجىماي - تالماي قۇلشىنامىن.
”پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ اشىلۋى كىسىنى جەلپىندىرەدى، ٴبىز جالپى ٴماجىلىستىڭ رۋحىن ىشكەرىلەي ۇيرەنىپ، ٴتۇسىنىپ، ويداعىداي ۇگىتتەپ، شينجياڭدى مادەنيەتپەن نارلەندىرۋدى ارقاۋ ەتىپ، قىزىل بايلىقتى قورعاۋ، ودان پايدالانۋ قىزمەتىنە وسكەلەڭ ٴمان بەرۋىمىز كەرەك. باس شۋجي شي جينپيڭ ’پارتيا قۇرۋ ۇلى رۋحىن ساۋلەلەندىرۋدى قاينار ەتكەن جۇڭگو كوممۋنيستەرىنىڭ رۋحاني شەجىرەسىن ايگىلەپ، قىزىل بايلىقتان ويداعىداي پايدالانۋ كەرەك‘ دەپ تالاي رەت باسا دارىپتەدى. قىزىل مادەنيەت بايلىعىن ساقتاۋ اۋەسكەرى بولعان مەن قىزىل بايلىقتان ويداعىداي پايدالانىپ، قىزىل ٴداستۇردى ويداعىداي ساۋلەلەندىرىپ، قىزىل گەندى ويداعىداي جالعاستىرىپ، ىلە وبلىسىنىڭ مادەنيەت ىستەرىنىڭ دامۋىنا ۇلەس قوسامىن“ دەدى ىلە وبلىستىق جيناپ ساقتاۋشىلار قوعامىنىڭ ۇنەمىلىك ىستەرگە جاۋاپتى ورىنباسار باستىعى لي گاۋميڭ.
”مادەنيەت كورمەسى قىزمەتى جۇڭحۋا مادەنيەتىنىڭ تامىرىن اشۋداعى، تۇسىندىرۋدەگى نەگىزگى كۇش، نەگىزگى ساتى قىزمەتكەرى رەتىندە ٴبىز ٴداۋىر جۇكتەگەن تاماشا ورايدى قاستەرلەپ، تاريحى ۇزاق، باي مازمۇندى جۇڭحۋا وركەنيەتىن اناعۇرلىم جاقسى تانىپ، جۇڭحۋانىڭ تاڭداۋلى ٴداستۇرلى مادەنيەتىن اسقاقتاتۋعا، مادەنيەت سەنىمىن كۇشەيتۋگە پارمەندى تىرەك ازىرلەيمىز“. ىلە وبلىستىق مۇراجايدىڭ ٴتۇسىندىرۋشىسى ٴناديرا سالاۋات قىزى بىلاي دەدى: مۇراجاي − ادامزات وركەنيەتىن قورعايتىن، وعان مۇراگەرلىك ەتەتىن، ونى ساۋلەلەندىرەتىن ماڭىزدى ورىن، بورىشى داڭىقتى، جاۋاپكەرشىلىگى اۋىر. ٴبىرىنشى شەپتەگى ٴتۇسىندىرۋشى رەتىندە مەن جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاۋ، ويداعىداي جالعاستىرۋ، ويداعىداي ايگىلەۋ ىستەرىندە تاريحتىڭ ٴۇن قوسۋشىسى بولىپ، 5 مىڭ جىلدىق حۋاشيا وركەنيەتىن ويداعىداي تاراتىپ، تاريح سەنىمىن، مادەنيەت سەنىمىن بەكەمدەپ، مادەنيەت كورمەسى ىستەرىن دامىتۋ ٴۇشىن، مادەنيەتتە قۋاتتى سوتسياليستىك ەل قۇرۋ ٴۇشىن ۇزدىكسىز تىڭ ۇلەس قوسامىن“.