تىلشىلەرىمىز ما چىڭلۋ، سۇن ي - نان، جاڭ جيايۋان حابارلايدى. بۇكىل پارتيادا، بۇكىل ەلدە پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ورايدا، 7 - ايدىڭ 24 - كۇنى بۇكىل  مەملەكەتتىك ”جۇمىسشى ۇيىمىنىڭ شەكاراعا مەيىر جەتكىزۋ، شەكارا قورعانىسىن بەكەمدەۋ، جىلۋلىق سيلاۋ قيمىلى“ ىلە وبلىسىندا باستالدى. جۇڭحۋا مەملەكەتتىك باس جۇمىسشى ۇيىمى، مەملەكەتتىك كوشپەندىلەردى باسقارۋ مەكەمەسى ٴبىرىنشى شەپتەگى كوشپەندىلەردى باسقارۋ قۇرىلىمدارىن كەڭىنەن ارالاپ، ونداعى حالىق ساقشىلارىنان حال سۇراپ، نازاردى شەكارا كۇزەتىندەگى حالىق ساقشىلارىنا، جۇمىسشى - قىزمەتشىلەرگە شوعىرلاندىرىپ، ولاردىڭ ٴىس جۇزىندىك قاجەتىن باعدار ەتىپ، جىلۋلىق جانە قامقورلىق جەتكىزىپ، بارشا شەكارا قورعاۋشىلاردى شەكارا وڭىرگە تامىر تارتىپ، شەكارا وڭىردە كۇرەس جۇرگىزىپ، شەكارا وڭىرگە ەسە قوسۋعا شابىتتاندىردى.

جۇڭحۋا مەملەكەتتىك باس جۇمىسشى ۇيىمىنىڭ ورىنباسار ٴتوراعاسى، شۋجيچۋىنىڭ شۋجيى، پارتيا باسشىلىق گرۋپپاسىنىڭ مۇشەسى ياڭ يۇيدۇڭ، مەملەكەتتىك كوشپەندىلەردى باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى لي جۇنجيە، اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى، اۆتونوميالى رايوندىق باس جۇمىسشى ۇيىمىنىڭ ٴتوراعاسى ٴدىلشات قىدىرقان، ىلە وبلىستىق پارتكومنىڭ شۋجيى ياڭ شيۋلي جىلۋلىق سيلاۋ قيمىلىن بىرگە باستادى.

جۇڭحۋا مەملەكەتتىك باس جۇمىسشى ۇيىمى ۇقىق - مۇددەنى قامتاماسىزداندىرۋ ٴبولىمىنىڭ باستىعى سۋ بين قيمىلدى باسقاردى.

سالتتا قيمىلعا قاتىناسقاندار جۇڭحۋا مەملەكەتتىك باس جۇمىسشى ۇيىمى مەن مەملەكەتتىك كوشپەندىلەردى باسقارۋ مەكەمەسىنىڭ ”شەكاراعا مەيىر جەتكىزۋ، شەكارا قورعانىسىن  بەكەمدەۋ“ قىزمەتى جونىندەگى قۇجاتتى فيلىمدى بىرگە كوردى، ىشكى موڭعۇل اۆتونوميالى رايوندىق باس جۇمىسشى ۇيىمى، حيلۇڭجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتى، يۇننان ولكەلىك باس جۇمىسشى ۇيىمى، شينجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتىنىڭ جاۋاپتىلارى پىكىر اۋىستىرىپ، ٴسوز سويلەدى.

ياڭ يۇيدۇڭ جۇڭحۋا مەملەكەتتىك باس جۇمىسشى ۇيىمى اتىنان ۇزاق ۋاقىتتان بەرى شەكارا قورعانىسىنىڭ ٴبىرىنشى شەبىندە تاپجىلماي ۇلەس قوسىپ كەلە جاتقان شەكارا قورعاۋشى حالىق ساقشىلارىنا ىقىلاستى سالەم جولدادى! ول مىنانى اتاپ كورسەتتى: شەكارا قورعاۋشى حالىق ساقشىلارى وتان وتباسى ٴۇشىن ٴوز وتباسىن قيىپ، بەرىك سەنىم ورناتىپ جانە قالتقىسىز ۇلەس قوسىپ، قىزمەت جاۋاپكەرشىلىگىن باستان - اياق ادا ەتىپ، قىزمەت ورنىنان تاپجىلماي، جاستىق كوكتەمى مەن جالىنى ارقىلى بەرىك شەكارا قورعانىس شەبىن قۇردى. شەكارا قورعاۋشى حالىق ساقشىلارىنا قامقورلىق جاساۋدىڭ، شەكارا ٴوڭىردىڭ ورنىقتىلىعىن قورعاۋدىڭ ماڭىزدى ٴمانىن جەتە تانىپ، ”شەكاراعا مەيىر جەتكىزۋ، شەكارا قورعانىسىن بەكەمدەۋ“ قىزمەتىن ويداعىداي ىستەۋدىڭ جاۋاپكەرشىلىك سەزىمى مەن بورىشتىلىق سەزىمىن شىنايى كۇشەيتىپ، كوپ ٴتۇرلى شارانى قاتار قولدانىپ، شەكارا قورعاۋشى حالىق ساقشىلارىنىڭ قام ەتەر جۇمىستارىن شەشۋىنە كومەكتەسۋ كەرەك. نازاردى شەكارا قورعاۋشى حالىق ساقشىلارىنىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، مەيىر جەتكىزىپ، قامقورلىق جاساپ، شەكارا قورعاۋشى حالىق ساقشىلارى ٴۇشىن تاماشا قىزمەت، تۇرمىس ورتاسىن جانە شارت - جاعدايىن ازىرلەۋ كەرەك، ”شەكارا قورعاۋشىلارعا مەيىر جەتكىزۋ“ اتىنداعى وتباسىلاردى ارالاپ، حال سۇراۋ قيمىلى، ”كوپشىلىك بىرگە سەلبەسىپ شەكارانى ورنىقتىرۋ“ بويىنشا وتباسىنداعىلاردىڭ جۇمىستانۋىنا كومەكتەسۋ قيمىلى، ”شەكاراداعى كۇزەت، شەكاراداعى ماحاببات“ اتىنداعى جاس حالىق ساقشىلارىنىڭ ۇيلەنۋ، ماحابباتتاسۋ، دوستاسۋ قيمىلى، ”ارمانعا قانات قاعىپ، شەكارانى ٴسۇيۋ“ اتىنداعى پەرزەنتتەردىڭ جازدىق لاگەرى قيمىلى سياقتى 4 قيمىلدى جانە ”قيىنشىلىقتى شەشىپ، شەكارا قورعانىسىن بەكەمدەۋ“ اتىنداعى قيىنشىلىعى بارلارعا كومەكتەسۋ - سۇيەمەلدەۋ، قۇتقارۋ، كومەك بەرۋ نىسانى، ”سالاماتتىق، شەكارانى گۇلدەندىرۋ“ اتىنداعى دەنساۋلىق، پسيحيكالىق اقاۋسىزدىققا قىزمەت وتەۋ نىسانى؛ ”ساپا، شەكارانى تىنىشتاندىرۋ“ اتىنداعى قىزمەت، تۇرمىس شارت - جاعدايىن جاقسارتۋ نىسانى، ”سالاماتتىقتى كۇتىمدەۋ،  شەكارانى قورعاۋ“ اتىنداعى ەمدەۋ - كۇتىمدەۋ نىسانى سياقتى 4 نىساندى تۇتقا ەتىپ، كوشپەندىلەردى باسقاراتىن حالىق ساقشىلارىنىڭ ٴتىپتى دە كوپ شۇعىل، قيىن، ۋايىمداعان، ٴزارۋ ماسەلەلەرىن شەشىپ، جۇمىسشى ۇيىمى ۇيىمداستىرعان قامقورلىق جاساپ، جىلۋلىق سيلاۋ قيمىلىن ۋاعىندا جەتكىزۋ كەرەك. ”شەكاراعا مەيىر جەتكىزۋ، شەكارا قورعانىسىن بەكەمدەۋدىڭ“ باياندى مەحانيزمىن تەرەڭدەتىپ، قيمىلدىڭ ناقتى ونىمدىلىگىن اناعۇرلىم جوعارىلاتىپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتەكشى ەتىپ، ماسەلەنى باعدار ەتۋگە جانە نىسانانى باعدار ەتۋگە تاباندى بولىپ، قىزمەت وي جەلىسى مەن ٴادىس - امالىندا ۇزدىكسىز جاڭالىق اشىپ، ٴتۇرلى قىزمەتتەردىڭ تياناقتانۋىنا، ناقتى ونىمدىلىككە قول جەتكىزۋىنە كەپىلدىك ەتۋ كەرەك.

لي جۇنجيە بىلاي دەپ اتاپ كورسەتتى: ”جۇمىسشى ۇيىمىنىڭ شەكاراعا مەيىر جەتكىزۋ، شەكارانى بەكەمدەۋ، جىلۋلىق سيلاۋ قيمىلى“ − جۇڭحۋا مەملەكەتتىك باس جۇمىسشى ۇيىمىنىڭ مەملەكەتتىك كوشپەندىلەردى باسقارۋ مەكەمەسىنىڭ كاسىپتىك قامتاماسىزداندىرۋ جۇيەسى قۇرىلىسىن كۇشەيتۋىنە قولداۋ كورسەتۋدەگى بەلەستىك مانگە يە تاعى ٴبىر جاڭالىعى، مەملەكەتتىك كوشپەندىلەردى باسقارۋ مەكەمەسىنىڭ جۇڭحۋا مەملەكەتتىك باس جۇمىسشى ۇيىمىمەن قول ۇستاسىپ، باس شۋجي شي جينپيڭنىڭ جاڭا داۋىردەگى شەكارانى باسقارۋ جالپى جوباسىن ىشكەرىلەي دايەكتىلەندىرۋىنىڭ، تياناقتاندىرۋىنىڭ جاندى امالياتى. بۇل بارشا شەكارا قورعاۋشى حالىق ساقشىلارىن قىزمەت جاۋاپكەرشىلىگىن، بورىشىن اناعۇرلىم ادالدىقپەن اتقارۋعا، مەملەكەتتىڭ ساياسي حاۋىپسىزدىگى مەن شەكارا وتكەلدەرىنىڭ ورنىقتىلىعىن اناعۇرلىم پارمەندى قورعاۋعا كۇشتى شابىتتاندىرۋ بولارى داۋسىز. بارشا شەكارا قورعاۋشى حالىق ساقشىلارى مەن مەملەكەتتىك كوشپەندىلەردى باسقارۋ قۇرىلىمدارىنىڭ بۇگىنگى باستالۋ سالتىن ايعاق ەتىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ تەرەڭ سۇيىسپەنشىلىگىن ەستە بەرىك ساقتاپ، اناعۇرلىم تاسقىنداعان ىنتامەن، اناعۇرلىم اسقاق جىگەرمەن قايراتتانا ەكپىندەي ىلگەرىلەپ، ەرلىكپەن العا باسىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ىسىنە تىڭ دا اناعۇرلىم زور ۇلەس قوسۋىن ٴۇمىت ەتەمىن.

ٴدىلشات قىدىرقان قارسى الۋ ٴسوزىن سويلەگەندە بىلاي دەدى: جاقىنعى جىلداردان بەرى ٴار دارەجەلى جۇمىسشى ۇيىمى كوشپەندىلەردى باسقارۋ قۇرىلىمدارىمەن بىرلەسىپ، ”جۇمىسشى ۇيىمىنىڭ شەكاراعا مەيىر جەتكىزۋ، شەكارانى بەكەمدەۋ، جىلۋلىق سيلاۋ قيمىلىن“ قامتىعان ٴتۇرلى شارالاردى بەلگىلەپ شىعاردى، وسىنىڭ ٴبارى شەكارا قورعاۋشىلاردىڭ شۇعىل، قيىن، ۋايىمداعان، ٴزارۋ ماسەلەلەرىن شەشىپ، ولاردى ۋايىمنان ارىلتۋدىڭ ناقتى پارمەندى شاراسى. وسى ارادا اۆتونوميالى رايون اتىنان جۇڭحۋا مەملەكەتتىك باس جۇمىسشى ۇيىمىنىڭ، مەملەكەتتىك كوشپەندىلەردى باسقارۋ مەكەمەسىنىڭ بۇرىنعىداي كوڭىل ٴبولىپ، قولداۋ كورسەتكەنىنە، پارمەندى قىزمەت ىستەگەنىنە شىنايى العىس ايتامىن! جاڭا جورىقتا مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىنىڭ شينجياڭ تاراۋىن جازىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن قۇلشىنا جۇزەگە اسىرۋ شەكارانى كۇزەتۋ، شەكارانى قورعاۋ، شەكارانى بەكەمدەۋ كۇشتەرىنىڭ پارمەندى قورعاۋىنان ايرىلا المايدى. شەكارانى قورعاۋشىلاردىڭ بورىشتى ەستە بەرىك ساقتاپ، العىس ايتا ەكپىندەي ىلگەرىلەپ، شەكارانى بەكەمدەپ، وتان قورعاۋدىڭ داڭقتى بارىسىن ۇزدىكسىز جازۋىن ٴۇمىت ەتەمىن.

باستالۋ سالتىندا جۇڭحۋا مەملەكەتتىك باس جۇمىسشى ۇيىمى ىلە شەكارا باسقارۋ بولىمشە اترەتىنە جۇمىسشى ۇيىمىنىڭ مەيىر جەتكىزۋ قارجىسى تاراتىلدى. ”شەكاراداعى كۇزەت، شەكاراداعى ماحاببات“ اتىنداعى جاس حالىق ساقشىلارى مەن جۇمىسشى - قىزمەتكەرلەردىڭ بىرلەسكەن دوستىق قيمىلى ٴبىر ۋاقىتتا وتكىزىلدى.

باستالۋ سالتىنان بۇرىن ماجىلىسكە قاتىناسقاندار ىلە شەكارا باسقارۋ بولىمشە اترەتىنىڭ سەكسەن ٴۇي شەكارالىق تەكسەرۋ پۋنكتىنە جانە جۇمىسشى ۇيىمى ايالدامالارىنا، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ ”كوشپەندىلەرگە اماندىق تىلەيمىز“ ايالداماسىنا، قورعاس شەكارادان كىرىپ - شىققانداردى شەكارالىق تەكسەرۋ پۋنكتىنىڭ تاس جول شەكارا وتكەلىندەگى مىندەت وتەۋ ورنىنا، قورعاس تەمىر جول شەكارا وتكەلى بەكەتىنىڭ اۋىستىرۋ، تيەۋ قامباسىنا، سونداي - اق قورعاس اۋدانىنداعى شەكارا قورعاۋشىلاردىڭ ناقتى جاتتىعۋ بازاسىنا بارىپ، جۇمىس باسىندا تەكسەرۋ - زەرتتەۋ جۇرگىزىپ، حال سۇرادى.

ىشكى موڭعۇل، لياۋنيڭ، جيلين، حيلۇڭجياڭ، گۋاڭشي، شيزاڭ، يۇننان، گانسۋ، شينجياڭ (بيڭتۋان) سياقتى شەكارا بويىنداعى ولكەلەردىڭ (رايون) جۇمىسشى ۇيىمدارى مەن شەكارا تەكسەرۋ باس پۋنكتىنىڭ باسشىلارى، مەملەكەتتىك كوشپەندىلەردى باسقارۋ مەكەمەسىنىڭ قاتىستى باسشىلارى، وبلىستىق پارتكومنىڭ تۇراقتى مۇشەسى قايرات اشىك ۇلى جانە ىلەدە تۇراتىن كوشپەندىلەردى باسقارۋ قۇرىلىمىنىڭ ٴبىرىنشى شەبىندەگى حالىق ساقشىلارى (كومەكشى ساقشى) جۇمىسشى - قىزمەتكەرلەرىنىڭ ۋاكىلدەرى باستالۋ سالتىنا قاتىناستى.

سۋرەتتە: ”شەكاراداعى كۇزەت، شەكاراداعى ماحاببات“ اتىنداعى جاس حالىق ساقشىلارى مەن جۇمىسشى - قىزمەتكەرلەردىڭ بىرلەسكەن دوستىق قيمىلى.        سۇن ي - نان فوتوسى