ٴتىلشمىز ۋاڭ ليلي حابارلايدى. 7 - ايدىڭ 22 - كۇنى ىلە وبلىسى ەكولوگيالىق ورتانى قورعاۋ بويىنشا قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ قىزمەتىن ىلگەرىلەتۋ ٴماجىلىسىن اشتى.
ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ماجىلىسكە قاتىناستى ٴارى ٴسوز سويلەدى، وبلىس باسشىلارىنان قـايرات اشىـك ۇلى، ليـۋ جيانليـن، لي جانچاۋ ماجىلىسكە قاتىناستى.
ەلشات تۇرسىنباي ۇلى ەكولوگيالىق ورتانى قورعاۋ بويىنشا قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ قىزمەتىنە جالپى بەتتىك ورنالاستىرۋ جاساپ، ورىن تەۋىپ وتىرعان ماسەلەلەردى اتاپ كورسەتىپ، ناقتى تالاپتاردى ورتاعا قويدى.
ٴماجىلىس مىنالاردى باسا دارىپتەدى: ساياسي جاۋاپكەرشىلىكتى شىنايى ارقالاپ، ماسەلەنى باعدار ەتۋگە تاباندى بولىپ، ورتالىقتىڭ، اۆتونوميالى رايوننىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋ قىزمەتىنىڭ جاۋاپكەرشىلىك سەزىمى مەن كوكەيتەستىلىك سەزىمىن شىنايى كۇشەيتۋ؛ نىسانانى باعدار ەتۋگە تاباندى بولىپ، ورتالىقتىڭ، اۆتونوميالى رايوننىڭ ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋ قىزمەتىن تىڭعىلىقتى، ٴونىمدى ىلگەرىلەتىپ، ورتالىقتىڭ، اۆتونوميالى رايوننىڭ، بيڭتۋاننىڭ قورشاعان ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋ جانە ”تيپتىك دەلولاردى“ رەتتەۋ - تۇزەتۋ اياق الىسىن ويداعىداي يگەرۋ؛ ونىمدىلىكتى باعدار ەتۋگە تاباندى بولىپ، اتموسفەرا ورتاسىن رەتتەۋ - وڭاۋدا ”ٴبىر قاراپ - اق بايقاۋعا بولاتىن“ كورىنەرلىك ونىمدىلىككە قول جەتكىزۋدى بار كۇشپەن ىلگەرىلەتىپ، بىتىراڭقى كومىر جاعۋدى جونگە سالۋ، لاس زات ىعىستىرۋدى ازايتۋ، ەنەرگيا سارىپ ەتۋدى تومەندەتۋ سىندى ونەركاسىپ سالاسىنداعى جونگە سالۋ، وڭىرلىك قاتىناس قۇرىلىمىن ساپالىلاندىرۋ، شاڭ - توزاڭنىڭ لاستاۋىن باسقارۋ - تىزگىندەۋ، ورتانى باقىلاۋ - باسقارۋدى كۇشەيتۋ جاقتارىنان ۇزدىكسىز كۇش سالۋ؛ ٴارقايسى جاقتىڭ جاۋاپكەرلىگىن ناقتىلاندىرىپ، ەكولوگيالىق ورتانى قورعاۋ بويىنشا قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ قىزمەتىنىڭ ٴتۇرلى مىندەتىن ناقتى، ەگجەي - تەگجەيلى تياناقتاندىرۋدى بار كۇشپەن ىلگەرىلەتۋ كەرەك.
اۋدان - قالالار، قاتىستى تاراۋلار باسشى كادرلاردىڭ ەكولوگيالىق وركەنيەت قۇرىلىسى جاۋاپكەرلىك ٴتۇزىمىن جاپپاي تياناقتاندىرىپ، پارتيا، ۇكىمەتتىڭ نەگىزگى باسشىلارى ٴوز اۋدان - قالاسىنىڭ، ٴوز تاراۋىنىڭ ەكولوگيالىق ورتانى قورعاۋداعى ٴبىرىنشى جاۋاپتى ادامى بولىپ، ٴوزى كىرىسىپ، كۇش سالا ىلگەرىلەتىپ، كەمىندە ماۋسىم سايىن ٴبىر رەت ەكولوگيالىق ورتانى قورعاۋ قىزمەتىن اقىلداسۋى، باسشىلىق القانىڭ باسقا مۇشەلەرى مىندەت جاۋاپكەرشىلىگى كولەمىندە ناقتى قىزمەتتەردى ارقالاۋى، ناقتى جاۋاپكەرشىلىگىن تياناقتاندىرۋى كەرەك. «ورتانى قورعاۋدى قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جوباسى»، «اتموسفەرا ورتاسىن وڭاۋ ارەكەت جوباسى» بويىنشا ٴوز ورنىن تاۋىپ، ٴوزى ارقالاعان مىندەتتەردە تارماق، ٴتۇر بويىنشا قىزمەت شارالارىن تياناقتاندىرىپ، ناقتىلاندىرىلعان ۋاقىت كەستەسىن، جول كارتاسىن جاساپ، دامۋدى باسقارۋدا، ٴسوز جوق، ورتانى قورعاۋدى باسقارۋدى، ٴوندىرىستى باسقارۋدا، ٴسوز جوق، ورتانى قورعاۋدى باسقارۋدى، كاسىپ سالاسىن باسقارۋدا، ٴسوز جوق، ورتانى قورعاۋدى باسقارۋدى شىنايى ورىنداۋى كەرەك. ىلە وبلىستىق ەكولوگيالىق ورتانى قورعاۋ مەكەمەسى ورتانى قورعاۋدى قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدى سايكەستىرۋ، قۋزاۋشىلىق ەتۋ، جەتەكشىلىك ەتۋ، تياناقتاندىرۋ جاۋاپكەرشىلىگىن شىنايى ارقالاپ، ورتاعا ساياتىن زاڭعا قايشى ماسەلەلەردى تەكسەرۋ، ٴبىر جاقتى ەتۋ سەرپىنىن ارتتىرىپ، ويداعىداي اقىلشى، كومەكشى بولۋى كەرەك. كاسىپورىنداردىڭ لاستانۋدان ساقتانۋ، لاستانۋدى جونگە سالۋداعى تۇلعالىق جاۋاپكەرشىلىگىن ناقتىلاندىرىپ، قايتا - قايتا تەكسەرسە دە قايتا - قايتا قايشىلىق ىستەۋ، كوز بوياۋشىلىق ىستەۋ، جالعاننان رەتتەۋ - وڭاۋ سياقتى زاڭعا قايشى ماسەلەلەردى قاتاڭ تەكسەرىپ ٴبىر جاقتى ەتىپ، ەكولوگيالىق ورتانى قورعاۋدى كاسىپورىندار سوقتىعۋعا باتىلدىق ەتپەيتىن ”جوعارى كەرنەۋلى سىمعا“ اينالدىرۋ كەرەك.
ماجىلىستە ليۋ جيانلين اۆتونوميالى وبلىستىڭ ورتانى قورعاۋدى قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ قىزمەتىنىڭ ىلگەرىلەتىلۋ جاعدايىن حابارلادى. قۇلجا قالاسىنىڭ، كۇنەس اۋدانىنىڭ، ىلە وبلىستىق تۇرعىن ٴۇي جانە قالا قۇرىلىس مەكەمەسىنىڭ، ورمان - جايىلىم مەكەمەسىنىڭ باسشىلارى جەكە - جەكە پوزيتسيا ٴبىلدىرىپ، ٴسوز سويلەدى.
وبلىستىق پارتكوم مەن ۇكىمەتتەگى وسى قىزمەتكە جاۋاپتى ورىنباسار باس حاتشىلار، ەكولوگيالىق ورتانى قورعاۋدى قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ مىندەتى بار ىلە وبلىسىنا توتە قاراستى قاتىستى تاراۋلاردىڭ نەگىزگى باسشىلارى، بيڭتۋان 4 - ديۆيزياسى ەكولوگيالىق ورتانى قورعاۋ مەكەمەسىنىڭ نەگىزگى باسشىلارى ماجىلىسكە قاتىناستى.
ىلە وبلىسىنا توتە قاراستى ٴارقايسى اۋداندىق، قالالىق حالىق ۇكىمەتىنىڭ نەگىزگى باسشىلارى، پارتيا، ۇكىمەتتىڭ وسى قىزمەتكە جاۋاپتى باسشىلارى، قاتىستى ورىنداردىڭ جاۋاپتى جولداستارى، كۇيتۇن - مايتاۋ ەكونوميكالىق - تەحنيكالىق اشۋ رايونىن باسقارۋ كوميتەتىنىڭ نەگىزگى باسشىلارى جانە ەكولوگيالىق ورتانى قورعاۋدى قۋزاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋ جانە اتموسفەرا ورتاسىن وڭاۋ مىندەتى بار كاسىپورىنداردىڭ جاۋاپتىلارى بولىمشە ٴماجىلىس الاڭىندا ماجىلىسكە قاتىناستى.