اۆتونوميالى رايوننىڭ 2024 ـ جىلدىڭ الدىڭعى جارتى جىلىنداعى ەكونوميكالىق اينالىمعا تالداۋ جاساۋ ٴماجىلىسى اشىلدى
رەفورمانى ونان ارى جاپپاي تەرەڭدەتۋ ارقىلى دامۋدىڭ قوزعاۋشى كۇشىن نىعايتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى تۇستەن بۇرىن اۆتونوميالى رايوننىڭ 2024 ـ جىلدىڭ الدىڭعى جارتى جىلىنداعى ەكونوميكالىق اينالىمعا تالداۋ جاساۋ ٴماجىلىسى اشىلدى. ٴماجىلىس مىنالاردى باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا 3 ـ ماۋسىمنىڭ التىن مەزگىلىن، شەشۋشى مەزگىلىن مىقتاپ يگەرىپ، اناعۇرلىم پارمەندى شارالار ارقىلى ارتىقشىلىقتاردى اسىرىپ، ولقىلىقتاردى تولىقتاپ، نىسانالى تۇردە ىستەپ، دالمە ـ ٴدال شارا قولدانىپ، تۇتاس جىلدىق نىسانا ـ مىندەتتەردى ورىنداۋعا شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: بيىل جىل باسىنان بەرى بۇكىل رايوننىڭ ەكونوميكالىق اينالىمى جالپى جاقتان ورنىقتى بولدى، جالپى تۇلعالىق جاقتان جەدەل قايتا ورلەۋ، ٴۇرتىس جاقسارۋ بەتالىسى جارىققا شىقتى. شينجياڭ مەملەكەتتىڭ كەلەلى ستراتەگيالىق ورايلارىنىڭ قاباتتاسۋى مەن وزىندىك باسىمدىقتىڭ جەدەل جارىققا شىعۋىنىڭ شەشۋشى كەزەڭىندە تۇر، دامۋ بولاشاعى اناعۇرلىم كەڭەيىپ، ساياساتتىڭ اسەرى اناعۇرلىم كورنەكتىلەنىپ، دامۋدىڭ قوزعاۋشى كۇشى اناعۇرلىم تولىسىپ، ەسىك اشۋ ارقىلى دامۋعا جەتەكشىلىك ەتۋ اناعۇرلىم پارمەندى بولا ٴتۇستى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى وسكەلەڭ ساياسي سانالىلىقپەن ويداعىداي يگەرىپ، نازاردى ەكونوميكالىق قىزمەتتىڭ ٴتۇيىندى مىندەتتەرىنە شوعىرلاندىرىپ، ورايدى مىقتى يگەرىپ، باسىمدىقتان ويداعىداي پايدالانىپ، رەفورمانى ونان ارى جاپپاي تەرەڭدەتۋ ارقىلى دامۋدىڭ قوزعاۋشى كۇشىن ارتتىرىپ، 3 ـ توقسانداعى نىسانا ـ مىندەتتەردىڭ ورىندالۋىنا شىنايى كەپىلدىك ەتۋ كەرەك.
ٴماجىلىس مىنالاردى باسا دارىپتەدى: جازعى استىق ساتىپ الۋ، كۇزگى استىق ەگۋ سياقتى اۋىل شارۋاشىلىق ٴوندىرىسىنىڭ ٴتۇيىندى قىزمەتتەرىن شىن مانىندە ويداعىداي يگەرىپ، مال شارۋاشىلىعىنىڭ باياندى، اقاۋسىز دامۋىن جەبەپ، ەرەكشە اۋىل شارۋاشىلىق ونىمدەرىن جىنتىكتەي وڭدەۋدى جەدەل ىلگەرىلەتۋ كەرەك. ونەركاسىپتىڭ تەز قارقىنمەن ارتۋىن بار كۇشپەن جەبەپ، مۇناي، تابيعي گاز، كومىر، كومىر ەلەكتر، كومىر حيميا ونەركاسىبى، ەلەكتر قۋاتى، توقىماشىلىق، كرەمني نەگىزدى سياقتى ٴتۇيىندى شەشۋشى كاسىپ سالالارىن ٴجىتى قاداعالاپ، ٴونىمدى ٴوندىرىس قۋاتىن تولىق ىسكە قوسۋ كەرەك. سالىنىپ جاتقان كەلەلى نىساندار قۇرىلىسىنىڭ اياق الىسىن جەدەل ىلگەرىلەتىپ، نىسانداردىڭ الدىڭعى مەرزىمدىك قىزمەت تەبىنىن ارتتىرىپ، زاپاس نىسانداردىڭ ساپاسىن جوعارىلاتىپ، ۇتىمدى قارجى قوسۋدى كۇش سالا كەڭەيتۋ كەرەك. ٴتۇرلى شارالارمەن ىشكى سۇرانىستى كەڭەيتىپ، كەڭ كولەمدى جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ارەكەتىن ويداعىداي اتقارىپ، ساياحاتتىڭ قاۋىرت مەزگىلىندەگى قىزمەت وتەۋمەن قامتاماسىز ەتۋ سەرپىنىن ارتتىرىپ، ساياحات كاسىپ كۇيىن ۇزدىكسىز بايىتىپ، شەكارا ساياحاتىن بەلسەنە دامىتۋ كەرەك. جوعارى دەڭگەيدە سىرتقا ەسىك اشۋدى تەرەڭدەتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن، اسىرەسە، ورتا ازياداعى 5 ەلمەن اۋىس ـ كۇيىستى، سەلبەستىكتى كۇشەيتۋ كەرەك. ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، دارىندىلاردى ەنگىزۋ، جەتىلدىرۋ تەبىنىن ارتتىرىپ، جاساندى زەردە، بيولوگيالىق ٴدارى ـ دارمەك جاساۋ، تومەن كەڭىستىك ەكونوميكاسى سياقتى سالالارداعى عىلىم ـ تەحنيكادا جاڭالىق اشۋدى جوعارى ونىمدىلىكپەن ىلگەرىلەتۋ كەرەك. جاسىل، تومەن كومىر قىشقىل گازدى دامۋدى جەدەلدەتىپ، ”ٴۇرىمجى ـ سانجى ـ شىحىزى“ ٴوڭىرىنىڭ اتموسفەرا ورتاسىن وڭاۋدى ۇزدىكسىز ويداعىداي يگەرىپ، تاكلاماكان ٴشولى جيەگى توسقاۋىل شايقاسىنىڭ جەڭىسىنە باتىل قول جەتكىزۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، ورنىقتى جۇمىستاندىرۋ قىزمەتىن كورنەكتى تۇردە ويداعىداي يگەرىپ، ٴتۇرلى شارالارمەن ەگىنشى ـ مالشىلاردىڭ كىرىسىن ارتتىرۋ كەرەك. قوعامدىق كەلەلى جاعدايدىڭ ٴۇرتىس ورنىقتى بولۋىنا، ۇزاق ۋاقىت ورنىقتى بولۋىنا باتىل شىنايى كەپىلدىك ەتىپ، فينانس، قورا ـ جاي، ٴوندىرىس حاۋىپسىزدىگى سياقتى ٴتۇيىندى سالالارداعى حاۋىپ ـ قاتەرلەردەن ٴونىمدى ساقتانىپ جانە ونى جويىپ، ازىق ـ تۇلىك حاۋىپسىزدىگىن باقىلاۋ ـ باسقارۋدى كۇشەيتىپ، تاسقىن جاعدايىن، سۋ جاعدايىن باقىلاۋ ـ ولشەۋدى، ودان ساقتاندىرۋدى كۇشەيتىپ، ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.
ٴماجىلىس مىنالاردى تالاپ ەتتى: پارتيانىڭ جالپى بەتتىك باسشىلىعىن كۇشەيتىپ، ەكونوميكالىق اينالىمعا تالداۋ جاساۋدى، تۇجىرىمداۋدى جانە ورنالاستىرۋدى ۇدايىلاندىرىپ ويداعىداي ىستەپ، ساياسات ـ شارالاردى دەر كەزىندە رەتتەپ، ساپالىلاندىرىپ، سيفرلى ۇكىمەت قۇرىلىسىن جەدەلدەتىپ، شارۋاشىلىق ـ ساۋدا ورتاسىن زور كۇشپەن ساپالىلاندىرىپ، يدەيانى ۇزدىكسىز ازات ەتىپ، ستيلدە بۇرىلىس جاساپ، شەگە قاعۋ رۋحىمەن تياناقتاندىرۋدى مىقتى يگەرۋ كەرەك.
ٴماجىلىس الدىڭعى جارتى جىلداعى ەكونوميكالىق اينالىم جاعدايىن حابارلاندىردى، قاتىستى ايماق، وبلىستارداعى جانە تاراۋلارداعى جاۋاپتى جولداستار پىكىر اۋىستىرىپ، ٴسوز سويلەدى.
چىن ۋيجۇن باسقاردى، ٴيۇسۇپجان مامەت، سۇن حۇڭمەي، شۋە بين، ۋاڭ گاڭ، ٴماردان مۇحيت، جۋ ليفان، باتۋ ماجىلىسكە قاتىناستى.