شينحۋا اگەنتتىگىنىڭ 7 ـ ايدىڭ 24 ـ كۇنى بەيجيڭنەن بەرگەن حابارى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت لەكسيا ۇيىرمەسى اتتانىسقا كەلتىرۋ ٴماجىلىسى 7 ـ ايدىڭ 24 ـ كۇنى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ _ قازىرگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. باس شۋجي شي جينپيڭنىڭ ۇگىت لەكسيا قىزمەتىن ويداعىداي ىستەۋ جونىندەگى ماڭىزدى نۇسقاۋىن دايەكتىلەندىرىپ، تياناقتاندىرىپ، جالپى ٴماجىلىستىڭ رۋحىن مۇقيات ۇيرەنىپ، ٴتۇسىنىپ، ۇگىت لەكسيا قىزمەتىنىڭ تالاپتارىن جاپپاي يگەرىپ، ۇگىت لەكسيا مىندەتىن جوعارى ساپامەن ورىنداپ، قالىڭ پارتيا مۇشەلەرىن، كادرلاردى، بۇقارانى ”ەكىنى تۇراقتاندىرۋدىڭ“ شەشۋشى ٴمانىن جەتە تۇسىنۋگە، ”ٴتورت تانىمدى“ كۇشەيتۋگە، ”ٴتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرۋ كەرەك.
ساي چي بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىندە اشىلعان ٴبىر رەتكى توتەنشە ماڭىزدى ٴماجىلىس، جالپى ٴماجىلىس «قاۋلىسى»_ جاڭا داۋىردەگى جاڭا جورىقتا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي بەت الۋىن ىلگەرىلەتۋدەگى جالپىلىق جۇمىلدىرۋ، جالپىلىق ورنالاستىرۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگوشا سوتسياليستىك ٴتۇزىمدى كەمەلدەندىرۋدەگى جانە دامىتۋداعى، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدەگى تاريحي ىرىقتىلىعىن، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ كەلەشەگىن اشۋ بەرىك بەكىمىن تولىق ايگىلەپ، رەفورما جاساۋ توقتامايدى، ەسىك اشۋ قادامى توقتامايدى دەگەن كۇشتى سيگنالدى تولىق تاراتتى. جالپى ٴماجىلىستىڭ رۋحىن ۇگىتتەۋدە، ەڭ اۋەلى، جالپى ٴماجىلىستىڭ كەلەلى داۋىرلىك ٴمانى مەن تەرەڭ تاريحي ىقپالىن انىق ٴتۇسىندىرۋ، پارتيامىزدىڭ رەفورما جاساپ، ەسىك اشۋدى سوڭىنا دەيىن جۇرگىزەتىن بەرىك بەكىمىن انىق ٴتۇسىندىرۋ كەرەك. پارتيانىڭ 20 ـ قۇرىلتايىنان بەرگى پارتيا مەن مەملەكەت ىستەرىندە قول جەتكەن كەلەلى تابىستاردى ىشكەرىلەي ۇگىتتەپ ـ ٴتۇسىندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ىشكەرىلەي ۇگىتتەپ ـ ٴتۇسىندىرىپ، باس شۋجي شي جينپيڭنىڭ پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندەگى ماڭىزدى ٴسوزىنىڭ رۋحىن ىشكەرىلەي ۇگىتتەپ ـ ٴتۇسىندىرىپ، جالپى ٴماجىلىس «قاۋلىسىندا» ورتاعا قويىلعان رەفورمانى ونان ارى جاپپاي تەرەڭدەتۋدىڭ كەلەلى شارالارىن ىشكەرىلەي ۇگىتتەپ ـ ٴتۇسىندىرىپ، جالپى ٴماجىلىس رۋحىن دايەكتىلەندىرۋدىڭ، تياناقتاندىرۋدىڭ نەگىزگى تالاپتارىن ىشكەرىلەي ۇگىتتەپ ـ ٴتۇسىندىرىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ جالپى ٴماجىلىس رۋحىن ۇيرەنۋدەگى، ۇگىتتەۋدەگى، دايەكتىلەندىرۋدەگى يدەيالىق سانالىلىعى مەن ارەكەت سانالىلىعىن كۇشەيتىپ، رەفورما ورتاق تانىمىن بارىنشا ۇيىستىرىپ، رەفورما ومىرشەڭدىك كۇشىن قاۋلاتىپ، ٴتۇرلى رەفورما شارالارىنىڭ دالمە ـ ٴدال تياناقتانۋىن، ناقتى ونىمدىلىككە قول جەتكىزۋىن ىلگەرىلەتۋ كەرەك.
ساي چي بىلاي دەپ باسا دارىپتەدى: ۇگىت لەكسيا قىزمەتىنىڭ ماڭىزدىلىعىن تولىق تانىپ، ساياسي دەڭگەيدى جوعارىلاتىپ، ساياسي جاۋاپكەرشىلىك ارقالاۋدى كۇشەيتىپ، نەگىزگى اۋەندى، باعداردى يگەرىپ، جالپى ٴماجىلىس رۋحىن تولىق، دۇرىس جەتكىزۋ كەرەك. ۇگىت لەكسيانىڭ باعىتتامالىلىعىن، ناقتى ونىمدىلىگىن كۇش سالا كۇشەيتىپ، ۇگىت لەكسيا جاسالاتىن وڭىرلەردىڭ جانە سالالاردىڭ ٴىس جۇزىندىگىمەن تىعىز بايلانىستىرىپ، تۇسىنىكتى تىلمەن، ەگجەي ـ تەگجەيلى ساندى مالىمەتتەردەن، جاندى مىسالداردان شەبەرلىكپەن پايدالانىپ، پارتيا ورتالىق كوميتەتىنىڭ رۋحىن ەگجەي ـ تەگجەيلى، تولىق ٴتۇسىندىرىپ، جاڭا داۋىردەگى رەفورما جاساۋ، ەسىك اشۋ حيكايالارىن، پارتيانىڭ حالىققا باسشىلىق ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ حيكايالارىن جاندى بايانداپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ شىن مانىندە تۇسىنۋىنە، ەستە ساقتاۋىنا، قولدانۋىنا مۇمكىندىك جاساۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي ٴماجىلىستى باسقاردى. مەملەكەتتىك كەڭەستىڭ مۇشەسى شىن يچين ماجىلىسكە قاتىناستى.
ورتالىقتىڭ ۇگىت، يدەيا، مادەنيەت قىزمەتى باسشىلىق گرۋپپاسىنىڭ مۇشەلەرى، ورتالىق ۇگىت لەكسيا ۇيىرمەسىنىڭ مۇشەلەرى، ورتالىقتىڭ ۇگىت، مادەنيەت ورىندارىنىڭ نەگىزگى جاۋاپتى جولداستارى، ت.ب ماجىلىسكە قاتىناستى.