ٴتۇيىندى كورنەكتىلەندىرۋگە اناعۇرلىم باسا ٴمان بەرىپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن ساۋلەلەندىرەيىك

　　_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ تۋرالى

　□ حالىق گازەتىنىڭ شولۋشىسى

جاڭا داۋىردەگى جاڭا جورىقتا نىسانا ـ مىندەتتەردى جۇزەگە اسىرۋدا رەفورمانى جاپپاي تەرەڭدەتۋدى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى قوزعاۋشى كۇشى ەتۋ كەرەك. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» ٴتۇيىندى كورنەكتىلەندىرۋگە اناعۇرلىم باسا ٴمان بەرىپ، ٴتۇزىلىس ـ مەحانيزم رەفورماسىن كورنەكتىلەندىرىپ، ستراتەگيالىق، جالپى جاعدايلىق كەلەلى رەفورمالاردى كورنەكتىلەندىرىپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن كورنەكتىلەندىرىپ، رەفورمانىڭ جەتەكشىلىك رولىن كورنەكتىلەندىرىپ، رەفورمانى اناعۇرلىم جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ٴتۇيىندى مىندەتتەردى ايقىندادى، نەگىزگى قامال الۋ بەتالىسىن كورسەتتى.

ٴارى ماڭىزدى سالالاردى، ماڭىزدى مىندەتتەردى، ماڭىزدى سىناق تۇيىندەرىن يگەرۋ، ٴارى شەشۋشى نەگىزگى تۇلعالاردى، شەشۋشى بۋىنداردى، شەشۋشى تۇيىندەردى يگەرىپ، ٴتۇيىن ارقىلى جالپى جاعدايدى جەتەكتەۋ _ جاڭا داۋىردە رەفورمانى جاپپاي تەرەڭدەتۋدىڭ ٴبىر ماڭىزدى ٴادىسى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى دامۋ سىندى ٴبىرىنشى ماڭىزدى مىندەتتى تىعىز ارقاۋ ەتىپ ٴار جاقتى رەفورمالاردى ورنالاستىرىپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن ساۋلەلەندىرىپ، رەفورمادا ٴىشىنارالىق ىزدەنىس جاساۋدان، تىڭنان تۇرەن سالۋدان جۇيەلى دە شوعىرلى، جاپپاي تەرەڭدەتۋگە قاراي بۇرىلىس جاساۋدى جۇزەگە اسىرىپ، ٴار سالادا نەگىزدىك ٴتۇزىم جۇلگەسىن نەگىزىنەن ورناتىپ، رەفورمانى جاپپاي تەرەڭدەتۋدە تاريحي سيپاتتى ۇلى تابىسقا قول جەتكىزدى. اماليات: ٴتۇيىندى قامال الۋعا تاباندى بولىپ، تۇتاس تۇلعالىق ىلگەرىلەتۋ نەگىزىندە باستى قايشىلىق پەن قايشىلىقتىڭ باستى جاعىن يگەرىپ، جالپى جاعداي مەن ٴىشىنارالىقتى ٴوزارا سايكەستىرۋدى، تۇبىرىنەن وڭاۋ مەن ۇستىنەن وڭاۋدى ٴوزارا ۇشتاستىرۋدى، بىرتىندەپ ىلگەرىلەتۋ مەن قامال الۋدى ٴوزارا بايلانىستىرۋدى قۇلشىنا ورىنداپ، تۇتاس تۇلعالىق ىلگەرىلەتۋ مەن ٴتۇيىندى قامال الۋدى ٴوزارا بىرلىككە كەلتىرۋدى جۇزەگە اسىرعاندا عانا، ارقاۋدى ۇستاپ بارلىق ٴىستى ورىنداۋعا بولاتىندىعىن تولىق دالەلدەدى.

باس شۋجي شي جينپيڭ بىلاي دەپ باسا دارىپتەدى: ”ەكونوميكالىق ٴتۇزىلىس رەفورماسىن تەرەڭدەتۋ ٴالى دە رەفورمانى اناعۇرلىم جاپپاي تەرەڭدەتۋدىڭ ٴتۇيىنى، ونىڭ نەگىزگى مىندەتى _ جوعارى ساپالى دامۋدى ىلگەرىلەتۋگە ٴتيىمدى ٴتۇزىلىس ـ مەحانيزمدى كەمەلدەندىرىپ، دامۋدىڭ جاڭا قوزعالىس قۋاتىن، جاڭا ابزالدىلىعىن سومداپ، ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، بۇكىل ەل بويىنشا ٴبىر تۇتاس ٴىرى بازار قالىپتاستىرىپ، بازار شارۋاشىلىعىنىڭ نەگىزدىك ٴتۇزىمىن كەمەلدەندىرۋ“. جالپى ٴماجىلىس ماقۇلداعان «قاۋلى» 2035 ـ جىلى سوتسياليستىك وسىزامانداندىرۋ نىساناسىن نەگىزىنەن جۇزەگە اسىرۋدى كوزدەپ، بولاشاق 5 جىلداعى كەلەلى رەفورما شارالارىن ٴتۇيىندى ورنالاستىردى، ەكونوميكالىق ٴتۇزىلىس رەفورماسىنىڭ جەتەكتەۋ رولىن ساۋلەلەندىرۋگە باسا ٴمان بەرۋ، جاپپاي جاڭالىق اشۋدى قولدايتىن ٴتۇزىلىس ـ مەحانيزم ورناتۋعا باسا ٴمان بەرۋ ونىڭ ماڭىزدى ەرەكشەلىگى بولدى.

مىنالاردى، ٴسوز جوق، تەرەڭ تانىپ جەتۋ كەرەك: جوعارى دەڭگەيدەگى سوتسياليستىك بازار ەكونوميكاسى ٴتۇزىلىسى _ جۇڭگو ۇلگىسىندەگى وسىزامانداندىرۋدىڭ ماڭىزدى كەپىلى، تەك ۇكىمەت پەن بازار قاتىناسى سىندى وسى وزەكتى ماسەلەنى ويداعىداي شەشىپ، ٴارى ”ەركىنە جىبەرىپ“، ٴارى ”باسقارا دا“ العاندا عانا تۇتاس قوعامنىڭ ىشكى قوزعاۋشى كۇشى مەن جاسامپازدىق ومىرشەڭ كۇشىن اناعۇرلىم ويداعىداي مازداتۋعا بولادى؛ جوعارى ساپالى دامۋ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، تەك جاڭا دامۋ ۇستانىمى ارقىلى رەفورماعا جەتەكشىلىك ەتىپ، جاڭا دامۋ كەزەڭىن تياناق ەتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جوعارى ساپالى دامۋدى ىلگەرىلەتۋدىڭ شابىتتاندىرۋ، تەجەۋ مەحانيزمىن كەمەلدەندىرگەندە عانا، دامۋدىڭ جاڭا قوزعالىس قۋاتىن، جاڭا ابزالدىلىعىن سومداۋعا بولادى؛ ماكرولىق رەتتەۋ ـ تىزگىندەۋدىڭ عىلميلىعى، ۇكىمەتتىڭ ۇتىمدى باسقارۋى _ سوتسياليستىك بازار ەكونوميكاسى ٴتۇزىلىسىنىڭ ارتىقشىلىعىن ساۋلەلەندىرۋدىڭ ىشكى تالابى، تەك ماكرولىق رەتتەۋ ـ تىزگىندەۋ ٴتۇزىمى جۇيەسىن كەمەلدەندىرىپ، قازىنا ـ سالىق، فينانس سياقتى ٴتۇيىندى سالالارداعى رەفورمانى ٴبىر تۇتاس جوسپارلاپ ىلگەرىلەتكەندە عانا، ماكرولىق ساياسات بەتالىسىنىڭ بىردەيلىگىن كۇشەيتۋگە بولادى؛ قالا مەن اۋىلدىڭ توعىسا دامۋى _ جۇڭگو ۇلگىسىندەگى وسىزامانداندىرۋدىڭ تابيعي تالابى، تەك جاڭاشا ونەركاسىپتەندىرۋدى، جاڭاشا قالا ـ قالاشىقتاندىرۋدى جانە اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ، قالا ـ اۋىل جوباسىن، قۇرىلىسىن، ونى باسقارۋدى توعىستىرۋ دەڭگەيىن جاپپاي جوعارىلاتىپ، قالا ـ اۋىل ماڭىزدى فاكتورلارىنىڭ تەڭ تۇرعىدا ايىرباسقا ٴتۇسۋىن، قوس باعىتتا اۋىسۋىن جەبەگەندە عانا، قالا مەن اۋىلدىڭ بىرگە گۇلدەنۋىن، دامۋىن جەبەۋگە بولادى؛ ەسىك اشۋ _ جۇڭگو ۇلگىسىندەگى وسىزامانداندىرۋدىڭ ايقىن بەلگىسى. تەك سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ەسىك اشۋ ارقىلى رەفورمانى جەبەۋگە تاباندى بولىپ، اناعۇرلىم جوعارى دەڭگەيدەگى اشىق ەكونوميكالىق جاڭا ٴتۇزىلىس ورناتقاندا عانا، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن ۇزدىكسىز كەڭەيتۋگە بولادى.

وقۋ ـ اعارتۋ، عىلىم ـ تەحنيكا، دارىندىلار _ جۇڭگو ۇلگىسىندەگى وسىزامانداندىرۋدىڭ نەگىزدىك، ستراتەگيالىق تىرەگى. پارتيا 20 ـ قۇرىلتايىنىڭ بايانداماسى وقۋ ـ اعارتۋدى، عىلىم ـ تەحنيكانى، دارىندىلاردى ارناۋلى تاراۋ رەتىندە تۇڭعىش رەت بايانداپ ٴارى ٴبىر تۇلعالى ورنالاستىرىپ، 2035 ـ جىلعا بارعاندا وقۋ ـ اعارتۋدا قۋاتتى ەل، عىلىم ـ تەحنيكادا قۋاتتى ەل، دارىندىلاردا قۋاتتى ەل قۇرىپ شىعۋدى ايقىندادى. جالپى ٴماجىلىس ماقۇلداعان «قاۋلى» وقۋ ـ اعارتۋ، عىلىم ـ تەحنيكا، دارىندىلار ٴتۇزىلىس ـ مەحانيزمىن ٴبىر تۇلعالاندىرۋ رەفورماسىن تەرەڭدەتۋ جونىندە ماڭىزدى ورنالاستىرۋ جاسادى. مىنالاردى، ٴسوز جوق، تەرەڭ تانىپ جەتۋ كەرەك: عىلىم ـ تەحنيكا ٴبىرىنشى وندىرگىش كۇش، دارىندىلار ٴبىرىنشى بايلىق، جاڭالىق اشۋ ٴبىرىنشى قوزعاۋشى كۇش، تەك مەملەكەتتى عىلىم ـ تەحنيكا، وقۋ ـ اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، وقۋ ـ اعارتۋ، عىلىم ـ تەحنيكا، دارىندىلار جاعىنداعى ٴتۇزىلىس ـ مەحانيزمدى ٴبىر تۇلعالاندىرۋ رەفورماسىن ٴبىر تۇتاس جوسپارلاپ ىلگەرىلەتىپ، بۇكىل مەملەكەت جۇمىلاتىن جاڭاشا ٴتۇزىلىستى اقاۋسىزداندىرىپ، مەملەكەتتىڭ جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جوعارىلاتقاندا عانا، جوعارى ساپالى دامۋدى ىلگەرىلەتۋدى ەسەلەپ ارتتىرۋ اسەرىن قالىپتاستىرىپ، جۇڭگو ۇلگىسىندەگى وسىزامانداندىرۋعا تىرەك بولۋعا، جەتەكشىلىك ەتۋگە بولادى.

ەلىمىز رەفورما جاساعاننان، ەسىك اشقاننان بەرگى اماليات قوعامدىق وندىرگىش كۇشتەردى ازات ەتۋدى جانە دامىتۋدى مىقتى يگەرگەندە عانا، باسقا جاقتارداعى رەفورمانى پارمەندى ىلگەرىلەتۋگە، باسقا جاقتارداعى رەفورمانى سايكەستى ىلگەرىلەتۋگە ىقپال جاساۋعا بولاتىندىعىن تولىق دالەلدەدى. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ٴتۇيىندى كورنەكتىلەندىرۋگە اناعۇرلىم باسا ٴمان بەرىپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن ساۋلەلەندىرىپ، قوعامدىق وندىرگىش كۇشتەردى ونان ارى ازات ەتىپ جانە دامىتىپ، قوعامنىڭ ومىرشەڭدىك كۇشىن مازداتىپ جانە كۇشەيتىپ، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ، مەملەكەتتى باسقارۋ مەن قوعامدىق دامۋدىڭ اناعۇرلىم ويداعىداي ۇيلەسۋىن ىلگەرىلەتسەك، ٴسوز جوق، جاڭا داۋىردەگى رەفورمانىڭ، ەسىك اشۋدىڭ جاڭا تاراۋىن جازۋعا، جۇڭگو ۇلگىسىندەگى وسىزامانداندىرۋدى ىلگەرىلەتۋگە ۇزدىكسىز پارمەندى قوزعاۋشى كۇش قوساتىن بولامىز.

(شينحۋا اگەنتتىگىنىڭ 7 ـ ايدىڭ 22 ـ كۇنى بەيجيڭنەن بەرگەن حابارى)