انار بۇلت \ شينجياڭ گازەتىنىڭ ٴتىلشىسى جاڭ لەي 7 ـ ايدىڭ 24 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 12 ـ ٴماجىلىسى ۇرىمجىدە ٴبىرىنشى جالپى جيىنىن وتكىزدى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل جيىندى باسقاردى.

تۇراقتى كوميتەت قۇرامىنداعىلاردان 57 ادام جيىنعا قاتىناستى، بۇل زاڭدا بەلگىلەنگەن ادام سانىنا ۇيلەسەدى.

جيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى 12 ـ ٴماجىلىسىنىڭ كەڭەستىك ٴتارتىبىن داۋىسقا سالىپ ماقۇلدادى، جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى؛ اۆتونوميالى رايوننىڭ قالا ـ قالاشىق تۇرمىستىق قوقىر ـ قوقسىقتارىن باسقارۋ ەرەجەسى جوباسىن قاراۋ ناتيجەسى جونىندەگى باياندامانى، اۆتونوميالى رايوننىڭ ەسىرتكىگە تيىم سالۋ ەرەجەسى جوباسى جونىندەگى تۇسىنىكتى، اۆتونوميالى رايوننىڭ حالىقتىق جارىلعىش زاتتار حاۋىپسىزدىگىن باسقارۋ ەرەجەسى جوباسى جونىندەگى تۇسىنىكتى، اۆتونوميالى رايوننىڭ ساپانى جەبەۋ ەرەجەسى جوباسى جونىندەگى تۇسىنىكتى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قۇمىل قالاسى يجوۋ رايونى سانداۋليڭ قالاشىعىنىڭ، ارال قالاسى يۇڭنيڭ قالاشىعىنىڭ كەزەك اۋىستىرۋ سايلاۋ ۋاقىتى تۋرالى قاۋلى جوباسى جونىندەگى تۇسىنىكتى تىڭدادى؛ اۆتونوميالى رايوندىق حالىق ۇكىمەتىنىڭ 2024 ـ جىلدىڭ الدىڭعى جارتى جىلىنداعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جونىندەگى بايانداماسىن، 2024 ـ جىلدىڭ الدىڭعى جارتى جىلىنداعى اۆتونوميالى رايوننىڭ مەجە ەسەبىنىڭ اتقارىلۋ جاعدايى جونىندەگى بايانداماسىن، 2023 ـ جىلعى اۆتونوميالى رايون دارەجەلى سوڭعى ەسەپ جونىندەگى باياندامانى، 2023 ـ جىلعى اۆتونوميالى رايون دارەجەلى مەجە ەسەپتىڭ اتقارىلۋى مەن باسقا دا قازىنالىق كىرىس ـ شىعىستار تۋرالى قازىنالىق باقىلاۋ قىزمەتى جونىندەگى بايانداماسىن، 2024 ـ جىلعى اۆتونوميالى رايون دارەجەلى مەجە ەسەپتى رەتتەۋ جوبا نۇسقاسى جونىندەگى بايانداماسىن، اۆتونوميالى رايوننىڭ 2023 ـ جىلعى قۇمايتتانۋدان ساقتانۋ جانە قۇمدى تىزگىندەۋ قىزمەتى جاعدايى جونىندەگى بايانداماسىن تىڭدادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ قۇمايتتانۋدان ساقتانۋ، قۇمدى تىزگىندەۋ زاڭىنىڭ جانە اۆتونوميالى رايوننىڭ قۇمايتتانۋدان ساقتانۋ، قۇمدى تىزگىندەۋ زاڭىن اتقارۋ ٴادىسىنىڭ اتقارىلۋ جاعدايىن نەگىزگى مازمۇن ەتكەن 2024 ـ جىلعى تيانشان قورشاعان ورتانى قورعاۋ ساپارى زاڭنىڭ اتقارىلۋىن تەكسەرۋدى ورىستەتۋ جاعدايى جونىندەگى بايانداماسىن، تۇرمە زاڭىنىڭ اتقارىلۋ جاعدايىن تەكسەرۋ جونىندەگى بايانداماسىن، اۋىل ـ قىستاق جەرىن كوتەرمەگە بەرۋ زاڭىنىڭ جانە اۆتونوميالى رايوننىڭ اۋىل ـ قىستاق جەرىن كوتەرمەگە بەرۋ زاڭىن اتقارۋ ٴادىسىنىڭ اتقارىلۋ جاعدايىن تەكسەرۋ جونىندەگى بايانداماسىن، جوعارى وقۋ ـ اعارتۋ زاڭىنىڭ اتقارىلۋ جاعدايىن تەكسەرۋ جونىندەگى بايانداماسىن، جۇمىسشى ۇيىمى زاڭىنىڭ جانە اۆتونوميالى رايوننىڭ جۇمىسشى ۇيىمى زاڭىن اتقارۋ ٴادىسىنىڭ اتقارىلۋ جاعدايىن تەكسەرۋ جونىندەگى بايانداماسىن تىڭدادى؛ اۆتونوميالى رايوندىق حالىق قۇرىلتايى باقىلاۋ ـ تەكسەرۋ جانە ٴادىليا كوميتەتىنىڭ، ۇلت، ٴدىن، سىرتقى ىستەر، حۋاچياۋ كوميتەتىنىڭ جەكە ـ جەكە اۆتونوميالى رايوندىق 14 ـ كەزەكتى حالىق قۇرىلتايى 2 ـ ٴماجىلىسى ٴتوراعالار القاسى قاراۋعا تاپسىرعان ۋاكىلدەردىڭ العا قويعان كەڭەستىك جوبالارىن قاراۋ ناتيجەسى جونىندەگى باياندامالارىن، اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى؛ كادرلاردى مىندەتكە تاعايىنداۋ، مىندەتىنەن قالدىرۋ ىستەرى جونىندەگى تۇسىنىكتى تىڭدادى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، پيڭ شينلاي، ۋاڭ گوحى، باس حاتشى ٴمۇتالىپ روزى جيىنعا قاتىناستى.

اۆتونوميالى رايوننىڭ ورىنباسار ٴتوراعاسى قايسار ابدۇكەرىم، اۆتونوميالى رايوندىق باقىلاۋ ـ تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى، ت.ب جيىنعا سىرتتاي قاتىناستى.