رەفورما جاساۋ، ەسىك اشۋ تۋىن بيىك ۇستاپ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋگە كۇش قوسامىز

وبلىستىق ۇكىمەت پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەندى،  ايەكتىلەندىردى، تياناقتاندىردى

ٴتىلشىمىز لۋ جۇڭ حابارلايدى. بىرنەشە كۇننەن بەرى ىلە وبلىستىق حالىق ۇكىمەتى نازاريا ۇيرەنۋ وزەكتى گرۋپپاسىنىڭ ۇيرەنۋى، شوعىرلى ۇيرەنۋ، زەرتتەپ - تالقىلاپ ۇيرەنۋ، جەكەلەردىڭ وزدىگىنەن ۇيرەنۋى سياقتى كوپ ٴتۇرلى فورمامەن پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە ىلە وبلىستىق كادرلار جينالىسىنىڭ رۋحىن جەتكىزىپ، ۇيرەنىپ، جالپى ٴماجىلىستىڭ رۋحىن ۇيرەنۋ ورلەۋىن كوتەردى.

كوپشىلىك جابال مىنانى ٴبىلدىردى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا ەكپىندەي ىلگەرىلەپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى جالپى ٴماجىلىس رۋحىمەن شىنايى بىرلىككە كەلتىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتە وتىرىپ، رەفورمانى اناعۇرلىم جاپپاي تەرەڭدەتىپ، تۋراشىلدىقتان اينىماي جاڭالىق اشىپ، ناقتى جاۋاپكەرشىلىك ارقالاپ، جاڭا داۋىردە رەفورما جاساۋدىڭ، ەسىك اشۋدىڭ جاڭا تاراۋىن ۇزدىكسىز جازامىز.

7 - ايدىڭ 27 - كۇنى ىلە وبلىستىق حالىق ۇكىمەتى پارتيا باسشىلىق گرۋپپاسىنىڭ (كەڭەيتىلگەن) ٴماجىلىسىن جانە نازاريا ۇيرەنۋ وزەكتى گرۋپپاسىنىڭ ۇيرەنۋ ٴماجىلىسىن اشىپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەندى، دايەكتىلەندىردى. 

ماجىلىستە بىلاي دەپ باسا دارىپتەلدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، جالپى ٴماجىلىستىڭ رۋحاني ٴمانىن ىشكەرىلەي ٴتۇسىنىپ، وزەكتى ماڭىزىن دالمە - ٴدال يگەرىپ، وبلىسقا توتە قاراستى ورىنداردىڭ ٴتۇرلى ىستەرىنىڭ جوعارى ساپالى دامۋىن ىلگەرىلەتۋگە بەرىك يدەيالىق نەگىز قالاپ، جالپى ٴماجىلىس رۋحىنىڭ تامىر تارتىپ تياناقتانۋىن، گۇل اشىپ جەمىس بەرۋىن ىلگەرىلەتۋ كەرەك. جالپى ٴماجىلىس رۋحىن دايەكتىلەندىرۋدى، تياناقتاندىرۋدى كەزەكتەگى ٴتۇرلى قىزمەتپەن ساباقتاستىرىپ، ”16661“ ٴتۇيىندى شاراسىن كوزدەپ، نازاردى ”1+1+8 كاسىپ سالاسى شوعىرى“ قۇرىلىسىنا شوعىرلاندىرىپ، ”1+10+X+N“ كاسىپ سالاسى جۇيەسىن ورناتىپ، كەلەلى نىسان قۇرىلىستارىن جەدەلدەتىپ، ساۋداگەر شاقىرۋ، قارجى ەنگىزۋدى كۇشەيتىپ، تۇتىنۋدىڭ دارەجەسىن جوعارىلاتۋدى ىلگەرىلەتىپ، سىرتقا ەسىك اشۋدى تەرەڭدەتىپ، ساياحات كاسىبىنىڭ دامۋىن جەبەپ، حالىق تۇرمىسىنداعى ناقتى ىستەردى ويداعىداي ىستەپ، رەفورما رۋحى ارقىلى سوڭعى جارتى جىلداعى ٴتۇيىندى قىزمەتتەردى مىقتى يگەرۋ كەرەك. ٴماجىلىس تاعى ۇكىمەت باسشىلىق القاسىنىڭ مۇشەلەرىنەن وزدەرىنىڭ جۇمىس بولىسىمەن ۇشتاستىرىپ، جاۋاپتى سالالارعا ىشكەرىلەي ارالاسىپ، قاتىستى تاراۋلارمەن بىرگە ەرتە اقىلداسىپ، ەرتە جوسپارلاپ، ٴارقايسى سالاداعى رەفورما ىستەرىنىڭ نىساناعا قاراي كۇش سالۋىنا، تەز، ورنىقتى بولۋىنا شىنايى كەپىلدىك ەتۋدى تالاپ ەتتى.

”جالپى ٴماجىلىس ٴبىرقىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويدى، بۇل، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋگە، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جۇزەگە اسىرۋعا اناعۇرلىم باياندى، اناعۇرلىم قۋاتتى قوزعاۋشى كۇش ازىرلەيدى“. وبلىستىق ۇكىمەت كەڭسەسى حاتشىلار 2 - باسقارماسىنىڭ جاۋاپتىسى ۋاڭ ليحۋ مىنانى ٴبىلدىردى: ۇكىمەت كەڭسەسىنىڭ كادرى رەتىندە مەن جالپى ٴماجىلىستىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى ٴمانى مەن تەرەڭ ىشكى ٴمانىن ىشكەرىلەي يگەرىپ، زەيىن - زەردەنى، كۇش - قۋاتتى شوعىرلاندىرا وتىرىپ جوعارى ساپالى دامۋعا قىزمەت وتەپ، ٴىس جۇزىندىك ارەكەتىممەن ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ باتىل ورىندايمىن.

”رەفورما − دامۋدىڭ قوزعاۋشى كۇشى، دامۋ − حالىقتىڭ باقىتقا كەنەلۋىن جۇزەگە اسىرۋدىڭ تەتىگى“. وبلىستىق حالىق ۇكىمەتى كەڭسەسى حاتشىلار 3 - باسقارماسىنىڭ 2 - دارەجەلى ٴبولىم مەڭگەرۋشىسى ما جياحۇي بىلاي دەدى: پارتيا 20 - كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى اناعۇرلىم جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ۇلى جوباسىن جاسادى. جاڭا داۋىردەگى جاس كادر رەتىندە مەن جاڭا جوبانىڭ ەلىمىز ەكونوميكاسى مەن قوعامنىڭ دامۋىنا تىڭ قوزعاۋشى كۇش قوساتىندىعىنا، جاس كادرلارعا ٴتىپتى دە كەڭ تۇعىر ازىرلەپ بەرەتىندىگىنە كامىل سەنەمىن.