فينانستىڭ جوعارى ساپالى دامۋى ارقىلى رەفورمانى تەرەڭدەتۋ اۋىر مىندەتىنە دەم بەرەمىز

وبلىسقا توتە قاراستى فينانس جۇيەسىندەگىلەر پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى

ٴتىلشىمىز مىڭ شيا حابارلايدى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە ورتا، شاعىن فينانس قۇرىلىمدارى سياقتى ٴتۇيىندى سالالاردا حاۋىپ ـ قاتەردەن ساقتانۋ جانە ونى شەشۋدى ويداعىداي تياناقتاندىرىپ، قازىنا ـ باجى، فينانس سياقتى ٴتۇيىندى سالالارداعى رەفورمانى ٴبىر تۇتاس جوسپارلاپ ىلگەرىلەتىپ، فينانس ٴتۇزىلىسى رەفورماسىن تەرەڭدەتۋدى قامتىعان فينانس رەفورماسى 3 رەت تىلگە الىندى. تاياۋدا ىلە وبلىسىنا توتە قاراستى فينانس جۇيەسىندەگى بارشا كادرلار مەن جۇمىسشى ـ قىزمەتكەرلەر مۇقيات ۇيرەنىپ، كەڭ كولەمدە تالقىلاپ، ىشكەرىلەي پىكىر اۋىستىرىپ، جالپى ٴماجىلىس رۋحىن ۇيرەنۋ ورلەۋىن جەدەل كوتەردى. كوپشىلىك ٴبىر اۋىزدان مىنالاردى ٴبىلدىردى: سەنىم مەن بەكىمدى كۇشەيتىپ، بۇلجىماستان باس شۋجي شي جينپيڭ نۇسقاعان بەتالىستى بويلاي ەرلىكپەن العا باسىپ، ۇلگىگە، ولشەمگە تۋرالانىپ، ىشكەرىلەي جوسپارلاپ، ناقتى ىستەپ، تۋراشىلدىقتان اينىماي جاڭالىق اشىپ، اناعۇرلىم ساپالى، جوعارى ٴونىمدى فينانستىق قىزمەت وتەۋ ارقىلى رەفورمانى اناعۇرلىم جاپپاي تەرەڭدەتۋدىڭ داۋىرلىك اۋىر مىندەتىن ارقالاپ، رەفورمانىڭ جاڭا تاراۋىن تاعى جازامىز.

ىلە فينانستى باقىلاۋ - باسقارۋ بولىمشە مەكەمەسى پارتكومىنىڭ مۇشەسى، ورىنباسار مەكەمە باستىعى جاڭ يۋەزى مىنالاردى ٴبىلدىردى: جالپى ٴماجىلىستىڭ رۋحىن ۇيرەنۋدى، دايەكتىلەندىرۋدى كەزەكتەگى جانە مۇنان بىلايعى ٴبىر مەزگىلدەگى كەلەلى ساياسي مىندەت ەتىپ، رەفورمانى اناعۇرلىم جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شاراسىن، ٴتۇبىرلى كەپىلىن تەرەڭ ٴتۇسىنىپ جانە يگەرىپ، پارتيا ورتالىق كوميتەتىنىڭ فينانس سالاسى رەفورماسىن ىلگەرىلەتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، رەفورما ارقىلى حاۋىپ - قاتەردەن ساقتانۋعا، باقىلاۋ - باسقارۋدى كۇشەيتۋگە، دامۋدى جەبەۋگە جەتەكشىلىك ەتەمىز.

وسى رەتكى جالپى ٴماجىلىستىڭ رۋحىمەن ۇشتاستىرىپ، ىلە فينانستى باقىلاۋ ـ باسقارۋ بولىمشە مەكەمەسى فينانس قىزمەتىنىڭ ساياسي سيپاتىن، حالىقتىق سيپاتىن ىشكەرىلەي امالياتتا ايگىلەپ، جاڭا دامۋ ۇستانىمى ارقىلى رەفورماعا جەتەكشىلىك ەتۋگە تاباندى بولىپ، فينانستى باقىلاۋ ـ باسقارۋدىڭ ونىمدىلىگى مەن فينانستىق قامداۋدىڭ سايكەسىمدىلىگىن كۇش سالا جوعارىلاتىپ، ”بەس ۇلكەن جۇمىستى“ باتىلدىقپەن ويداعىداي ىستەپ، ەكونوميكانىڭ جوعارى ساپالى دامۋىنا قىزمەت وتەپ، ”بەس ٴىرى باقىلاۋ - باسقارۋدى“ شىن مانىندە كۇشەيتىپ، باقىلاۋ - باسقارۋ قىزمەتىندەگى بولجامپازدىقتى، دالدىكتى، ونىمدىلىكتى جانە سايكەسىمدىلىكتى كۇشەيتىپ، جۇڭگو ۇلگىسىندەگى  وسىزامانداندىرۋدىڭ ىلە تاراۋىن جازۋعا ٴتىپتى دە كوپ فينانس كۇشىن قوسپاق.

”جالپى ماجىلىستەگى قالا مەن اۋىلدىڭ بىرگە گۇلدەنۋىن، دامۋىن جەبەۋدىڭ العا قويىلۋى پارتيا ورتالىق كوميتەتىنىڭ قالا مەن اۋىلدىڭ پارقىن ازايتۋعا وسكەلەڭ ٴمان بەرگەندىگىن تولىق ايگىلەدى، اۋىل - قىستاقتى جاپپاي گۇلدەندىرۋدى ىشكەرىلەي ىلگەرىلەتۋدەگى بەرىك بەكىمىن ايگىلەدى. ’اۋىل شارۋاشىلىعىنا، اۋىل ـ قىستاققا، شارۋالارعا‘ قىزمەت وتەۋدى نەگىزگى جاۋاپكەرشىلىك، نەگىزگى كاسىپ ەتكەن مەملەكەت مەنشىگىندەگى ٴىرى ساۋدا بانكەسى رەتىندە، ٴبىز اۋىل ـ قىستاقتى گۇلدەندىرۋگە فينانستىق قىزمەت وتەۋدىڭ ساپاسى مەن ونىمدىلىگىن جاپپاي جوعارىلاتىپ، قالا مەن اۋىلدىڭ بىرگە گۇلدەنۋىن، دامۋىن جەبەيمىز“ دەدى جۇڭگو اۋىل شارۋاشىلىق بانكەسى ىلە بولىمشە بانكەسى پارتكومىنىڭ شۋجيى، بانكە باستىعى ۋاڭ تيڭ.

ۋاڭ تيڭ بىلاي دەدى: بانكەمىز جالپى ٴماجىلىس رۋحىن مۇقيات ٴتۇسىنىپ، استىق حاۋىپسىزدىگىنە فينانستىق قىزمەت وتەۋدى  باستان ـ اياق ماڭداي الدى ٴىرى ٴىس ەتىپ، استىق سياقتى ماڭىزدى اۋىل شارۋاشىلىق ونىمدەرىندە ٴتۇسىمدى ورنىقتىرىپ، قامداۋدى قامتاماسىز ەتۋگە فينانستىق قىزمەت وتەۋدى ويداعىداي ىستەيمىز؛ اۋدان وڭىرىندە اۋىل - قىستاقتى فينانستىق قامداۋدى ۇزدىكسىز كۇشەيتىپ، ”اۋىل - قىستاقتى گۇلدەندىرۋ فينانستىق قىزمەت وتەۋ پۋنكتى“ مەن ”پارتيا قۇرىلىسى + سەنىمدى قىستاق“ قۇرىلىسىن ىلگەرىلەتىپ، اۋدان وڭىرىندە اۋىلدارعا، قىستاقتارعا بارىپ قىزمەت وتەۋ قابىلەتىن كۇش سالا جوعارىلاتىپ، اناعۇرلىم كوپ ەگىنشى - مالشىعا اۋىل شارۋاشىلىق بانكەسىنىڭ ساپالى فينانستىق قىزمەت وتەۋىن سەزىندىرەمىز؛ نازاردى اۋىل - قىستاق كاسىپ سالاسىنىڭ دامۋىنا قىزمەت وتەۋگە شوعىرلاندىرىپ، ”1000 قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ىشكەرىلەي ۇيرەنىپ، قولدانىپ، اۋدان وڭىرىندەگى باسىمدىققا يە ەرەكشە كاسىپ سالاسى شوعىرى مەن اۋىل شارۋاشىلىعىن كاسىپ سالالاندىرۋداعى باستاماشى كاسىپورىنداردى ٴتۇيىندى تۇردە ارقاۋ ەتىپ، ”ٴبىر نىساندا ٴبىر جوبا بولۋ“ قىزمەت وتەۋ ۇلگىسىن اتقارىپ، ۇيلەسىمدى بولعان جالپىلىق فينانستىق قىزمەت وتەۋ جوباسىن جاساپ، اۋىل شارۋاشىلىعىنىڭ جوعارى ساپالى دامۋىنا دەم بەرەمىز.