يندونەزيا مۇحاممەديا بىرلەستىگى ەكسكۋرسيا ـ ساپار ۇيىرمەسى شينجياڭدا ساپاردا بولدى _

　　شينجياڭداعى ٴار ۇلت جاراسىمدى بىرگە جاساپ، گۇلدەنىپ ـ دامىعان ەكەن

　　□ انار بۇلت \ شينجياڭ گازەتىنىڭ ٴتىلشىسى سى لۋلۋ

شىلىڭگىر 7 ـ اي، شينجياڭدا بار الەم قۇلپىرعان، كۇن شايداي اشىق. 7 ـ ايدىڭ 5 ـ كۇنىنەن 8 ـ كۇنىنە دەيىن يندونەزيانىڭ نەگىزگى ٴىسلام ٴدىنى ۇيىمى مۇحاممەديا ۇيىمى (قىسقارتىلىپ مۇحاممەديا بىرلەستىگى دەلىنەدى) ەكسكۋرسيا ـ ساپار ۇيىرمەسىندەگى 12 ادام جۇڭگو شينجياڭىنىڭ ٴۇرىمجى قالاسىنا، قاشقار ايماعىنا كەلىپ ساپاردا بولدى، ولار مۇراجايعا، مەشىتكە بارىپ، تۇرعىندار شاعىن اۋماعىن، كاسىپورىنداردى ارالاپ، ٴار ۇلت تۇرعىندارمەن اقتارىلا اڭگىمەلەسىپ، شينجياڭ ەكونوميكاسىنىڭ، قوعامىنىڭ دامۋىن، مادەنيەتىنىڭ گۇلدەنۋىن، ٴدىن تاتۋلىعىن شىنايى سەزىنىپ، شينجياڭ حالقىنىڭ تىنىش ٴومىر، شات ـ شادىمان تىرشىلىك كەشىرىپ جاتقان ناقتى جاعدايىن ۇعىستى.

”قامقا اق، كوك، قارا، قىزىل، سارى بەس ٴتۇرلى جىبەك جىپتەن توقىلادى، ’بەس جۇلدىزدىڭ‘ قۇت سوزىنە جانە جۇلدىز بەدەرىنە ساي جوبالانعان...“ 7 ـ ايدىڭ 6 ـ كۇنى ەكسكۋرسيا ـ ساپار ۇيىرمەسىنىڭ مۇشەلەرى اۆتونوميالى رايوندىق مۇراجايعا كەلىپ، تۇسىندىرۋشىگە ىلەسە ساقتالعان ەرەكشە بۇيىمداردى تاماشالاپ، تاريحي مادەني ەسكەرتكىشتەردىڭ قاينارىن ىزدەپ، تامىرىن قۋالاۋ ارقىلى تاريحي مادەنيەتتى جالعاستىرۋ تامىرىن سەزىندى.

شينجياڭ حالىقارالىق كورمە ورتالىعىندا ەكسكۋرسيا ـ ساپار ۇيىرمەسىنىڭ مۇشەلەرى ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى، سۋرەت، بەينە جازبا جانە ناقتى زاتتار كورمەسى، ت. ب ارقىلى لاڭكەستىكتىڭ، ۇشقارىلىقتىڭ جۇڭگونىڭ شينجياڭىنا الىپ كەلگەن حاۋپىن ٴتۇسىندى.

”وسى رەتكى ساپاردا جۇڭگونىڭ شينجياڭى جونىندە اناعۇرلىم جان ـ جاقتى تانىمعا يە بولدىم، اسىرەسە، ٴىسلام ٴدىنى وقىتۋشى ـ قىزمەتكەرلەرىن باۋلۋعا جانە ٴىسلام ٴدىنىن اقاۋسىز جالعاستىرۋعا تولىق قولداۋ كورسەتىلىپتى جانە قامتاماسىز ەتىلىپتى، بۇل مەنىڭ بۇدان بۇرىن ٴىشىنارا شەتەل مەديالارىنان ۇعىسقانىما ۇقسامايدى ەكەن“. ەكسكۋرسيا ـ ساپار ۇيىرمەسىندەگىلەر شينجياڭ ٴىسلام ٴدىنى شۋەيۋانىنا كەلىپ ەكسكۋرسيالاعاندا مۇحاممەديا بىرلەستىگى ورتالىق كوميتەتىنىڭ ٴتوراعاسى اگۋس تاۋفيگولومان مىنالاردى ٴبىلدىردى: ٴىشىنارا شەتەل مەديالارىنىڭ شينجياڭعا قاتىستى حابارلارىنا سىن كوزبەن قاراۋ كەرەك، كوزبەن كورگەن شىندىق، شينجياڭنىڭ جەدەل دامۋىنىڭ كۋاگەرلەرىنىڭ ٴبىرى بولعانىما ايرىقشا قۋانامىن.

ادەمى دوپپالاردى كيىپ كورىپ، كوركەم مىس قۇرالداردى سيپاپ كورىپ، وزگەشە ٴدارى شايلاردان ٴدام تاتتى... 7 ـ ايدىڭ 7 ـ كۇنى ەكسكۋرسيا ـ ساپار ۇيىرمەسىندەگىلەر قاشقار بايىرعى قالاسىنا بارىپ، دۋماندى كوشەدە اياڭداي باسىپ، بايىرعى قالانىڭ وزگەشە قۇرىلىستارىن تاماشالاپ، قايشالىسقان ادامدارمەن بىرگە حالىقتىق سالت ـ سانانى جانە قايناعان تىرشىلىك تىنىسىن سەزىندى.

”قاشقاردا ٴبىز ٴبىر قالانىڭ وتكەنى مەن بۇگىنىن كوردىك، شينجياڭنىڭ ٴداستۇرلى مادەنيەتتى قورعاۋ سيپاتىندا اشقانىن كوردىك، شينجياڭنىڭ قالا قۇرىلىسى جاعىنداعى قۇلشىنىسى مەن تابىسىن دا كوردىك“، ـ دەدى مۇحاممەديا بىرلەستىگى ورتالىق كوميتەتىنىڭ ورىنباسار باس حاتشىسى مۇحاممەد يزۇل مۇسليمين.

قاشقار ايماعى كونەشار اۋدانىنداعى ۇلتتىق مۋزيكا اسپاپتارى قىستاعى مۋزيكا اسپاپتارىن جاساۋ جاعىندا 150 نەشە جىلدىق تاريحقا يە، 27 ۇلكەن تۇردەگى، 50 تۇردەن استام مۋزيكا اسپابىن وندىرە الادى، جاساي الادى، شينجياڭداعى بارلىق ٴداستۇرلى مۋزيكا اسپاپتارىن تۇگەل قامتىعان. 7 ـ ايدىڭ 8 ـ كۇنى ەكسكۋرسيا ـ ساپار ۇيىرمەسىنىڭ مۇشەلەرى مۋزيكا اسپابىن جاساۋ شەبەرحاناسىنا كىرە قالعاندا، دومبىرا، عىجەك، راۋاپ سياقتى ۇلتتىق مۋزيكا اسپاپتارى ولاردى باۋراپ اكەتتى، ولار مۋزيكا اسپاپتارىنىڭ جاسالۋ بارىسىن ايرىقشا اۋەسپەن تاماشالاپ، شەبەرلەرمەن ىشكەرىلەي اڭگىمەلەستى. مۋزيكا اسپاپتارىن شەرتىپ كورسەتۋ ساتىندە، ەكسكۋرسيا ـ ساپار ۇيىرمەسىنىڭ مۇشەلەرى مۋزيكا اۋەنىمەن بىرگە بيگە باستى.

شينجياڭ جياڭلايمەي اۋىل شارۋاشىلىعى عىلىم ـ تەحنيكا شەكتى سەرىكتەستىگىندە ەكسكۋرسيا ـ ساپار ۇيىرمەسى جەرگىلىكتى ورىنداعى كاسىپورىنداردىڭ دامۋ جاعدايىن ۇعىسىپ، ”شينجياڭ دامىنەن“ اۋىز ٴتيدى؛ قاشقار تەحنيكتەر شۋەيۋانى ٴوندىرۋ مەن وقىتۋدى توعىستىرۋ ناقتى جاتتىعۋ بازاسىندا شۋەيۋاننىڭ وقۋشىلاردى كەمەلدى باۋلۋ جوباسى، مەكتەپكە ٴتۇسۋ، جۇمىستانۋداعى ٴتيىمدى ساياساتتار سياقتىلاردى ۇعىستى. ”يندونەزيا دا كوپ ۇلتتى مەملەكەت. جۇڭگونىڭ شينجياڭىنداعى ٴار ۇلت جاراسىمدىلىقپەن بىرگە جاساپ، بىرگە گۇلدەنىپ ـ دامىعان ەكەن، بۇل يندونەزياعا ۇيرەنۋ ۇلگىسىن ازىرلەدى“، ـ دەدى ەكسكۋرسيا ـ ساپار ۇيىرمەسىنىڭ ٴبىر مۇشەسى.