_ شينجياڭنىڭ جەر ـ جەرى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەندى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى
تاياۋ كۇندەردەن بەرى شينجياڭنىڭ جەر ـ جەرى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ قىزمەتىن ورنالاستىردى. قالىڭ پارتيا مۇشەلەرى مەن كادرلار ٴبىر اۋىزدان مىنالاردى ٴبىلدىردى: جاڭا باستامادا تۇرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، يدەيا مەن ارەكەتتى جالپى ٴماجىلىس رۋحىمەن شىنايى بىرلىككە كەلتىرىپ، پارتيا ورتالىق كوميتەتى نۇسقاعان بەتالىستى بويلاپ بۇلجىماي ەكپىندەي ىلگەرىلەپ، تاباندىلىقپەن العا باسىپ، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، زەيىن ـ زەردەنى، كۇش ـ قۋاتتى ۇيىستىرا وتىرىپ دامۋدى كوزدەپ، ەكپىندەي ىلگەرىلەپ جاڭا تاراۋ جازامىز.
اقسۋ ايماعى:
رەفورما ارقىلى ماسەلەنى شەشىپ، جول اشامىز
7 ـ ايدىڭ 19 ـ كۇنى اقسۋ ايماقتىق پارتكوم پارتكوم مۇشەلەرىنىڭ (كەڭەيتىلگەن) ٴماجىلىسىن اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى.
ٴماجىلىس مىنالاردى تالاپ ەتتى: رەفورما جاساۋعا، جاڭالىق اشۋعا تاباندى بولىپ اقسۋ ايماعىنىڭ ٴتۇيىندى قىزمەتتەرىن پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ كەلەلى جاعدايىمەن توعىستىرىپ، اۆتونوميالى رايوننىڭ دامۋ قىزمەتى جالپى جاعدايىمەن توعىستىرىپ، ٴىس جۇزىندىكپەن ۇشتاستىرىپ اقسۋ ايماعىنىڭ رەفورما، دامۋ، ورنىقتىلىق قىزمەتتەرىنىڭ ناقتى تياناقتانۋىن، ناقتى ونىمدىلىك كورسەتۋىن ىلگەرىلەتۋ كەرەك. جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، رەفورما ارقىلى ماسەلەنى شەشىپ، جول اشىپ، جاڭاشا وندىرگىش كۇشتەردى جەتەكشى ەتىپ، اقسۋ ايماعى ەكونوميكاسىنىڭ جوعارى ساپالى دامۋىن ىلگەرىلەتۋ كەرەك. ەسىك اشۋدى، توعىسۋدى ىشكەرىلەي ىلگەرىلەتىپ، بيڭتۋان مەن جەرگىلىكتى ورىنداردىڭ، مۇناي كاسىپورىندارى مەن جەرگىلىكتى ورىنداردىڭ، جىجياڭ مەن اقسۋ ەكى جەردىڭ، اقسۋدا تۇراتىن ورىندار مەن اقسۋ ايماعىنىڭ قاتىناسىن ويداعىداي ٴبىر جاقتى ەتىپ، جوعارى ساپالى دامۋعا ۇزدىكسىز كۇش توپتاپ، قۋات ۇستەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىقتى بايىتۋ، حالىققا تيىمدىلىك جاساۋ، حالىققا قولايلىلىق تۋدىرۋ جاعىنا ۇزبەي كۇش سالىپ، ٴار ۇلت بۇقاراسىن جوعارى ساپالى دامۋ جەتىستىكتەرىنەن اناعۇرلىم كوپ يگىلىككە كەنەلدىرۋ كەرەك.
اقسۋ ايماقتىق پارتكومنىڭ شۋجيى ۋ حۇڭجان مىنالاردى ٴبىلدىردى: بۇكىل ايماقتاعى ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى ٴمانىن جەتە تانىپ، جالپى ٴماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، رۋحاني سيپاتىن جاپپاي جەتە ۇعىنىپ، وزەكتى ٴمانىن ٴتۇسىنىپ، امالياتتىق تالابىن يگەرىپ، اقىل ـ پاراسات پەن كۇش ـ قۋاتتى پارتيا ورتالىق كوميتەتى تۇراقتاندىرعان ايبىندى نىساناعا ونان ارى ۇيىستىرىپ، ۇزدىكسىز جاڭا جاعداي اشۋى، جاڭا تاراۋ جازۋى كەرەك.
سانجى حۇيزۋ اۆتونوميالى وبلىسى:
ۇيرەنۋ، ۇگىتتەۋ، دايەكتىلەندىرۋ ورلەۋىن كوتەرەمىز
7 ـ ايدىڭ 19 ـ كۇنى سانجى حۇيزۋ اۆتونوميالى وبلىستىق پارتكوم تۇراقتى كوميتەتى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جەتكىزدى، ۇيرەندى، دايەكتىلەندىردى، سانجى وبلىسىنىڭ ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىن اقىلداستى، ورنالاستىردى.
ٴماجىلىس مىنالاردى باسا دارىپتەدى: بۇكىل وبلىستاعى ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى ٴمانىن جەتە ٴتۇسىنىپ، يگەرىپ، پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى ستراتەگيالىق ورنالاستىرۋىن جۇڭگو ۇلگىسىندەگى وسىزامانداندىرۋدىڭ شينجياڭ امالياتىنداعى تيپتىك ۇلگى ايماق، وبلىس قۇرۋدىڭ قۋاتتى كۇشى مەن ٴىس جۇزىندىك ارەكەتىنە شىن مانىندە اينالدىرۋى كەرەك.
ٴماجىلىس مىنالاردى تالاپ ەتتى: ۇيرەنۋ، ۇگىتتەۋ، دايەكتىلەندىرۋ ورلەۋىن جىلدام كوتەرۋ كەرەك. بۇكىل وبلىستاعى ٴار دارەجەلى پارتيا ۇيىمدارى عىلمي جوسپارلاپ، دەن قويا ورنالاستىرىپ، باسشى كادرلار باستاماشىلدىقپەن ۇيرەنىپ، نازاريا ۇيرەنۋ وزەكتى گرۋپپاسى ارناۋلى تاقىرىپتا ۇيرەنىپ، نەگىزگى ساتى پارتيا ۇيىمدارى ىشكەرىلەي ۇيرەنىپ، پارتيا مەكتەپتەرى (اكىمشىلىك شۋەيۋان) نەگىزگى كلاس (رەت) ۇيىمداستىرىپ جۇيەلى ۇيرەنىپ، جالپى پارتيا مۇشەلەرىنە، كادرلارعا باعىتتاي وتىرىپ كوپ فورمادا، كوپ ساتىدا، جاپپاي قامتىعان جەتكىزۋ، ۇيرەنۋ كۋرسىن ويداعىداي ورىستەتۋ كەرەك. ٴار دارەجەلى ۇگىت تاراۋلارى مەن ٴتۇرلى اقپارات مەديالارىنىڭ رولىن تولىق ساۋلەلەندىرىپ، جالپى ٴماجىلىستىڭ كەلەلى ٴمانىن بار كۇشپەن ۇگىتتەپ، وبيەكتىلەنگەن، قابىلداۋشىلارعا جىكتەلگەن، ىقپالداسا جۇرگىزىلەتىن ۇگىت لەكسيانى كەڭ كولەمدە ورىستەتۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جوعارى دەڭگەيدە سىرتقا ەسىك اشۋدى تەرەڭدەتىپ، 75 ٴتۇرلى ٴتۇيىندى قىزمەت مىندەتى مەن 70 ٴتۇيىندى نىساندى كۇش سالا ىلگەرىلەتىپ، نىساندى يگەرىپ، قارجى قوسۋدى جەبەپ، ساۋداگەر شاقىرۋدى يگەرىپ، سالىق قاينارىن كەڭەيتىپ، كاسىپ سالاسىن يگەرىپ، ساپا ـ ونىمدىلىكتى جوعارىلاتىپ، حالىق تۇرمىسىن شىن مانىندە قامتاماسىز ەتىپ جانە جاقسارتىپ، تۇتاس جىلدىق نىسانا ـ مىندەتتى جوعارى ساپالى ورىنداۋعا شىنايى كەپىلدىك ەتۋ كەرەك.
قارامايلى قالاسى:
ٴىس جۇزىندىكپەن ۇشتاستىرىپ، تياناقتاندىرۋ شارالارىن جوسپارلادى
7 ـ ايدىڭ 19 ـ كۇنى قارامايلى قالالىق پارتكومنىڭ تۇراقتى كوميتەتى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، جالپى ٴماجىلىستىڭ رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى ستراتەگيالىق ورنالاستىرۋلارىن مۇقيات ٴتۇسىنىپ، ٴىس جۇزىندىكپەن ۇشتاستىرىپ، تياناقتاندىرۋ شارالارىن جوسپارلادى.
”پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە ٴبىر قىدىرۋ ستراتەگيالىق ورنالاستىرۋ جاساپ، رەفورمانى سوڭىنا دەيىن جۇرگىزۋ بەرىك بەكىمى مەن تاريحي جاۋاپكەرشىلىگىن ايگىلەدى. جاڭا داۋىردەگى جاڭا جورىقتا يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ٴىس تىندىرىپ، ناتيجە شىعارۋ ەرىك ـ جىگەرىن تاسقىنداتىپ، رەفورما جاساۋدىڭ باتىل ارەكەت جاساۋشىسى، ناقتى ىستەيتىن ىسكەرى بولۋعا ۇمتىلۋ كەرەك. تىڭعىلىقتى ىسكەرلىك ارقىلى ەكونوميكانىڭ جوعارى ساپالى دامۋىنىڭ ومىرشەڭ كۇشىن، قوزعاۋشى كۇشىن قاۋلاتىپ، جاڭا داۋىردە رەفورما جاساۋدىڭ، ەسىك اشۋدىڭ جاڭا تاراۋىن قۇلشىنا جازۋ كەرەك“. قارامايلى قالالىق پارتكومنىڭ شۋجيى شى گاڭ مىنانى ٴبىلدىردى: بۇكىل قالاداعى ٴار دارەجەلى ٴارقايسى تاراۋلار پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، دايەكتىلەندىرۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرۋ، تياناقتاندىرۋمەن ٴوزارا ۇشتاستىرىپ، ٴماجىلىس رۋحىنىڭ ناقتىلانۋىن، تياناقتانۋىن، ەگجەي ـ تەگجەيلىلەنۋىن تاباندىلىقپەن باتىل ىلگەرىلەتىپ، جوعارى دەڭگەيدەگى رەفورما ارقىلى جوعارى ساپالى دامۋدىڭ قۇدىرەتتى قوزعاۋشى قۋاتىن سومداپ، جۇڭگو ۇلگىسىندەگى وسىزامانداندىرۋدىڭ قارامايلى امالياتىن بار كۇشپەن ىلگەرىلەتۋى كەرەك. سانالىلىقپەن رەفورمانى اناعۇرلىم كورنەكتى ورىنعا قويىپ، اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىن تىعىز ارقاۋ ەتىپ، مۇناي، مۇناي حيميا سىندى باسىمدىققا يە كاسىپ سالاسىنىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى جەدەل ىلگەرىلەتىپ، سيفرلى ەكونوميكا، جاڭا ەنەرگيا، جاڭا ماتەريال سياقتى كوپ نەگىزدى كاسىپ سالالارىن زور كۇشپەن جەتىلدىرىپ، قارامايلى ەرەكشەلىگىنە يە وسى زامانعى كاسىپ سالاسى جۇيەسىن كۇش سالا قۇرىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ جانە وعان قىزمەت كورسەتۋ بورىشىن، جاۋاپكەرشىلىگىن اناعۇرلىم ويداعىداي ارقالاۋ كەرەك.
قۇمىل قالاسى:
ايبىندى جوبا العا باسۋ بەتالىسىن كورسەتتى
7 ـ ايدىڭ 19 ـ كۇنى قۇمىل قالالىق پارتكومنىڭ تۇراقتى كوميتەتى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن جەتكىزىپ، ۇيرەنىپ، دايەكتىلەندىرىپ، بۇكىل قالانىڭ ۇيرەنۋ، ۇگىتتەۋ، دايەكتىلەندىرۋ قىزمەتىن ورنالاستىردى.
ٴماجىلىس مىنالاردى باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىندە وتكىزىلگەن ٴبىر رەتكى توتەنشە ماڭىزدى ٴماجىلىس. بۇكىل قالاداعى ٴار دارەجەلى ٴارقايسى تاراۋلار جالپى ٴماجىلىستىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى قازىرگى ۋاقىتتاعى جانە بۇدان بىلايعى ٴبىر مەزگىلدەگى كەلەلى ساياسي مىندەت ساناپ، جالپى ٴماجىلىس رۋحىن ىشكەرىلەي ۇيرەنىپ، رەفورمانى ونان ارى جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيبىن، كەلەلى شاراسىن، ٴتۇبىرلى كەپىلىن تەرەڭ ۇعىنىپ جانە يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن، اۆتونوميالى رايوندىق پارتكومنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، جالپى ٴماجىلىس رۋحىنىڭ ناقتىلانۋىن، تياناقتانۋىن قۇمىلدىڭ ٴىس جۇزىندىگىمەن تىعىز ۇشتاستىرا ىلگەرىلەتىپ، رەفورمانى ونان ارى جاپپاي تەرەڭدەتۋدىڭ ستراتەگيالىق ورنالاستىرۋلارىن سوتسياليستىك وسىزاماندانعان جاڭا قۇمىلدى قۇلشىنا قۇرۋدىڭ، جۇڭگو ۇلگىسىندەگى وسىزامانداندىرۋدى بۇكىل شينجياڭدا ەڭ الدىمەن نەگىزىنەن جۇزەگە اسىرۋدىڭ قۇدىرەتتى كۇش ـ قۋاتىنا شىن مانىندە اينالدىرۋى كەرەك.
(ٴتىلشى جاڭ جىلي، قاتىناسقان تىلشىلەر گى يوۋجۇن، ۋي يۇڭگۇي، چىن جياڭلين)