ما شيڭرۇي، ەركىن تۇنياز، حى جۇڭيوۋ قيمىلعا قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 7 ـ ايدىڭ 30 ـ كۇنى ۇرىمجىدەن حابارلايدى. جۇڭگو حالىق ازاتتىق ارمياسى قۇرىلعاندىعىنىڭ 97 جىلدىعى ساتىندە، اۆتونوميالى رايوندىق پارتكوم مەن ۇكىمەت تاياۋدا ”1 ـ تامىز“ ارميا قۇرىلۋ مەرەكەسى بايلانىسىمەن ارالاپ حال سۇراۋ قيمىلىن ورىستەتتى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى حى جۇڭيوۋ قاتارلى اۆتونوميالى رايون باسشىلارى ايماق، وبلىستارعا ىشكەرىلەي بارىپ، شينجياڭدا تۇراتىن اسكەري بولىمدەردەگى وفيتسەر ـ اسكەرلەردەن ارالاپ حال سۇرادى، ساقا جاۋىنگەرلەر، قۇربان بولعان اسكەريلەردىڭ وتباسىنداعىلار سياقتى قامقورلىق جاسالاتىن وبيەكتىلەرگە امانداسا بارىپ، ولاردان حال سۇرادى، شينجياڭدا تۇراتىن حالىق ازاتتىق ارمياسى كوماندير ـ جاۋىنگەرلەرى، قارۋلى ساقشى بولىمدەرىندەگى وفيتسەر ـ اسكەرلەر، حالىق جاساقتارى مەن زاپاستاعىلار، تۇتاس رايونداعى قىزىل ارميا ساقا جاۋىنگەرلەرى، ارميادان دەمالىسقا، زەينەتكە شىققان كادرلار، قۇربان بولعان اسكەريلەردىڭ وتباسىنداعىلار، جارالانعان ـ مۇگەدەك اسكەريلەر، كاسىپ اۋىستىرعان، اسكەردەن بوساعان، قوسىننان قايتقان اسكەريلەر قاتارلىلاردىڭ مەرەكەسىن قۇتتىقتادى ٴارى شىن ىقىلاستى سالەم جولدادى، ولاردىڭ شينجياڭنىڭ قوعام ورنىقتىلىعى مەن باياندى تىنىشتىعىنا قوسقان ماڭىزدى ۇلەسىنە العىس ايتتى.
اۆتونوميالى رايون باسشىلارى جەكە ـ جەكە قاشقار ايماعى جانە ىلە قازاق اۆتونوميالى وبلىسىنا كەلىپ، وڭتۇستىك شينجياڭ اسكەري رايونى ورگانىن، قاشقاردا تۇراتىن اۋە ارمياسى اسكەري ٴبولىمىن، قاشقاردا تۇراتىن قارۋلى ساقشى شينجياڭ باس اترەتىنىڭ بەلگىلى تارماق اترەتىن، جۇڭگو حالىق ازاتتىق ارمياسى 69349 اسكەري ٴبولىمىن، ىلەدە تۇراتىن قارۋلى ساقشى شينجياڭ باس اترەتىنىڭ بەلگىلى تارماق اترەتىن، جۇڭگو حالىق ازاتتىق ارمياسى 93975 اسكەري ٴبولىمىنىڭ 74 ـ بولىمشە اترەتىن ارالاپ، اسكەري بولىمدەردەگى وفيتسەر ـ اسكەرلەرگە امانداسىپ، ولاردىڭ سوعىسقا دايىندىق جاتتىعۋى، قىزمەت، تۇرمىس، ۇيرەنۋ جاعدايلارىن ۇعىستى. اۆتونوميالى رايون باسشىلارى تاعى امەريكا جيھانگەرلىگىنە قارسى تۇرىپ چاۋشيانعا كومەك بەرۋگە ات سالىسقان ساقا جاۋىنگەرلەردىڭ ۋاكىلدەرى، قۇربان بولعان اسكەريلەر وتباسىنداعىلارىنىڭ ۋاكىلدەرى قاتارلىلارعا شىن ىقىلاسپەن امانداسىپ، ولاردان حال سۇراپ، ولارعا پارتيا مەن ۇكىمەتتىڭ مەيىرىن جانە قامقورلىعىن جەتكىزدى.
ما شيڭرۇي امانداسۋ، حال سۇراۋ بارىسىندا بىلاي دەپ اتاپ كورسەتتى: ۇزاق ۋاقىتتان بەرى شينجياڭدا تۇراتىن اسكەري بولىمدەر شي جينپيڭ ارميانى قۇدىرەتتەندىرۋ يدەياسىن ىشكەرىلەي ۇيرەنىپ، دايەكتىلەندىرىپ، ارميانى ساياسي جاقتا قۇرۋدى، ارميانى رەفورما ارقىلى قۇدىرەتتەندىرۋدى، ارميانى عىلىم ـ تەحنيكا ارقىلى قۇدىرەتتەندىرۋدى، ارميانى دارىندىلار ارقىلى قۇدىرەتتەندىرۋدى، ارميانى زاڭ بويىنشا باسقارۋدى ۇزدىكسىز كۇشەيتىپ، اسكەر جاتتىقتىرۋدى، سوعىسقا دايىندالۋدى جاپپاي كۇشەيتىپ، سايلاۋىت قوسىندى قۇلشىنا شىڭداپ، جەڭىسكە جەتۋ قابىلەتىن ۇزدىكسىز جوعارىلاتىپ، پارتيا مەن حالىق جۇكتەگەن بورىشتى، مىندەتتى تولىق ورىندادى. قالىڭ حالىقتىڭ پەرزەنت اسكەرلەرى تۇرعان جەرلەرىن تۋعان جەرىنە بالاپ، بۇقارانى تۋىستارىنداي كورىپ، قىزمەت جاۋاپكەرشىلىگىن، بورىشىن ادالدىقپەن اتقارىپ، شينجياڭنىڭ رەفورما، دامۋ، ورنىقتىلىق ىستەرىنە بەلسەنە ات سالىسىپ جانە قولداۋ كورسەتىپ، ورنىقتىلىقتى قورعاۋ، شەكارانى كۇشەيتىپ، قورعانىستى بەكەمدەۋ، شۇعىل جاعدايعا توتەپ بەرۋ، توسىن جاعدايلاردى ٴبىر جاقتى ەتۋ، دامۋعا دەم بەرۋ، بۇقاراعا قىزمەت وتەۋ سياقتى جاقتاردا ماڭىزدى ۇلەس قوستى. قازىر شينجياڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازۋدا. جاڭا جورىقتا كورىكتى شينجياڭدى اناعۇرلىم ويداعىداي كوركەيتۋ شينجياڭدا تۇراتىن اسكەري بولىمدەردەگى وفيتسەر ـ اسكەرلەردىڭ زور كۇشپەن قولداۋىنان جانە ات سالىسۋىنان ايرىلا المايدى. شينجياڭدا تۇراتىن اسكەري بولىمدەردىڭ بۇرىنعىداي شينجياڭ قىزمەتىنە كوڭىل ٴبولىپ جانە قولداۋ كورسەتىپ، داڭقتى ٴداستۇردى اسقاقتاتىپ، وزىندىك ارتىقشىلىقتى ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا، جوعارى ساپالى دامۋدى جانە وسىزامانداندىرۋ قۇرىلىسىن ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن. ٴبىز باس شۋجي شي جينپيڭنىڭ قوس قولداۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، مەملەكەت قورعانىسىنا جانە ارميا قۇرىلىسىنا بار كۇشپەن قولداۋ كورسەتىپ، ارميانى قولداپ، ولاردىڭ وتباسىنا قامقورلىق جاساۋ قىزمەتىن دەن قويا، سۇيىسپەنشىلىكپەن ويداعىداي ىستەپ، اسكەري بولىمدەرمەن قول ۇستاسا جاڭا داۋىردەگى ارميا مەن ۇكىمەت، ارميا مەن حالىق ىنتىماعىنىڭ جاڭا جاعدايىن اشامىز.
شينجياڭدا تۇراتىن اسكەري بولىمدەردەگى قاتىستى جاۋاپتى جولداستار اۆتونوميالى رايوندىق پارتكوم مەن ۇكىمەتتىڭ اسكەري ٴبولىم قىزمەتىنە كوڭىل بولگەندىگىنە جانە قولداۋ كورسەتكەندىگىنە العىس ايتتى، شينجياڭنىڭ ەكونوميكانىڭ، قوعامنىڭ جوعارى ساپالى دامۋىندا، ارميا مەن جەرگىلىكتى ورىننىڭ قوس قولداۋ، بىرگە قۇرۋ قىزمەتىندە قول جەتكىزگەن كورنەكتى ناتيجەلەرىن، كورسەتكەن تاماشا ارىنىن جوعارى باعالاپ، شي جينپيڭ ارميانى قۇدىرەتتەندىرۋ يدەياسىن جەتەكشى ەتۋگە تاباندى بولىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، تياناقتاندىرىپ، اسكەر جاتتىقتىرىپ، سوعىسقا دايىندالۋدى جاپپاي كۇشەيتۋمەن بىرگە، جەرگىلىكتى ورىننىڭ رەفورما، دامۋ، ورنىقتىلىق قىزمەتتەرىنە بەلسەنە قولداۋ كورسەتىپ جانە ات سالىسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بىرگە اناعۇرلىم زور كۇش قوساتىندىقتارىن ٴبىلدىردى.
ياڭ چىڭ، چىن ۋيجۇن، چىن ميڭگو، قادەن كابەن، مۇقيات جارمۇقامەت، شۋە بين قاتىناستى نەمەسە ۇيىرمە باستاپ ارالاپ حال سۇراۋ قيمىلىن ورىستەتتى.