ورتالىق اسكەري ىستەر كوميتەتىنىڭ ٴتوراعاسى شي جينپيڭ بۇيرىققا قول قويدى

«ارميانىڭ ەكولوگيالىق ورتانى قورعاۋ ەرەجەسى» جاريالاندى

شينحۋا اگەنتتىگىنىڭ 9 ـ ايدىڭ 8 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ تاياۋدا بۇيرىققا قول قويۋىمەن «ارميانىڭ ەكولوگيالىق ورتانى قورعاۋ ەرەجەسى» جاريالاندى، 2024 ـ جىلى 10 ـ ايدىڭ 1 ـ كۇنىنەن باستاپ اتقارىلادى.

«ەرەجەدە» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ساقتانۋدى، قورعاۋدى نەگىز ەتۋ، جونگە سالۋ مەن باسقارۋعا بىردەي ٴمان بەرۋ، جاپپاي اتتانىسقا كەلتىرۋ، ارميا مەن جەرگىلىكتى ورىن ىستەستىك جاساۋ پرينسيبىنە تاباندى بولىپ، باسقارۋ ٴتۇزىلىسىن قايتا ورناتىپ، قىزمەت ٴتۇزىمىن اقاۋسىزداندىرىپ، جۇمىس جۇرگىزۋ مەحانيزمىن ارناعا ٴتۇسىرىپ، كۇش سالا جاسىل اسكەري كازارما قۇرۋ تالاپ ەتىلدى.

«ەرەجە» جالپى 6 تاراۋ، 50 تارماق، ول يدەيالىق جەتەكشىلىكتى كورنەكتىلەندىرىپ، رەفورما جاساپ، جاڭالىق اشۋعا تاباندى بولىپ، جۇيە جوباسىنا ٴمان بەرىپ، ارميانىڭ ەكولوگيالىق ورتانى قورعاۋ نىساناسىن جانە مىندەتىن ايقىنداپ، مەملەكەتتىڭ ساياسات، زاڭ ەرەجەلەرىمەن ٴتۇيىلىستىرىپ، ورتاعا جاسايتىن ىقپالىن باعالاۋ، تەكسەرىپ بەكىتۋ ۋاقىت شەگى، تەكسەرىپ بەكىتۋ ۇقىق شەگى، سونداي ـ اق ورتانى باعالاۋ كۇشى سياقتى ىستەرگە رەتتەۋ جۇرگىزىپ، اسكەري ىستەر قيمىلى، اسكەري ىستەر قۇرىلعىسى، اسكەري ىستەر جابدىعى سياقتى جاقتارداعى ەكولوگيالىق ورتانى قورعاۋ تالاپتارىن ەگجەي ـ تەگجەيلىلەندىرىپ، اسكەري ٴبولىمنىڭ جاۋىنگەرلىك قۋاتىن قالىپتاستىرۋعا جانە جوعارىلاتۋعا دەم بەرىپ، ەكولوگيالىق ورتانىڭ ونىمدىلىگى مەن اسكەري ىستەر ونىمدىلىگىنىڭ سايكەستىلىگىن، ٴبىر تۇتاستىعىن جۇزەگە اسىرۋعا تۇزىمدىك قامتاماسىزدىق ازىرلەدى.