تىلشىلەرىمىز مىڭ شيا، يۇڭ شۇيفىڭ، ەرىكتى تىلشىلەر شىن دۇڭلي، فان چىنچىن حابارلايدى. 10 - ايدىڭ 21 - كۇنى بۇكىل رايونىمىزداعى پارتيا مەكتەپتەرى (اكىمشىلىك شۋەيۋانى) جۇيەسىنىڭ 24 - كەزەكتى نازاريالىق زەرتتەۋ - تالقى ٴماجىلىسى ىلە وبلىستىق پارتكومنىڭ پارتيا مەكتەبىندە (اكىمشىلىك شۋەيۋانى) اشىلدى. اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ۇنەمىلىك ىستەرگە جاۋاپتى ورىنباسار مەكتەپ (شۋەيۋان) باستىعى ليۋ باۋدۇڭ ماجىلىسكە قاتىناستى ٴارى ٴسوز سويلەدى، ىلە وبلىستىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى، پارتيا مەكتەبىنىڭ باستىعى لي رۇڭنيان اشىلۋ سالتىنا قاتىناستى ٴارى ارناۋ ٴسوز سويلەدى.

سول كۇنى بۇكىل شينجياڭداعى ٴارقايسى ايماقتىق، وبلىستىق، بيڭتۋاننىڭ شى - قالالىق پارتيا مەكتەپتەرى (اكىمشىلىك شۋەيۋانى) جۇيەسىنەن كەلگەن 150 دەن استام مامان، وقىمىستى ٴبىر اراعا باس قوسىپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، پارتيا مەكتەبىنىڭ عىلمي زەرتتەۋ قىزمەتىنىڭ جوعارى ساپالى دامۋىن ىلگەرىلەتۋ جونىندە ىشكەرىلەي زەرتتەۋ - تالقى جۇرگىزدى.

ليۋ باۋدۇڭ بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتـۋگـە تــابـــانـدى بولـــىـپ، بـاس شـۋجـي شي جينپيڭنىڭ پارتيا مەكتەبى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، وزەكتى ارقاۋ ەتۋگە، جالپى جاعدايعا قىزمەت وتەۋگە تاباندى بولىپ، ”پارتيا ٴۇشىن دارىندى تاربيەلەۋ، پارتيا ٴۇشىن اقىل - كەڭەس بەرۋ“ سىندى پارتيا مەكتەبىنىڭ اۋەلگى ماقساتىن امالياتتا ايگىلەپ، پارتيانىڭ جاسامپاز نازارياسىن زەرتتەۋ، ٴتۇسىندىرۋ، پارتيانىڭ نازاريادا جاڭالىق اشۋىن ىلگەرىلەتۋ، پارتيا مەن ۇكىمەتكە اقىل - كەڭەس بەرۋ سياقتى جاقتاردا پارتيا مەكتەپتەرىنىڭ وزگەشە رولىن ساۋلەلەندىرۋ كەرەك. شينجياڭنىڭ جەر - جەرىندەگى پارتيا مەكتەپتەرى ۇلتتار وڭىرىندەگى پارتيا مەكتەبى رەتىندە، جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەۋ جاعىندا باس تارتۋعا بولمايتىن بورىش ارقالاۋدا، ٴسوز جوق، ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ وسكەلەڭ تۇرعىسىنان جۇڭحۋا ۇلتى ورتاق تۇلعا تانىمىن بەكەمدەۋدى مەكتەپ (شۋەيۋان) ىستەرىنىڭ دامۋ جالپى جاعدايىمەن سايكەستىرىپ ٴبىر تۇتاس جوسپارلاپ، ٴارقانداي ۋاقىتتا، ٴارقانداي ورىندا، ٴارقانداي ىستە نازاردى نەگىزگى جەلىگە شوعىرلاندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت وتەۋ كەرەك.

لي رۇڭنيان بىلاي دەپ اتاپ كورسەتتى: پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، دايەكتىلەندىرۋ − كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. پارتيا مەكتەپتەرى وزەكتى ارقاۋ ەتۋگە، جالپى جاعدايعا قىزمەت وتەۋگە تاباندى بولىپ، ”پارتيا ٴۇشىن دارىندى تاربيەلەۋ، پارتيا ٴۇشىن اقىل - كەڭەس بەرۋ“ سىندى پارتيا مەكتەبىنىڭ اۋەلگى ماقساتىن امالياتتا ايگىلەۋ كەرەك. پارتيا مەكتەپتەرىنىڭ عىلمي زەرتتەۋ قىزمەتى نازاردى پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىنا جانە اۆتونوميالى رايوندىق 10 - كەزەكتى پارتكوم ون ٴبىرىنشى، ون ەكىنشى جالپى ماجىلىستەرىنىڭ رۋحىنا شوعىرلاندىرىپ، ۇشتاسۋ ٴتۇيىنىن، كىرىسۋ ٴتۇيىنىن، كۇش سالۋ ٴتۇيىنىن ٴداپ باسىپ تاۋىپ، پارتيانىڭ قاجەتىن تىعىز ارقاۋ ەتىپ، ٴوز باسىمدىقتارىن ساۋلەلەندىرىپ، پارتيا قانداي كەلەلى ماسەلەلەردى شەشۋدى قاجەت ەتسە، پارتيا مەكتەبى سول جاعىنان كۇش سالا اقىل - كەڭەس بەرۋى كەرەك. رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ جاۋاپكەرشىلىك سەزىمى مەن بورىشتىلىق سەزىمىن شىنايى كۇشەيتۋ كەرەك. 

وسى رەتكى زەرتتەۋ - تالقى ٴماجىلىسىنىڭ مازمۇنى باي، فورماسى يكەمدى بولدى، سيلانعان ديسسەرتاتسيا جاعىنان اۋىس ـ كۇيىس جاساۋ، ارناۋلى تاقىرىپتا ساباق ٴوتۋ، ناقتى ورىندا وقىتۋ، ارقاۋ ٴسوز بايانداماسى، عىلمي اۋىس - كۇيىس سياقتى كوپتەگەن قيمىلدار ورنالاستىرىلدى. ارالىقتا ورتالىق پارتيا مەكتەبى (مەملەكەتتىك اكىمشىلىك شۋەيۋانى) اسپيرانتتار شۋەيۋانىنىڭ ورىنباسار باستىعى، پروفەسسورى فان جيدا ”جاڭالىق اشۋ ارقىلى جوعارى ساپالى دامۋعا جەتەكشىلىك ەتۋ جونىندە بىرنەشە تولعانىس“، شينجياڭ شىفان داشۋەسى ساياسي - زاڭ شۋەيۋانىنىڭ باستىعى، پروفەسسورى پىڭ ۋچيڭ ”جۇڭحۋا وركەنيەتىنىڭ بەس كورنەكتى ەرەكشەلىگى − جۇڭحۋا ۇلتى ورتاق تۇلعاسىنىڭ تەرەڭ وركەنيەت نەگىزى“ تاقىرىبىندا جەكە - جەكە ارقاۋ ٴسوز سويلەدى. ديسسەرتاتسياسى تاڭدالعان اۆتورلاردان 6 ۋاكىل پىكىر اۋىستىرىپ ٴسوز سويلەدى. تالقى گرۋپپالارى پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە اۆتونوميالى رايوندىق 10 - كەزەكتى پارتكوم ون ٴبىرىنشى، ون ەكىنشى جالپى ماجىلىستەرىنىڭ رۋحىن تىعىز ارقاۋ ەتىپ، پارتيا مەكتەپتەرى عىلمي زەرتتەۋىنىڭ جوعارى ساپالى دامۋىن ىلگەرىلەتۋ جونىندە تولىق تالقى جۇرگىزىپ، پىكىر اۋىستىردى. 

بۇكىل رايونىمىزداعى پارتيا مەكتەپتەرى جۇيەسىنىڭ نازاريالىق زەرتتەۋ - تالقى ٴماجىلىسى − پارتيا مەكتەبى جۇيەسىندەگى ماڭىزدى ىقپالعا يە عىلمي زەرتتەۋ، اۋىس - كۇيىس جاساۋ تۇعىرى، وسى رەتكى زەرتتەۋ - تالقى ٴماجىلىسىنىڭ ىلەدە وتكىزىلۋى ىلەنىڭ اۋىس - كۇيىس جاساۋ ٴورىسىن ونان ارى كەڭەيتۋدە، شينجياڭنىڭ جوعارى ساپالى دامۋىنا اناعۇرلىم ويداعىداي قىزمەت وتەۋدە بەلسەندى جەبەۋ رولىن اتقارىپ قانا  قالماستان، ىلە وبلىستىق پارتكوم پارتيا مەكتەبىنىڭ باسقا ايماقتىق، وبلىستىق، شى - قالالىق پارتيا مەكتەپتەرىمەن عىلمي زەرتتەۋ سەلبەستىگىن ورىستەتۋىنە، ٴوزارا اۋىس - كۇيىس جاساۋىنا، بىرگە العا باسۋىنا تاماشا كوپىر سالدى.

سول كۇنى، زەرتتەۋ - تالقى ماجىلىسىندە تاعى تۇتاس رايونىمىزداعى پارتكوم پارتيا مەكتەپتەرىنىڭ (اكىمشىلىك شۋەيۋان) 24 - كەزەكتى نازاريالىق زەرتتەۋ - تالقى ماجىلىسىندە سيلىققا يە بولعان ديسسەرتاتسيا اۆتورلارىنىڭ ۋاكىلدەرى ماداقتالىپ - سيلاندى.