ەلشات تۇرسىنباي ۇلى توعىزتاراۋ اۋدانىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

بايلىق ارتىقشىلىعىن، كاسىپ سالاسى نەگىزىن تياناق ەتىپ، كوپ ٴتۇرلى شارا قولدانىپ، نىسان قۇرىلىسىن مىقتى يگەرۋ كەرەك

تىلشىلەرىمىز لي يافىڭ، اراي حابارلايدى. 11 - ايدىڭ 12 - كۇنى ىلە وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى توعىزتاراۋ اۋدانىنا بارىپ جاڭا ەنەرگيا كاسىپ سالاسىن دامىتۋ جانە ٴتۇيىندى نىسان قۇرىلىسى جاعدايىنا تەكسەرۋ - زەرتتەۋ جۇرگىزدى. ول مىنانى باسا دارىپتەدى: پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اۆتونوميالى رايوندىق 10 - كەزەكتى پارتكوم ون ەكىنشى جالپى ٴماجىلىسىنىڭ جانە وبلىستىق پارتكوم قىزمەت ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە - ٴدال، جاپپاي دايەكتىلەندىرىپ، بايلىق ارتىقشىلىعىن، كاسىپ سالاسى نەگىزىن تياناق ەتىپ، جەل، كۇن نۇرى بايلىعىن مۇمكىندىكتىڭ بارىنشا كاسىپ سالاسى باسىمدىعىنا، ەكونوميكالىق باسىمدىققا، دامۋ باسىمدىعىنا اينالدىرىپ، جاڭا ەنەرگيا نىساندارىنىڭ ۇتىمدى قارجى قوسۋدى جەبەۋدەگى شەشۋشى رولىن شىنايى ساۋلەلەندىرىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن بار كۇشپەن ورىنداۋ كەرەك.

ەلشات تۇرسىنباي ۇلى ىلگەرىندى ـ كەيىندى جۇڭحى جەل ەلەكتر ەنەرگيا ساقتاۋ نىسانى، حۋانىڭ فوتوۆولت، ەنەرگيا ساقتاۋ  نىسانى قۇرىلىستارىنىڭ جۇمىس باسىنا بارىپ سول جەردىڭ وزىندە تەكسەرۋ ـ زەرتتەۋ جۇرگىزدى ٴارى جيڭكى توبىنىڭ تومەن كومىر قىشقىل گازدى بولۋعا ويىستىرۋ فوتوۆولتىق نىسانىنىڭ، جۇڭگو ەلەكتر قۋاتى قۇرىلىسى شەكتى سەرىكتەستىگىنىڭ تومەن كومىر قىشقىل گازدى بولۋعا ويىستىرۋ جەل ەلەكترى، فوتوۆولت، ەنەرگيا ساقتاۋ ٴبىر تۇلعالاندىرىلعان نىسانىنىڭ جاۋاپتىلارىمەن ىشكەرىلەي پىكىر اۋىستىردى. بارعان جەرىنىڭ بارىندە ەلشات تۇرسىنباي ۇلى نىسان قۇرىلىسىنىڭ جاعدايىن ەگجەي ـ تەگجەيلى ۇعىسىپ، قۇرىلىس بارىسىندا جولىققان قيىنشىلىقتار مەن ماسەلەلەردى سايكەستىرىپ شەشىپ، ٴتۇيىندى نىسان قۇرىلىستارىنىڭ قارقىنىن تەزدەتىپ، ونىمدىلىگىن ارتتىرۋدى ىلگەرىلەتتى.

ەلشات تۇرسىنباي ۇلى بىلاي دەپ باسا دارىپتەدى: جۋىق جىلداردان بەرى ىلە وبلىسى جاڭا داۋىردەگى مەملەكەتتىڭ شينجياڭعا بەرگەن ”ٴۇش بازا، ٴبىر ارنا“ ستراتەگيالىق ورىن تۇراقتاندىرۋ ورايىن مىقتاپ يگەرىپ، ۇتىمدى ساتتەن پايدالانىپ دەرەۋ ارەكەتكە كەلىپ، دۇرىس بەتالىسقا قاراي ۇزدىكسىز العا تارتىپ، كولەمدى كەڭەيتىپ، ارنانى ىركىلىسسىزدەندىرىپ، كاسىپ سالاسىن گۇلدەندىرىپ، قابىلداۋدى جەبەدى، جەل ەلەكتر، فوتوۆولت سياقتى جاڭا ەنەرگيا قۇرىلىسى ۇتىمدى ساتتە، تولىقسۋ كەزىندە، دەر شاعىندا تۇر، باسىمدىققا يە بايلىقتاردى كادەگە جاراتۋ ستراتەگياسىن ىشكەرىلەي ىلگەرىلەتىپ، جاڭا قوزعاۋشى كۇشتى تاسقىنداتۋعا، جاڭا باسىمدىلىق قالىپتاستىرۋعا كۇش سالىپ، جوعارى ساپالى دامۋعا ۇزدىكسىز پارمەندى ومىرشەڭدىك كۇش قوسۋ كەرەك. اۋدان - قالالار جانە قاتىستى تاراۋلار ساياسي دەڭگەيدى اناعۇرلىم جوعارىلاتىپ، ”نىساندى ەڭ جوعارى ورىنعا قويۋ، كاسىپ سالاسىن جاپپاي يگەرۋ“ ايقىن بەتالىسىن بەرىك ورناتىپ، نىسانداردى اتقارۋدىڭ جالپى پەريودىندا قىزمەت وتەۋمەن قامتاماسىزداندىرىپ، كاسىپورىنداردىڭ ۋايىمنان ارىلىپ، قيىنشىلىعىن شەشۋىنە دەن قويا، سۇيىسپەنشىلىكپەن دەر كەزىندە كومەكتەسىپ، ٴتۇيىندى نىسان قۇرىلىستارىن بار كۇشپەن ىلگەرىلەتىپ، قارجى قوسۋدىڭ ارتۋدى ورنىقتىرۋداعى، تيپ وزگەرتۋدى جەبەۋدەگى، حالىق تۇرمىسىن قامتاماسىزداندىرۋداعى شەشۋشى رولىن شىنايى ساۋلەلەندىرۋى كەرەك. نىسان يەلەرى ساياسات ورايىن، بازار ورايىن مىقتى يگەرىپ، كاسىپورىنداردىڭ ىشكى بولىگىندەگى قارجى قوسۋدى تەكسەرۋدى جەدەل ورىنداپ، حاۋىپسىزدىككە كەپىلدىك ەتۋ العى شارتىندا قۇرىلىس جۇرگىزۋدىڭ شەكتى ۋاقىتىن مىقتى يگەرىپ، ٴتىپتى دە كوپ ناقتى زات مولشەرىن قالىپتاستىرىپ، ىلە وبلىسىنىڭ ەكونوميكالىق، قوعامدىق دامۋىنا ٴتيىستى ۇلەس قوسۋى كەرەك. رەفورمانى جاپپاي تەرەڭدەتۋدىڭ وي جەلىسى مەن شارالارى ارقىلى كۇش سالۋ ٴتۇيىنى مەن قامال الۋ ٴتۇيىنىن ٴداپ باسىپ تاۋىپ، ٴبىر توپ ستراتەگيالىق، جاسامپازدىق، جەتەكشىلىك سيپاتتى رەفورما شارالارىن بەلسەنە جوسپارلاپ ىلگەرىلەتىپ، ”بىرەۋى ارقىلى بارىنە اسەر ەتەتىن“ شەشۋشى نەگىزدىك قۇرىلـعى نىساندارىنان، اسا ٴىرى كاسىپ سالاسى نىساندارىنان ٴبىر توبىن الدىن الا جوبالاپ، زاپاس نىسانعا جولداپ، قول جەتكىزىپ، ەنگىزىپ، ىلە وبلىسىنىڭ جوعارى ساپالى دامۋدا تىڭ ونىمدىلىككە قول جەتكىزۋىن ۇزدىكسىز ىلگەرىلەتۋ كەرەك.

تۇقىم − اۋىل شارۋاشىلىعىنىڭ ”چيپى“، استىق حاۋىپسىزدىگىن قامتاماسىز ەتۋدىڭ نەگىزى. ەلشات تۇرسىنباي ۇلى شينجياڭ جۇڭفان اۋىل شارۋاشىلىق عىلىم ـ تەحنيكا شەكتى جاۋاپكەرشىلىك سەرىكتەستىگىنىڭ جۇگەرى تۇقىمىن جەتىلدىرۋ زەردەلىلەندىرىلگەن ٴوندىرىس جەلىسى قۇرىلىسىنىڭ جۇمىس باسىنا بارىپ، كاسىپورىننىڭ تۇقىم جەتىلدىرۋ، جاڭا تۇقىم سورتىن زەرتتەپ اشۋ، ساپالى تۇقىم جەتىلدىرۋ، شارۋالارمەن بايلانىس جاساۋ، شارۋالاردى جەتەكتەۋ، كىرىستى ارتتىرۋعا دەم بەرۋ سياقتى جاقتارداعى جاعدايىن ۇعىستى. ول بىلاي دەپ باسا دارىپتەدى: استىق حاۋىپسىزدىگى ساياسي جاۋاپكەرشىلىگىن شىنايى ارقالاپ، استىق ٴوندىرىسىن ونەركاسىپتەندىرۋ ويىمەن جوسپارلاپ، ساپالى سورتتاردى تاڭداپ جەتىلدىرۋدى، جالپىلاستىرۋدى ونان ارى جاقسى ىستەپ، قۇرىلىمدى ونان ارى ساپالىلاندىرىپ، كولەمىن ورنىقتىرىپ، بىرلىك ٴونىمدى ارتتىرىپ، جالپى ٴونىم مولشەرىن جوعارىلاتىپ، ەڭبەك ونىمدىلىگى مەن جەردىڭ ٴونىم مولشەرىن ۇزدىكسىز جوعارىلاتىپ، مەملەكەتتىڭ استىق حاۋىپسىزدىگىنە شىنايى كەپىلدىك ەتۋ كەرەك. اۋىل شارۋاشىلىعىن كاسىپ سالالاندىرۋ اياق الىسىن جەدەلدەتىپ، اۋىل شارۋاشىلىق ونىمدەرىن مانەرلەيتىن ٴبىر توپ باستاماشى كاسىپورىنداردى سۇيەمەلدەپ جانە دامىتىپ، 1 -، 2 -، 3 - كاسىپتەردىڭ توعىسپالى دامۋىن ىلگەرىلەتىپ، اۋىل شارۋاشىلىعى نەگىزىن وسىزامانداندىرۋدى، كاسىپ تىزبەگىنىڭ جوعارى دەڭگەيگە كوتەرىلۋىن جەبەپ، اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتىپ، ەگىنشى - مالشىلاردىڭ كىرىسىن ۇزدىكسىز ارتتىرۋدى جەبەۋ كەرەك.