انار بۇلت \ شينجياڭ گازەتىنىڭ ٴتىلشىسى حي حۇڭۋي 11 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، 11 ـ ايدىڭ 13 ـ كۇنىنە دەيىن بۇكىل شينجياڭدا 10 مىڭ 300 اۆتوكولىكتى جاراقسىزعا شىعارىپ جاڭالاۋ ٴوتىنىشى، 26 مىڭ اۆتوكولىكتى اۋىستىرىپ جاڭالاۋ ٴوتىنىشى بەرىلىپ، جالپى 36 مىڭ 300 اۆتوكولىككە جەتكەن؛ 189 مىڭ ٴۇي ەلەكتر جابدىعىنىڭ كونەسىنىڭ ورنىنا جاڭاسىن اۋىستىرۋ ٴوتىنىشى بەرىلگەن، كونەسىنىڭ ورنىنا جاڭاسىن اۋىستىرۋ بويىنشا 1624 ەلەكترلى ۆەلوسيپەد، ٴۇي اشەكەيلەۋ، اس ٴۇي، تازالىق ٴۇي بۇيىمدارى سياقتىلاردان 3065 بۇيىم جاڭالانىپ، جيىنى 5 ميلليارد 830 ميلليون يۋاننان استام تۇتىنۋدى جەبەگەن.

شينجياڭ تۇتىنۋ بۇيىمدارىندا كونەسىنىڭ ورنىنا جاڭاسىن اۋىستىرۋ ساياساتىنىڭ تياناقتانىپ ونىمدىلىك كوسەتۋىن بەلسەنە ىلگەرىلەتىپ، ساۋدا ىستەرى سالاسىندا اۆتوكولىك، ٴۇي ەلەكتر جابدىقتارى، ٴۇي اشەكەيلەۋ، اس ٴۇي، تازالىق ٴۇي بۇيىمدارى سياقتىلاردى قامتىعان ”1 + 6“ تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياسات جۇيەسىن قۇردى ٴارى اتقارۋ ەرەجەسىن سايكەستى شىعاردى. ساياساتتىڭ جەبەۋىندە، شينجياڭنىڭ جەر ـ جەرى ٴىس جۇزىندىكپەن ۇشتاستىرىپ، ٴبىر قىدىرۋ كونەسىنىڭ ورنىنا جاڭاسىن اۋىستىرۋ ٴتيىمدى قيمىلىن ۇسىنىپ، ٴىشىنارا تۇتىنۋشىلاردىڭ كونە ٴۇي ەلەكتر جابدىقتارىن كەرەكتەن شىعارۋ سۇرانىسىنا سايكەسىپ، تۇتىنۋشىلاردىڭ دارەجەسى وسىرىلگەن ٴۇي ەلەكتر جابدىقتارىن تاڭداپ ساتىپ الۋ بەلسەندىلىگىن جوعارىلاتىپ، تۇتىنۋدىڭ جاڭا ومىرشەڭ كۇشىن تاسقىنداتتى.

ساتىپ الۋعا ٴوتىنىش بەرۋ ٴتارتىبىن ىقشامداۋ ٴۇشىن، اۆتونوميالى رايون تاعى كونەسىنىڭ ورنىنا جاڭاسىن اۋىستىرۋ بويىنشا 3 دارەجەلى قىزمەت وتەۋ تۇعىرىن ورناتىپ، قوسىمشا قاراجات قارجىسىن قاراپ بەكىتۋ، قارجى بوساتۋدى باقىلاۋ ـ باسقارۋ ٴتارتىبىن ساپالىلاندىرىپ، قاراپ بەكىتۋ جانە قارجى بوساتۋ ونىمدىلىگىن بارىنشا جوعارىلاتىپ، ٴبىر كۇندە ەسەپ الۋدى، ەسەپ جابۋدى، قاراپ بەكىتىلسە دەرەۋ قارجى بوساتۋدى نەگىزىنەن جۇزەگە اسىرىپ، ساياساتتىڭ اتقارىلۋ ونىمدىلىگى مەن قولايلىلىعىن كورنەكتى جوعارىلاتتى.

اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، 1 ـ دارەجەلى شارلاۋشى جۋ حىشياڭ مىنانى ٴبىلدىردى: اۆتونوميالى رايون ساياسات تەبىنىن ۇزدىكسىز ارتتىرىپ، تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قىزمەتىن ىشكەرىلەي ورىستەتۋدى ىلگەرىلەتىپ، كاسىپورىنداردىڭ وسى قاتارعا قوسىلۋداعى ولشەمىن ونان ارى تومەندەتىپ، كاسىپورىنداردىڭ قاتىناسۋ كولەمىن ۇلعايتىپ، ”تانىمالى ماركا كاسىپورىندارى + وداقتاس ساۋداگەر“ ٴتاسىلى ارقىلى نيەتى بار، ولشەمدى شارۋاشىلىق جۇرگىزەتىن ورتا، شاعىن كاسىپورىنداردىڭ قيمىلعا قاتىناسۋىنا، كاسىپورىننىڭ قاتىناسۋ كولەمىن ۇلعايتۋعا مۇمكىندىك جاسايدى.