ٴزۇمىرات وبۇل بۇراتالا موڭعۇل اۆتونوميالى وبلىسىندا جانە شۋاڭحى قالاسىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　جالپى بارىستىق حالىق دەموكراتياسىن امالياتتا ايگىلەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتى ٴۇشىن

 زەيىن ـ زەردە، كۇش ـ قۋات شوعىرلاندىرۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ لەي 11 ـ ايدىڭ 14 ـ كۇنى بۇراتالادان حابارلايدى. 11 ـ ايدىڭ 12 ـ كۇنىنەن 13 ـ كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل بۇراتالا موڭعۇل اۆتونوميالى وبلىسىندا جانە شۋاڭحى قالاسىندا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن مۇقيات تياناقتاندىرىپ، جالپى بارىستىق حالىق دەموكراتياسىن ىشكەرىلەي امالياتتا ايگىلەپ، ٴتۇزىم ابزالدىلىعىن ساۋلەلەندىرىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن جۇرت تىلەگىن ۇيىستىرىپ، كۇش ـ قۋات توپتاۋ كەرەك.

الاتاۋ ساعاسى كەشەندى قورعامالى باجى اۋماعى، تەمىر جول حالىقارالىق بىرلەسپە تاسىمال عيماراتى، تاس جول شەكارا وتكەلى جانە جىڭ اۋدانىنىڭ تاس جول، تەمىر جول زات اينالىمى باقشاسى سياقتى جەرلەردە ٴزۇمىرات وبۇل باقشا رايونىنا، كاسىپورىندارعا بارىپ، قاتىستى جاۋاپتى جولداستارمەن ىشكەرىلەي پىكىر اۋىستىرىپ، جۇڭگو _ ەۆروپا كەزەكشى پويەزىنىڭ قاتىناۋى، شەكارا وتكەلى ەكونوميكاسىنىڭ دامۋى، كەشەندى قورعامالى باجى اۋماعى قۇرىلىسىنىڭ جۇرگىزىلۋى سياقتى جاعدايلاردى ەگجەي ـ تەگجەيلى ۇعىستى. ول بىلاي دەپ باسا دارىپتەدى: حالىق قۇرىلتايىنىڭ فۋنكتسيالىق رولىن ساۋلەلەندىرىپ، قىزمەت امالياتى بارىسىنداعى ٴونىمدى تاجىريبەلەردى، ادىستەردى مۇقيات قورىتىندىلاپ، كەشەندى قورعامالى باجى اۋماعى جونىندەگى زاڭ ەرەجە شىعارۋ اياق الىسىن جەدەلدەتىپ، جوعارى دەڭگەيدە سىرتقا ەسىك اشۋدى كەڭەيتۋگە زاڭمەن باسقارۋ تىرەگىن ازىرلەۋ كەرەك. حالىق قۇرىلتايى ۋاكىلدەرىنىڭ بايلانىس جاساۋ پۋنكتىنىڭ كەشەندى قورعامالى باجى اۋماعىنا، كاسىپورىندارعا كەڭەيۋىن ىلگەرىلەتىپ، پىكىر ـ ۇسىنىستاردى جاپپاي جيناپ، باقشا رايونىنىڭ دامۋىنداعى، كاسىپورىن شارۋاشىلىعىنداعى قيىنشىلىقتار مەن ماسەلەلەردى شەشۋدى ىلگەرىلەتىپ، تاماشا دامۋ ورتاسىن كۇش سالا قالىپتاستىرۋ كەرەك.

ەبينۇر كولى سازدىعى، بۇراتالا كاسىپتىك تەحنيكالىق شۋەيۋانى، تيانلاي مال شارۋاشىلىق باعىمشىلىق باقشا رايونى، ”قىزىل جۇلدىز شۋاڭحىنى نۇرلاندىردى“ كورمە سارايى سياقتى جەرلەردە ٴزۇمىرات وبۇل سازدىقتى قورعاۋ، ٴوندىرىس پەن وقىتۋدى توعىستىرۋ، سويىس سيىر كاسىپ سالاسىن دامىتۋ، بيڭتۋان مەن جەرگىلىكتى ورىننىڭ توعىسپالى دامۋى سياقتى جاعدايلاردى ناقتى ۇعىستى. ول بىلاي دەپ باسا دارىپتەدى: ٴار دارەجەلى حالىق قۇرىلتايلارى اۆتونوميالى رايوندىق پارتكومنىڭ ورنالاستىرۋلارىن، تالاپتارىن مۇقيات دايەكتىلەندىرىپ، جەرگىلىكتى ورىننىڭ ٴىس جۇزىندىك جاعدايىمەن ۇشتاستىرىپ، حالىق قۇرىلتايىنىڭ قىزمەت مىندەتىن اتقارۋداعى، رولىن ساۋلەلەندىرۋدەگى كۇش سالۋ ٴتۇيىنىن ٴدال تاۋىپ، ەكولوگيالىق ورتانى زاڭ بويىنشا قورعاپ، اۋىل ـ قىستاق كاسىپ سالاسىنىڭ ساپاسىن جوعارىلاتىپ ونىمدىلىگىن ارتتىرۋىنا دەم بەرىپ، كاسىپتىك وقۋ ـ اعارتۋدىڭ دامۋىن، زورايۋىن قامتاماسىز ەتىپ، بيڭتۋان مەن جەرگىلىكتى ورىننىڭ توعىسا دامۋىنا قولداۋ كورسەتىپ، ٴتۇزىم باسىمدىعىن دامۋ ونىمدىلىگىنە اناعۇرلىم ويداعىداي اينالدىرۋى كەرەك.

ٴزۇمىرات وبۇل تاعى حالىق قۇرىلتايىنىڭ ۋاكىلى سالاۋاتىمەن سايلاۋ ورنىنا بارىپ، ۋاكىلدەرمەن جانە حالىق بۇقاراسىمەن حابارلاستى، بۇراتالا قالاسى ميڭجۋ الەۋمەتتىك اۋماعى حالىق قۇرىلتايى ۋاكىلدەرىمەن بايلانىس جاساۋ پۋنكتىندە ۋاكىلدەر قيمىلىنا قاتىناستى. ول بىلاي دەپ باسا دارىپتەدى: ”ەكى بايلانىستى“ تەرەڭدەتىپ، كەڭەيتىپ، ۋاكىلدەردىڭ زاڭ بويىنشا قىزمەت مىندەتىن اناعۇرلىم ويداعىداي وتەۋىنە قولداۋ كورسەتىپ جانە ونى قامتاماسىز ەتىپ، حالىق ٴۇن قاتقان زامان جاۋاپ قايتارۋ كەرەك؛ ۋاكىلدەردىڭ ”وتاۋ، پۋنكتىن“ جانە نەگىزگى ساتىداعى زاڭ ەرەجە شىعارۋ بايلانىس ٴتۇيىنىن ويداعىداي قۇرىپ جانە ودان ويداعىداي پايدالانىپ، جالپى بارىستىق حالىق دەموكراتياسىن امالياتتا ايگىلەۋدىڭ تۇعىرى مەن دانەكەرىن جاڭالاپ، ساپالىلاندىرىپ، حالىق تىلەگىن قابىلداپ، حالىقتىڭ اقىل ـ پاراساتىن شوعىرلاندىرىپ، نەگىزگى ساتىنى باسقارۋعا اناعۇرلىم ويداعىداي دەم بەرىپ، حالىق تۇرمىسىنداعى قيىن ماسەلەلەردى شەشىپ، حالىق تۇرمىسىنداعى ناقتى ىستەردى ويداعىداي ىستەپ، ىنتىماقتاسا العا باسۋدىڭ قۋاتتى بىرىككەن كۇشىن توپتاۋ كەرەك.