اۆتونوميالى رايوندىق پارتكوم تۇراقتى كوميتەتى ٴماجىلىس اشتى 

　　باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەندى، دايەكتىلەندىردى ەلەۋلى حاۋىپ ـ قاتەرلەردەن ساقتانۋ ـ تىزگىندەۋ قىزمەتىن كۇشەيتۋدى ورنالاستىردى

 　　عىلىم ـ تەحنيكادا جاڭالىق اشۋدى كۇشەيتۋدى جانە وقۋ ـ اعارتۋدىڭ جوعارى ساپالى دامۋىن جەبەۋدى اقىلداستى 

　　ما شيڭرۇي ٴماجىلىستى باسقاردى

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 ـ ايدىڭ 14 ـ كۇنى تۇستەن بۇرىن ٴماجىلىس اشىپ، باس شۋجي شي جينپيڭنىڭ گۋاڭدۇڭنىڭ جۋحاي قالاسىنداعى اۆتوكولىكپەن جۇرگىنشىلەردى سوعۋ دەلوسى جونىندەگى ماڭىزدى نۇسقاۋىنىڭ رۋحىن جانە تاياۋداعى ماڭىزدى جاۋاپ حاتتارىنىڭ، قۇتتىقتاۋ حاتتارىنىڭ رۋحىن ۇيرەندى، دايەكتىلەندىردى، ورتالىق كوميتەتتىڭ جوعارى دەڭگەيلى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جەدەل جۇزەگە اسىرىپ، عىلىم ـ تەحنيكادا قۋاتتى ەل قۇرۋ، وقۋ ـ اعارتۋدا قۋاتتى ەل قۇرۋ جونىندەگى قاتىستى ورنالاستىرۋلارىن، تالاپتارىن دايەكتىلەندىردى، تياناقتاندىردى، اۆتونوميالى رايوننىڭ ساپالى، بىركەلكى نەگىزگى الەۋمەتتىك وقۋ ـ اعارتۋ قىزمەت وتەۋ جۇيەسىن ورناتۋ قىزمەتىن اقىلداستى، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋ، جونگە سالۋ جاعدايى جونىندەگى مالىمەتتى تىڭداپ، كەلەسى قادامداعى قىزمەتتەردى ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

 　　ٴماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، تەرەڭ ساباق الىپ، بىرەۋى ارقىلى وزگەسىن تۇسپالداۋعا تاباندى بولىپ، حاۋىپ ـ قاتەر تانىمىن، تومەنگى شەكتە ويلاۋدى ونان ارى كۇشەيتىپ، ەلەۋلى حاۋىپ ـ قاتەرلەردەن ساقتانۋ ـ تىزگىندەۋ تورىن تىعىز، بەرىك توقىپ، حالىق بۇقاراسىنىڭ ٴومىرىنىڭ حاۋىپسىزدىگىن جانە قوعام ورنىقتىلىعىن بار كۇشپەن قامتاماسىز ەتۋ كەرەك. حاۋىپ ـ قاتەرلەردى، كومەسكى كىناراتتاردى ٴبىر ـ بىردەن تەكسەرۋدى جاپپاي كۇشەيتىپ، زورلىقتى كۇش لاڭكەستىك حاۋىپ ـ قاتەرلەرىنەن تۋ باستان ساقتانۋ ـ تىزگىندەۋدى كۇشەيتىپ، نەگىزگى ساتىنىڭ رولىن شىنايى ساۋلەلەندىرىپ، ٴتۇرلى قوعامدىق قايشىلىقتاردى، داۋ ـ شارلاردى بەلەڭ بەرگەن زامان شەشۋ، ادام شوعىرلى ورىندار، كولەمدى قيمىل سياقتىلاردىڭ اماندىق قورعاۋ قىزمەتىن دەن قويا ويداعىداي ىستەپ، ۇشقارى دەلولاردىڭ تۋىلۋىنان باتىل ساقتانۋ قاجەت. ساقتانۋ مەن شۇعىل جاعدايعا توتەپ بەرۋدى ٴوزارا ۇشتاستىرۋعا تاباندى بولىپ، شۇعىل جاعدايعا توتەپ بەرۋ، توسىن جاعدايلاردى ٴبىر جاقتى ەتۋ بويىنشا ٴتۇرلى جوبالاردى ساپالىلاندىرىپ، شۇعىل جاعدايعا توتەپ بەرۋ، ٴبىر جاقتى ەتۋ قابىلەتىن جوعارىلاتۋ كەرەك. جەر ـ جەر، تاراۋلار، اسىرەسە، پارتكوم مەن ۇكىمەتتەگى نەگىزگى جاۋاپتى جولداستار قوعام ورنىقتىلىعىن قورعاۋدى قاشاندا ماڭداي الدى ورىنعا قويىپ، وزدەرى قول سالىپ كىرىسىپ جاعدايعا تالداۋ جۇرگىزىپ، حاۋىپ ـ قاتەرلەرگە تۇجىرىم جاساۋى، نەگىزگى ساقشى كۇشىنىڭ ٴبىرىنشى شەپكە ٴتۇسۋىن ۇزدىكسىز ىلگەرىلەتىپ، جاۋاپكەرشىلىكتى قاتايتۋعا، ناقتىلاندىرۋعا، شارالاردى ناقتى تياناقتاندىرۋعا، ەگجەي ـ تەگجەيلى تياناقتاندىرۋعا، حاۋىپ ـ قاتەرلەردى ەرتە باستان، بەلەڭ بەرگەننەن باستاپ شەشۋگە شىنايى كەپىلدىك ەتىپ، شينجياڭنىڭ قوعامدىق كەلەلى جاعدايىنىڭ باياندى ورنىقتىلىعىنا شىنايى كەپىلدىك ەتۋى كەرەك.

 　　ٴماجىلىس باس شۋجي شي جينپيڭنىڭ شاڭحاي قالاسى ياڭپۋ رايونى ”لاۋياڭشۋ ۇگىت لەكسيا ۇيىرمەسىندەگى“ بارلىق جولداسقا، جۇڭگو تەڭىز ـ مۇحيت داشۋەسىندەگى بارلىق وقىتۋشى ـ وقۋشىلارعا قايتارعان ماڭىزدى جاۋاپ حاتىنىڭ جانە جۇڭشان داشۋەسى قۇرىلعاندىعىنىڭ 100 جىلدىعىنا، تۇڭعىش كەزەكتى دۇنيە ٴجۇزى كلاسسيكالار جينالىسىنا جولداعان ماڭىزدى قۇتتىقتاۋ حاتتارىنىڭ رۋحىن جەتكىزىپ، ۇيرەنىپ، مىنالاردى باسا دارىپتەدى: شينجياڭنىڭ ٴىس جۇزىندىگىمەن ۇشتاستىرىپ، ٴار ۇلت بۇقاراسىنىڭ قالا قۇرىلىسىنا جانە ونى باسقارۋعا بەلسەنە ات سالىسۋىن جەبەپ، جوعارى دارەجەلى وقۋ ـ اعارتۋدىڭ دامۋىن جەدەلدەتىپ، توڭىرەكتەگى ەلدەرمەن مادەنيەت اۋىس ـ كۇيىسىن، سەلبەستىگىن تەرەڭدەتۋ كەرەك.

 　　ٴماجىلىس مىنالاردى باسا دارىپتەدى: عىلىم ـ تەحنيكادا جاڭالىق اشۋدىڭ ستراتەگيالىق جەتەكشىلىك ورنى مەن ٴتۇبىرلى تىرەكتىك رولىن تولىق تانىپ، شينجياڭنىڭ عىلىم ـ تەحنيكادا جاڭالىق اشۋداعى پارىقتارى مەن ولىقىلىقتارىن، ورايى مەن شارت ـ جاعدايىن ىشكەرىلەي جەتە تانىپ، عىلىم ـ تەحنيكا ارقىلى شينجياڭدى گۇلدەندىرۋ ستراتەگياسىن ىلگەرىلەتۋدى اناعۇرلىم كورنەكتى ورىنعا قويىپ، سەنىمدى بەكەمدەپ، قايراتتانا العا ىلگەرىلەپ، شينجياڭنىڭ عىلىم ـ تەحنيكادا جاڭالىق اشۋ جالپى تۇلعالىق ونىمدىلىگىن ۇزدىكسىز جوعارىلاتۋدى جەبەۋ كەرەك. جاپپاي جاڭالىق اشۋعا قولداۋ كورسەتەتىن ٴتۇزىلىس ـ مەحانيزم ورناتىپ، كوپ نەگىزدى عىلىم ـ تەحنيكا ۇسىنىلىم مەحانيزمىن اقاۋسىزداندىرىپ، جوعارى دەڭگەيلى جاڭالىق اشۋ تۇعىرى دانەكەرى قۇرىلىسىن كۇشەيتىپ، جاڭالىق اشۋ بايلىعىن اناعۇرلىم كەڭ كولەمدە توپتاۋ كەرەك. كاسىپورىن، جوعارى مەكتەپ، عىلمي زەرتتەۋ اكادەميالارى، ورىندارى سياقتى ٴارقايسى جاقتىڭ جاڭالىق اشۋ بەلسەندىلىگىن تولىق قاۋلاتىپ، شينجياڭنىڭ باسىمدىققا يە بايلىعىن اشۋمەن جانە ەرەكشە كاسىپ سالاسىن دامىتۋمەن تىعىز بايلانىستىرا وتىرىپ، ٴتۇيىندى سالالارداعى شەشۋشى، وزەكتى تەحنيكالاردان قامال الۋدى جەدەلدەتىپ، شينجياڭنىڭ ەرەكشە، باسىمدىققا يە وسىزاماندانعان كاسىپ سالاسى جۇيەسى قۇرىلىسىنىڭ ٴتىپتى دە ارشىندى قادام تاستاۋىنا جەتەكشىلىك ەتۋ كەرەك. ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن عىلىم ـ تەحنيكا سەلبەستىگىن ۇزدىكسىز كەڭەيتىپ، ورتا ازياعا باعىتتالعان وڭىرلىك عىلىم ـ تەحنيكادا جاڭالىق اشۋ ورتالىعىن تۇلعالاۋ قاجەت.

 　　ٴماجىلىس مىنالاردى باسا دارىپتەدى: شينجياڭ جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە، ٴسوز جوق، وقۋ ـ اعارتۋدا قۋاتتى ەل قۇرىلىسىن ماڭىزدىنىڭ ماڭىزدىسى ەتۋگە تاباندى بولۋى كەرەك. وقۋ ـ اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن مىقتى يگەرىپ، كەلەلى ورايدى يگەرىپ، ورتالىقتىڭ قولداۋ ساياساتى جانە وقۋ ـ اعارتۋ ارقىلى شينجياڭعا كومەكتەسۋ بايلىق باسىمدىعىنىڭ رولىن ساۋلەلەندىرىپ، ٴار دارەجەلى، ٴار ٴتۇرلى وقۋ ـ اعارتۋدىڭ جوعارى ساپالى دامۋىن ٴبىر تۇتاس جوسپارلاپ ىلگەرىلەتۋ كەرەك. تاباندىلىقپەن پارتيانىڭ جاسامپاز نازارياسىمەن رۋحتى سومداپ، ادام تاربيەلەپ، جۇڭحۋا ۇلتى ورتاق تۇلعا تانىمىن بەكەمدەۋدى وقىتۋ جۇرگىزۋدىڭ، مەكتەپ باسقارۋدىڭ، ٴبىلىم بەرىپ ادام تاربيەلەۋدىڭ جالپى بارىسىنا ٴسىڭىرىپ، ٴمورال ارقىلى تاربيەلەۋ جاڭا جاعدايىن كۇش سالا تۇلعالاۋ كەرەك. تۇتاس شينجياڭ وقۋ ـ اعارتۋىنىڭ جالپى تۇلعالىق ورنالاسىمىن ستراتەگيالىق جاقتان كەمەلدەندىرىپ، وڭىرلەردىڭ، قالا مەن اۋىلدىڭ وقۋ ـ اعارتۋ دامۋىنداعى پارقىن ازايتۋدى كوزدەپ، بايلىق ورنالاسىمىن ۇزدىكسىز ساپالىلاندىرىپ، كۇش سالا ولىقىلىقتاردى تولىقتاپ، ٴالسىز تۇستاردى كۇشەيتىپ، وقۋ ـ اعارتۋ الەۋمەتتىك قىزمەت وتەۋىنىڭ جالپىعا تيىمدىلىگىن، قول جەتىمدىلىگىن، قولايلىلىعىن ورنىقتى جوعارىلاتىپ، وڭتۇستىك شينجياڭنىڭ جوعارى دارەجەلى وقۋ ـ اعارتۋىن جانە كاسىپتىك وقۋ ـ اعارتۋىن زور كۇشپەن دامىتىپ، وڭىرلىك جوعارى ساپالى دامۋعا اناعۇرلىم ويداعىداي تىرەك بولۋ كەرەك. وقۋ ـ اعارتۋ جالپىلىق رەفورماسىن ۇزدىكسىز تەرەڭدەتىپ، مەكتەپ شۋجيىنە، مەكتەپ باستىعىنا ۇزدىكتەردى تاڭداپ، مىقتىلاردى ورنالاستىرۋ جانە جوعارى قابىلەتتى وقىتۋشىلاردى، جوعارى مەكتەپ جەتەكشىلەرىن جەتىلدىرۋ، ەنگىزۋ جاعىندا اناعۇرلىم زور كۇش سالىپ، وقۋ ـ اعارتۋ ساپاسىن ۇزدىكسىز جوعارىلاتۋ كەرەك.

 　　ٴماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ايرىقشا ٴمان بەرۋىندە، جوعارى دەڭگەيدە ىلگەرىلەتۋىندە، قاتىستى جاقتاردىڭ بار كۇشپەن قامال الۋىنىڭ ارقاسىندا، ”ٴۇرىمجى _ سانجى _ شىحىزى“ ٴوڭىرى اتموسفەراسىنىڭ لاستانۋىنان ساقتانۋ جانە ونى وڭاۋدى ىلگەرىلەتۋدە كورنەكتى ونىمدىلىككە قول جەتىپ، تيانشاننىڭ سولتۇستىك بوكتەرىندەگى قالالار شوعىرىنىڭ اۋا ورتا ساپاسى ٴۇرتىس جاقساردى. شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، ستراتەگيالىق تاباندىلىقتى ساقتاپ، سەنىمدى، بەكىمدى كۇشەيتىپ، باستى لاستانۋ قاينارىن دالمە ـ ٴدال اداقتاۋدى، نىسانالى وڭاۋدى بۇلجىماي ىلگەرىلەتىپ، قاينارىنان جونگە سالۋ ونىمدىلىگىن تىنباي قۇلشىنا جوعارىلاتۋ كەرەك. قاتىستى وڭىرلەر جانە تاراۋلار ماسەلەنى شەشۋدى قىزمەتتىڭ شىعار ٴتۇيىنى جانە تابان تىرەر تياناعى ەتىپ، شىندىقتى ٴىس جۇزىنەن ىزدەۋگە، جەرگىلىكتى جاعدايعا قاراي ىستەۋگە تاباندى بولىپ، اناعۇرلىم عىلمي وي جەلىسىن، ٴادىسىن، اناعۇرلىم ٴونىمدى تەحنيكالىق ٴتاسىل قولدانىپ، بيڭتۋان مەن جەرگىلىكتى ورىن سايكەسىپ، باتىلدىقپەن ٴىس تىندىرىپ، شەبەرلىكپەن ىسكەرلىك كورسەتۋى، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدا اناعۇرلىم زور ونىمدىلىككە قول جەتكىزۋدى جەبەۋى كەرەك.