انار بۇلت \ شينجياڭ گازەتىنىڭ ٴتىلشىسى حي حۇڭۋي

كونەسىنىڭ ورنىنا جاڭاسىن اۋىستىرۋ بيىل شينجياڭنىڭ تۇتىنۋ بازارىنداعى قولامتالى ٴسوز بولدى. قازىر شينجياڭدا كونەسىنىڭ ورنىنا جاڭاسىن اۋىستىرۋ قىزمەتى ۇزدىكسىز ىلگەرىلەپ، تۇتىنۋ بازارىنىڭ ومىرشەڭدىگى ۇزدىكسىز تاسقىنداپ، تۇتىنۋشىلاردىڭ جاسىل تۇتىنۋىن پارمەندى ىلگەرىلەتىپ، بۇقارانىڭ تۇرمىس ساپاسىنىڭ جوعارىلاۋىنا دەم بەردى.

ساندى مالىمەتتەردە كورسەتىلۋىنشە، 11 ـ ايدىڭ 13 ـ كۇنىنە دەيىن بۇكىل شينجياڭدا جاراقسىزعا شىعارۋعا ٴوتىنىش ەتىلگەن اۆتوكولىك 10 مىڭ 300گە، اۋىستىرىپ جاڭالاۋعا ٴوتىنىش ەتىلگەن اۆتوكولىك 26 مىڭعا جەتىپ، جالپى 36 مىڭ 300 اۆتوكولىك بولعان؛ كونەسىنىڭ ورنىنا جاڭاسىن اۋىستىرۋعا ٴوتىنىش ەتىلگەن ٴۇي ەلەكتر جابدىقتارى 189 مىڭ، ەلەكترلى ۆەلوسيپەد 1624، ٴۇي اشەكەيلەۋ، اس ٴۇي، تازالىق ٴۇي بۇيىمدارى سياقتىلاردان 3065 بۇيىم جاڭالانىپ، جالپى تۇتىنۋ سوماسى 5 ميلليارد 830 ميلليون يۋان بولعان.

　　ساياساتتىڭ سۇيەمەلدەۋى ومىرشەڭدىكتى قاۋلاتتى

شايار اۋدانىنىڭ تۇرعىنى جاڭ پىڭحۇيدىڭ اكە ـ شەشەسىنىڭ ۇيىندەگى توڭازىتقىش، تەلەۆيزور سياقتى ٴۇي ەلەكتر جابدىقتارىنىڭ پايدانىلۋ مەرزىمى تۇگەلدەي 10 جىلدان اسقان، ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋ قوسىمشا قاراجاتى ساياساتىن قوسا يگىلىكتەنۋگە بولاتىندىعىن بىلگەننەن كەيىن، جاڭ پىڭحۇي شايار اۋدانى بەيجيڭ جولى جياحى زات اينالىم پورتىنداعى بەلگىلى ماركانىڭ ينتەرنەت جەلىسىنەن تىسقارى ەلەكتر جابدىقتارى دۇكەنىنە كەلىپ، اكە ـ شەشەسى ۇزاق ۋاقىتتان بەرى ارمانداپ كەلگەن تەلەۆيزور، كىر جۋعىش ت، ب ساتىپ الدى.

”توڭازىتقىشقا 2000 يۋان تيىمدىلىك جاسالدى، شاعىن ٴۇي ەلەكتر جابدىقتارىنا دا كەمىندە 1000 يۋان تيىمدىلىك جاسالدى، نەداۋىر اقشا ۇنەمدەلدى“، ـ دەدى جاڭ پىڭحۇي.

ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋ قوسىمشا قاراجات ساياساتى اتقارىلعان مەزگىلدە شايار اۋدانى قوسىمشا قاراجاتتى تەكسەرۋ ٴتارتىبىن ىقشامداۋ، قوسىمشا قاراجات ساياساتىن كەڭ كولەمدە ۇگىتتەۋ سياقتى تاسىلدەر ارقىلى تۇتىنۋ ىنتاسىن قاۋلاتىپ، تۇتىنۋ جاڭا ومىرشەڭ كۇشىن قاۋلاتتى. قازىرگە دەيىن 67 دۇكەن ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋ قيمىلىنا قاتىناسىپ، جيىنى 300 مىڭ يۋاننان استام قوسىمشا قاراجات تاراتىپ، ٴۇي ەلەكتر جابدىقتارى سالاسىندا تۇتىنۋ سوماسى ٴبىر ميلليون 800 مىڭ يۋاننان اسقان.

تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قىزمەتى پارتيا ورتالىق كوميتەتىنىڭ، مەملەكەتتىك كەڭەستىڭ بيىل جوعارى ساپالى دامۋ كەلەلى جاعدايىن كوزدەي وتىرىپ جاساعان كەلەلى شەشىمى، ورنالاستىرۋى. شينجياڭ مەملەكەتتىڭ ۇندەۋىنە بەلسەنە ٴۇن قوسىپ، ساۋدا سالاسىندا اۆتوكولىك، ٴۇي ەلەكتر جابدىقتارى، ٴۇي اشەكەيى، اس ٴۇي، تازالىق ٴۇي بۇيىمدارى سياقتىلاردى قامتىعان ”1 + 6“ تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياسات جۇيەسىن قۇردى ٴارى اتقارۋ ەرەجەسىن سايكەستى شىعاردى. ساياساتتىڭ جەبەۋىندە شينجياڭنىڭ جەر ـ جەرى ٴىس جۇزىندىك جاعدايمەن ۇشتاستىرىپ، كونەسىنىڭ ورنىنا جاڭاسىن اۋىستىرۋ ٴتيىمدى قيمىلدارىن ۇسىنىپ، ٴىشىنارا تۇتىنۋشىلاردىڭ كونە ٴۇي ەلەكتر جابدىقتارىن كەرەكتەن شىعارىپ، جاڭاسىن ساتىپ الۋ سۇرانىسىنا سايكەسىپ، تۇتىنۋشىلاردىڭ بەلسەندىلىگىن جوعارىلاتتى.

مەملەكەت پەن اۆتونوميالى رايوننىڭ ٴتۇرلى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتىن تياناقتاندىرۋ نەگىزىندە ٴىشىنارا ايماق، وبلىس، قالالار ىلگەرىندى ـ كەيىندى جەرگىلىكتى ورىننىڭ تۇتىنۋدى جەبەۋ ساياساتىن دا شىعارىپ، ىقپالى مەن قامتىمىن ونان ارى كەڭەيتىپ، بازاردىڭ تۇتىنۋ ورلەۋىن جوعارىلاتتى. وسى شارالار قارجىلاي قوسىمشا قاراجات بەرۋ، سالىقتا تيىمدىلىك جاساۋ، تۇتىنۋ بەلەتىن تاراتۋ، قىزمەت وتەۋ ٴتارتىبىن ساپالىلاندىرۋ سياقتى كوپ جاقتى قامتىپ، تۇتىنۋشىلاردىڭ ساتىپ الۋ ىنتاسىن ونان ارى قاۋلاتتى.

11 ـ ايدىڭ 11 ـ كۇنى سانجى حۇيزۋ اۆتونوميالى وبلىسى اۆتوكولىكتەردىڭ كونەسىنىڭ ورنىنا جاڭاسىن اۋىستىرۋ ساياساتىنا تاعى دا كۇش قوسىپ، جاڭا اۆتوكولىك ساتىپ العاندارعا ماي كارتچكاسى قوسىمشا قاراجاتىن بەرۋ بويىنشا ينتەرنەتتە 4200 بەلەت تاراتىپ، تۇتىنۋشىلارعا ناقتى تيىمدىلىك جاسادى. تۇتىنۋشىلار شارتقا ۇيلەسەتىن ٴمىنىس اۆتوكولىك ساتىپ العاندا اۆتوكولىك باعاسىنا قاراي 4000 _ 2000 يۋان ارالىعىندا ماي كارتچكاسى قوسىمشا قاراجات بەلەتىن ٴوتىنىش ەتىپ الۋىنا بولادى.

قيمىل كەزىندە سانجى وبلىسىندا اۆتوكولىك ساتاتىن 45 ٴتۇيىندى كاسىپورىن بەلسەنە ات سالىستى، تۇتىنۋشىلار اۆتوكولىك ساتىپ العاننان كەيىن قاتىستى ماتەريالداردى ازىرلەسە بولعانى، بەلگىلەنگەن ورىندا قوسىمشا قاراجات بەلەتىن ٴوتىنىش ەتىپ الۋىنا ٴارى بۇكىل شينجياڭ كولەمىندە پايدالانۋىنا، ماي قۇيۋ تيىمدىلىگىنەن يگىلىكتەنۋىنە بولادى.

بىرنەشە كۇننەن بەرى شينجياڭنىڭ جەر ـ جەرى مەملەكەتتىڭ تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتىنا بەلسەنە ٴۇن قوسىپ، قوسىمشا قاراجات سەرپىنىن ارتتىرۋ جانە قىزمەت وتەۋ ٴتارتىبىن ساپالىلاندىرۋ ارقىلى ٴۇي ەلەكتر جابدىقتارى، اۆتوكولىك، ٴۇي جيھازدارى، اس ٴۇي، تازالىق ٴۇي بۇيىمدارى سياقتى كوپ سالانى قامتىعان كونەسىنىڭ ورنىنا جاڭاسىن اۋىستىرۋ قىزۋ ورلەۋىن كوتەردى. بۇل ساياسات تۇتىنۋدى پارمەندى جەبەپ، تۇتىنۋشىلارعا ناقتى تيىمدىلىكتەر اكەلۋمەن بىرگە، مۇنان دا ماڭىزدىسى، شينجياڭنىڭ تۇتىنۋ بازارىنا قۋاتتى قوزعاۋشى كۇش ۇستەدى.

وسىمەن بىرگە، شينجياڭ تاعى ساۋداگەرلەردىڭ ونىمدەردى ساتۋ باعاسىن باقىلاۋ ـ باسقارۋ تەبىنىن كۇشەيتىپ، باعانى قىمباتتاتۋ جايتىنىڭ تۋىلۋىن باتىل تەجەدى، بازادى باقىلاۋ ـ باسقارۋ مەكەمەسى قاتارلى تاراۋلارمەن بىرلەسۋ ارقىلى كونەسىنىڭ ورنىنا جاڭاسىن اۋىستىرۋ قيمىلىنا قاتىناسقان ساۋداگەرلەرگە باعا بويىنشا باقىلاۋ جۇرگىزىپ، ساياسات پايداسىنىڭ قالىڭ تۇتىنۋشىلارعا شىن مانىندە تيىمدىلىك جەتكىزۋىنە شىنايى كەپىلدىك ەتتى.

　　قىزمەت وتەۋدىڭ دارەجەسىن جوعارىلاتىپ، جاڭالاۋدى جەبەدى

11 ـ ايدىڭ 12 ـ كۇنى 3 كۇندىك ”جاسىل ٴۇي ەلەكتر جابدىقتارىن جۇمىسشى ۇيىمىنا ەنگىزۋ · كونەسىنىڭ ورنىنا جاڭاسىن اۋىستىرىپ، جۇمىسشى ـ قىزمەتكەرلەرگە تيىمدىلىك جاساۋ“ قيمىلى ٴۇرىمجى قالاسىنداعى حالىق باقشاسىندا وتكىزىلدى. سول جەردە قيمىلعا قاتىناسقان بۇقارا كونە ٴۇي ەلەكتر جابدىقتارىنىڭ ۇيلەسىمدى قۇنىن مەجەلەپ جيناپ الۋدان يگىلىكتەنىپ قانا قويماي، جاڭا ٴۇي ەلەكتر جابدىقتارىن ساتىپ العاندا ۇستەمەلەپ ارزانداتۋدان يگىلىكتەندى جانە قوسىمشا قاراجات الدى.

ٴۇرىمجى قالاسىنىڭ تۇرعىنى حى كايحۋ سول جەردەن ٴبىر دوحوپكا ساتىپ الدى، ول بىلاي دەدى: كونەسىنىڭ ورنىنا جاڭاسىن اۋىستىرۋ ساياساتى وتە ٴتيىمدى ەكەن، ۇيدەگى كەيبىر كونە ەلەكتر جابدىقتارىن اۋىستىرىپ الۋعا بولادى، ٴتيىمدى بولۋمەن بىرگە، قورشاعان ورتانى دا قورعايدى“.

كونەسىنىڭ ورنىنا جاڭاسىن اۋىستىرۋ ساياساتىنىڭ ”سالماعى“ جوعارى، قايتكەندە تۇتىنۋشىلاردىڭ ٴبىلۋ مولشەرىن جوعارىلاتىپ، تۇتىنۋشىلارعا اناعۇرلىم جاقسى قىزمەت وتەۋگە بولادى؟ جەر ـ جەر بەلسەنە ىزدەنىس جاساپ، جاڭالىق اشىپ، ”كونەسىن ٴبىر جاقتى ەتۋ ٴتىپتى وڭاي بولۋ، جاڭاسىن اۋىستىرۋدى ٴتىپتى قالايتىن بولۋ“ مەحانيزمىن ورناتىپ، تۇتىنۋشىلارعا اناعۇرلىم قولايلى، جوعارى ٴونىمدى قىزمەت وتەدى.

كونەسىنىڭ ورنىنا جاڭاسىن اۋىستىرۋ تۇتىنۋىنا قوسىمشا قاراجات بەرۋ ساياساتى شىعارىلعاننان بەرى، كۇشار قالالىق ساۋدا ىستەرى مەكەمەسى جەرگىلىكتى ورىنداعى اۆتوكولىك، ٴۇي ەلەكتر جابدىقتارى سياقتى ساۋدا ورىندارىنىڭ كولەمى مەن ساياساتتىڭ اتقارىلۋ ونىمدىلىگىنىڭ ٴىس جۇزىندىك جاعدايىمەن ۇشتاستىرىپ، تيجارات سەنىمدىلىگى جاقسى، جەتىلدىرۋ كومەسكى كۇشى بار ٴبىر توپ ورتا، شاعىن كاسىپورىنداردى اۆتوكولىك، ٴۇي ەلەكتر جابدىقتارى سياقتى سالالاردا كونەسىنىڭ ورنىنا جاڭاسىن اۋىستىرۋ ساياساتىن اتقاراتىن كاسىپورىندار تىزىمدىگىنە ەنگىزىپ، ۇگىت تاراۋلارىمەن بىرگە جەرگىلىكتى ۇكىمەت تورابى، ۋيشين الەۋمەتتىك ٴنومىرى، ۋيشين شوعىرى سياقتى ارنالارمەن بىرگە كونەسىنىڭ ورنىنا جاڭاسىن اۋىستىرۋ ساياساتىن ٴبىلۋ مولشەرىن ۇزدىكسىز كەڭەيتتى.

كۇشار قالالىق ساۋدا ىستەرى مەكەمەسىنىڭ ورىنباسار باستىعى قۇربانجان تۇراقتىڭ تانىستىرۋىنشا، قازىرگە دەيىن كۇشار قالاسىندا 97 كاسىپورىن، جەكە ساۋداگەر تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قيمىلىنا قاتىناسىپ، بازاردىڭ ومىرشەڭ كۇشىن ونان ارى قاۋلاتقان.

ساۋداگەرلەر زات ساتىپ الۋدىڭ قاۋىرت ورلەۋىن قارسى الۋ ٴۇشىن، كونەسىنىڭ ورنىنا جاڭاسىن اۋىستىرۋ ساياساتىنا ٴۇن قوسۋدان سىرت، تاعى حالىققا ٴتيىمدى ارزانداتىپ بەرۋ سىندى كوپتەگەن قيمىلداردى دەر كەزىندە العا قويدى.

تاياۋدا كۇشار قالاسى ۋانلۇڭ لۇڭدي اۆتوكولىك ساتۋعا قىزمەت وتەۋ شەكتى سەرىكتەستىگى اۆتوكولىك ساتىپ الۋدىڭ شاعىن ورلەۋىن قارسى الىپ، تيجارات سوماسى بىلتىرعى سول تۇستاعىدان %30 ارتتى. وسى سەرىكتەستىكتىڭ قاريدارلار ديرەكتورى ياڭ شۇي بىلاي دەپ تانىستىردى: مەملەكەت پەن اۆتونوميالى رايوننىڭ قوسىمشا قاراجاتىنان سىرت، زاۆود تاعى 6000 يۋان اۋىستىرۋ قوسىمشا قاراجاتىن بەرەدى، دۇكەن ىشىندە قامسىزداندىرۋ، كۇتىمدەۋ قىزمەت وتەۋلەرىن تارتۋ ەتۋ سياقتى قيمىلدار ورىستەتىپ، تۇتىنۋشىلاردى اۆتوكولىك ساتىپ الۋدىڭ اناعۇرلىم كوپ تيىمدىلىگىنەن جانە قولايلىلىعىنان يگىلىكتەندىردى.

كونەسىنىڭ ورنىنا جاڭاسىن اۋىستىرۋ ساياساتىنىڭ ۇزدىكسىز اتقارىلۋىنا ىلەسە، شينجياڭنىڭ جەر ـ جەرىندە تۇتىنۋ بازارىنىڭ ورلەۋى ۇزدىكسىز جوعارىلادى. جەر ـ جەردەگى ساۋدا ىستەرى تاراۋلارى، قاتىستى كاسىپورىندار قاتارلىلار ساياساتتىق باۋلۋدى ۇزبەي ورىستەتىپ، تۇتىنۋشىلارعا اناعۇرلىم جاقسى قىزمەت وتەۋ ازىرلەدى.

11 ـ ايدىڭ 14 ـ كۇنى جۇڭگو قۇرىلىس بانكەسى ىلە قازاق اۆتونوميالى وبلىستىق بولىمشە بانكەسى 2024 ـ جىلعى ٴۇي اشەكەيى، اس ٴۇي، تازالىق ٴۇي بۇيىمدارىن جاڭالاۋعا قوسىمشا قاراجات بەرۋ قيمىلى ارناۋلى تاقىرىپتىق باۋلۋ ٴماجىلىسىن وتكىزدى، قىزمەتكەرلەر ماجىلىسكە قاتىناسقان كاسىپورىندارعا قوسىمشا قاراجات ٴوتىنىش ەتۋ ٴتارتىبىن جانە ساپالىلاندىرۋ شاراسىن تانىستىرىپ، ساياسات پايداسىنان تۇتىنۋشىلاردى دالمە ـ ٴدال يگىلىكتەندىرۋگە شىنايى كەپىلدىك ەتتى.

قۇرىلىس بانكەسى ىلە وبلىستىق بولىمشە بانكەسى توراپ فينانس ورتالىعىنىڭ ورىنباسار باس ديرەكتورى جاڭ حايدۇڭ بىلاي دەپ تانىستىردى: كونەسىنىڭ ورنىنا جاڭاسىن اۋىستىرۋ قىزمەتىنىڭ ۇزدىكسىز تەرەڭدەۋىنە بايلانىستى، ساياساتتىڭ ونىمدىلىگى كۇن سايىن كورنەكتىلەندى. ەندى عانا باستالعان ٴۇي اشەكەيى، اس ٴۇي، تازالىق ٴۇي بۇيىمدارىن جاڭالاۋ قوسىمشا قاراجاتىنىڭ سوماسى 100 مىڭ يۋاننان اسىپ، تۇتىنۋدىڭ ٴبىر ميلليون يۋاننان اسۋىن جەبەدى. قۇرىلىس بانكەسى ”قۇرىلىس بانكەسى تۇرمىس“ تۇعىرىنا سۇيەنىپ، ٴۇي اشەكەيى، اس ٴۇي، تازالىق ٴۇي بۇيىمدارىن جاڭالاۋعا قوسىمشا قاراجات بەرۋ قيمىلىنىڭ ٴساتتى ورىستەتىلۋىن بار كۇشپەن ىلگەرىلەتەدى.

　　بوگەتتى تۇيىندەردى اشىپ، ٴتارتىپتى ىركىلىسسىزدەندىردى

11 ـ ايدىڭ 9 ـ كۇنى شيحۋ قالاسى جياشين ساۋدا شەكتى سەرىكتەستىگىندە اۆتوكولىك ساتۋشىلار قاريدارلارعا اۆتوكولىك قوسىمشا قاراجاتى ساياساتىن ٴتۇسىندىرىپ جاتتى.

شيحۋ قالاسى گانحىزى قالاشىعى ياڭجياجۋاڭزى قىستاعىنداعى بيىل 67 جاستاعى تۇرعىن پارحات ٴمامات ٴوزىنىڭ جانار ماي اۆتوكولىگىن جاڭا ەنەرگيالى اۆتوكولىككە اۋىستىرماقشى بولدى.

”جاڭا ەنەرگيالى اۆتوكولىكتەردىڭ ماي شىعىنى تومەن، جاسىل، ورتانى قورعايدى، قازىر اۋىستىرساق 18 مىڭ يۋان قوسىمشا قاراجات بەرىلەدى، ارزان، ٴتيىمدى“، ـ دەدى پارحات ٴمامات.

قازىرگە دەيىن شيحۋ قالاسىنداعى 80 كاسىپورىن تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قيمىلىنا قاتىناستى. تەكسەرۋ جانە تولەۋ قارقىنىن تەزدەتۋ ٴۇشىن، شيحۋ قالاسى ارتقى تەكشەدە تەكسەرۋ قىزمەتىن بەلسەنە جاقسى ىستەپ، تەكسەرۋ ينفورماتسياسىنىڭ دەر كەزىندە، دۇرىس بولۋىنا شىنايى كەپىلدىك ەتتى ٴارى ٴتۇرلى ينفورماتسيالاردى سول كۇنى اداقتاپ، سول كۇنى اياقتاتۋدى ورىندادى؛ سونىمەن بىرگە، قاتىستى تۇعىرلاردىڭ كاسىپورىندار تۇعىردا ٴوتىنىش ەتۋ بارىسىندا جولىققان ٴتۇرلى ماسەلەلەردى شەشۋىن بەلسەنە ٴتۇيىلىستىردى.

شيحۋ قالالىق ساۋدا ىستەرى جانە ونەركاسىپ ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ياڭ جىساي مىنانى ٴبىلدىردى: تۇتىنۋ ٴوتىنىش ينفورماتسياسىن تەكسەرۋدى ۇزدىكسىز ويداعىداي يگەرىپ، تۇتىنۋشىلار، سونداي ـ اق كاسىپورىندار قوسىمشا قاراجات سوماسىنىڭ دەر كەزىندە دۇرىس تاراتىلۋىنا شىنايى كەپىلدىك ەتەمىز.

قايتكەندە تۇتىنۋداعى بوگەتتى تۇيىندەردى اشىپ، بازار ٴتارتىبىن ىركىلىسسىزدەندىرۋگە؛ ”كونەسىن وڭاي ٴبىر جاقتى ەتىپ“، ”جاڭاسىن اۋىستىرۋدى ٴتىپتى قالايتىن بولۋعا“ بولادى؟ رايونىمىزدىڭ جەر ـ جەرى جوعارى مەن تومەن سايكەسە كۇش سالۋعا تاباندى بولىپ، تۇتىنۋ بۇيىمدارىن جاڭالاۋ تىزبەگىن ىركىلىسسىزدەندىرىپ، اۆتوكولىكتىڭ تازا ەنەرگيالى بولۋىن، ٴۇي ەلەكتر جابدىقتارىنىڭ زەردەلىلەنۋىن، ٴۇي اشەكەيى، اس ٴۇي، تازالىق ٴۇي بۇيىمدارىنىڭ جاڭالانۋىن ىلگەرىلەتىپ، بۇقارانىڭ جوعارى ساپالى تۇرمىسقا بولعان قاجەتىن اناعۇرلىم جاقسى قاناعاتتاندىرادى.

بيىل جىل باسىنان بەرى اۆتونوميالى رايوندىق ساۋدا ىستەرى مەڭگەرمەسى ساۋدا سالاسىندا ٴبىر قىدىرۋ ساياسات ـ شارالاردى العا قويىپ، كونەسىنىڭ ورنىنا جاڭاسىن اۋىستىرۋ قىزمەتىن جاپپاي ۇيىمداستىرىپ اتقارۋعا پارمەندى قامتاماسىزدىق ازىرلەپ، ساياساتتىق ”كەشەندى شارانى“ ٴبىلۋ مولشەرىن جانە ناق اقشا تولەۋ مولشەرىن ٴونىمدى جوعارىلاتتى. تۇعىر قۇرىلىسى جاعىندا، ساياساتتىڭ ”تەرەزەلىك مەزگىلىن“ مىقتى يگەرىپ، كونەسىنىڭ ورنىنا جاڭاسىن اۋىستىرۋدىڭ ٴۇش دارەجەلى قىزمەت وتەۋ تۇعىرىن قۇردى. بۇدان سىرت، تاعى مەملەكەتتىڭ تەبىندى كۇشەيتۋ ساياساتىنىڭ تالابىنا ساي، اۆتوكولىكتى كەرەكتەن شىعارۋعا، جاڭالاۋعا قوسىمشا قاراجات بەرۋ ولشەمىن جوعارىلاتىپ، قوسىمشا قاراجات قارجىسىن تەكسەرۋ، بوساتۋدى باقىلاۋ ـ باسقارۋ ٴتارتىبىن ساپالىلاندىردى. بۇل شارالار قوسىمشا قاراجات بەرۋ مەرزىمىن بۇرىنعىدان زور دارەجەدە قىسقارتىپ، ساياساتتىڭ اتقارىلۋ ونىمدىلىگى مەن قولايلىلىعىن بارىنشا جوعارىلاتتى.

قۇمىل قالالىق ساۋدا ىستەرى مەكەمەسى كاسىپورىندارمەن بەتپە ـ بەت اڭگىمەلەسۋ، اۋىس ـ كۇيىس جاساۋ ارقىلى كاسىپورىنداردىڭ كونەسىنىڭ ورنىنا جاڭاسىن اۋىستىرۋ بارىسىنداعى قاجەتى مەن قيىنشىلىعىن تولىق ۇعىستى. وسى نەگىزدە قوعام حاۋىپسىزدىگى، ونەركاسىپ جانە ينفورماتسيالاندىرۋ، قازىنا، قامداۋ ـ ساتۋ سياقتى كوپتەگەن تاراۋلارمەن بىرلەسىپ، سەلبەسىپ، بىرلەسىپ قيمىلداۋ قىزمەت مەحانيزمىن بىرگە ورناتىپ، تەكسەرۋ، قوسىمشا قاراجاتتى بەرۋ، ٴۇي ەلەكتر جابدىقتارىن جيناپ الۋ سياقتى جۇمىس ٴتارتىبى ۋاقىتىن قىسقارتىپ، قىزمەت ونىمدىلىگىن جوعارىلاتتى. سونىمەن بىرگە، قۇمىل قالاسى تاعى قوسىمشا قاراجات ساياساتىنىڭ جەتەكشىلىك رولىن تولىق ساۋلەلەندىرىپ، كاسىپورىنداردى زاۆودتاردىڭ ارزانداتۋ، ساتۋدى جەبەۋ ساياساتىنا بەلسەنە قول جەتكىزۋگە جەتەكتەپ، كونەسىنىڭ ورنىنا جاڭاسىن اۋىستىرۋ ساياساتىن ”كۇش ۇستەپ“ تياناقتاندىرىپ، تۇتىنۋشىلارعا ناقتى پايدا جەتكىزدى.

اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، 1 ـ دارەجەلى شارلاۋشى جۋ حىشياڭ مىنانى ٴبىلدىردى: شينجياڭ كونەسىنىڭ ورنىنا جاڭاسىن اۋىستىرۋ ساياساتىنىڭ اتقارىلۋىن ۇزدىكسىز تەرەڭدەتىپ، ساياسات جۇيەسى مەن قىزمەت وتەۋ مەحانيزمىن اناعۇرلىم كەمەلدەندىرىپ، قالىڭ تۇتىنۋشىلاردى اناعۇرلىم قولايلى، جوعارى ٴونىمدى كونەسىنىڭ ورنىنا جاڭاسىن اۋىستىرۋ قىزمەت وتەۋىمەن قامدايدى. سونىمەن بىرگە، بازاردى باقىلاۋ ـ باسقارۋ جانە زاڭ اتقارۋ تەبىنىن كۇشەيتىپ، ساياساتتىڭ ٴادىل، ادىلەتتى جانە ٴونىمدى اتقارىلۋىنا شىنايى كەپىلدىك ەتىپ، شينجياڭنىڭ تۇتىنۋ بازارىنىڭ ۇزدىكسىز گۇلدەنۋى مەن دامۋىنا پارمەندى قامتاماسىزدىق ازىرلەيدى.