شينحۋا اگەنتتىگىنىڭ 11 ـ ايدىڭ 15 ـ كۇنى ليمادان بەرگەن حابارى (تىلشىلەر جاۋ كاي، جىڭ كايجۇن). جەرگىلىكتى ۋاقىت 11 ـ ايدىڭ 15 ـ كۇنى تۇستەن بۇرىن مەملەكەت ٴتوراعاسى شي جينپيڭ ليمادا وتكىزىلگەن ازيا _ تىنىق مۇحيت ەكونوميكالىق سەلبەستىك ۇيىمىنىڭ ونەركاسىپ ـ ساۋدا باسشىلارى ماجىلىسىندە «ٴداۋىر كەلەلى اۋقىمىن يگەرىپ، دۇنيە ٴجۇزىنىڭ گۇلدەنىپ ـ كوركەيۋىن بىرگە جەبەيىك» دەگەن تاقىرىپتا جازباشا ٴسوز سويلەدى.
شي جينپيڭ بىلاي دەپ اتاپ كورسەتتى: ازيا _ تىنىق مۇحيت ەلدەرى ەكونوميكانىڭ جاھاندانۋىنا تەرەڭ توعىسىپ، ٴبىرى گۇلدەنسە ٴبارى گۇلدەنەتىن، ٴبىرى زيان تارتسا ٴبارى زيان تارتاتىن مۇددەلىك ورتاق تۇلعاعا، تاعدىرلاس ورتاق تۇلعاعا اينالدى. سونىمەن بىرگە، دۇنيە ٴجۇزى جاڭا اۋمالى ـ توكپەلى وزگەرىس مەزگىلىنە ٴوتىپ، ەكونوميكانىڭ جاھاندانۋى اعىنعا قارسى جۇزەتىن، العا ىلگەرىلەمەسە كەرى شەگىنەتىن قاتاڭ سىناققا ٴدوپ كەلىپ وتىر. ازيا _ تىنىق مۇحيت ەكونوميكاسىنىڭ قايدا بەتتەپ، قايدا بارۋى ٴبىزدىڭ تاڭداۋ جاساۋىمىزعا مۇقتاج.
شي جينپيڭ بىلاي دەپ اتاپ كورسەتتى: ەكونوميكانىڭ جاھاندانۋى _ قوعامدىق وندىرگىش كۇش دامۋىنىڭ وبيەكتيۆ تالابى جانە عىلىم ـ تەحنيكا العا باسۋىنىڭ، ٴسوزسىز، ناتيجەسى، قارسى جەل مەن كەرى تولقىنعا جولىققان بولسا دا، الايدا ونىڭ دامۋ كەلەلى اۋقىمى ەجەلدەن وزگەرگەن ەمەس، ٴتۇرلى جەلەۋمەن ٴوزارا يەك سۇيەيتىن دۇنيە ٴجۇزىن بولەكتەۋگە قاسارىسۋ تاريحتى كەرى بۇرعاندىق. قيىن كەزەڭ بولعان سايىن، سەنىمدى سولعۇرلىم بەكەمدەۋ كەرەك. ەكونوميكانىڭ جاھاندانۋ بەتالىسىنا دۇرىس جەتەكشىلىك ەتىپ، جالپىعا بىردەي، سيىسىمدى ەكونوميكانىڭ جاھاندانۋىن قول ۇستاسا ىلگەرىلەتىپ، ەكونوميكانىڭ جاھاندانۋىنىڭ اناعۇرلىم ومىرشەڭ كۇشكە يە، اناعۇرلىم سيىسىمدى، اناعۇرلىم باياندى جاڭا كەزەڭگە اياق باسۋىن ىلگەرىلەتىپ، تۇرلىشە ەلدەردى، تۇرلىشە قاۋىمدى اناعۇرلىم ويداعىداي يگىلىككە كەنەلدىرۋ كەرەك.
ٴبىرىنشى، جاڭالىق اشۋ ارقىلى دەم بەرۋگە تاباندى بولىپ، دۇنيە ٴجۇزى ەكونوميكاسىنىڭ پارمەندى ارتۋىن ىلگەرىلەتۋ كەرەك. عىلىم ـ تەحنيكا جەتىستىگى ارقىلى بۇكىل ادامزاتتى باقىتقا كەنەلتۋ ۇستانىمىنا تاباندى بولىپ، وركەندەپ كەلە جاتقان ەلدەردىڭ عىلىم ـ تەحنيكا قابىلەتى قۇرىلىسىن كۇشەيتۋىنە كومەكتەسىپ، ٴبىلىم مەن تەحنيكانىڭ بۇكىل الەمدىك اينالىمىنا كۇش ۇستەۋ كەرەك.
ەكىنشى، داۋىرمەن بىرگە العا ىلگەرىلەۋگە تاباندى بولىپ، الەمدىك ەكونوميكانى باسقارۋ جۇيەسى رەفورماسىن ىلگەرىلەتۋ كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، جەر شارىنىڭ وڭتۇستىگىنىڭ ۋاكىلدىك سيپاتى مەن ٴسوز سويلەۋ ۇقىعىن ۇزدىكسىز جوعارىلاتىپ، ٴار ەلدىڭ حالىقارالىق ەكونوميكا سەلبەستىگىندە ۇقىق ـ مۇددەسىنىڭ تەڭ بولۋىنا، ورايىنىڭ تەڭ بولۋىنا، قاعيدانىڭ تەڭ بولۋىنا شىنايى كەپىلدىك ەتۋ كەرەك. اشىق دۇنيە جۇزىلىك ەكونوميكا جۇيەسىن قۇرۋدى ىلگەرىلەتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋ كەرەك.
ٴۇشىنشى، ادامدى نەگىز ەتۋگە تاباندى بولىپ، دامۋدىڭ تەپە ـ تەڭدىگى بۇزىلۋ ماسەلەسىن شەشۋدى ىلگەرىلەتۋ كەرەك. دۇنيە ٴجۇزىنىڭ كوركەيىپ ـ گۇلدەنۋى مەن ورنىقتىلىعى كەدەيلەر بارعان سايىن كەدەيلەسەتىن، بايلار بارعان سايىن بايي تۇسەتىن نەگىزدە قۇرىلمايدى، ٴار ەل بىرگە دامىعاندا عانا ناعىز دامۋ بولادى. ادامدى نەگىز ەتەتىن، دامۋى اناعۇرلىم بىركەلكى، ورايى اناعۇرلىم تەپە ـ تەڭ بولاتىن ەكونوميكانىڭ جاھاندانۋ جولىمەن ٴجۇرىپ، تۇرلىشە ەلدەردى، تۇرلىشە جىكتەگىلەردى، تۇرلىشە قاۋىمدى دامۋ جەتىستىگىنەن بىرگە يگىلىكتەندىرۋ كەرەك.
شي جينپيڭ بىلاي دەپ باسا دارىپتەدى: وتكەن 30 جىلدا ازيا _ تىنىق مۇحيت ٴوڭىرىنىڭ ەكونوميكاسى تەبىندى ارتۋدى ساقتادى، دۇنيە ٴجۇزىن جالت قاراتقان ”ازيا _ تىنىق مۇحيت كەرەمەتىن“ جاراتتى. ازيا _ تىنىق مۇحيت ٴوڭىرىنىڭ تابىسى ٴبىزدىڭ ٴوڭىردىڭ بەيبىتشىلىگىن، ورنىقتىلىعىن قورعاۋعا باستان ـ اياق كۇش سالۋىمىزدان، ناعىز كوپ جاقتىلىققا جانە اشىق وڭىرشىلدىككە باستان ـ اياق تاباندى بولۋىمىزدان، ەكونوميكانىڭ جاھاندانۋ كەلەلى اۋقىمىنا باستان ـ اياق سايكەسىپ، ٴوزارا پايدا جەتكىزىپ تەڭ يگىلىككە كەنەلۋگە جانە ٴبىر ـ ٴبىرىمىزدى تابىسقا كەنەلتۋگە تاباندى بولۋىمىزدان كەلگەن. ازيا _ تىنىق مۇحيت ٴوڭىرى ەكونوميكانىڭ جاھاندانۋىن ىلگەرىلەتەتىن پاراۆوز بولۋدان جازباي، تۋراشىلدىقتان اينىماي جاڭالىق اشىپ، اشىق ازيا _ تىنىق مۇحيت، سيىسىمدى ازيا _ تىنىق مۇحيت سىندى التىن ٴارىپتى ماڭدايشالىقتى جارقىراتىپ، جاسىل ازيا _ تىنىق مۇحيت، سيفرلى ازيا _ تىنىق مۇحيت سىندى جاڭا ماڭدايشالىق ورناتىپ، ازيا _ تىنىق مۇحيت تاعدىرلاس ورتاق تۇلعاسىن قۇرۋدى ىلگەرىلەتىپ، ازيا _ تىنىق مۇحيت ٴوڭىرى دامۋىنىڭ كەلەسى ”التىن 30 جىلىن“ تۇلعالاۋى كەرەك.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى. جۇڭگو رەفورمانى جاپپاي تەرەڭدەتىپ، الەمدىك ەكونوميكاعا ۇزدىكسىز پارمەندى قوزعالىس قۋاتىن ۇستەيدى. جۇڭگونىڭ بيىلعى ەكونوميكالىق ارتۋ نىساناسىن جۇزەگە اسىرۋعا، دۇنيە ٴجۇزى ەكونوميكاسىنىڭ ارتۋىنداعى ەڭ ۇلكەن قوزعالتقىش رولىن ۇزدىكسىز ساۋلەلەندىرۋگە تولىق سەنىمى بار. جۇڭگو جوعارى ساپالى دامۋدى ىلگەرىلەتىپ، جاڭا وندىرگىش كۇشتەردى جەرگىلىكتى جاعدايعا قاراي دامىتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتىپ، دۇنيە ٴجۇزى ەكونوميكاسىنىڭ ساپاسىن ٴوسىرىپ، ونىمدىلىگىن ارتتىرۋىنا ۇزدىكسىز جەتەكشىلىك ەتەدى. جۇڭگو جاسىل دامۋ جولىمەن بۇلجىماي ٴجۇرىپ، الەمنىڭ جاسىل تيپ جاڭالاۋىنا ۇزدىكسىز ماڭىزدى قوزعاۋشى كۇش ازىرلەيدى، الەمنىڭ كليمات وزگەرىسىنە توتەپ بەرۋىنە ماڭىزدى ۇلەس قوسادى. جۇڭگو اناعۇرلىم جوعارى دەڭگەيدەگى اشىق ەكونوميكالىق جاڭا ٴتۇزىلىس قۇرىپ، اناعۇرلىم كوپ دەربەس ەسىك اشۋ جانە ٴبىر جاقتى ەسىك اشۋ ساياساتىن شىعارىپ، بۇكىل الەمگە بەت العان جوعارى ولشەمدى ەركىن ساۋدا رايونى تورابىن كەڭەيتىپ، دۇنيە جۇزىمەن جۇڭگونىڭ دامۋ ورايىن ۇزدىكسىز بىرگە بولىسەدى.
شي جينپيڭ بىلاي دەپ باسا دارىپتەدى: جۇڭگونىڭ دامۋى ازيا _ تىنىق مۇحيتتان قول ۇزە المايدى ٴارى ازيا _ تىنىق مۇحيت ٴوڭىرىن ونان ارى باقىتقا كەنەلتەدى. ٴبىز ەسىك اشۋ، تۇتاستىرۋ رۋحىن امالياتتا ايگىلەگەندە عانا، تىنىق مۇحيت گۇلدەنۋدى، ارتۋدى جەبەيتىن داڭعىل جولعا اينالا الادى. ٴبىز ىنتىماقتى، سەلبەستىكتى كۇشەيتىپ، الەمدىك سىن ـ سايىستى بىرگە قارسى الىپ، دۇنيە ٴجۇزىنىڭ بىرگە گۇلدەنۋىن ىلگەرىلەتۋگە، ادامزاتتىڭ اناعۇرلىم تاماشا بولاشاق اشۋىنا اناعۇرلىم زور بىرىككەن كۇش ۇيىستىرايىق.