جاڭا تيپتەگى 6 ەنەرگيا ساقتاۋ نىسانى جاڭادان سالىندى

ىلە وبلىسى ەنەرگيادا تيپ جاڭالاۋ مەن جاسىل دامۋدى جەدەل ىلگەرىلەتتى

تىلشىلەرىمىز لي يافىڭ، چىن تيانجين حابارلايدى. 11 - ايدىڭ 14 - كۇنى، قورعاس ەكونوميكالىق اشۋ رايونىنىڭ قۇلجا باقشا رايونىنداعى دەربەس جاڭا تيپتەگى ەنەرگيا ساقتاۋ نىسانىنىڭ قۇرىلىسى جەدەل ىلگەرىلەتىلۋدە، 2025 - جىلى 6 - ايدا رەسمي وندىرىسكە قوسىلاتىندىعى جوسپارلانعان. بۇل نىسان بۇكىل شينجياڭداعى تۇڭعىش دەربەس ەنەرگيا ساقتاۋ نىسانى بولىپ، ىلە وبلىسىنىڭ جاڭا تيپتەگى ەنەرگيا ساقتاۋ كاسىبى سالاسىنداعى بەلسەندى ىزدەنىسىن جانە امالياتتىق ونىمدىلىككە قول جەتكىزگەندىگىن ايگىلەگەن. 

نـىـسـان مـەڭـگـەرۋشـىـسى ۋاڭ شياڭجيە بىلاي دەپ تانىستىردى: نىساندى يانتاي جويۋە جاڭا ەنەرگيا عىلىم - تەحنيكا جارنا شەكتى سەرىكتەستىگى، شينجياڭ چۋانحاي ەنەرگيا عىلىم - تەحنيكا شەكتى سەرىكتەستىگى، سونداي - اق قورعاس حىحۇي قارجى قوسۋ، دامىتۋ توبى شەكتى سەرىكتەستىگى بىرلەسىپ 220 ميلليون يۋان قارجى قوسىپ سالدى، يەلەگەن جەر كولەمى 35 مۋ، نەگىزىنەن 150 مەگاۋاتتىق دەربەس جاڭا تيىپتەگى جىلۋ ساقتاۋ سيپاتتى ەنەرگيا ساقتاۋ پۋنكتى مەن سايكەستى ينجەنەريالارى سالىنادى. نىساندا جاڭا تيىپتەگى ەنەرگيا ساقتاۋ ٴتاسىلى قولدانىلىپ، قاتتى كۇيدەگى جىلۋ ساقتاۋ جابدىقتارى نەگىز ەتىلگەن، ەڭ جوعارى ەنەرگيا ساقتاۋ مولشەرى 1200 مەگاۆاتقا جەتىپ، جىلىنا ەلەكتر قۋاتىنان پايدالانۋدىڭ ەڭ جوعارى رەتتەۋ شەگىنە قاتىناسۋ رەت سانى 200 دەن اسىپ، جىلدىق ەڭ جوعارى ەنەرگيا ساقتاۋ جانە ەلەكتر قۋاتىنان پايدالانۋدىڭ ەڭ جوعارى رەتتەۋ، قابىلداۋ مولشەرى 438 ميلليون كيلوۆات ساعاتقا جەتىپ، بۇل كومىر قىشقىل گازىنىڭ ىعىستىرىلۋ مولشەرىن 380 مىڭ توننا ازايتقانعا بارابار كەلەدى. نىساندار تۇگەلدەي سالىنىپ بولعاننان كەيىن باقشا رايونىنىڭ جىلۋمەن، ىستىق سۋمەن، بۋمەن قامداۋ سياقتى قاجەتىن قاناعاتتاندىرۋمەن بىرگە، توڭىرەكتەگى تازا ەنەرگيا ەلەكتر پۋنكتتەرىن سايكەستى ەنەرگيا ساقتاۋ بويىنشا مايعا بەرىپ قىزمەت وتەۋمەن قامداپ، ٴار جىلى مايعا بەرۋدەن 40 ميلليون يۋان، ەلەكتر قۋاتىنان پايدالانۋدىڭ ەڭ جوعارى شەگى بويىنشا 42 ميلليون يۋان، جىلۋمەن جانە بۋمەن قامداۋ بويىنشا 18 ميلليون يۋان كىرىس كىرگىزەدى ٴارى 50 ادامنىڭ جۇمىستانۋ ماسەلەسىن شەشەدى.

قورعاس ەكونوميكالىق اشۋ رايونى قۇلجا باقشا رايونىنىڭ دەربەس جاڭا تيپتەگى ەنەرگيا ساقتاۋ نىسانى ىلە وبلىسىنىڭ جاڭا تيىپتەگى ەنەرگيا ساقتاۋ كاسىپ سالاسىن جەدەل ورنالاستىرۋىنىڭ ىقشام كورىنىسى عانا. 

جاڭا تيىپتەگى ەنەرگيا ساقتاۋ ەنەرگيادا تيپ جاڭالاۋ مەن جاڭا تيىپتەگى ەلەكتر جۇيەسىن ورناتۋدىڭ ماڭىزدى تىرەگى بولىپ قانا قويماي، ٴتىپتى، جاڭا ەنەرگيانىڭ تۇتاس كاسىپ سالاسى تىزبەگىن كەڭەيتتى. 2024 - جىلى ”جاڭا تيىپتەگى ەنەرگيا ساقتاۋ“ تۇڭعىش رەت ۇكىمەت قىزمەتىنەن بايانداماعا ەنگىزىلدى، ٴتيىمدى ساياساتتىڭ جەبەۋىندە، ىلە وبلىسى ورايدى مىقتى يگەرىپ، ەلەكتر تورىنىڭ كوتەرىمدىلىگىمەن جانە ەلەكتردەن پايدالانۋ سۇرانىسىمەن، سونداي - اق اۆتونوميالى رايون ورنالاستىرعان جاڭا تيىپتەگى ەنەرگيا ساقتاۋ كولەمىمەن، ورنىمەن ۇشتاستىرىپ، جاڭا تيىپتەگى ەنەرگيا ساقتايتىن 6 نىساندى جاڭادان سالدى. مۇنىڭ ىشىندە 2023 - جىلى سالىنعان 2 نىساننىڭ كولەمى 300 مىڭ كيلوۆات / 2 ميلليون 400 مىڭ كيلوۆات ساعات بولىپ، جالپى قوسىلعان قارجى ٴبىر ميلليارد 180 ميلليون يۋانعا جەتىپ، تەحنيكالىق جەلىسى تۇگەلدەي جىلۋدان ەنەرگيا ساقتايدى؛ 2024 - جىلى قۇرىلىس جۇرگىزۋ جوسپارلانعان 4 نىساننىڭ كولەمى 500 مىڭ كيلوۆات / 3 ميلليون 140 مىڭ كيلوۆات ساعات بولىپ، جالپى قوسىلعان قارجى شامامەن 2 ميلليارد 370 ميلليون يۋانعا جەتىپ، تەحنيكالىق جەلىسى ەلەكترو حيميالىق ەنەرگيا ساقتاۋ، ەرىتىلگەن تۇز ارقىلى ەنەرگيا ساقتاۋ، ارالاسپا ەنەرگيا ساقتاۋ سياقتىلاردى قامتيدى. 

قۇلجا اۋدانىندا تۇڭعىش 150 مىڭ كيلوۆات / 600 مىڭ كيلوۆات ساعات دەربەس ەنەرگيا ساقتاۋ نىسانىن شينجياڭ دارۇن ەنەرگيا ساقتاۋ شەكتى سەرىكتەستىگى 650 ميلليون يۋان قارجى قوسىپ سالعان، فوسفور قىشقىلدى تەمىر، ليتي باتەرياسى جەلىسى قولدانىلعان، قۇلجا اۋدانىن 50 نەشە جۇمىس ورنىمەن قامداپ، جىلىنا 4 ميلليون 500 مىڭ يۋاننان استام باجى تاپسىرادى.

جاڭا تيىپتەگى ەنەرگيا ساقتاۋدىڭ تۇرلىشە تەحنيكالىق جەلىلەرىنىڭ ۇزدىكسىز ىرگە تەبۋىنە بايلانىستى، ولار ”اسقىن زارياتتاعىش“ رولىن اتقارىپ، جاڭا ەنەرگيالى ەلەكتردەن پايدالانۋدىڭ قىسىلتاياڭ كەزىندە زارياتتاپ، ەلەكتردەن پايدالانۋدىڭ قاۋىرت مەزگىلىندە ەلەكتر جىبەرىپ، جاڭا ەنەرگيانى اشۋ، ونى قابىلداۋ جانە ەلەكتر جۇيەسىنىڭ حاۋىپسىز، ورنىقتى اينالىمىن ٴونىمدى جەبەيدى.

ىلە وبلىستىق دامۋ جانە رەفورما كوميتەتى ەنەرگيانى دامىتۋ باسقارماسىنىڭ 2 - دارەجەلى مەڭگەرۋشى قىزمەتكەرى ۋاڭ سىرۇي بىلاي دەپ تانىستىردى: سوڭعى جىلداردان بەرى جەل ەنەرگياسى، كۇن ەنەرگياسى سياقتى جاڭا ەنەرگيانىڭ جەدەل دامۋىنا بايلانىستى، ەلەكتردەگى كىدىرىس پەن تولقۋدىڭ ەلەكتر تورابىنىڭ حاۋىپسىزدىگىنە جاسايتىن ىقپالى بارعان سايىن كورنەكتىلەنىپ كەلەدى، سونىمەن بىرگە، كليمات وزگەرىسى فاكتورى مەن ناشار اۋا رايى ەلەكتر قۋاتى جۇيەسىنىڭ ٴوندىرىس اينالىمىن جوبالاۋعا دا ىقپال جاساۋدا. سوندىقتان جاڭا تيىپتەگى ەنەرگيا ساقتاۋ جۇيەسىن ويداعىداي قۇرىپ، ەنەرگيا حاۋىپسىزدىگى مەن ەنەرگيا جۇيەسىنىڭ ورنىقتى اينالىمىنا كەپىلدىك ەتۋدىڭ قاجەتى بارعان سايىن ارتا ٴتۇستى. قازىر ىلە وبلىسى ”جاڭا ەنەرگيا + ەنەرگيا ساقتاۋ“ جانە ”ەلەكتر كوزى، جەلىسى، كوتەرىمدىلىگى، ەنەرگيا ساقتاۋ“ ٴبىر تۇلعالانعان كاسىپ سالاسى جۇيەسىن جەدەل قالىپتاستىرىپ، جاڭا ەنەرگيا كاسىپ سالاسىن شوعىرلى دامىتۋدىڭ ەكولوگيالىق شەڭبەرىن كۇش سالا قالىپتاستىرۋ قاجەت. بۇدان بىلاي ىلە وبلىسى ورايدى ۇزدىكسىز مىقتى يگەرىپ، جاڭا تيىپتەگى ەنەرگيا ساقتاۋ نىساندارىنىڭ قۇرىلىسى مەن اينالىمىن جەدەلدەتىپ، دەربەس جاڭا تيىپتەگى ەنەرگيا ساقتاۋ جۇيەسىنىڭ رەتتەۋ رولىن تولىق ساۋلەلەندىرىپ، ىلە وبلىسىنىڭ كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جانە ەنەرگيادا تيپ جاڭالاپ، جوعارى ساپالى دامۋدى جۇزەگە اسىرۋىنا بەلسەندى ۇلەس قوسادى.