لياڭ گۋاڭليە جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن　سۇرادى نەمەسە ٴتۇرلى فورمالارمەن لياڭ گۋاڭليە جولداستىڭ قايتىس بولعاندىعىنا قايعىلى ازا ٴبىلدىردى ٴارى ونىڭ تۋىس ـ تۋعاندارىنان شىنايى حال سۇرادى

جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن لي چياڭ، ديڭ شۋەشياڭ، حان جىڭ قاتارلىلار باباۋشان توڭكەرىستىك قۇرباندار قابىرستانىنا بارىپ سۇيەكپەن قوشتاستى

شينحۋا اگەنتتىگىنىڭ 11 ـ ايدىڭ 18 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىننان وتكەن ادال كوممۋنيزم جاۋىنگەرى، ەلىمىزدىڭ مەملەكەت قورعانىسى قۇرىلىسى جانە ارميا، اسكەري ىستەر قىزمەتىندەگى كورنەكتى باسشى، ورتالىق اسكەري ىستەر كوميتەتىنىڭ بۇرىنعى مۇشەسى، مەملەكەتتىك كەڭەستىڭ بۇرىنعى مۇشەسى، قوسىمشا مەملەكەت قورعانىسى مينيسترلىگىنىڭ مينيسترى لياڭ گۋاڭليە جولداستىڭ سۇيەگى 11 ـ ايدىڭ 18 ـ كۇنى بەيجيڭدەگى باباۋشان توڭكەرىستىك قۇرباندار قابىرستانىندا ورتەلدى.

لياڭ گۋاڭليە جولداس ناۋقاس سەبەبىنەن 2024 ـ جىلى 11 ـ ايدىڭ 12 ـ كۇنى ساعات 2دەن 43 مينۋت وتكەندە بەيجيڭدە 84 جاسىندا قايتىس بولدى.

لياڭ گۋاڭليە جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ٴتۇرلى فورمالارمەن لياڭ گۋاڭليە جولداستىڭ قايتىس بولعاندىعىنا قايعىلى ازا ٴبىلدىردى ٴارى ونىڭ تۋىس ـ تۋعاندارىنان شىنايى حال سۇرادى.

جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن لي چياڭ، ديڭ شۋەشياڭ، حان جىڭ قاتارلىلار 11 ـ ايدىڭ 18 ـ كۇنى باباۋشان توڭكەرىستىك قۇرباندار قابىرستانىنا بارىپ، لياڭ گۋاڭليە جولداستىڭ سۇيەگىمەن قوشتاستى ٴارى ونىڭ تۋىس ـ تۋعاندارىنان حال سۇرادى.

11 ـ ايدىڭ 18 ـ كۇنى تۇستەن بۇرىن باباۋشان توڭكەرىستىك قۇرباندار قابىرستانىنىڭ زالى قايعىلى جىم ـ جىرت كۇيگە شومىپ، قايعىلى مۋزيكا باياۋ ەستىلىپ تۇردى. نەگىزگى زالدىڭ تورىنە ”لياڭ گۋاڭليە جولداسقا قايعىلى ازا بىلدىرەمىز“ دەگەن اق ٴتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا لياڭ گۋاڭليە جولداستىڭ سۋرەتى قويىلعان. لياڭ گۋاڭليە جولداستىڭ سۇيەگى گۇل شوقتارىمەن جانە ارشالارمەن قورشالىپ، ۇستىنە جۇڭگو كوممۋنيستىك پارتياسىنىڭ نارت قىزىل پارتيا تۋى جابىلعان.

تۇستەن بۇرىن ساعات 9 مولشەرىندە لي چياڭ، ديڭ شۋەشياڭ، حان جىڭ قاتارلىلار قايعىلى مۋزيكا ٴۇنى ىشىندە لياڭ گۋاڭليە جولداستىڭ سۇيەگىنىڭ الدىنا باياۋ كەلىپ ٴۇنسىز ازا ٴبىلدىرىپ، لياڭ گۋاڭليە جولداستىڭ سۇيەگىنە 3 رەت تاعزىم ەتتى ٴارى لياڭ گۋاڭليە جولداستىڭ تۋىس ـ تۋعاندارىمەن ٴبىر ـ بىردەن قول الىسىپ، باس شۋجي شي جينپيڭ قاتارلى ورتالىقتاعى باسشى جولداستاردىڭ ىقىلاستى حال سۇراعاندىعىن جەتكىزدى.

پارتيا، مەملەكەت، ارمياداعى قاتىستى باسشى جولداستار سۇيەكپەن قوشتاسۋعا باردى نەمەسە ٴتۇرلى تاسىلدەرمەن ازا ٴبىلدىردى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، لياڭ گۋاڭليە جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاسۋعا باردى.