تىلشىلەرىمىز لۋ جۇڭ، ليۋ دۇڭيۋە حابارلايدى. جىل سوڭىندا مەملەكەتتىڭ اۆتوكولىكتىڭ ”كونەسىنىڭ ورنىنا جاڭاسىن اۋىستىرۋ“ جانە اۆتونوميالى رايوننىڭ اۆتوكولىك الماستىرۋعا تولىقتاما قاراجات بەرۋ ساياساتى تۇتىنۋشىلارعا اۆتوكولىك ساتىپ الۋ تيىمدىلىگىن الا كەلگەن جاعدايدا، تۇتىنۋدىڭ ومىرشەڭدىك كۇشى ۇزدىكسىز تاسقىنداپ، ىلە وبلىسىنداعى اۆتوكولىك بازارىندا وزگەشە تىرشىلىك تىنىسى جالىنداپ، جاڭا ەنەرگيالى اۆتوكولىك تۇتىنۋ ورلەۋى اناعۇرلىم قىزا ٴتۇستى.

11 ـ ايدىڭ 12 ـ كۇنى ورتا ازيا اۆتوكولىك كورمە ورتالىعىندا قۇلجا قالاسىنىڭ تۇرعىنى ياۋ شاڭچياننىڭ الدىنعى جولى ساتىپ العان جيەتۋ شانحاي T2 ەلەكترمەن زارياتتالاتىن ارالاس قوزعالىتقىش كۇشپەن جۇرەتىن ٴتورت دوڭگەلەگى بىردەي سۇيىرەيتىن نۇسقاسى كەلىپ، تەكسەرۋدەن وتكەن سوڭ، ياۋ شاڭچيان قۋانىشتى تۇردە جاڭا كولىك ساتىپ الدى.

ياۋ شاڭچيان 2012 - جىلى جانارمايمەن جۇرەتىن اۆتوكولىك ساتىپ العان -دى، اۆتونوميالى رايون العا قويعان ”كونەسىنىڭ ورنىنا جاڭاسىن اۋىستىرۋعا“ قوسىمشا قاراجات بەرۋ ساياساتى ونى وسى بەكىمگە كەلتىرەگەن ەدى. ”جاقىنعى جىلداردان بەرى جاڭا ەنەرگيالى اۆتوكولىك تۇتىنۋشىلاردىڭ قىزۋ قارسى الۋىنا يە بولدى، مەن بۇعان باستان ـ اياق نازار اۋدارىپ كەلەمىن. اۆتونوميالى رايون العا قويعان <كونەسىنىڭ ورنىنا جاڭاسىن اۋىستىرۋعا> قوسىمشا قاراجات بەرۋ ساياساتىنان پايدالانىپ، جاڭا اۆتوكولىك الۋ قازىر تىم ٴتيىمدى بولدى. وسى رەت ساتىپ العان جاڭا اۆتوكولىگىمە زاۆود تاعى 15 مىڭ يۋان كولىك اۋىستىرۋ قوسىمشا قاراجاتىن بەردى، ونىڭ ۇستىنە، جاڭا ەنەرگيالى اۆتوكولىك ساتىپ الۋ سالىعىن تاپسىرمايمىن، بۇل نەشە ون مىڭ يۋان ۇنەمدەگەنمەن بارابار ەمەي نە، بۇل ٴبىز سياقتى ادەتتەگى تۇتىنۋشىلار جونىنەن العاندا ەرەكشە باۋراۋ قۋاتىنا يە بولدى“ دەدى ياۋ شاڭچيان.

الدىڭعى جارتى جىلدا اۆتونوميالى رايوندىق ساۋدا ىستەرى مەڭگەرمەسى سياقتى 7 تاراۋ «شينجياڭ ۇيعۇر اۆتونوميالى رايونىنىڭ اۆتوكولىكتىڭ كونەسىنىڭ ورنىنا جاڭاسىن اۋىستىرۋدى العا قويۋ جوباسىن» باسىپ تاراتىپ، 4 ـ ايدىڭ 24 ـ كۇنىنەن 12 ـ ايدىڭ 31 ـ كۇنىنە دەيىن اۆتوكولىكتى كونەسىنىڭ ورنىنا جاڭاسىن اۋىستىرعان ٴارى اۆتوكولىگى شارتقا ۇيلەسكەن جەكە تۇتىنۋشىلارعا 10 مىڭ يۋان نەمەسە 7000 يۋان قوسىمشا قاراجات بەرگەن.

7 - ايدا اۆتونوميالى رايوندىق ساۋدا ىستەرى مەڭگەرمەسى قاتارلى 7 تاراۋ باسىپ تاراتقان «شينجياڭ ۇيعۇر اۆتونوميالى رايونىنىڭ 2024 - جىلعى اۆتوكولىك اۋىستىرۋعا، جاڭالاۋعا قوسىمشا قاراجات بەرۋ جونىندەگى اتقارۋ ەرەجەسىندە» (تومەندە قىسقارتىلىپ «اتقارۋ ەرەجەسى» دەلىنەدى)، بيىل 7 - ايدىڭ 25 - كۇنىنەن 12 - ايدىڭ 31 - كۇنىنە دەيىنگى ارالىقتا ٴوز اتىنداعى اۆتوكولىگىن وتكەرمەلەيتىن جانە شارتقا ۇيلەسەتىن تۇتىنۋشىلارعا، شينجياڭدا جاڭا ەنەرگيالى اۆتوكولىك ساتىپ الۋشىلارعا 18 مىڭ يۋان قوسىمشا قاراجات بەرىلەدى،  جانار مايمەن جۇرەتىن اۆتولىك ساتىپ الۋشىلارعا 13 مىڭ يۋان قوسىمشا قاراجات بەرىلەدى (جوعارىداعى قوسىمشا قاراجاتتار ٴبىر جولدا بەرىلەدى، بەرىلىپ بولعانعا دەيىن جالعاسادى) دەلىنگەن.

”«اتقارۋ ەرەجەسى» جاريالانعاننان كەيىن، تۇتىنۋشىلار اقشا جاعىنان تيىمدىلىككە يە بولىپ قالماستان، ولاردىڭ اۆتوكولىك اۋىستىرۋ، ساتىپ الۋ جاعىنداعى بەلسەندىلىگى كورنەكتى كۇشەيدى. 7 - ايدان بەرى %90 تەن استام اۆتوكولىك ساتىپ الۋشىلار تۇگەلدەي  باعاعا سىندىرىپ اۆتولىك جاڭالاۋشىلار بولدى“ دەدى ىلە شيڭجۇنحاۋ اۆتوكولىك ساتۋ شەكتى سەرىكتەستىگى جيەتۋ شانحاي 4S دۇكەنى كورمە زالىنىڭ مەڭگەرۋشىسى ران حۇي تىلشىگە.

قۇلجا قالالىق چىڭتوۋ اۆتوكولىك كاسىپ باقشاسىنىڭ كەز كەلگەن جەرىنەن كونەسىنىڭ ورنىنا جاڭاسىن اۋىستىرۋ بەلگىسى مەن تيىمدىلىك جەتكىزۋ جونىندەگى ينفورماتسيالاردى كورۋگە بولادى، بۇلار كوپتەگەن تۇتىنۋشىلاردى سىناپ كورۋگە باۋرادى، ساتۋشىلار تۇتىنۋشىلارعا كونەسىنىڭ ورنىنا جاڭاسىن اۋىستىرۋ جاعىنداعى ٴتيىمدى ساياساتتاردى جانە جاڭا اۆتوكولىكتىڭ ارتىقشىلىقتارىن شىن پەيىلدەرىمەن تانىستىردى، كەڭەس سۇراۋشىلاردىڭ، اۆتوكولىك كورۋشىلەردىڭ، اۆتوموبيل ساتىپ الۋشىلاردىڭ اياعى ۇزىلمەدى.

سول كۇنى شاپشال سىبە اۆتونوميالى اۋدانىنان كەلگەن تۇتىنۋشى لي رۇڭشين وتباسىنداعىلارمەن بىرگە الدىڭعى مەزگىلدە ساتىپ الۋعا تاپسىرىس بەرگەن بيادي يۋان U P كولىگىن الدى.

”بۇرىنعى كونە اۆتوكولىكتى 16 جىل جۇرگىزدىم، قۇرىلعىلارى كەمەلسىز، ماي سارىپ ەتۋ مولشەرى جوعارى بولدى. مەملەكەتتىڭ كونە اۆتوكولىكتىڭ ورنىنا جاڭاسىن اۋىستىرۋ ساياساتى جاريالانعاننان كەيىن، ٴبىز سياقتى 2008 - جىلى ساتىپ العان كونە اۆتوموبيلىن جاراقسىز ەتىپ، جاڭا ەنەرگيالى اۆتوموبيل ساتىپ الۋشىلارعا 20 مىڭ يۋان قوسىمشا قاراجات بەرىلەدى ەكەن، بۇعان زاۆودتىڭ 2000 يۋان قوسىمشا قاراجاتىن قوسقاندا، بۇل بيادي يۋان U P اۆتوكولىگىمە 22 مىڭ يۋان از جۇمساپ، 70 مىڭ يۋاننان استام اقشامەن اۆتوكولىكتى ۇيگە ايداپ كەتۋىمىزگە بولادى ەكەن“ دەدى لي رۇڭشين.

”’كونەسىنىڭ ورنىنا جاڭاسىن اۋىستىرۋ‘ جانە اۆتوكولىكتى باعاعا سىندىرىپ تولىقتاما قاراجات بەرۋ ساياساتى شىعارىلعاننان كەيىن، اناعۇرلىم كوپ تۇتىنۋشى اۆتوكولىك ساتىپ الۋعا نازار اۋدارا باستادى ٴارى اۆتوكولىك ساتىپ الۋدى ويلاستىرا باستادى. قاتىستى ساياساتتار جاريالانعاننان كەيىن، كەلۋشىلەردىڭ سانى كورنەكتى ارتىپ، اۆتوموبيلدىڭ ساتىلۋ مولشەرى بارىنشا ارتتى. ساياسات شىعارىلۋدان بۇرىن، ٴبىزدىڭ ٴار ايداعى اۆتوكولىك ساتۋ مولشەرىمىز 300 دانا اينالاسىندا بولاتىن، قازىر كۇرت ارتىپ 450 دانادان استى. ونان دا ماڭىزدىسى، ساتىپ الۋ، جاڭالاۋ قوسىمشا قاراجاتىن تەكسەرۋ قارقىنى بارعان سايىن تەزدەپ، ەڭ تەز بولعاندا ٴبىر اپتادا - اق اۆتوكولىك اۋىستىرۋ قوسىمشا قاراجاتىن الۋعا بولاتىن بولدى، بۇل كوپتەگەن تاماشالاي كەلۋشىلەردىڭ دە جاڭا اۆتوموبيل ساتىپ الۋ بەكىمىنە كەلۋىنە مۇمكىندىك جاسادى“ دەدى بيادي ۋاڭچاۋ 4S دۇكەنىنىڭ قاريدارلار مەڭگەرۋشىسى ما چاۋ.