شينحۋا اگەنتتىگىنىڭ 11 ـ ايدىڭ 18 ـ كۇنى ريو ـ دە ـ جانەيرودان بەرگەن حابارى (تىلشىلەر چياۋ جيحۇڭ، لياۋ سى ـ ۋي). جەرگىلىكتى ۋاقىت 11 ـ ايدىڭ 18 ـ كۇنى تۇستەن كەيىن مەملەكەت ٴتوراعاسى شي جينپيڭ ريو ـ دە جانەيرودا 20 ەل توبى باسشىلار ماجىلىسىنە قاتىناسىپ جاتقان كەزىندە مەكسيكا زۇڭتۇڭى شەينباۋممەن كەزدەستى.

شي جينپيڭ شەينباۋمنىڭ مەكسيكا تاريحىنداعى تۇڭعىش ايەل زۇڭتۇڭ بولعاندىعىن تاعى ٴبىر رەت قۇتتىقتادى. شي جينپيڭ بىلاي دەپ اتاپ كورسەتتى: 2013 ـ جىلى مەن مەكسيكادا ساپاردا بولعانىمدا تەرەڭ دە ۇمىتىلماس اسەر العان ەدىم. جۇڭگو مەن مەكسيكا ەكى ەلدىڭ ۇزاق ۋاقىتتىق دوستىق ٴداستۇرى بار، ەكى جاق بارىس ـ كەلىستى ۇزدىكسىز كۇشەيتىپ، دوستىقتى ۇزبەي جالعاستىرۋى، ەكى ەل ەكونوميكاسىنىڭ ايرىقشا ٴوزارا تولىقتاۋ ەرەكشەلىگىنەن ويداعىداي پايدالانىپ، ناقتى سەلبەستىكتى ۇزدىكسىز ىلگەرىلەتىپ، ەكى ەل قارىم ـ قاتىناسىنىڭ جاڭا داۋىردە جان ـ جاقتى دامۋىن ىلگەرىلەتۋى كەرەك.

جۇڭگو مەن مەكسيكا ەكى ەلدىڭ كوپتەگەن حالىقارالىق ماسەلەلەر جونىندەگى كوزقاراستارى قارايلاس، ۇستانىمدارى ۇيلەسكەن، ەكەۋى دە جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەيدى. جۇڭگو جاق مەكسيكا جاقپەن بىرگە كوپ جاقتىلىقتى جانە حالىقارالىق ادىلدىك پەن تۋراشىلدىقتى قورعاپ، دۇنيە ٴجۇزى ەكونوميكاسىنىڭ دامۋىن ىلگەرىلەتۋگە وڭ ەنەرگيا ۇستەۋدى قالايدى.

شەينباۋم مىنالاردى ٴبىلدىردى: ٴتوراعا شي جينپيڭمەن تانىسقانىما وتە قۋانىشتىمىن، ٴسىزدىڭ ەكى ەل قارىم ـ قاتىناسىنا بەرگەن باعاڭىزدى بۇكىلدەي قۇپتايمىن. مەكسيكا مەن جۇڭگو ەكى ەلدىڭ اراسى شالعاي بولعانىمەن، بايلانىسى توتەنشە تىعىز. كوپتەگەن جۇڭگو كاسىپورىندارى مەكسيكادا كاسىپتەرىن جۇرگىزۋدە، بۇل مەكسيكا قالاسىنىڭ ماڭىزدى نەگىزدىك قۇرىلعى نىسانى قۇرىلىسىنا ات سالىسۋدى قامتىدى. مەكسيكا سۇراپىل داۋىل سياقتى قيىنشىلىقتارعا تاپ بولعان كەزدە جۇڭگو جاقتىڭ زور كۇشپەن شىنايى كومەك كورسەتكەندىگىنە العىس ايتامىن، بۇل ەكى ەل حالقى دوستىعىنىڭ پارمەندى ايعاعى. مەكسيكا مەن جۇڭگو ەكى جاق تا كوپ جاقتىلىقتى قورعاۋعا كۇش سالادى، مەكسيكا جاق جۇڭگو جاقپەن كومەسكى كۇشتەردى اشىپ، ٴار سالاداعى سەلبەستىكتى ونان ارى كەڭەيتۋدى قالايدى.

ساي چي، ۋاڭ ي قاتارلىلار كەزدەسۋگە قاتىناستى.