− اۆتونوميالى رايوننىڭ ”حالىقتىق كاسىپورىنداردىڭ شەكارا وڭىرگە تامىر تارتۋ قيمىلى . ىلەگە ساپار“ اتىنداعى جۇمىس باسىندا ىلگەرىلەتۋ ٴماجىلىسىنىڭ اشىلعاندىعىن قىزۋ قۇتتىقتايمىز

گازەتىمىزدىڭ شولۋشىسى

12 ـ ايدىڭ 3 ـ كۇنى اۆتونوميالى رايوننىڭ ”حالىقتىق كاسىپورىنداردىڭ شەكارا وڭىرگە تامىر تارتۋ قيمىلى . ىلەگە ساپار“ اتىنداعى جۇمىس باسىندا ىلگەرىلەتۋ ٴماجىلىسى قۇلجا قالاسىندا وتكىزىلدى، ٴبىز ٴماجىلىستىڭ اشىلعاندىعىن قىزۋ قۇتتىقتايمىز، بۇكىل ەلدىڭ جەر ـ جەرىنەن كەلىپ، جىگەرلەنە العا ۇمتىلىپ، قاجىماي ـ تالماي كۇرەس جۇرگىزگەن حالىقتىق كاسىپورىنشىلارعا وسكەلەڭ قۇرمەت بىلدىرەمىز جانە ىقلاستى سالەم جولدايمىز!

حالىقتىق شارۋاشىلىق − رەفورما جاساپ، ەسىك اشۋدىڭ ”تولقىنىندا ويناۋشى“، ٴتىپتى، بازار شارۋاشىلىعىنىڭ ”كوشباسشىسى“.

جۇڭگونىڭ باتىسقا ەسىك اشۋداعى ماڭىزدى قاقپاسى بولعان ىلە وبلىسى ٴتۇرلى كاسىپورىنداردىڭ قىزىعاتىن جەرى بولىپ كەلەدى. ۇزاق ۋاقىتتان بەرى ىلە وبلىستىق پارتكوم مەن ۇكىمەتتىڭ كوڭىل ٴبولۋى مەن قولداۋىندا، حالىقتىق شارۋاشىلىق جەدەل دامىپ، ورنىقتىلىق بارىسىندا ارتۋ، جاڭالىق اشۋدى جەبەۋ، جۇمىسقا ورنالاسۋدى ارتتىرۋ، حالىق تۇرمىسىن جاقسارتۋ سياقتى جاقتاردا بەلسەندى رول اتقارىپ، ەكونوميكالىق اينالىمنىڭ قالپىنا كەلىپ، جاقسارۋعا بەت الۋىن ىلگەرىلەتۋ بارىسىندا ەسەلى ۇلەس قوسىپ، جاڭالىق اشۋدى، تيپ وزگەرتۋدى جەبەۋ، قارقىندى تەزدەتىپ، ونىمدىلىكتى ارتتىرۋ بارىسىندا بەرىك تىرەك بولىپ، ٴتۇرلى ىستەردى ٴبىر تۇتاس جوسپارلاپ ىلگەرىلەتۋ بارىسىندا جاۋاپكەرشىلىك ارقالاۋدى كورنەكتىلەندىردى.

حالىقتىق شارۋاشىلىق سىندى وسى ”الىپ ورماندى“ زورايتۋدا حالىقتىق كاسىپورىن سىندى اناعۇرلىم كوپ ”شاعىن كوشەتتەردى“ ”كوك تىرەگەن ٴزاۋلىم اعاش“ ەتىپ باۋلىپ شىعۋ، بازار شارۋاشىلىعىنىڭ كەڭ بايتاق كەڭىستىگىندە اناعۇرلىم كوپ ”كوشباسشىلاردى“ جەتىلدىرۋ كەرەك. 

باس شۋجي شي جينپيڭ بىلاي دەپ اتاپ كورسەتكەن بولاتىن: ”’ەكىدەن تيتتەي دە اۋىتقىماۋدىڭ‘ ٴتۇزىلىس - مەحانيزمىن كەمەلدەندىرىپ، تياناقتاندىرىپ، حالىقتىق شارۋاشىلىقتىڭ جانە حالىقتىق كاسىپورىنداردىڭ دامۋىن، زورايۋىن قولداپ، ٴتۇرلى شارۋاشىلىق تۇلعالارىنىڭ ىشكى قوزعاۋشى كۇشى مەن جاڭالىق اشۋ ومىرشەڭدىك كۇشىن قاۋلاتۋ كەرەك“. پارتيا 20 - كەزەكتى ورتالىق كوميتەتىنىڭ ٴۇشىنشى جالپى ماجىلىسىندە: ”جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا جانە اناعۇرلىم كوپ وراي جاراتۋعا كۇش سالاتىن باعىت - ساياساتتارعا تاباندى بولۋ كەرەك“ دەپ اتاپ كورسەتىلدى.

تاماشا شارۋاشىلىق - ساۋدا ورتاسى وندىرگىش كۇش قانا ەمەس، ونان دا ماڭىزدىسى، باسەكەلىك قۋات. 2023 - جىلى 12 - ايدىڭ 28 - كۇنى ىلە وبلىسىندا حالىقتىق شارۋاشىلىقتى جوعارى ساپالى دامىتۋ جينالىسى اشىلعاننان بەرى بۇكىل وبلىس بويىنشا جوعارىدان تومەنگە دەيىن يدەيانى ونان ارى ازات ەتىپ، ورتانى ساپالىلاندىرىپ، تياناقتاندىرۋدى مىقتى يگەرىپ، حالىقتىق شارۋاشىلىقتى الۋەتتەندىرۋگە، ساپالىلاندىرۋعا، زورايتۋعا بار كۇشپەن قولداۋ كورسەتىلىپ، بۇكىل وبلىستىڭ ەكونوميكاسى مەن قوعامىنىڭ جوعارى ساپالى دامۋىن ىلگەرىلەتۋگە پارمەندى قوزعاۋشى كۇش ازىرلەندى. ىلە وبلىسى شارۋاشىلىق - ساۋدا ورتاسىن جاقسارتۋدى اۆتونوميالى وبلىستىڭ دامۋ جالپى جاعدايىنا ساياتىن ماڭىزدى ورىنعا قويدى، سونداي - اق بۇكىل شينجياڭدا ايماق، وبلىس دارەجەلى شارۋاشىلىق - ساۋدا ورتاسى قۇرىلىسى مەكەمەسىن الدىمەن قۇرىپ، ”شارۋاشىلىق - ساۋدا ورتاسىنىڭ دەڭگەيىن جوعارىلاتۋ جىلى“ قيمىلىن ىشكەرىلەي ورىستەتىپ، ٴتۇيىندى وڭىرلەر رەفورماسى، كاسىپورىندارعا كومەكتەسۋ قىزمەت وتەۋىن كۇشەيتۋ، سيفرلى ۇكىمەت قۇرىلىسى، سەنىمدى ۇكىمەت قۇرىلىسى، زاڭمەن باسقارىلاتىن ۇكىمەت قۇرىلىسى، ٴتۇيىندى سالالار رەفورماسى سىندى 6 جاقتى قامال الۋ ٴتۇيىنى ەتىپ، ىلە وبلىسى بازارىنىڭ ومىرشەڭدىك كۇشى مەن قوعامدىق جاسامپازدىق قۋاتىن كۇش سالا تاسقىنداتىپ، ”ساياسات تابىستى، كوڭىل توعىسقان، جول كىدىرىسسىز، قازىنا جەتكىلىكتى“ شارۋاشىلىق - ساۋدا ورتاسىن جەدەل قالىپتاستىرىپ، ىلە وبلىسىنىڭ ساياساتى تابىستى، حالقى بەرەكەلى، ساۋداگەرلەردى قۇرمەتتەيتىن، ايالايتىن، سان سالالى شارۋاشىلىعى شالقىعان جاقسى جەرگە اينالۋىن ىلگەرىلەتتى.

قازىر ىلە وبلىسىنىڭ ەكونوميكاسى مەن قوعامى جوعارى ساپالى دامۋدىڭ شەشۋشى كەزەڭىنە ٴوتتى، جۇڭگو (شينجياڭ) ەركىن ساۋدا سىناق رايونى قورعاس اۋماعىنىڭ قۇرىلۋى جەرگىلىكتى ورىنعا اناعۇرلىم زور دەربەس رەفورما جاساۋ ۇقىعىن بەرىپ، حالىقتىق كاسىپورىنداردىڭ دامۋىنا اناعۇرلىم تاماشا شارۋاشىلىق - ساۋدا ورتاسىن ازىرلەپ، اناعۇرلىم كوپ وراي مەن شارت - جاعداي جاراتىپ بەردى، ىلەدەگى حالىقتىق كاسىپورىندار بولاشاقتا ٴىرى ىستەر ىستەپ، كەسەك تابىستارعا قول جەتكىزەدى. ورايدى اناعۇرلىم مىقتى يگەرىپ، اناعۇرلىم كوپ حالىقتىق كاسىپورىنداردىڭ جارىققا شىعۋىنا مۇمكىندىك جاساۋ ٴۇشىن كاسىپورىنشىلارعا قۇرمەت ەتەتىن، ولاردى قورعايتىن، قولدايتىن قويۋ راي قالىپتاستىرۋ كەرەك. بۇكىل وبلىستا جوعارىدان - تومەنگە دەيىن تاڭداۋلى كاسىپورىندار مەن ۇزدىك كاسىپورىنشىلاردى باعالاۋ، ماداقتاۋ - سيلاۋ جانە ۇگىتتەۋ تەبىنىن ونان ارى ارتتىرىپ، تيپتەردىڭ ىزگى ىستەرىن ۇگىتتەۋدى كۇشەيتىپ، حالىقتىق كاسىپورىندار مەن حالىقتىق كاسىپورىنشىلاردى شىنايى ٴوز ادامىنا بالاپ، حالىقتىق كاسىپورىنداردىڭ ىستەرىن ٴوز ىسىندەي كورىپ، حالىقتىق كاسىپورىنداردىڭ اقاۋسىز دامۋىن، حالىقتىق كاسىپورىنشىلاردىڭ اقاۋسىز جەتىلۋىن كۇش سالا ىلگەرىلەتۋ كەرەك.

اناعۇرلىم كوپ حالىقتىق كاسىپورىنشىلاردى ىلە وبلىسىنا كەلىپ قارجى قوسىپ، شارۋاشىلىقتى گۇلدەندىرۋگە باۋراۋ ٴۇشىن حالىقتىق كاسىپورىنشىلاردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. بۇكىل وبلىستاعى ٴار دارەجەلى پارتيا، ۇكىمەت ورىندارى، تاراۋلار جانە ٴار دارەجەلى كادرلار ”قازىرگى بار كاسىپورىندارعا ويداعىداي قىزمەت وتەۋ ەڭ زور ساۋداگەر شاقىرۋ“ دەگەن ۇستانىمدى ورناتىپ، ”كاسىپورىنداردىڭ دامۋى ىلەنىڭ دامۋى“ دەگەن تانىمدى كۇشەيتىپ، حالىقتىق شارۋاشىلىقتىڭ دامۋىنا تۇساۋ بولاتىن بوگەتتەردى باتىل تالقانداپ، حالىقتىق كاسىپورىنداردى كۇدىك - كۇماننان ارىلتىپ، جۇگىن جەڭىلدەتىپ، الاڭسىز دامۋىنا مۇمكىندىك جاساپ، كاسىپورىنداردىڭ زاڭدى ۇقىق - مۇددەسىن شىنايى ويداعىداي قورعاپ، قالىڭ كاسىپورىنشىلاردىڭ ىلەگە كەلگەننەن كەيىن الاڭسىز قارجى قوسىپ، شارۋاشىلىق قۇرىپ، الاڭسىز دامۋىنا مۇمكىندىك جاساۋ كەرەك.

اناعۇرلىم كوپ حالىقتىق كاسىپورىنداردىڭ ىلە وبلىسىندا ۇزدىكسىز دامىپ زورايۋىنا مۇمكىندىك جاساۋ ٴۇشىن امالدىڭ بارىنشا حالىقتىق كاسىپورىنداردىڭ دامۋىنا، جەتىلۋىنە دەم بەرۋ كەرەك. ٴتۇيىندى مىقتى يگەرىپ، قيىن ماسەلەلەردى شەشىپ، حالىقتىق شارۋاشىلىقتىڭ جوعارى ساپالى دامۋىنا تۇساۋ بولعان قيىن تۇيىندەردى، بوگەتتەردى ٴجىتى قاداعالاپ، قارجى قۇراۋدىڭ قيىن بولۋى، ادام كۇشى جاعىنان تىرەكتىك قامتاماسىزداندىرۋدىڭ قيىن بولۋى، فاكتورمەن قامتاماسىز ەتۋدىڭ قيىن بولۋى، قازىنا اقشاسىن جيناۋى قيىن بولۋى، تالاپ - تىلەكتەردى شەشۋدىڭ قيىن بولۋى سياقتى حالىقتىق كاسىپورىنداردىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا شەشىپ، ساياساتتىق دالمە - ٴدال قامداۋدى كۇشەيتىپ، ٴتۇيىندى سالالاردان قامال الۋدى ىلگەرىلەتۋ كەرەك. ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز تەرەڭدەتىپ، بازارعا كىرۋ رۇقساتىنىڭ ۇنامسىز تىزىمدىك ٴتۇزىمىن قاتاڭ تياناقتاندىرىپ، حالىقتىق كاسىپورىنداردىڭ مال - مۇلىك ۇقىعى مەن كاسىپورىنشىلاردىڭ زاڭدى ۇقىق - مۇددەسىن زاڭ بويىنشا تەڭ تۇرعىدا قورعاپ، حالىقتىق كاسىپورىنداردىڭ ىلەنىڭ كەلەلى ستراتەگياسى مەن ٴتۇيىندى نىساندار قۇرىلىسىنا بەلسەنە ات سالىسۋىنا قولداۋ كورسەتىپ، بازارلانعان، زاڭمەن باسقارىلاتىن، حالىقارالانعان ماڭداي الدى شارۋاشىلىق - ساۋدا ورتاسىن كۇش سالا قالىپتاستىرىپ، ىلەگە كەلىپ ىرگە تەپكەن كاسىپورىنداردى فاكتورمەن قامداۋدى، ورنىقتى دامۋىن شىنايى قامتاماسىزداندىرۋ كەرەك. 

ادامدا رۋح بولماسا، كەمەلدەنبەيدى، كاسىپورىندا رۋح بولماسا، گۇلدەنبەيدى؛ حالىقتىق شارۋاشىلىق گۇلدەنسە، ىلە كوركەيەدى، حالىقتىق كاسىپورىندار باستان - اياق ىلەنىڭ جوعارى ساپالى دامۋىندا كەم بولسا بولمايتىن ماڭىزدى كۇش. ٴبىز قالىڭ حالىقتىق كاسىپورىنشىلاردىڭ كاسىپورىنشىلار رۋحىن بارىنشا ساۋلەلەندىرىپ، دامۋ سەنىمىن بەكەمدەپ، تاريحي ورايدى مىقتى يگەرىپ، وسى زامانعى كاسىپورىن ٴتۇزىمىن ورناتىپ جانە كەمەلدەندىرىپ، كاسىپورىنداردىڭ وزەكتى باسەكەلىك قۋاتىن ورنىقتى جوعارىلاتىپ، تيبىن وزگەرتىپ، دارەجەسىن جوعارىلاتۋ بارىسىندا دامۋدى، زورايۋدى جۇزەگە اسىرۋعا كۇش سالىپ، وتان - وتباسى سۇيىسپەنشىلىگى تەرەڭ، قوعامدىق جاۋاپكەرشىلىگى كۇشتى كاسىپورىن بولۋعا قۇلشىنىپ، كورىكتى ىلە قۇرۋعا كۇش قوسۋىن ٴۇمىت ەتەمىز.