انار بۇلت \ شينجياڭ گازەتىنىڭ ٴتىلشىسى جاڭ يانفاڭ 12 ـ ايدىڭ 4 ـ كۇنى ۇرىمجىدەن حابارلايدى. 12 ـ ايدىڭ 4 ـ كۇنى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىن ىلگەرىلەتۋ ٴماجىلىسى اشىلدى. ٴماجىلىس شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ، الدىڭعى ٴۇش ماۋسىمداعى قىزمەتتەردى قورىتىندىلاپ، بيىلعى ٴتۇيىندى مىندەتتەردى ورىنداۋدى ىلگەرىلەتىپ، 2025 ـ جىلعى شينجياڭدى مادەنيەتپەن نارلەندىرۋ قىزمەتىن اقىلداستى، جوسپارلادى.

اۆتونوميالى رايوندىق پارتكومنىڭ تۇراقتى مۇشەسى، ۇگىت ٴبولىمىنىڭ باستىعى ۋاڭ جيانشين ماجىلىسكە قاتىناستى ٴارى ٴسوز سويلەدى، سۇن حۇڭمەي باسقاردى.

ٴماجىلىس مىنالاردى اتاپ كورسەتتى: بيىل جىل باسىنان بەرى، اۆتونوميالى رايوندىق پارتكومنىڭ پارمەندى باسشىلىعىندا، جەر ـ جەر، تاراۋلار دالمە ـ ٴدال كۇش سالىپ، نازاردى ٴتۇيىندى سالالار مەن شەشۋشى بۋىنداردا قامال الۋعا، تابىسقا جەتۋگە شوعىرلاندىرىپ، شينجياڭدى مادەنيەتپەن نارلەندىرۋ قىزمەتىندە تىڭ ىلگەرىلەۋشىلىككە، جاڭا ناتيجەگە قول جەتكىزۋدى ىلگەرىلەتتى.

ٴماجىلىس مىنالاردى تالاپ ەتتى: جەر ـ جەر، تاراۋلار 2024 ـ جىلعى اۆتونوميالى رايوننىڭ شينجياڭدى مادەنيەتپەن نارلەندىرۋ قىزمەتىنىڭ ماڭىزدى تۇيىندەرى مەن جىل باسىندا بەلگىلەنگەن قىزمەت جوسپارىن ٴجىتى قاداعالاپ، ٴبىر ـ بىردەن سالالاپ، تياناقتاندىرىپ، نىسانداردى ىلگەرىلەتۋدى ويداعىداي يگەرىپ، بيىلعى شينجياڭدى مادەنيەتپەن نارلەندىرۋ قىزمەتىنىڭ ٴساتتى ورىندالۋىنا شىنايى كەپىلدىك ەتۋى كەرەك.

ٴماجىلىس مىنالاردى باسا دارىپتەدى: 2025 ـ جىل _ اۆتونوميالى رايون قۇرىلعاندىعىنىڭ 70 جىلدىعى، ”14 ـ بەسجىلدىق“ جوبا اياقتالاتىن جىل، جەر ـ جەر، تاراۋلار ىشكەرىلەي وي جۇگىرتىپ، زەرتتەۋ جۇرگىزىپ، 2025 ـ جىلعى شينجياڭدى مادەنيەتپەن نارلەندىرۋ قىزمەتىن ىشكەرىلەي، ناقتى ىستەپ، پارتيا ورتالىق كوميتەتىنىڭ شينجياڭدى مادەنيەتپەن نارلەندىرۋ قىزمەتى جونىندەگى ستراتەگيالىق ورنالاستىرۋىن قاز ـ قالپىندا ناقتاپ تياناقتاندىرۋى كەرەك. يدەيالىق جەتەكشىلىكتى كۇشەيتىپ، شي جينپيڭ مادەنيەت يدەياسىن مۇقيات ۇيرەنىپ، ٴتۇسىنۋ؛ دۇرىس بەتالىسقا تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋ قىزمەتىنىڭ نەگىزگى جەلىسىن مىقتى، دۇرىس يگەرۋ؛ كورەگەندىكپەن وي جۇگىرتۋدى كۇشەيتىپ، ٴتۇيىندى قىزمەتتەردى دالمە ـ ٴدال، ناقتى جوسپارلاۋ؛ ونىمدىلىكتى باعدار ەتۋگە باسا ٴمان بەرىپ، مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن قاۋلاتۋ، كۇشەيتۋ؛ بۇقارانىڭ ات سالىسۋىن كورنەكتىلەندىرىپ، ٴار ۇلت بۇقاراسىنىڭ رۋحاني مادەنيەت تۇرمىسى جونىندەگى جاڭا تىلەگىن اناعۇرلىم جاقسى، اناعۇرلىم ساپالى قاناعاتتاندىرىپ، شينجياڭدى مادەنيەتپەن نارلەندىرۋ قىزمەتىنىڭ تىڭ ساتىعا كوتەرىلۋىن ۇزدىكسىز ىلگەرىلەتۋ كەرەك.