— اۆتونوميالى رايوندىق ەكى ٴماجىلىستىڭ جەڭىسپەن جابىلعاندىعىن قىزۋ قۇتتىقتايمىز

شينجياڭ گازەتىنىڭ باسماقالاسى

بورىشتى ورىنداۋدىڭ تەتىگى جاۋاپكەرشىلىك ارقالاۋدا، كۇرەس جۇرگىزگەندە عانا بولاشاققا جول اشىلادى. بۇكىل رايونداعى ٴار ۇلت حالقى شىنايى نازار اۋدارىپ وتىرعان اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى، اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ بولعان سوڭ، ۇرىمجىدە جەڭىسپەن جابىلدى. ەكى ٴماجىلىستىڭ تولىق تابىستى بولعاندىعىن قىزۋ قۇتتىقتايمىز!

بۇل بۇرىنعىعا مۇراگەر، كەيىنگىگە بۇيداگەر بولاتىن، الدىڭعىلاردىڭ ٴىزىن باسىپ بولاشاققا جول اشاتىن ٴماجىلىس، دەموكراتيالى، شىندىققا جۇگىنەتىن، ىنتىماقتى، جىگەرلەندىرەتىن ٴماجىلىس بولدى. ەكى ٴماجىلىس قاراپ ماقۇلداعان ٴتۇرلى بايانداما، قارار، سايلاۋ ناتيجەسى بارلىق ۋاكىلدەردىڭ، مۇشەلەردىڭ توپتىق اقىل ـ پاراساتىن ۇيىستىرىپ، بۇكىل رايونداعى ٴار ۇلت حالقىنىڭ ورتاق تىلەگىن ايگىلەدى. ۇكىمەت قىزمەتىنەن بايانداما شىندىققا جۇگىنىپ ناقتى ىستەگەن، تۋراشىلدىقتان اينىماي جاڭالىق اشقان، ساياسي تۇرعىدا ”بيىكتىكتى دارىپتەپ“، ورنالاستىرۋ، جوسپارلاۋ جاعىندا ”تەرەڭدىكتى دارىپتەپ“، قىزمەت شاراسى جاعىندا ”پارمەندى بولۋدى دارىپتەپ“، حالىق تۇرمىسى سۇيىسپەنشىلىگى جاعىندا ”مەيىردى دارىپتەپ“، جۇرت كوڭىلىن سەرپىلتىپ، قايراتتى تاسقىنداتتى. ۋاكىلدەر، مۇشەلەر ارناسىن تۇڭعىش رەت ورنالاستىرعاننان، شەتەلدىك قوناقتاردى سىرتتاي تىڭداۋعا، شەتەل مەديالارىن حابارلاۋعا تاعى دا ۇسىنىس ەتۋدەن، اقپار جاريالاۋ ٴماجىلىسىن ٴجيى ـ ٴجيى وتكىزۋگە دەيىن شينجياڭنىڭ قايراتتانا ٴىس تىندىرعان، اسقاق بەينەمەن العا ۇمتىلعان، اشىق تا سەنىمدى جاڭا بەت ـ بەينەسىن، جاڭا كەلبەتىن ىشتەن سىرتقا قاراي ايگىلەدى. ۋاكىلدەر، مۇشەلەر تاسقىنداعان مىندەت اتقارۋ ىنتاسى، كۇشتى جاۋاپكەرشىلىك ارقالاۋ ارقىلى كورەگەندىكپەن ۇسىنىس قويىپ، ناقتى كەڭەس بەرىپ، ٴىس جۇزىندىك ارەكەت ارقىلى جالپى بارىستىق حالىق دەموكراتياسىن امالياتتا ايگىلەدى. وسى رەتكى ٴماجىلىستىڭ تابىسپەن اشىلۋى تۇتاس رايونداعى ٴار ۇلت حالقىن ٴبىر نيەتپەن سەلبەسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جاپپاي ىلگەرىلەتۋگە، ٴسوز جوق، جىگەرلەندىرەدى جانە شابىتتاندىرادى.

كوپتىڭ كۇشىمەن ىستەلگەن ٴىس جەڭىسكە جەتپەي قويمايدى؛ كوپتىڭ پاراساتىمەن ىستەلگەن ٴىس ورىندالماي قويمايدى. وتكەن ٴبىر جىلدا قاتاڭ دا كۇردەلى حالىقارالىق جاعداي، ەل ىشىندەگى كوپ ٴتۇرلى فاكتوردىڭ ارالاسۋىنان، قاباتتاسۋىنان كەلىپ شىققان ەكونوميكانىڭ باسەڭدەۋ قىسىمى جانە ماشاقاتتى دا اۋىر رەفورما، دامۋ، ورنىقتىلىق مىندەتى الدىندا، اۆتونوميالى رايوندىق پارتكوم تۇتاس شينجياڭداعى ٴار ۇلت حالقىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ۇزدىكسىز ويداعىداي ىستەپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا جاڭا نىق قادام تاستادى. بۇل ناتيجەلەرگە قول جەتكىزۋ — شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جانە ىقىلاستى قامقورلىعىنىڭ جەمىسى، ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ زور كۇشپەن قولداۋىنىڭ جانە شينجياڭعا كومەكتەسۋشى ولكە ـ قالالاردىڭ قالتقىسىز كومەگىنىڭ جەمىسى، بۇكىل رايونداعى ٴار ۇلت حالقىنىڭ بىرگە ىنتىماقتاسىپ كۇرەس جۇرگىزۋىنىڭ جەمىسى، وعان حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ، سونداي ـ اق قوعامنىڭ ٴار سالاسىنىڭ قاجىرلى قۇلشىنىسى دا سىڭگەن.

تاريح كەرۋەنى دامىلسىز العا تارتتى، ٴداۋىر ەمتيحان قاعازى ۇنەمى العا قويىلىپ، ۇنەمى جاڭالانىپ تۇردى. بيىل ”14 ـ بەسجىلدىق“ جوبا اياقتالاتىن جىل جانە ”15 ـ بەسجىلدىق“ جوبا ورنالاستىرىلاتىن جىل، سونداي ـ اق شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعى. ەكى ٴماجىلىستىڭ جەڭىسپەن جابىلۋى — بۇكىل رايونىمىزداعى ٴار ۇلت حالقىنىڭ قايراتتانا جەلكەن جايىپ ىلگەرىلەۋىنىڭ جاڭا باستاماسى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارىن ىشكەرىلەي تياناقتاندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى نەگىزگى جەلى ەتۋگە تاباندى بولىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، جوعارى ساپالى دامۋدى تىڭعىلىقتى ىلگەرىلەتىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ،ٴتۇيىندى سالالارداعى حاۋىپ ـ قاتەرلەردەن جانە سىرتقى سوققىدان ساقتانىپ جانە ونى جويىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمادان قامال الۋدى تەرەڭدەتىپ، جوعارى دەڭگەيدەگى ىشكە، سىرتقا ەسىك اشۋدى كەڭەيتىپ، ”ون ٴىرى كاسىپ سالاسى شوعىرى“ قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ٴار ۇلت بۇقاراسىنىڭ تۇرمىس دەڭگەيىن ۇزدىكسىز جوعارىلاتىپ، ”14 ـ بەسجىلدىق“ جوبانىڭ نىسانا ـ مىندەتتەرىن قۇلشىنا ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋىمىز كەرەك.

جاڭا جورىقتا تۇتاس قوعامنىڭ ىنتىماقتاسا كۇرەس جۇرگىزۋ تەلەگەي كۇشىن ٴارقايسى جاقتان ۇيىستىرۋ اسا قاجەت. ٴار دارەجەلى حالىق قۇرىلتايى جانە ونىڭ تۇراقتى كوميتەتتەرى نەگىزگى زاڭ، زاڭدار جۇكتەگەن قاسيەتتى مىندەتتى شىنايى، ويداعىداي ارقالاپ، جالپى بارىستىق حالىق دەموكراتياسىن امالياتتا ىشكەرىلەي ايگىلەپ، جاڭا ٴداۋىردىڭ جاڭا جورىعىندا حالىق قۇرىلتايى قىزمەتىنىڭ جاڭا جاعدايىن قۇلشىنا اشۋى كەرەك. ٴار دارەجەلى ساياسي كەڭەس ۇيىمدارى نازاردى وزەككە، كەلەلى جاعدايعا تىعىز شوعىرلاندىرىپ، ۇكىمەت ىسىنە اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، جوعارى ساپامەن مىندەت اتقارۋ ارقىلى شينجياڭ ىستەرىنىڭ جوعارى ساپالى دامۋىنا قىزمەت وتەۋى كەرەك.

حالىق ٴبىر نيەتكە كەلسە، تايشان تاۋىن دا كوشىرە الادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، اقىل ـ پاراساتتى ٴبىر اراعا جيناپ، ٴبىر نيەتپەن كۇش قوسىپ، ناقتى ٴىس تىندىرىپ، جاۋاپكەرشىلىك ارقالاپ، ورايدى مىقتاپ يگەرىپ، ۇتىمدى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋدىڭ ٴتىپتى دە تارتىمدى شينجياڭ تاراۋىن قۇلشىنا جازىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الايىق!