ما شيڭرۇي، ەركىن تۇنياز، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ، چىن ميڭگو قاتىناستى، ٴزۇمىرات وبۇل باسقاردى ٴارى ٴسوز سويلەدى

اۆتونوميالى رايوننىڭ قايشىلىقتار مەن داۋ ـ شارلاردى كوپ ٴتۇرلى جولمەن شەشۋ ەرەجەسىن جانە ٴتۇرلى قارارلاردى داۋىسقا سالىپ ماقۇلدادى

1 ـ ايدىڭ 22 ـ كۇنى شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى شينجياڭ حالىق سارايىندا جابىلدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى ساي زىڭلى تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 22 ـ كۇنى ۇرىمجىدەن حابارلايدى. اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ بولعان سوڭ، 1 ـ ايدىڭ 22 ـ كۇنى تۇستەن كەيىن شينجياڭ حالىق سارايىندا جابىلدى.

ما شيڭرۇي، ەركىن تۇنياز، نۇرلان ٴابىلماجىن، شاۋكەت يمىن، ياڭ چىڭ، تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.

اتقارۋشى ٴتوراعالار مىندەتىن وتەگەن ٴماجىلىس ٴتوراعالار القاسىنىڭ تۇراقتى ٴتوراعالارى ٴزۇمىرات وبۇل، حى جۇڭيوۋ، جاڭ جۋ، چىن ميڭگو، ۋاڭ لين، ۋاڭ ميڭشان، لي نيڭپيڭ، توحتى ياقۇپ، پيڭ شينلاي، ۋاڭ گوحى، ٴمامتىمىن قادىر، جاۋ تيانجيە ٴتوراعالار مىنبەسىنىڭ الدىڭعى قاتارىنان ورىن الدى. ٴزۇمىرات وبۇل ٴماجىلىستى باسقاردى.

ماجىلىسكە قاتىناسۋعا ٴتيىستى ۋاكىل 544 ادام، قاتىناسقان ۋاكىل 510 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ٴماجىلىس باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن داۋىسقا سالىپ ماقۇلدادى ٴارى ات جازباي بەلەت تاستاۋ ٴتاسىلىن قولدانىپ، ۋاڭ جياڭدى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ باس حاتشىلىعىنا، لين ۋيدى مۇشەلىككە تولىقتاپ سايلادى.

وسىدان سوڭ ٴماجىلىس نەگىزگى زاڭ الدىندا سەرت بەرۋ سالتىن وتكىزدى.

ٴماجىلىس اۆتونوميالى رايوننىڭ قايشىلىقتار مەن داۋ ـ شارلاردى كوپ ٴتۇرلى جولمەن شەشۋ ەرەجەسىن داۋىسقا سالىپ ماقۇلدادى، ۇكىمەت قىزمەتىنەن بايانداما، اۆتونوميالى رايوننىڭ 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە اۆتونوميالى رايوننىڭ 2025 ـ جىلعى حالىق شارۋاشىلىعى مەن قوعامدىق دامۋ جوسپارى، اۆتونوميالى رايوننىڭ 2024 ـ جىلعى مەجە ەسەبىنىڭ اتقارىلۋ احۋالى جانە اۆتونوميالى رايوننىڭ 2025 ـ جىلعى مەجە ەسەبى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسى، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى جونىندەگى قارارلاردى داۋىسقا سالىپ ماقۇلدادى.

ٴماجىلىس ٴتۇرلى كەڭەستىك تارتىپتەرىن ورىنداعاننان كەيىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴسوز سويلەدى. ول بىلاي دەدى: اۆتونوميالى رايوندىق 14 ـ كەزەكتى حالىق قۇرىلتايىنىڭ 3 ـ ٴماجىلىسى ٴىس جۇزىندىك ارەكەت ارقىلى اۆتونوميالى رايوندىق پارتكومنىڭ قىزمەت ورنالاستىرۋلارىن بۇكىل شينجياڭداعى ٴار ۇلت حالقىنىڭ ورتاق ەرىك ـ جىگەرىنە، ورتاق نىساناسىنا، ورتاق ارەكەتىنە اينالدىردى، تۋدى بيىك ۇستاعان، زەيىن ـ زەردەنى ۇيىستىرىپ، كۇش ـ قۋات توپتاعان، ىنتىماقتاسا العا باسقان، ستيلى پاك، سالتى دۇرىس ٴماجىلىس بولىپ، جالپى بارىستىق حالىق دەموكراتياسىنىڭ شينجياڭداعى جاندى امالياتىن ايگىلەدى، شينجياڭنىڭ جوعارى ساپالى دامۋىنىڭ داۋىرلىك كۇشتى ٴۇنىن جەتكىزدى، مۇنىڭ تۇتاس شينجياڭداعى ٴار ۇلت حالقىن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا جىگەرلەندىرەتىندىگى ٴسوزسىز.

ٴزۇمىرات وبۇل بىلاي دەپ اتاپ كورسەتتى: اۆتونوميالى رايوندىق 10 ـ كەزەكتى پارتكومنىڭ ون ٴۇشىنشى جالپى ماجىلىسىندە بيىلعى قىزمەتتەر جونىندە جاپپاي ورنالاستىرۋ جاسالدى، اۆتونوميالى رايوندىق حالىق قۇرىلتايى بيىلعى ەكونوميكالىق، قوعامدىق دامۋدىڭ نىسانا ـ مىندەتتەرىن، شارالارىن زاڭ بويىنشا تۇراقتاندىردى، مۇنداعى شەشۋشى ٴتۇيىن تياناقتاندىرۋدى ويداعىداي يگەرۋدە. ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن باستان ـ اياق شينجياڭ قىزمەتىن تارازىلايتىن ماڭىزدى ولشەم ەتىپ، اۆتونوميالى رايوندىق پارتكومنىڭ ورنالاستىرۋلارىنا، تالاپتارىنا ساي سەنىمدى بەكەمدەپ، ۇدەرە العا تارتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جاڭا جورىعىندا جاڭا جاۋاپكەرشىلىكتى، جاڭا ىسكەرلىكتى ايگىلەۋىمىز كەرەك. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، حالىق قۇرىلتايى ٴتۇزىمىنىڭ كورنەكتى ابزالدىلىعىن تەرەڭ ٴتۇسىنىپ، كەلەلى پرينسيپتى مىقتى يگەرىپ، حالىق قۇرىلتايىنىڭ رولىن تولىق ساۋلەلەندىرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، ٴتۇزىم ابزالدىلىعىن دامۋ ابزالدىلىعى مەن باسقارۋ ونىمدىلىگىنە ٴتىپتى دە ويداعىداي اينالدىرۋىمىز كەرەك. جالپى بارىستىق حالىق دەموكراتياسىن امالياتتا ايگىلەپ جانە دامىتىپ، حالىقتى وزەك ەتۋگە تاباندى بولىپ، باستان ـ اياق بيلىكتى حالىق ٴۇشىن ىستەتىپ، حالىق ٴۇشىن مىندەت اتقارىپ، حالىق ٴۇشىن قىزمەت وتەپ، زاڭ ەرەجەنى دەموكراتيالى شىعارۋعا تاباندى بولىپ، دەموكراتيالىق باقىلاۋدى ىلگەرىلەتىپ، حالىق اۋانىن قابىلداۋ، حالىقتىڭ اقىل ـ پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، جالپى بارىستىق حالىق دەموكراتياسىنىڭ حالىق قۇرىلتايى امالياتىن ۇزدىكسىز بايىتۋىمىز، كەڭەيتۋىمىز كەرەك. حالىق قۇرىلتايى ۋاكىلدەرىنىڭ باسىمدىق رولىن تولىق ساۋلەلەندىرىپ، ”ەكىمەن بايلانىس جاساۋدى“ تەرەڭدەتىپ، كەڭەيتىپ، ۋاكىلدەردىڭ مىندەت وتەۋ قابىلەتىن كۇش سالا جوعارىلاتىپ، كەڭەستىك جوبا، ۇسىنىس قىزمەتىنىڭ ساپاسىن، ونىمدىلىگىن جوعارىلاتىپ، ۋاكىلدەردىڭ كەڭەستىك جوبالارىن، ۇسىنىستارىن ساياسات ـ شارالارعا اينالدىرۋعا قۇلشىنۋىمىز كەرەك. اۆتونوميالى رايوندىق حالىق قۇرىلتايى تۇراقتى كوميتەتى ”ٴتورت ورگان“ تالابىن تياناقتاندىرىپ، وزىندىك قۇرىلىستى جاپپاي كۇشەيتىپ، جاڭا داۋىردەگى جاڭا جورىقتا حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتىپ، تاماشا ناتيجەلەرمەن اۆتونوميالى رايون قۇرىلعاندىعىنىڭ 70 جىلدىعىن قارسى الادى.

اۆتونوميالى رايوندىق ۇكىمەتتەگى، ساياسي كەڭەستەگى، بيڭتۋانداعى باسشى جولداستار، شينجياڭ اسكەري رايونى مەن قارۋلى ساقشى شينجياڭ باس اترەتىندەگى قاتىستى باسشىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، مەملەكەتتىك حالىق قۇرىلتايىندا مىندەت وتەپ جاتقان باسشى جولداستار قاتارلىلار جابىلۋ ماجىلىسىنە قاتىناستى.

ٴماجىلىس ايبىندى مەملەكەت ٴانى ىشىندە جابىلدى.