دەمالىس ۋاقىتى اياقتادى

ىلەنىڭ تەمىر جول، حالىقتىق اۆياتسيا، تاس جول تاراۋى قايتقان جولاۋشىلار تاسىمالىنىڭ قاۋىرت مەزگىلىن قارسى الدى 

تىلشىلەرىمىز لي يافىڭ، چىن تيانجين حابارلايدى. 2 - ايدىڭ 3 - كۇنى كوكتەم مەرەكەسى دەمالىسى اياقتادى، ٴتىلشىنىڭ ىلە قۇلجا حالىقارالىق اۋەجايى، قۇلجا پويەز بەكەتى، ىلە وبلىستىق اۆتوموبيل جولاۋشى تاسىمال باس بەكەتىنىڭ ورتالىق بەكەتىنەن ۇعىسۋىنشا، تەمىر جول، حالىقتىق اۆياتسيا، تاس جول تاراۋلارى قايتقان جولاۋشىلار تاسىمالىنىڭ قاۋىرت مەزگىلىن قارسى العان.

سول كۇنى قۇلجا پويەز بەكەتىنىڭ كىرەر اۋزىندا ٴتىلشى جولاۋشىلاردىڭ بەكەتكە تارتىپپەن كەزەككە تۇرىپ كىرىپ جاتقانىن كوردى. جولاۋشىلاردىڭ ٴدال ۋاعىندا، جايلى، حاۋىپسىز جۇرۋىنە كەپىلدىك ەتۋ ٴۇشىن قۇلجا پويەز بەكەتى جولاۋشىلار اعىنىنا جەتەكشىلىك ەتۋدى كۇشەيتىپ، تاسىمال قۋاتىن ارتتىرىپ، جولاۋشىلاردىڭ ٴجۇرىس ـ تۇرىسىنا قىزمەت وتەۋ، قامتاماسىز ەتۋدى بار كۇشپەن ويداعىداي ىستەدى.

”مەرەكە كەزىندە ىلەدە ەرەكشە كوڭىلدى وينادىق، بۇگىن قايتقان جولاۋشىلاردىڭ قاۋىرت مەزگىلىنە تۋرا كەلىپپىن، الدىن الا كولىك بەلەتىن ساتىپ العامىن، ۇرىمجىگە قايتقالى تۇرمىن“، ـ دەدى كولىك كۇتىپ تۇرعان جولاۋشى ما يان.

”مەرەكەنىڭ ەكىنشى كۇنى توركىنىمە كەلگەمىن، بۇگىن قايىن جۇرتقا بارماقشىمىن، بەلەت الۋ قيىن بولعاندىقتان ٴبىر كۇن بۇرىن قايتپاقشىمىن“،- دەدى يۇي تيڭ.

قۇلجا پويەز بەكەتىنىڭ جولاۋشىلار بەلەتىن ساتۋشىسى پاتيما ماحمۇتجان بىلاي دەپ تانىستىردى: ”2 ـ ايدىڭ 3 ـ كۇنى پويەز بەكەتىندە قايتقان جولاۋشى اعىنى ۇزدىكسىز جوعارىلادى، پويەز بەكەتى 4 جۇپ ۋاقىتتىق پويەز قوسىپ، بەكەتكە كىرىپ ـ شىعاتىندارعا جاسىل ارنا اشتى، مەجەمەن سول كۇنى 11 مىڭ ادام ـ رەت جولاۋشى جونەلتتىك“.

ىلە قۇلجا حالىقارالىق اۋەجايىندا اۋەجايدىڭ جولاۋشى تاسىمالى ۇزدىكسىز جوعارى دەڭگەيدە جۇمىس جۇرگىزدى. وسى اۋەجايدىڭ جولاۋشىلارعا قىزمەت وتەۋ ٴبولىمىنىڭ قىزمەتكەرى ەرپان ٴانۋار تىلشىگە: ”كوكتەم مەرەكەسى كەزىندە بۇقارانىڭ ٴجۇرىس ـ تۇرىسىنا قولايلى بولۋ ٴۇشىن اۋەجاي چىڭدۋعا توتە ۇشاتىن اۋە جەلىسىن كوبەيتىپ، جولاۋشىلاردىڭ كوكتەم مەرەكەسى كەزىندەگى تاسىمال قاجەتىن ونان ارى قاناعاتتاندىردى“،- دەدى. ساناققا قاراعاندا، كوكتەم مەرەكەسى كەزىندە وسى اۋەجايدىڭ كۇنىنە ورتا ەسەپپەن كىرىپ ـ شىعاتىن كەزەكشى ۇشاق 70 رەتكە جەتىپ، 7200 ادام ـ رەتتەن استام جولاۋشى تاسىمالداعان.

ىلە وبلىستىق اۆتوموبيل جولاۋشى تاسىمال باس بەكەتىنىڭ ورتالىق بەكەتىندە ساپارعا شىققان جولاۋشىلار ۇلكەندى - كىشىلى سومكەلەرىن كوتەرىپ، تارتىپپەن بەكەتكە كىرىپ بەلەت ساتىپ الدى، قاتار - قاتار رەتتى جولاۋشى اۆتوموبيلدەرى جولعا شىعۋعا دايىن تۇر.

ىلە وبلىستىق اۆتوموبيل جولاۋشى تاسىمال باس بەكەتى ورتالىق بەكەتىنىڭ ورىنباسار باستىعى ۋاڭ باۋشىڭ بىلاي دەپ تانىستىردى: كوكتەم مەرەكەسى كەزىندە جولاۋشى اعىنى توڭىرەكتەگى اۋدان، قالالاردىڭ قىسقا ارالىققا تۋىسشىلاۋىن، ساياحاتتاۋىن نەگىز ەتتى. مەرەكەلىك قىزمەت وتەۋدى قامتاماسىزداندىرۋ قىزمەتىن ويداعىداي ىستەۋ ٴۇشىن، ورتالىق بەكەت جولاۋشىلار اعىنىنىڭ اۋقىمىن دەر كەزىندە باقىلاۋ، ۇستەمە جۇمىس كەزەگىن دەر كەزىندە كوبەيتۋ، جاسىل ارنا اشۋ، جۇكتەردى اماناتتاپ تاسۋ، قايناعان سۋمەن قامداۋ، سونداي - اق ٴبىر بەكەتتىك بەلەت ساتىپ الۋعا قىزمەت وتەۋ جانە اۆتوبۋزدى ٴدال ۋاعىندا جۇرگىزۋ سياقتى شارالار ارقىلى قالىڭ بۇقارانىڭ ٴجۇرىس - تۇرىسىنا پارمەندى تاسىمال كەپىلدىگىن ازىرلەدى.

”1 - ايدىڭ 28 - كۇنىنەن 2 - ايدىڭ 2 - كۇنىنە دەيىن ىلە وبلىسىنىڭ تاس جول جولاۋشى تاسىمالىنىڭ جالپى جولاۋشى تاسىمال مـــولشەرى 255 مىڭ 200 ادام - رەتكە جەتتى“. ىلە وبلىستىق قالا جولاۋشى تاسىمالىن باسقارۋ ورتالىعىنىڭ مەڭگەرۋشىسى شى چيان تىلشىگە بىلاي دەدى: قايتاتىن جولاۋشىلار اعىنىنا توتەپ بەرۋ ٴۇشىن، ٴبىز قالا الەۋمەتتىك قاتىناسى، كىرە اۆتوموبيلى جانە تەمىر جول، تاس جول، حالىقتىق اۆياتسيا سياقتىلاردا ينفورماتسيادان ورتاق يگىلىكتەنۋدى كۇشەيتىپ، قالا مەن اۋىلدىڭ جولاۋشى تاسىمالى مەن نەگىزگى جەلى تاسىمالىن ٴونىمدى ۇشتاستىرىپ، قالانىڭ جولاۋشى تاسىمالىندا تۇندە شوعىرلاندىرىپ، جونەلتىپ، تاسىمالداۋعا ۇيىمداستىرۋدى كۇشەيتىپ، جولاۋشىلاردىڭ تۇندە دە ىركىلىسسىز جەتۋىنە، قايتۋىنا كەپىلدىك ەتتىك. نازاردى ”ادام، اۆتوكولىك، جول، كاسىپورىن“ سىندى شەشۋشى بۋىنعا شوعىرلاندىرىپ، كوكتەم مەرەكەسى تاسىمالىنا قاتىناسقان جولاۋشى تاسىمال اۆتوكولىكتەرىنە ٴار كۇنى حاۋىپسىزدىك تەكسەرۋىن جۇرگىزىپ، ساياحات اۆتوكولىكتەرىن بەلگىلەمەگە قايشى كوتەرمەگە الىپ جۇرگىزۋ، جولاۋشىلار اۆتوكولىگىن زاڭسىز جۇرگىزۋ سياقتى زاڭعا، بەلگىلەمەگە قايشى ارەكەتتەرگە قاتاڭ سوققى بەرىپ، اۆتوكولىكتەردىڭ باسقارۋدان شەتتەۋىنە، باسقارۋسىز قالۋىنا قاتاڭ تيىم سالدىق. بۇدان سىرت، قارلى بوران اپاتى تۋىلاتىن جول بولىكتەرىنە قاداعالاي نازار اۋدارىپ، شۇعىل جاعدايعا توتەپ بەرۋ كۇشتەرىن الدىن الا ورنالاستىرىپ، تومەن تەمپەراتۋرانىڭ، قار، مۇزدىڭ مەملەكەتتىك، ولكەلىك نەگىزگى تاس جولدارعا جاسايتىن ىقپالىنان تولىق ساقتانىپ، ىركىلىسسىز قىزمەت وتەۋدى بار كۇشپەن ويداعىداي ىستەپ، كوكتەم مەرەكەسى كەزىندەگى تاسىمالدىڭ اناعۇرلىم حاۋىپسىز، قولايلى بولۋىنا مۇمكىندىك جاسادىق.