ياڭ شيۋلي، ەلشات تۇرسىنباي ۇلى قۇلجا اۋدانىندا تەكسەرۋ ـ زەرتتەۋ جۇرگىزىپ، حال سۇرادى

نەگىزگى ساتىداعى جۇمىسشى ـ قىزمەتكەرلەرمەن، بۇقارامەن بىرگە كوكتەم مەرەكەسىن وتكىزدى

وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى ىلە جىڭيۋان كەن كاسىبى شەكتى جاۋاپكەرشىلىك سەرىكتەستىگى شينجياڭ قۇلجا اۋدانى تاۋىربەك التىن كەنىنىڭ جۇمىس ورنىندا التىن كەنىن تەكسەرىپ، زاپاس ساقتاۋعا قاتىستى قىزمەت جاعدايىنان مالىمەت تىڭدادى.         ليۋ جۇن فوتوسى 

تىلشىلەرىمىز ما چىڭلۋ، سۇن ي - نان، چين لەي حابارلايدى. كوكتەم مەرەكەسى دەمالىسىندا ىلە وبلىستىق پارتكومنىڭ شۋجيى ياڭ شيۋلي مەن وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قۇلجا اۋدانىندا تەكسەرۋ - زەرتتەۋ جۇرگىزىپ، حال سۇراپ، قىزمەت ورنىندا تاپجىلماي ىستەپ جاتقان قالىڭ كادرلار مەن جۇمىسشى - قىزمەتكەرلەردىڭ كوكتەم مەرەكەسىنە قۇتتى بولسىن ايتىپ، بىلاي دەپ بـاسـا دارىـپتـەدى: بـاس شـۋجي شي جينپيڭنىڭ لياۋنيڭدە نەگىزگى ساتى كادرلارى مەن بۇقاراسىنا امانداسىپ، حال سۇراعاندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ ەكونوميكالىق قىزمەت ٴماجىلىسى مەن اۆتونوميالى رايوندىق 10 - كەزەكتى پارتكوم ون ٴۇشىنشى جالپى ٴماجىلىسىنىڭ ورنالاستىرۋلارىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، كوكتەم مەرەكەسى كەزىندە جۇمىستى توقتاتپاۋ، ٴوندىرىستى توقتاتپاۋ، ەرتە جۇمىس باستاۋ سىندى قىزمەت وتەۋ، قامتاماسىزداندىرۋ قىزمەتتەرىن بار كۇشپەن ويداعىداي يگەرىپ، ەرەكشە شارالار ارقىلى جىلان جىلىندا جاڭا باستاما اشۋعا اتويلاۋ كەرەك. 

كوكتەم مەرەكەسىنىڭ دەمالىسى بولسا دا، ىلە جىڭيۋان كەن كاسىبى شەكتى جاۋاپكەرشىلىك سەرىكتەستىگىنىڭ شينجياڭ قۇلجا اۋدانى تاۋىربەك التىن كەنىنىڭ قۇرىلىس الاڭى باياعىداي دۋمانعا بولەندى. ياڭ شيۋلي، ەلشات تۇرسىنباي ۇلى نىساننىڭ ىلگەرىلەتىلۋ جاعدايىن مۇقيات كورىپ، ٴوندىرىستىڭ ٴبىرىنشى شەبىندە شايقاس جاساپ جاتقان كاسىپورىن جۇمىسشى - قىزمەتكەرلەرىنە مەرەكەلىك سالەم جولدادى، كوپشىلىكتىڭ قىزمەت ورنىنان تاپجىلماي، وندىرىسكە كەپىلدىك ەتىپ، قۇرىلىس مەرزىمىن تەزدەتىپ، وبلىسىمىزدىڭ دامۋى ٴۇشىن قاجىرلى قۇلشىنىستار جاساعاندىعىنا العىس ايتتى. جىڭيۋان كەن كاسىبى، جينچۋان كەن كاسىبى، شيبۋ التىن سەرىكتەستىگى سياقتى كاسىپورىنداردىڭ جانە قاتىستى تاراۋلاردىڭ جاۋاپتى جولداستارمەن پىكىر اۋىستىرعاندا، ياڭ شيۋلي مىنالاردى باسا دارىپتەدى: التىن باعاسى ۇزدىكسىز جوعارى ورەنى ساقتاعان ستراتەگيالىق وراي مەزگىلىن مىقتى يگەرىپ، يدەيانى ازات ەتىپ، داعدىلى قاعيدانى بۇزىپ، التىن كەنىن بارلاۋ، اشۋ جانە زاپاس قوردى ارتتىرۋ جاعىندا تاعى دا كەلەلى تابىستارعا قول جەتكىزۋدى بار كۇشپەن ىلگەرىلەتىپ، التىن كاسىبىنىڭ دامۋ كومەسكى كۇشىن ونان ارى اشىپ، ىلەنىڭ جوعارى ساپالى دامۋىنا كۇش توپتاپ، مەملەكەتتىڭ بايلىق حاۋىپسىزدىگىن قامتاماسىز ەتۋگە ٴتيىستى ۇلەس قوسۋ كەرەك. زاڭ ـ ەرەجە بويىنشا ىستەۋ شارتىندا ادىستە جاڭالىق اشۋعا، جۇمىس ٴتارتىبىن ساپالىلاندىرۋعا تاباندى بولىپ، رەسمياتتاردى تەكسەرىپ بەكىتۋدى، ٴبىتىرۋدى جەدەلدەتىپ، ٴتۇيىندى نىسانداردىڭ ەرتەرەك وندىرىسكە قوسىلۋىن، ەرتەرەك ٴونىم بەرۋىن جەدەل ىلگەرىلەتۋ كەرەك. قاتاڭ شارالارمەن ەكولوگيانىڭ قىزىل سىزىعىن، حاۋىپسىزدىكتىڭ تومەنگى شەگىن باتىل ساقتاپ، حاۋىپسىز، ورنىقتى دامۋ ورتاسىن كۇش سالا قالىپتاستىرۋ كەرەك.

قۇلجا اۋدانى اققۋ كولى كورىنىس رايونى ساياحاتشىلارعا لىق تولىپ، دۋمانعا بولەندى. ياڭ شيۋلي، ەلشات تۇرسىنباي ۇلى شينجياڭنىڭ ٴىشى ـ سىرتىنان كەلگەن ساياحاتشىلارمەن ىقىلاستى اڭگىمەلەسىپ، ساياحاتشىلاردىڭ ساياحات ورتاسى جونىندەگى اسەرلەرىن ەگجەي ـ تەگجەيلى ۇعىستى. ياڭ شيۋلي بىلاي دەپ باسا دارىپتەدى: قازىر ىلەنىڭ ساياحات كاسىبىنىڭ دامۋ تەبىنى كۇشتى، ساياحات بايلىعى ارتىقشىلىعىن تياناق ەتىپ، مادەنيەت مازمۇنىن ىشكەرىلەي اشىپ، جاراتىلىستىق كورىنىس، ۇلتتىق سالت ـ سانا مادەنيەتى، دالالىق سپورت، قار ـ مۇز، كوڭىل اشۋ سياقتىلاردى ورگانيكالى ۇشتاستىرىپ، ساياحات كاسىبىن بايىتۋدا جاڭالىق اشىپ، ساياحات دەڭگەيىن جوعارىلاتىپ، اناعۇرلىم كوپ تاماشالاۋ، ات سالىسۋ، تاربيەلەۋ سيپاتتى ساياحات ونىمدەرىن قالىپتاستىرۋ كەرەك. ساياحاتشىلاردىڭ رازى بولۋىن ولشەم ەتۋگە تاباندى بولىپ، عىلمي جوبالاپ، ورنالاستىرۋدى ساپالىلاندىرىپ، نەگىزدىك قۇرىلعىلار مەن سايكەستى قۇرىلعى قۇرىلىسىن كۇشەيتىپ، ساياحاتشىلاردىڭ اسىقپاي تاماشالاۋىنا، ايالداۋىنا، قالىپ قالۋىنا مۇمكىندىك جاساپ، ساياحاتشىلاردىڭ سەزىنۋ، رازى بولۋ سەزىمىن ۇزدىكسىز كۇشەيتۋ كەرەك. ۇگىتتەۋ، تانىستىرۋ تەبىنىن ارتتىرىپ، جەرگىلىكتى ەرەكشەلىككە يە مەرەكە قيمىلدارىن، مادەنيەت، دەنە تاربيە جارىستارىن اناعۇرلىم كوپ وتكىزىپ، فوتو سۋرەتشى، ينتەرنەتتەگى ايگىلى ادامدار سياقتىلاردىڭ ىقپالىن ساۋلەلەندىرىپ، ىلە حيكاياسىن ىرىقتىلىقپەن جاقسى بايانداپ، ەرەكشەلىككە يە مادەنيەت، ساياحات ماركاسىن كۇش سالا قالىپتاستىرۋ كەرەك.

ياڭ شيۋلي، ەلشات تۇرسىنباي ۇلى جەلىجۇزى قالاشىعى ساقشى بولىمشەسىنە جانە تومەنگى روزىماتجۇزى قىستاعىنداعى پارتياعا، بۇقاراعا قىزمەت وتەۋ ورتالىعىنا بارىپ، كوكتەم مەرەكەسى دەمالىسىندا كەزەكشىلىك وتەۋ، قاتىناس ىركىلىسسىزدىگى، قىستاق جاعدايى، قوعام جاعدايى سياقتى جاعدايلاردى ەگجەي ـ تەگجەيلى ۇعىسىپ، ٴبىرىنشى شەپتە تاپجىلماي مىندەت وتەپ جاتقان قوعام حاۋىپسىزدىگى حالىق ساقشىلارى مەن نەگىزگى ساتى كادرلارىنا مەرەكەلىك سالەم جولدادى. ياڭ شيۋلي مىنالاردى اتاپ كورسەتتى: قىستاق (الەۋمەتتىك اۋماق) قوعام ورنىقتىلىعىن قورعاۋداعى ەڭ ماڭىزدى ورىن، قىستاق ”ەكى كوميتەتى“ القاسىنا ۇزدىكتەردى تاڭداپ، مىقتىلاردى ورنالاستىرىپ، ماسەلەلەردى جاسامپازدىقپەن زەرتتەپ، قىزمەتتەردى ىلگەرىلەتىپ، نەگىزگى ساتىنى باسقارۋ، حالىق تۇرمىسىن جاقسارتۋ، جۇرت تىلەگىن ۇيىستىرۋ سياقتى جاقتاردان ”تىرەكتىلىك“ رولىن اناعۇرلىم ويداعىداي ساۋلەلەندىرۋ كەرەك. ٴتۇرلى ٴادىس ـ امالداردى قاراستىرىپ، ٴار ۇلت بۇقاراسىنىڭ ورنىقتى جۇمىستانۋىنا، كىرىستى ارتتىرۋدى جەبەۋىنە شارت ـ جاعداي ازىرلەپ، قىستاق كوللەكتيۆ شارۋاشىلىعىن ۇزدىكسىز زورايتىپ، بۇقارانىڭ كىرىسىن ارتتىرىپ، كاسىپ ارقىلى ادامدى الاڭسىز ەتۋدى، كاسىپ ارقىلى ادامدى ورنىقتىرۋدى، كاسىپ ارقىلى كىرىستى ارتتىرۋدى جۇزەگە اسىرۋ كەرەك. ساياسي ـ زاڭ كۇشتەرىنىڭ تومەنگە ٴتۇسۋىن ۇزدىكسىز ىلگەرىلەتىپ، نەگىزگى ساتىنى باسقارۋدىڭ كوپ نەگىزدى بىرىككەن كۇشىن ۇيىستىرىپ، نەگىزگى ساتى پارتيا ۇيىمدارىنىڭ ساياسي باسىمدىعىن، ۇيىمدىق باسىمدىعىن شىن مانىندە باسقارۋ ونىمدىلىگىنە اينالدىرۋ كەرەك.

وبلىس باسشىسى جاۋ سۇيفاڭ قاتىستى تەكسەرۋ - زەرتتەۋ قيمىلدارىنا قاتىناستى.