ەركىن تۇنياز بيىلعى قىزمەتتەردى ويداعىداي مىقتى يگەرۋ جونىندە تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　باستامانى جاقسى اشۋدى، جاقسى قادام تاستاۋدى بار كۇشپەن ىلگەرىلەتۋ كەرەك

انار بۇلت \ شينجياڭ گازەتىنىڭ ٴتىلشىسى لي ياڭ 2 ـ ايدىڭ 5 ـ كۇنى ۇرىمجىدەن حابارلايدى. 2 ـ ايدىڭ 5 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق 10 ـ كەزەكتى پارتكوم ون ٴۇشىنشى جالپى ٴماجىلىسىنىڭ رۋحىن جانە اۆتونوميالى رايوندىق ەكى ٴماجىلىستىڭ رۋحىن دايەكتىلەندىرۋ، تياناقتاندىرۋ، جوعارى ساپالى دامۋدى تىڭعىلىقتى ىلگەرىلەتۋ جونىندە تەكسەرۋ ـ زەرتتەۋ جۇرگىزىپ، قاتىناس، تۇرعىن ٴۇي جانە قالا، اۋىل قۇرىلىسى سياقتى تاراۋلاردى ارالادى ٴارى اڭگىمە ٴماجىلىسىن اشىپ، سەنىمدى بەكەمدەپ، يدەيانى ازات ەتىپ، تۇتاس جىلدىق نىسانا ـ مىندەتتەردى كوزدەپ، ارتۋ ٴتۇيىنىن، قامال الۋ ٴتۇيىنىن، تىرەك ٴتۇيىنىن ٴدال تاۋىپ، اناعۇرلىم زور سەرپىنمەن، اناعۇرلىم ناقتى شارالارمەن تۇتاس جىلدىق قىزمەتتىڭ جاقسى باستاما اشۋىن، جاقسى قادام تاستاۋىن ىلگەرىلەتۋدى باسا دارىپتەدى.

ەركىن تۇنياز شينجياڭ كەشەندى قاتىناس ـ تاسىمال قولباسشىلىق زالىنا كەلىپ، بيىلعى كوكتەم مەرەكەسى كەزىندەگى تاسىمال جاعدايىنان جاسالعان مالىمەتتى تىڭدادى، بەينە ەكراندا بۇكىل رايونداعى نەگىزگى اۋەجايلاردىڭ، پويەز ستانسيالارىنىڭ، جولاۋشى تاسىمال بەكەتتەرىنىڭ جۇمىس جۇرگىزۋ جاعدايى جانە ٴتۇيىندى مەملەكەتتىك، ولكەلىك نەگىزگى جولداردىڭ، شينجياڭعا كىرىپ ـ شىعاتىن ۇلكەن ارنالاردىڭ ىركىلىسسىز بولۋىنا كەپىلدىك ەتۋ جاعدايى جونىندە ورنالاستىرۋ جاسادى. ول بىلاي دەدى: بيىل كوكتەم مەرەكەسى كەزىندەگى تاسىمالدان بەرى، تۇتاس رايونداعى تاس جول، تەمىر جول، حالىقتىق اۆياتسيا سياقتى تاراۋلار جول تورىن باقىلاۋ ـ ولشەۋ، تاسىمال قۋاتىن قامتاماسىز ەتۋ، حاۋىپسىزدىك كومەسكى قاتەرىن ٴبىر ـ بىردەن تەكسەرۋ، جونگە سالۋ سياقتى ٴتۇيىندى قىزمەتتەردى كورنەكتى تۇردە ويداعىداي يگەرىپ، كوكتەم مەرەكەسى كەزىندەگى تاسىمالدىڭ ورنىقتى، ٴتارتىپتى بولۋىن پارمەندى قامتاماسىز ەتتى. تاراۋلاردىڭ سايكەسە بىرلەسىپ ارەكەتتەنۋىن ۇزدىكسىز كۇشەيتىپ، جولاۋشىلار اعىسى جاعدايىن دەر كەزىندە تۇجىرىمداپ، جول تورى اينالىمىن باقىلاۋ ـ ولشەۋدى جانە تاسىمال قۋاتىن ورنالاستىرۋدى كۇشەيتىپ، ناشار اۋا رايىنان ساقتانۋ جانە وعان توتەپ بەرۋ دايىندىعىن ويداعىداي ىستەپ، حالىققا قولايلى اناعۇرلىم كوپ قىزمەت وتەۋ شارالارىن العا قويىپ، ٴار ۇلت بۇقاراسىنىڭ ٴجۇرىس ـ تۇرىسىنىڭ تىنىش، ىركىلىسسىز، زات اينالىمى تاسىمالىنىڭ ىركىلىسسىز، جوعارى ٴونىمدى بولۋىن اناعۇرلىم ويداعىداي قامتاماسىز ەتۋ كەرەك.

ەركىن تۇنياز 2025 ـ جىلعى قاتىناس سالاسىنداعى تۇراقتى مۇلىككە قارجى قوسۋ جوسپارىنىڭ جاعدايى جونىندەگى مالىمەتتى تىڭداعاننان كەيىن، بىلاي دەپ باسا دارىپتەدى: سەنىمدى بەكەمدەپ، نازاردى كەشەندى قاتىناس نەگىزدىك قۇرىلعى قۇرىلىسىنا شوعىرلاندىرىپ، نىسانداردى بارىنشا يگەرۋگە، ٴىرى نىسانداردى يگەرۋگە تاباندى بولىپ، حاۋىپسىزدىككە شىنايى كەپىلدىك ەتۋ نەگىزىندە قارقىندى تەزدەتىپ، نىسانداردىڭ ەرتەرەك سالىنىپ بولۋىن، ەرتەرەك ونىمدىلىك كورسەتۋىن كۇش سالا جەبەۋ كەرەك. كوزقاراسقا بۇرىلىس جاساپ، الدىمەن ٴبىر قادام ىلگەرىلەپ، كوكتەم شۋاعىنا شومعان كەزدە عانا جۇمىس باستاۋ يدەياسىنان باتىل ارىلىپ، نىسانداردىڭ الدىڭعى مەرزىمدىك قىزمەتىن تىڭعىلىقتى ويداعىداي ىستەپ، قارجى، جەردەن پايدالانۋ، ورماننان پايدالانۋ، قورشاعان ورتاعا ىقپالىن باعالاۋ سياقتى فاكتورلاردى قامتاماسىز ەتۋدى كۇشەيتىپ، جاڭادان سالىناتىن نىسانداردىڭ قۇرىلىس باستاۋعا تيىستىلەرىن مۇمكىندىكتىڭ بارىنشا قۇرىلىسىن باستاۋىنا، قۇرىلىس باستاۋعا بولاتىندارىن قۇرىلىسىن تەز باستاۋىنا شىنايى كەپىلدىك ەتۋ كەرەك. ساياساتتاردى جەتە زەرتتەپ، رايونىمىزدىڭ دامۋ ٴىس جۇزىندىگىمەن ۇشتاستىرىپ، اناعۇرلىم كوپ ٴىرى نىسانداردى، جاقسى نىسانداردى جوسپارلاپ، نەگىزدىك قىزمەتتەردى تىڭعىلىقتى ىستەپ، ”15 ـ بەسجىلدىق“ جوبانىڭ اتقارىلۋىنا تولىق دايىندىق جاساۋ كەرەك. ستيلگە بۇرىلىس جاساپ، ونىمدىلىكتى جوعارىلاتىپ، بىرەۋى ارقىلى ٴبارىن اتتانىسقا كەلتىرەتىن شەشۋشى ماسەلەلەردى ٴدال تاۋىپ، دالمە ـ ٴدال كۇش سالىپ، بار كۇشپەن جاقسى باستاما اشۋ كەرەك.

اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسىندە قىزمەت مالىمەتىن تىڭداعاننان كەيىن، ەركىن تۇنياز بىلاي دەدى: تۇرعىن ٴۇي، قالا، اۋىل قۇرىلىسىنىڭ ارتۋدى ورنىقتىرۋداعى، دامۋدى جەبەۋدەگى وراسان زور كومەسكى كۇشىن اناعۇرلىم تولىق جارىققا شىعارىپ، مەملەكەتتىڭ، اۆتونوميالى رايوننىڭ قورا ـ جاي شارۋاشىلىعىن دامىتۋدى جەبەۋ، تۇتىنۋدى سەرپىلتۋ جونىندەگى ساياساتتارىن ويداعىداي تياناقتاندىرىپ، قورا ـ جاي شارۋاشىلىعىن دامىتۋدىڭ جاڭا ۇلگىسىن كۇش سالا ورناتىپ، تاپسىرىپ بەرىلەتىن عيمارات، تاپسىرىپ بەرىلەتىن ٴۇي قىزمەتىن كۇش سالا جاقسى ىستەپ، قورا ـ جاي بازارىنىڭ ورنىقتى، اقاۋسىز دامۋىن ۇزدىكسىز كۇش سالا ىلگەرىلەتۋ كەرەك. ”ٴبىر قالاعا ٴبىر شارا“ قولدانۋعا تاباندى بولىپ، قالانى جاڭالاۋدى كۇش سالا اتقارىپ، قالاداعى ٴبىر توپ جاڭالاۋ، وزگەرتۋ نىساندارىن ىرىقتىلىقپەن جوسپارلاپ، كونە، ەسكى شاعىن اۋماقتاردى جاڭالاۋ جانە كونەرگەن جانار گاز قۇبىرىن جاڭالاۋ سياقتى ٴتۇيىندى مىندەتتەردى تىڭعىلىقتى ىلگەرىلەتۋ كەرەك. قالا باسقارۋدىڭ جاڭا ۇلگىسىن ورناتۋ جونىندە ىزدەنىس جاساپ، قالا باسقارۋدىڭ نەگىزگى ساتىنى باسقارۋمەن توعىسۋىن ىلگەرىلەتىپ، قالا باسقارۋدىڭ عىلميلانۋ، ەگجەي ـ تەگجەيلىلەنۋ، زەردەلىلەنۋ دەڭگەيىن ۇزدىكسىز جوعارىلاتۋ كەرەك. جانار گاز حاۋىپسىزدىگى، جەكەلەر سالعان ۇيلەردىڭ حاۋىپسىزدىگى سياقتى جاقتاردا ارناۋلى باسقارۋدى ۇزدىكسىز ورىستەتىپ، ٴتۇرلى ەلەۋلى حاۋىپ ـ قاتەرلەر مەن كومەسكى كىناراتتاردى باتىل جويۋ كەرەك. جوعارى ساپالى، ماماندانعان كادرلار قوسىنىن كۇش سالا قۇرىپ، جۇمىسقا شوگەلدىلىكپەن كىرىسىپ، جۇمىستى ەگجەي ـ تەگجەيلى، ناقتى ىستەپ، ٴتۇرلى قىزمەتتەردىڭ تياناقتانۋىن جاسامپازدىقپەن مىقتى يگەرۋ كەرەك.

ٴيۇسۇپجان مامەت، ۋاڭ گاڭ قاتارلىلار تەكسەرۋ ـ زەرتتەۋگە قاتىناستى.