”دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ’العاشقى قادامدا ـ اق ۇمتىلۋ‘ سىندى ەكپىندەي ىلگەرىلەۋ كۇيىن ساقتاپ، ناقتى ىستەۋدى ماڭداي الدى ورىنعا قويىپ، بەلسەنە ىسكەرلىك كورسەتىپ، شىندىقتى ٴىس جۇزىنەن ىزدەپ، شىندىققا جۇگىنىپ ناقتى ٴىس ىستەپ، ٴتۇرلى ىستەردە تىڭ دا اناعۇرلىم زور ونىمدىلىكتەرگە قول جەتكىزۋدى ىلگەرىلەتۋ كەرەك“. كوكتەم مەرەكەسى كەزىندە اۆتونوميالى رايوندىق پارتكومنىڭ نەگىزگى باسشىلارى التاي ايماعىندا تەكسەرۋ ـ زەرتتەۋ جۇرگىزىپ، ”العاشقى قادامدا ـ اق ۇمتىلۋ“ سىندى جاندى مىسال كەلتىرىپ، بۇكىل رايوننىڭ جوعارىدان تومەنگە دەيىن جىل باسىنداعى ٴتۇيىندى قىزمەتتەردى ويداعىداي ىستەۋىنە جەتەكشىلىك ەتتى، تالاپ قويدى.

ۇمتىلۋ _ جاسقانباي العا تارتاتىن بەينە، ول ايانباي العا ىلگەرىلەۋ سىندى قايرات ـ جىگەردى جەتكىزەدى. مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، جوعارى ساپالى دامۋ سىندى ماڭداي الدى مىندەتتى مىقتى يگەرىپ، شينجياڭ قىزمەتىنىڭ اۋىر سالماعىن ارقالاۋدا، ٴسوزسىز، كۇتىپ تۇرۋعا بولمايتىن، باياۋلاتۋعا بولمايتىن، بايىزداپ وتىرۋعا بولمايتىن كوكەي تەستىلىك سەزىممەن، جاۋاپكەرشىلىك سەزىممەن العاشقى قادامدا ـ اق ۇمتىلۋ كەرەك.

العاشقى قادامدا ـ اق ۇمتىلۋدا جوسپار جاساعان زامان ارەكەتكە كەلىپ، ٴتۇيىندى قىزمەتتەردى، كەلەلى كاسىپ سالالارىن، ماڭىزدى نىسانداردى كوزدەپ دالمە ـ ٴدال كۇش سالىپ، نىسانداردىڭ تەز ارادا وندىرىسكە قوسىلىپ، ونىمدىلىك بەرۋىن ىلگەرىلەتىپ، جوعارى ساپالى دامۋدىڭ كۇشتى قوزعالىس قۋاتىن سومداۋ كەرەك، جان ـ جاققا جالتاڭداۋعا، ەكى ۇدايى بولۋعا، سىلبىرلىققا سالىنۋعا، ورايدى قولدان جىبەرىپ قويۋعا بولمايدى.

العاشقى قادامدا ـ اق ۇمتىلۋدا ىستەۋدى ماڭداي الدى ورىنعا قويىپ، شىندىقتى ٴىس جۇزىنەن ىزدەۋ، شىندىققا جۇگىنىپ ناقتى ٴىس ىستەۋ سىندى قىزمەت پوزيتسياسىمەن ىرىقتىلىقپەن كۇش سالىپ، قىزمەت ستيلىنە بۇرىلىس جاساۋ، كۇشتى شوعىرلاندىرا وتىرىپ ٴىس تىندىرىپ ناتيجە شىعارۋ جاعىندا اناعۇرلىم زور ىسكەرلىك كورسەتۋ كەرەك، قۇر سوزبەن قۋىرداق قۋىرىپ، ٴۇستى ـ ۇستىنە توپەلەي بەرىپ، كادرلاردىڭ، بۇقارانىڭ ىقىلاسى مەن جىگەر ـ قايراتىن تەككە جىبەرۋگە بولمايدى.

العاشقى قادامدا ـ اق ۇمتىلۋدا شەشۋشى شايقاستىڭ شەشۋشى جەڭىسىنە قول جەتكىزىپ، تاۋ جولىقسا جول اشاتىن، سۋ جولىقسا كوپىر سالاتىن باتىلدىقپەن شوعىرلى كۇش سالىپ، ولقى سالالاردا جەدەل قامال الىپ، باسىمدىققا يە سالالاردى زورايتۋ، الۋەتتەندىرۋ كەرەك، ىلگەرىلەمەي تايساقتاۋعا، قيىنشىلىققا تاپ بولعاندا ”اينالىپ وتۋگە“، ”ۇمتىلۋدىڭ“ بەتالىسىنان جانە مانىنەن اداسۋعا بولمايدى.

اعىلسا تايتالاسا جۇزدەپ كەمە، قۇلشىنعان العا شىعار جۇرە كەلە؛ باسەكەمەن جەلكەن جايسا مىڭداپ كەمە، ەرلىكپەن العا باسقان جەتەر جەڭىسكە. كوكتەم مەرەكەسىنىڭ جاندى دا جالىندى تىرشىلىك تىنىسىندا تاماشا ٴساتتى قولدان بەرمەي، جاقسى باستاما اشىپ، جاقسى قادام تاستاپ، ەكپىندەي ىلگەرىلەۋ جولىنداعى ٴاربىر كۇندى، ٴاربىر مينۋتتى، ٴاربىر سەكۋندتى ويداعىداي باسىپ، ٴتۇرلى قىزمەتتە ۇزدىكسىز تىڭ ساتىعا قادام تاستاۋدى ىلگەرىلەتەيىك.

(”جياڭ شياۋيان“ ماقالا جولداۋ پوچتا ساندىعى: xjrbplb@126 .com)