باتىس بولىك جوسپارى بويىنشا شينجياڭنىڭ جوعارى ساپالى دامۋىنا دەم بەرۋ پىكىرى شىعارىلدى

اناعۇرلىم كوپ ۇزدىك جاس دارىندىنى شينجياڭعا كەلىپ قىزمەت وتەۋگە تاڭداۋ كەرەك

انار بۇلت \ شينجياڭ گازەتىنىڭ ٴتىلشىسى يان شياۋتيان 3 ـ ايدىڭ 15 ـ كۇنى ۇرىمجىدەن حابارلايدى. تاياۋدا كوممۋنيستىك جاستار وداعى ورتالىق كوميتەتى، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى «جاڭا ٴداۋىردىڭ جاڭا جورىعىنداعى جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارى قىزمەتىن كۇشەيتىپ، شينجياڭنىڭ جوعارى ساپالى دامۋىنا دەم بەرۋ جونىندەگى پىكىردى» بىرلەسىپ باسىپ تاراتتى، مۇنداعى ماقسات: باتىس بولىك جوسپارىنىڭ ساياسي ينجەنەريا، ۇلتتار ىنتىماعى ينجەنەرياسى، دارىندى ينجەنەرياسى، حالىق تۇرمىسى ينجەنەرياسى جانە وتاندى قورعاپ شەكارانى كۇزەتۋ ينجەنەرياسى رولىن اناعۇرلىم ويداعىداي ساۋلەلەندىرىپ، شينجياڭنىڭ دامۋىنا اناعۇرلىم ويداعىداي دەم بەرۋ.

«پىكىردە» مىنالار اتاپ كورسەتىلدى: باتىس بولىك جوسپارىنىڭ شينجياڭدا اتقارىلۋ كولەمىن ورنىقتى قاداممەن كەڭەيتىپ، شينجياڭنىڭ جاس دارىندىلار قاجەتىنە اناعۇرلىم ويداعىداي قىزمەت وتەپ، ”جوعارى مەن تومەن بىرلەسىپ قيمىلداۋ“، ”شىعىس پەن باتىس اۋىس ـ كۇيىس جاساۋ“، ”باعىتتامالى قابىلداۋ“، ”سەلبەسىپ باۋلۋ“ سياقتى قىزمەت مەحانيزمىن اقاۋسىزداندىرىپ، كەمەلدەندىرىپ، ۇگىتتى، اتتانىسقا كەلتىرۋدى ويداعىداي ىستەپ، اناعۇرلىم كوپ ۇزدىك جاس دارىندىلاردى شينجياڭعا كەلىپ قىزمەت وتەۋگە تاڭداۋ كەرەك.

«پىكىردە» مىنالار باسا دارىپتەلدى: باتىس بولىك جوسپارىنىڭ شينجياڭداعى نىسانىن اتقارۋدا جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ تىعىز ارقاۋ ەتۋ كەرەك؛ باتىس بولىك جوسپارىن اۆتونوميالى رايوننىڭ جانە بيڭتۋاننىڭ ەكونوميكالىق، قوعامدىق دامۋ جوباسىنا ەنگىزىپ، نازاردى جۇڭحۋا ۇلتى ورتاق تۇلعا تانىمىن بەكەمدەۋ قىزمەت نەگىزگى جەلىسىنە شوعىرلاندىرىپ، ەرىكتى قىزمەت وتەۋ قىزمەت ورنىن بەلسەنە اشىپ، نىسان جوباسىن جانە ەرىكتىلەردى تاڭداپ جىبەرۋدى كۇشەيتىپ، ەكونوميكالىق قوعامدىق دامۋعا، نەگىزگى ساتى قوعامىن باسقارۋعا اناعۇرلىم ويداعىداي قىزمەت وتەۋ، شەكارانى ورنىقتىرۋعا، شەكارانى بەكەمدەۋگە، شەكارانى گۇلدەندىرىپ حالىقتى بايىتۋعا اناعۇرلىم ويداعىداي قىزمەت وتەۋ كەرەك.

«پىكىردە» مىنالار العا قويىلدى: كوممۋنيستىك جاستار وداعى ورتالىق كوميتەتىنىڭ ٴارقايسى تاراۋلارى، ورىندارى جانە ٴارقايسى ولكە دارەجەلى وداق كوميتەتتەرى بىرگە ات سالىسىپ، سايكەسە كۇش سالىپ، باتىس بولىك جوسپارىنىڭ جوعارى ساپالى دامۋىن بىرگە جەبەيتىن تاماشا جاعداي قالىپتاستىرۋ كەرەك. اۆتونوميالى رايونداعى جانە بيڭتۋانداعى ٴار دارەجەلى پارتكومدار ۇيىمدىق باسشىلىقتى كۇشەيتىپ، ٴار دارەجەلى كوممۋنيستىك جاستار وداعى ۇيىمدارىنىڭ باتىس بولىك جوسپارى قىزمەتىن جوعارى ساپالى اتقارۋىنا قولداۋ كورسەتۋى كەرەك. ەرىكتىلەردى تاربيەلەۋ، باۋلۋ، قىزمەت وتەۋ، قامتاماسىز ەتۋ، كوڭىل ٴبولۋ، مەيىر باعىشتاۋ جانە باعالاۋ، ىنتالاندىرۋ سياقتى قىزمەتتەردى ويداعىداي ىستەۋ كەرەك.

«پىكىردە» مىنالار تالاپ ەتىلدى: اۆتونوميالى رايونداعى جانە بيڭتۋانداعى ٴار دارەجەلى پارتكومدار باۋراۋ قۋاتى كۇشتى ىنتالاندىرۋ ساياساتىن بەلسەنە شىعارىپ، پارتيا، ۇكىمەت ورگاندارىنىڭ، ٴىسورىندارىنىڭ باتىس بولىك جوسپارى ەرىكتىلەرىن باعىتتامالى قابىلداۋ قىزمەت سەرپىنىن كۇشەيتۋى كەرەك. شينجياڭدا قىزمەت وتەۋ مەرزىمى تولعان، باعالاۋدا تولىمدى بولعان ەرىكتىلەردى نەگىزگى ساتى ٴىسورىندارىنا قىزمەتكە قابىلداۋ سەرپىنىن كۇشەيتۋ كەرەك. شينجياڭداعى ورتالىق كاسىپورىندارىنىڭ، جەرگىلىكتى ورىنداعى مەملەكەت مەنشىگىندەگى كاسىپورىنداردىڭ ەرىكتىلەرگە باعىتتالعان جۇمىس ورنىن ازىرلەۋىن بەلسەنە سايكەستىرىپ، ادامدى الىپ قالۋ ارناسىن كەڭەيتۋ كەرەك.